تغيير زيت فتيس الماروتى - معلومات لإفادتنا

[mesaharaty]

-
-
-
-
-
-
-
فيه حد غير زيت فتيس للماروتى قبل كده ؟ أحسن نوع إيه ؟ إزاى بيتم التغيير ؟ يعنى هل سهل الوصول لطبة زيت الفتيس من تحت العربية ولا فيه حاجة بتتفك قبليها ومين من الصنايعية إللى بيتم تغيير الزيت بتاع الفتيس عنده ؟ هل هو نفس الراجل اللى بنغير عنده زيت الموتور العادى ؟
معلش اعذرونى فى الأسئلة دى ؟
أصل أنا بابقى نمكى شوية لما باجى اعمل أى حاجة فى العربية ؟

أرجو الرد من أخوتى الأعزاء
مع جزيل الشكر للجميع

[Amr Axel]

قبل اي تغيير زيت للفتيس شوفت الموضوع ده

http://www.nilemotors.net/Nile/225059-a.html

الانواع : شل \ ايسو \ كالتكس \ التعاون \ موبيل - مع ان موبيل دلوقتي مبقاش مريحيني كزيت موتور :(

و خلي بالك زيت الفتيس فيه لزوجة 90 و فيه لزوجة 140
الـ90 ده العادي اللي بيتحط اما الــ140 فده اتقل و بيتحط للفتيس في حالات معينة يعني الفتيس يكون خلاص فيه بوش و بيجيب اخره او قديم و الـ140 لو اتحط ع فتيس جديد و سليم بيقصرعمره

و بالنسبة الجيركن لو هتجيبه من عند واحد عادي حاجة من الاتنين ياما هو بيحاسبك ع الكمية اللي الفتيس اخدها يا اما انت بتشتري الجيركن و بتخليه عندك ع حسب المحل فيه ناس بتوافق و ناس لأ
اما في البنزينات بتشتري الجيركن كله و الأفضل انك تجيب من بنزينة الزيت اللي هتشتريه

تغيير الزيت بيتم انه بيفك الطبة و ينزل الزيت و بعدين يملي زي تغيير زيت الموتور
اللي بيغيرها هو برده اللي بيغير زيت الموتور

بالتوفيق ان شاء الله

[mesaharaty]

جزاك الله كل خير
وطبعا موضوع الإسطوانة البرتقالى ده خلاص بح بقى طالما زيت الفتيس بيتباع فى عبوة لوحده ومبين عليها اللزوجة يبقى ليه بقى نجازف مع بتوع الزيوت العشوائيين دول
الحل الأنسب : تشترى عبوة الزيت - تتوجه لأى حد بتاع زيت يغير وياخد اللى فيه النصيب

[dr.hazem]

http://www.nilemotors.net/Nile/254615-a.html