ملاحظات بعد 5000 على الماروتى و سخونة مش عالية بس فوق العادة

[bambino]

السلام عليكم

دى ملاحظاتى على الماروتى بعد 5000

- العربية زيرو محتاجة ترصيص. قبل الترصيص بتبقى ثابتة أكتر على السرعات العالية و بعديه أخف.
- مش عارف ليه حسيت إن صوت الموتور أعلى سنة بعد تغيير زيت الألف.
- ضغط الكاوتش 27 و بيتملى 28 عشان مطبات مصر و بيقل يوميا بمعدل درجتين.

بالنسبة للسخونة: الموضوع ده لاحظته بس قريب. لقيت المؤشر بيوصل للنص - يعنى بيعمل عامود واقف 90 درجة و بعدين يرجع تانى ينزل. المروحة شغالة كويس الحمد لله و إلا مكنش ينزل بس هوه مكنش عمره بيعلى للنص تماما كده قبلها...كان دايما بيبقى فيه فرق بينه و بين النص و لو حتى مللى واحد.

فيه حاجة أنا خايف منها...كنت بوصل واحد صاحبى و مستعجل عشان يلحق أتوبيس..ماشى على 80 -90 فى شارع فاضى و واسع و هديت مرة واحدة لأنى عديت الشارع الجانبى اللى هوه عايزه
رجعت بضهرى بعد ما وقفت علطول و ساعتها شميت ريحة شياط خفيفة.

هل ده معناه إنى استعجلت فى الغيار و ده عمل خبطة فى التروس و عمل ريحة الشياط؟ و لا أنا بس متهيئلى؟

طيب سؤال تانى: هل لو حصل خبطة فى التروس و عملت مثلا رايش يكون ده سبب فى زيادة السخونية اللى أنا ملاحظها؟

برضه أخدت خبطة خفيفة فى بلاعة فى شارع التسعين و الحمد لله معملتش حاجة (أخدتها فى وسط العربية من تحت)- بصيت عليها بنفسى و أنا بغير زيت...هل ممكن يكون ليها تأثير؟ هل هزت حاجة ... أثرت على حساس الحرارة؟

أنا برضه لسه مغير زيت النهاردة و السخونية زى ما هيه أعلى من المعدل..أنا كل يوم بظبط ضغط الكاوتش و كنت ساعتها كل يوم ببص على المؤشر..كان دايما فيه فرق بين المؤشر و علامة النص...إيه ممكن يكون اتغير؟
نسيت أقول ...المية مستواها كويس فى الاحتياطى فوق الحد الأدنى بمسافة
جزاكم الله كل خير

[bambino]

نسيت أقول ...المية مستواها كويس فى الاحتياطى فوق الحد الأدنى بمسافة

[alking_2006]

السلام عليكم

- موضوع ان صوت الموتور على سنة فدا ممكن علشان هما حطوا زيت درجة لزوجته قليلة (تخليقى) زى موبيل
- موضوع ان الكاوتش بيقل يوميا بمعدل درجتين فدا مش طبيعى و حاول تكشف على الكاوتش عند اى محل "موثوق فيه"
- بالنسبة للسخونة المهم ان المؤشر ميعديش النص و انك تكشف بصورة دورية على الميه و ان الميه متكونش بتنقص
- ريحة الشياط دى نتيجة انك دوست فرامل جامد اوى فدى ريحة تيل الفرامل و دا مفيش منه مشكلة بس حاول على قد ما تقدر تقلل الفرامل المفاجئة الا اذا اضطرتك الظروف و ذلك للحفاظ على تيل الفرامل اما خبطة التروس فدى مش بتشمها دى بتسمعها صوت تروس بتحك فى بعض
- الخبطة فى نص العربية دا لو العربية اتحكت من تحت فاول حاجة تأثر فيها هيا كارتيرة الزيت و طبة الزيت فأنتا بص على مؤشر الزيت بصفه دورية و أتاكد انو مش بينقص

- سؤال بقى انتا بتحط زيت ايه؟ و اللى بيقعد كام كيلو

[bambino]

بالنسبة للكاوتش مش بسيبه اكتر من يومين و فيهم بينقص ٣ درجات و الزيت كنت حاطط موبيل تخليقى ١٠٠٠٠ و ده عند ١٧٠٠ كيلو و غيرته النهارده بزيت وطنية ٥٠٠٠ عند ٥٨٠٠ كيلو

[وائل شويخ]

باشا

عمر التروس ما تعمل ريحه شياط
الريحه دى من الفرامل او الكاوتش

والأخ alking_2006 جابلك من الأخر

ونصيحه منى ليك
متركزش أوى لان عربيات السوزكى بصفه عامه بحالات

[Amr Axel]

الزتونة بتاعت القصة ديه كلها في الجملة ديه

متركزش أوى لان عربيات السوزكى بصفه عامه بحالات

ههههههههه متستغربش لكن ديه الحقيقة ابقي تابع العربية هتلاقي اليوم اللي انت نازل مقريف فيه و زهقان العربية مش عايزة تمشي و شوف يوم رايق و فايق هتلاقي العربية ديه طيارة
شوف ساعة لما تبقي محتاج تحط بنزين و مش لاقي بزينة هتلاقي المؤشر اترفع و العربية كأن العربية فيها 10 لتر
و غيره من المواقف و اللي كلنا اجمعنا عليها هههههه

بخصوص العربيةelking_2006 جابلك من الاخر
ريحة الشياط غالبا من دوسة الفرامل و الكاوتش اما الاحتمال الاخر و مستبعد طبعا لأن العربية لسه 5000 هي اسطوانة الدبرياج

بخصوص السخونية ممكن يكون السبب في الزيت و نوعيته
الزيت اللي حطيته لزوجته ايه ؟؟
ع سبيل المثال لما كنت بحط موبيل في الأول كان المروحة كل شوية تشتغل سحب العربية ضايع و بتاكل بنزين و الزيت مية طبعا و صوت موتور عالي
انا بصراحة مجربتش وطنية عشان احكم عليه لكن جرب التغييرة الجاية فيسكو 3000 ( اسمه كده ) او شيل الاصفر و شوف الأفضل و اللي العربية ارتاحت معاه

[alking_2006]

بصراحة شل الأصفر ناس كتير بتشكر فيه
لكن موبيل التخليقى مع تكنولوجيا قديمة زى ماتور الماروتى مش دا الحل الأمثل

يا ريت لما تغير نوعية الزيت تبقى تحكيلنا تجربتك

[MEGO802]

سؤال يا جماعة
هو شيل الاصفر بيتغير عند كام كيلو

[alking_2006]

سؤال يا جماعة
هو شيل الاصفر بيتغير عند كام كيلو

5000

[MEGO802]

ممممممممممم
تمام

[bondok20002002]

شل الأصفر أو الأحمر كل 2000 كيلو ده بيريح العربية قوى وبيخلى صوتها كويس وعن تجربة وبيتغير كل 1500 يعنى أنا بغيره تقريباً كل شهر ونص بــ 87 جنيه أما الحرارة طول ما المروحة شغالة متقلقش خالص بس حاول متقرصش عليها لانى سخونية القرص بتأثر على الحرارة وده عن تجربة
تحياتى

[MEGO802]

مش المفروض ان شل الاصفر يتغير كل 5000
امال ازاى كل 2000 كيلو

[dr.hazem]

السلام عليكم

دى ملاحظاتى على الماروتى بعد 5000

- العربية زيرو محتاجة ترصيص. قبل الترصيص بتبقى ثابتة أكتر على السرعات العالية و بعديه أخف.
- مش عارف ليه حسيت إن صوت الموتور أعلى سنة بعد تغيير زيت الألف.
- ضغط الكاوتش 27 و بيتملى 28 عشان مطبات مصر و بيقل يوميا بمعدل درجتين.

بالنسبة للسخونة: الموضوع ده لاحظته بس قريب. لقيت المؤشر بيوصل للنص - يعنى بيعمل عامود واقف 90 درجة و بعدين يرجع تانى ينزل. المروحة شغالة كويس الحمد لله و إلا مكنش ينزل بس هوه مكنش عمره بيعلى للنص تماما كده قبلها...كان دايما بيبقى فيه فرق بينه و بين النص و لو حتى مللى واحد.

فيه حاجة أنا خايف منها...كنت بوصل واحد صاحبى و مستعجل عشان يلحق أتوبيس..ماشى على 80 -90 فى شارع فاضى و واسع و هديت مرة واحدة لأنى عديت الشارع الجانبى اللى هوه عايزه
رجعت بضهرى بعد ما وقفت علطول و ساعتها شميت ريحة شياط خفيفة.

هل ده معناه إنى استعجلت فى الغيار و ده عمل خبطة فى التروس و عمل ريحة الشياط؟ و لا أنا بس متهيئلى؟

طيب سؤال تانى: هل لو حصل خبطة فى التروس و عملت مثلا رايش يكون ده سبب فى زيادة السخونية اللى أنا ملاحظها؟

برضه أخدت خبطة خفيفة فى بلاعة فى شارع التسعين و الحمد لله معملتش حاجة (أخدتها فى وسط العربية من تحت)- بصيت عليها بنفسى و أنا بغير زيت...هل ممكن يكون ليها تأثير؟ هل هزت حاجة ... أثرت على حساس الحرارة؟

أنا برضه لسه مغير زيت النهاردة و السخونية زى ما هيه أعلى من المعدل..أنا كل يوم بظبط ضغط الكاوتش و كنت ساعتها كل يوم ببص على المؤشر..كان دايما فيه فرق بين المؤشر و علامة النص...إيه ممكن يكون اتغير؟
نسيت أقول ...المية مستواها كويس فى الاحتياطى فوق الحد الأدنى بمسافة
جزاكم الله كل خير

العربية الزيرو بتحتاج طبعا ترصيص وأحياناً ظبط زوايا وطبعا رجلاش النور...

صوت الماتور ممكن يكون علي لو عملت الصيانه في التوكيل لانهم بيلعبو في الكهرباء بتاعة العربية ومع ناس علوها ومع ناس وطوها.... وده طبعا يخلي الحرارة أعلى والمروحه تشتغل كتير...
بالنسبه لضغط الكاوتش المفروض يتظبط عالبارد فقط وده أفضل طريقة للظبط.. تظبط على 27 وينزل كل أسبوعين درجه معقول انما نيتروجين المفروض مينزلش الا كل شهر عالاقل... غير كده عندك مشكله
اما عن السخونية اللي بتحكيها فلازم الاول نتعرف على الطبيعي بتاع العربيه...
الطبيعي ان العربية بتشتغل تحت السي.. تستناها 3 دقايق كده واول ميوصل السي يبقى كده العربية تمام تمشي شويه...
لو الطريق طوالي هتوصل ل80 ~85 وتثبت على كده طالما انك ماشي تحت ال100......
اما لو طريقك مش طوالي وبتمشي في الشوارع البطيئة فالطبيعي ان الحرارة هتوصل ل90 تقوم المروحه شغالة تنزل ل85 في نص دقيقة وتفصل وشويه تبقى 90 وتشتغل تاني وهكذا....
يعني اللي انت بتوصفه هو طبيعي للعربية لكن لو انت حاسس ان المروحه بتشتغل كتير او الحرارة على 90 علطول اتاكد ان اللي عمل صيانة الالف ملعبش في الكهرباء

باقي الاستفسارات الشباب قامو بالواجب :-)
تحياتي

Sent from my SE Arc S using Forum Runner

[alking_2006]

شل الأصفر أو الأحمر كل 2000 كيلو ده بيريح العربية قوى وبيخلى صوتها كويس وعن تجربة وبيتغير كل 1500 يعنى أنا بغيره تقريباً كل شهر ونص بــ 87 جنيه أما الحرارة طول ما المروحة شغالة متقلقش خالص بس حاول متقرصش عليها لانى سخونية القرص بتأثر على الحرارة وده عن تجربة
تحياتى

بس قليل اوى كل 1500 كيلو يا جميل

ممكن الواحد يعمل كدا فى شل الاحمر لأن شل الاحمر مخصص للمواتير القديمة و الخفيفة
لكن شل الاصفر قليل عليه 1500 كيلو

[bambino]

العربية الزيرو بتحتاج طبعا ترصيص وأحياناً ظبط زوايا وطبعا رجلاش النور...

صوت الماتور ممكن يكون علي لو عملت الصيانه في التوكيل لانهم بيلعبو في الكهرباء بتاعة العربية ومع ناس علوها ومع ناس وطوها.... وده طبعا يخلي الحرارة أعلى والمروحه تشتغل كتير...
بالنسبه لضغط الكاوتش المفروض يتظبط عالبارد فقط وده أفضل طريقة للظبط.. تظبط على 27 وينزل كل أسبوعين درجه معقول انما نيتروجين المفروض مينزلش الا كل شهر عالاقل... غير كده عندك مشكله
اما عن السخونية اللي بتحكيها فلازم الاول نتعرف على الطبيعي بتاع العربيه...
الطبيعي ان العربية بتشتغل تحت السي.. تستناها 3 دقايق كده واول ميوصل السي يبقى كده العربية تمام تمشي شويه...
لو الطريق طوالي هتوصل ل80 ~85 وتثبت على كده طالما انك ماشي تحت ال100......
اما لو طريقك مش طوالي وبتمشي في الشوارع البطيئة فالطبيعي ان الحرارة هتوصل ل90 تقوم المروحه شغالة تنزل ل85 في نص دقيقة وتفصل وشويه تبقى 90 وتشتغل تاني وهكذا....
يعني اللي انت بتوصفه هو طبيعي للعربية لكن لو انت حاسس ان المروحه بتشتغل كتير او الحرارة على 90 علطول اتاكد ان اللي عمل صيانة الالف ملعبش في الكهرباء

باقي الاستفسارات الشباب قامو بالواجب :-)
تحياتي

sent from my se arc s using forum runner

متشكر جدا لحضرتك و ردك المفصل .. الحرارة بتعلى و توطى عادى...على الأقل النهاردة كانت قريبة للطبيعى أكتر - مع العلم إنى غيرت يدوب امبارح و مشيت 25 كيلو بس مسافة الطريق

ضغط الكاوتش أقرب بنزينة ليه على بعد 2 كيلو و نص ...يعنى الكاوتش لازم يسخن و لو شوية...لما بسيبه يومين بس بينزل أحيانا 24 و أحيانا 23 و من ساعتها بقيت أظبطه على 28 بدل 27 و بينزل فى يومين لحد 25...الكلام ده على مقياس بنزينة الرحاب

زيت وطنية اللى حطيته 20-50 و هوه غامق و حسيت بعديه إن صوت العربية نزل شوية و بقى أقرب لصوتها و هيه زيرو...على فكرة الزيت لونه غامق (أحمر)

الكهربا معرفش حد لعب فيها و لا لأ...أنا كنت راكن قدام مخزن فى المنوفية اتضح إن صاحبه واحد دماغه على قده و أنا مكنتش أعرف إن عنده موتوسيكل بيطلع و يدخل بيه هناك...خلانا بالليل نايمين و قام ماسك المساحة الخلفية بارمها زى الفتلة...بلطجى و متخلف
غيرتها بواحدة مش أصلية من أحمد حلمى ب 10 جنيه - الدراع بس - و طلعت أطول من الأصلية و بتطلع فوق الإفريز الكاوتش بس أهى شغالة و الحمد لله
بس قبل ماروح أحمد حلمى كنت عديت عالتوكيل و ملقتش المساحة و قاموا بالمرة كاشفين عليها "صيانة 5000" ... يمكن حد فيهم عمل حاجة ساعتها و الله أعلم
عموما يبقى همه كده علوها و لا وطوها؟ مع العلم إن لسه العربية بتعمل أحيانا الرجرجة - كام بستم زيادة :) - بتاعتها لما أطفى الموتور

هوه الحاجة اللى أنا شاكك فيها فعلا هيه نصيحة والدى - ربنا يديله الصحة و طولة العمر - قاللى 10000 مش 10000 هوه الزيت يتغير كل 3000 كيلو أو 3 شهور أيهما أسبق و متزودش على 3000 أبدا و لا حتى بكيلو واحد

شكرا لكم جميعا و جزاكم الله خيرا