عملت حدثة بالعربيةوربنا نجانى وعاوزمساعدتك

[احمد1111]

فى البداية اشكر كل من دخل الموضوع
ثانيا احب اختصرلكو الموضوع فى انى عملت حدثة بعربيتى السوزوكى ماروتى نتيجة لحادث تصادم مع عربية نصف نقل وش فى وش زى مابيقولو المهم نتج عن كده انى عملت عملية فى الركبة وانا دقتى بعمل علاج طبيعى ثانيا العربية اتبهدلت
المهم بعد مابدقت امشى على رجلى رحت لكذا سمكرى كلهم قالو العربية دى عوزة صقف وباب ونصف امامى بالعفشة وممكن نغير الفتيس المهم كلهم مش صدقين فى حوار تكلفة الكلية للعربية المهم انا هوريكو صورة العربية بعد الحدثة وانتو قلولى اعمل ايه اصلح ولا ابيع على حلتها كده ولا اصلح وابيع ولا اصلح واركب بصراحة محتار جامد جدا وخصوصة انى صرفت كتير فى حوار العملية ده ومش مستحمل اى خسارة
وياريت لوحد يعرف لو هتباع هتباع بكام او تكلفة تصلحا كام

http://im24.gulfup.com/Cjut1.jpg

http://im24.gulfup.com/A3zm2.jpg

[احمد1111]

عملت حدثة بالماروتى وربنا نجانى وعاوز مساعدكم

فى البداية اشكر كل من دخل الموضوع
ثانيا احب اختصرلكو الموضوع فى انى عملت حدثة بعربيتى السوزوكى ماروتى نتيجة لحادث تصادم مع عربية نصف نقل وش فى وش زى مابيقولو المهم نتج عن كده انى عملت عملية فى الركبة وانا دقتى بعمل علاج طبيعى ثانيا العربية اتبهدلت
المهم بعد مابدقت امشى على رجلى رحت لكذا سمكرى كلهم قالو العربية دى عوزة صقف وباب ونصف امامى بالعفشة وممكن نغير الفتيس المهم كلهم مش صدقين فى حوار تكلفة الكلية للعربية المهم انا هوريكو صورة العربية بعد الحدثة وانتو قلولى اعمل ايه اصلح ولا ابيع على حلتها كده ولا اصلح وابيع ولا اصلح واركب بصراحة محتار جامد جدا وخصوصة انى صرفت كتير فى حوار العملية ده ومش مستحمل اى خسارة
وياريت لوحد يعرف لو هتباع هتباع بكام او تكلفة تصلحا كام

http://im24.gulfup.com/Cjut1.jpg

http://im24.gulfup.com/A3zm2.jpg

[احمد1111]

وياريت لوحد يعرف لو هتباع هتباع بكام او تكلفة تصلحا كام

[mostafa3000]

الف سلامة لك وقدر اللة وما شاء فعل
واعتقد الافضل هو البيع

[max100x]

حمدلله علي سلامتك يا استاذ احمد و اشكر ربنا انه نجاك من حادث زي ده... بجد العربيه متبهدله و هتصرف عليك كتير علشان تصليحها خصوصا ان القايم الشمال متبهدل جدا و حتي لو اتصلح مش هيرجع العربية زي ما كانت.

نصيحه مني .... بيع و توكل علي الله

[monamize4]

ألف سلامة ع حضرتك

[meeg]

حمدا لله على سلامتك
وقدر الله وماشاء فعل
ربنا يشفيك ويعفيك ان شاء الله
من رايى بيعها زى ما هيا وزى ما تجيب
ربنا يكتبلك الخير والصالح

[احمد1111]

حضرتك لوهتباع تبقى فىحدود كام كده مع العلم انها موديل 2002
والف شكر على مرور حضرتك

[احمد1111]

الف شكر لمرور حضرتكو بس ممكن اعرف ممكن تجبلى كام مع العلم انها موديل 2002

[dr.hazem]

لا حول ولا قوة الا بالله
ألف الحمد لله على السلامه والحمد لله انك طلعت ناجي من الحادثه دي ....
الحقيقه العربية مهما عملتها ومهما تعبت عليها هتكلفك جامد جدا....
يعني لو هنقدر التكاليف
السقف بيتباع ب 450 جنيه تقريبا
الرفرفين + الباب هيكلفو 400 + 350 = 750 تقريبا...
قوايم الواحد ب 150
الراديتير 200
وشايف انك مركب تكييف واكيد هتحتاج سربنتينه ومعرفش سعرها للاسف...

بالنسبه للفتيس والمكنه مش عارف حصلهم حاجه ولا لا بس عموما هو تمن الفتيس والمكنه في بور سعيد على ما سمعت من 2000 - 2500 جنيه

الشنب الامامي كمان 100

واكيد عالاقل في فردة شاصيه اماميه شمال ودي معرفش هتنفع تترد ولا تتقص وتتغير ومعرفش تكلفتها

من الآخر كده الموضوع مكلف للاسف غير الدهان ومن جوه الشغل اللي فيها والقزاز

فرأيي تستعوض ربنا وتبيعها على حالتها لان مهما عملت مش هترجع وكان ابن خالتي اتقلبت العربية بيه ومحصلش عنده كميه الاضرار دي وصرف على العربية اكتر من 6 آلاف جنيه والعربية مرجعتش ابدا وباعها بخساره كبيره وبجد خسر جامد....

رايي تبيعها عالوضع ده وممكن تجيبلك من 8-11 ألف علما بانها لو اتصلحت ومهما كان التصليح مش هيزيد تمنها عن 16 ألف

آسف اني بصدمك بس انا بحطك في الصوره والواقع ومش عايزك تزعل انت بس افتكر انك الحمد لله طلعت بالسلامه من المنظر ده وان شاء الله ربنا حيهونها عليك....


تحياتي

[Dr.Rayyan]

الف حمد لله على سلامتك يا استاذ احمد وقدر الله و ماشاء فعل
العربيه صراحه متبهدله واى تصليح فيها هيكلف مبلغ مش قليل فنصيحه تتباع على حالتها احسن ما تتشد وتيجى تبيع ما تعرفش تمسك فلوس

[dr.hazem]

تم الرد عالموضوع التاني مع العلم ان قوانين المنتدى تمنع تكرار الموضوع في اكثر من قسم...
تحياتي

[احمد1111]

الف شكر لحضرتك على مرورك الكريم بس انا اعتقد انها ممكن تباع اقل من كده بكتير بس ياريت حضرتك لو تعرف تاجر او من الى بيشترو حوادث تدينى رقمه اكون شاكر ليك

[eng.m7md.ali]

الحمد لله انك سليم وقدر الله وماشاء فعل

انا رأيي من رأي الزملاء انك تبيعها على حالتها دي

[micromoud]

الف سلامه عليك ياباشا صدقنى انا لو مكانك عمرى ما افكر اركبها تانى ولا اصرف عليها ولا مليم حتى بيع ياباشا ولو حتى بخسارة واحمد ربنا على كده :)