عملت حدثة بالعربيةوربنا نجانى وعاوزمساعدتك

[amrelsaqqa]

حمد لله على سلامتك
البيع افضل ، لانك هتصرف جامد ، وفي الاخر العربية برضه عاملة حادثة وهتتباع برخص التراب بعد كدة لانها مش سليمة دواخل واساسيات وكمان العربيات دى ضعيفة ومش بترجع زي الاول ابدا ، ده غير ان مش هيجيلك نفس تركبها تانى وهتتعقد منها
استعوض ربنا وبيع احسن
وربنا يعوض عليك وحمد لله على سلامتك مرة تانية

[S O P H O S]

الف حمد الله علي سلامتك
ربنا يعوضك خير عنها ..

[dr.hazem]

الف شكر لحضرتك على مرورك الكريم بس انا اعتقد انها ممكن تباع اقل من كده بكتير بس ياريت حضرتك لو تعرف تاجر او من الى بيشترو حوادث تدينى رقمه اكون شاكر ليك

أسأل رامي بتاع قطع الغيار لو هوا مش هياخدها ممكن يدلك عاللي ياخدها والسمكريه كتير بياخدو عربيات حوادث...
انا مخدتش بالي انها 2002 وكده فعلا سعرها من 5-8 للأسف....
تحياتي

Sent from my SE Arc S using Forum Runner

[Ahmed salamaa]

الف سلامة علي حضرتك و الافضل تبيعها

[احمد1111]

الف شكر لمساعدتكم ليا بجد بس ممكن اتقل عليكم شوية وحد يقولى ازاى اوصل للى يشترى منى العربية

[waelgam2005]

لا حول ولا قوة الا بالله
ألف الحمد لله على السلامه والحمد لله انك طلعت ناجي من الحادثه دي ....
الحقيقه العربية مهما عملتها ومهما تعبت عليها هتكلفك جامد جدا....
يعني لو هنقدر التكاليف
السقف بيتباع ب 450 جنيه تقريبا
الرفرفين + الباب هيكلفو 400 + 350 = 750 تقريبا...
قوايم الواحد ب 150
الراديتير 200
وشايف انك مركب تكييف واكيد هتحتاج سربنتينه ومعرفش سعرها للاسف...

بالنسبه للفتيس والمكنه مش عارف حصلهم حاجه ولا لا بس عموما هو تمن الفتيس والمكنه في بور سعيد على ما سمعت من 2000 - 2500 جنيه

الشنب الامامي كمان 100

واكيد عالاقل في فردة شاصيه اماميه شمال ودي معرفش هتنفع تترد ولا تتقص وتتغير ومعرفش تكلفتها

من الآخر كده الموضوع مكلف للاسف غير الدهان ومن جوه الشغل اللي فيها والقزاز

فرأيي تستعوض ربنا وتبيعها على حالتها لان مهما عملت مش هترجع وكان ابن خالتي اتقلبت العربية بيه ومحصلش عنده كميه الاضرار دي وصرف على العربية اكتر من 6 آلاف جنيه والعربية مرجعتش ابدا وباعها بخساره كبيره وبجد خسر جامد....

رايي تبيعها عالوضع ده وممكن تجيبلك من 8-11 ألف علما بانها لو اتصلحت ومهما كان التصليح مش هيزيد تمنها عن 16 ألف

آسف اني بصدمك بس انا بحطك في الصوره والواقع ومش عايزك تزعل انت بس افتكر انك الحمد لله طلعت بالسلامه من المنظر ده وان شاء الله ربنا حيهونها عليك....


تحياتي

الف حمدالله على سلامتك وفى دهيه العربية فداك مليون عربية اهم حاجه حياتك
وانا مع كلام دكتور حازم بكل حرف فيه
وانا رائى تبيع على حالتها كدا ولو اى رقم بعد 10 الاف يبقى حلو اوى

[egyptiandiver]

الله أكبر! احمد ربنا على النجاه.... إدبح حاجة لله و ربنا يحفظنا و يحفظك - رايي تبيعها عالوضع ده

[Amr Axel]

لا حول و لا قوة الا بالله
الف سلامة عليك يا باشا و الحمد لله انك بقيت كويس
بخصوص العربية لو فكرت تصلح و قولنا هتحاول تلم الدنيا هتعمل حسابك في حوالي 6 الاف بالتقريب
بخصوص البيع مقدرش افيدك فيه لأنها بتعتمد ممكن واحد يقولك 5 الاف و ممكن واحد يقولك 7 الاف
عامة شوف شغل الميكانيكا و الكهربا و اي حاجة هتدخل في حوالي كام بالظبط عشان ترجع العربية كويسة
و شوف لو هتبيع العربية حوادث بكام مع كذا واحد و شوف الأفضل لك و اللي يناسبك

لكن رايي الشخصي انسي العربية ديه و بيعها ع وضعها

[walidzakzok]

لو صلحتها عمرها ما هاتبقى مظبوطة

لو بعتها على حالتها التجار هايتكلموا فى 5000

[احمد1111]

الف شكر ليكو بجد بجد نورتلى طريقى

[alking_2006]

الف الف حمدلله على سلامتك
مش مهم العربية و لا الفلوس المهم انك الحمد لله طلعت منها على خير
نصيحة فعلا بيعها و متفكرش تصلحها علشان فعلا الماروتى عمرها ما بترجع زى الاول لأن صاجها و الشاسية بتاعها ضعيف

[mesaharaty]

اولا ألف سلامة على حضرتك وربنا يتم شفاك
أنا أتفق مع رأى الزملاء فى بيع العربية على حالتها
يبقى بيعها وماتزعلش على خسارة تيجى فى الحديد أبدا ... المهم إنك بخير وربنا يعوضك بأحسن منها إن شاء الله

[mohamedrabia]

قدر الله وما شاء فعل الحمد لله انك بخير والف سلامة عليك

[ahma8]

يا عم المهم انت بخير و الحمد لله
المهم الواحد يا عم و الف سلامة
من رايى انك تبيعها

[pop man]

ياساتر يارب الحمد لله على سلامتك وولا تزعل نفسك ربنا يكرمك وتجيب الاحسن منها ويعوضك يارب
بيعها بأى حاجه وتوكل على الله وقول الحمد لله وهتتعوض اكيد