مميزات وعيوب الفيتارا 2باب

[ERCO]

السلام عليكم ورحمة الله وبركاته
كنت عاوزة اسأل عن الفيتارا موديل 2000 حتى 2004 الاتوماتيك 2باب
من ناحية المزايا والعيوب علشان عاوزة اشتريها وخايفة تكون كثيرة الاعطال وكمان انا اخترت النوع دة عشان يابانى وعالى عن الارض ولسة جديدة فى السواقة قلت اجيبها امشى بيها سنتين الاول فهل هى سيارة مريحة ولا بيها مشاكل ارجو الافادة

[ahmedalaahosny]

ماتخليكى ف ال 4 باب ال 2000 العفشة ناعمة شوية عن ال 2 باب عشان لو ماشيه ف طريق مطبات ونقر مش هتحسى بيها على عكس ال 2 باب ناشفة شويتين هى ف المجمل عربية جميلة وقوية وقطع غيارها موجووده وبسعر معقول واستهلاك البنزين بتعمل 140- 150 كيلو في الصفيعه بمتوسط استهلاك من 7.5 كيلو لكل لتر بنزين مشكلة ال 2 باب اللى معاه العربية بيشتكى انه بيحس بكل نقره ف الطريق والكنبة اللى ورا والشنطة ضيقين شوية

[ERCO]

ماتخليكى ف ال 4 باب ال 2000 العفشة ناعمة شوية عن ال 2 باب عشان لو ماشيه ف طريق مطبات ونقر مش هتحسى بيها على عكس ال 2 باب ناشفة شويتين هى ف المجمل عربية جميلة وقوية وقطع غيارها موجووده وبسعر معقول واستهلاك البنزين بتعمل 140- 150 كيلو في الصفيعه بمتوسط استهلاك من 7.5 كيلو لكل لتر بنزين مشكلة ال 2 باب اللى معاه العربية بيشتكى انه بيحس بكل نقره ف الطريق والكنبة اللى ورا والشنطة ضيقين شوية

اشكرك يا استاذ احمد حضرتك زودتنى بمعلومة مهمة وحكاية العربية ناشفة شوية النيواكسنت بردو ناشفة والكيا السيراتو اللى مع زوجى بردوا نفس الحكاية
بس الفيتارا ال4باب و2000سىسى كتير
بس هو دة العيب فى الفيتارا ال2باب ولا فى عيوب تانية ... اهم حاجة انا مش عايزة العربية تقف منى فى الشارع يعنى ما تكنش كثيرة الاعطال

[ahmedalaahosny]

لا ده بشكل عام ف ال 2 باب ناشفة حبتين بس معظم ال 4x4 كده زى الجيب القديم كان كده برده على فكرة حكاية ضيق الكنبة دى ممكن حد يحس بيها وحد مايحسش بيها على حسب حجم كل واحد اما حكاية تقف من حضرتك ف الشارع دى بتعتمد على حالة العربية مافى عربيات زيرو كتيير واقفة ع الطريق وده نتيجة الاهمال من اصحاب العربيات دى اهم حاجة انك تشترى حالة نضيفة متبقاش متهانة وده مبدا عام ف العربيات لو فيات 128 نضيفة احسن من مرسيدس متهانة

[MICHO75]

معلش بس عايز اسال عن السوزوكي فيتارا مو 97 -اتوماتيك 2 باب مميزاتها و عيوبها و اجيب من فين قطع غيارها في مصر /القاهرة و بكام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ahmedalaahosny]

ده راى احد الاعضاء وتقييمه ليها

http://www.nilemotors.net/Nile/268086-a.html#post3874074464

[ahmedalaahosny]

دى برده مشاركه عن قطع الغيار

http://www.nilemotors.net/Nile/141926-97.html#post3872734777

[ahmedalaahosny]

تقرير كامل عن الفيتارا بالكتالوجات وكله

http://www.nilemotors.net/Nile/383883-98.html

[MICHO75]

شكرا جزيلا علي سرعة الرد

[karkour33]

شكرا جزيلا علي سرعة الرد

بص يا باشا انا جايبها من 8 شهور

مميزاتها
الياباني ميزة في حد ذاته نعمة مش كتير اللي يفهموها
ناعمة و عالية عن الارض
تكييف محترم
استهلاك بنزين رائع
قطع الغيار اسعارها في المعقول دي بتختلف من شخص لاخر
قاعدتها مريحة جدا و شبابية
صغيرة نسبيا و تتركن في اي زخنؤ
مقتنع بحاجة ان اي جيب صغيرة متزعلش و لو ربنا كرم بتشتري فوقها بتبقي نفعاك
لها تعديلات بالهبل لو فكرت مش زي الصني مثلا كبيرها جنوط
مطلوبة من الجميع و الشباب و البنات عند البيع
اول فترة كنت زعلان جدا لان كل حاجة فيها عجباني بس ناشفة جدا مكنتش مصدق ان العقلية الياباني تعمل صخرة بس اكتشفت وولاد الحلال دلوني بعد كدة لو ضبط الهواء علي 23 زي ما مكتوب علي باب السواق فرق السما و الارض حاجة تانية خااالص
ما يتقالش عليها ناشفة لكن ممكن تقول الخبطة في 4 باب اخف من ال2باب طبيعي لان الشاسيه قصير الخبطة مبتتوزعش علي جسم كبير و الشطارة في اي عربية انك ما تلبسش نقر و مطبات

عيوبها
1- سعة التخزين مش كبيرة تكاد تكون معدومة خصوصا لما تركب سماعات خلفية لان مفيهاش اصلا و تعمل رف هيفضلك تحته مكان يادوب تحط طفاية حريق و شنطة كوريك لو مش بتحب الكوريك الاصلي بتاعها اللي هيكون تحت الراكب الامامي مضطر تركب شبكة لو كنتم اربعة مسافرين طب الشبكة الاصلي مستعملة لو اصلا لقيتها بحوالي 2000 جنيه بس ميزتها انك مش هتخرم في السقف لو لقيتها قولي
بس لو كنتم اتنين في العربية ممكن تحط حاجتك ورا علي الكنبة او تحول نص العربية شنطة الكراسي بتتقلب تبقي في ضهرك و ممكن تقلب واحد بس بتقسمها يعني علي مزاجك

2- عدم توفر بعض قطع الغيار حاجتها مش متوفرة زي الهوندا مثلا هتلاقي بس هتدور كتير و انت و حظك و اللي شغالين فيها اصلا مش كتير اوي و تفاوت الاسعار بينهم واضح

3- مش عربيات جري اعمل حسابك علي كدة عاوزة واحد عاقل و راسي

4- عدم وجود مخدع او مكان مهيأ لازم تخرم في الكونسول بس حلها موجود مخدع في الكرسي نفسه فكرته بسيطة لسة كنت بسأل عليه بس مركبتوش

5- بعض الموديلات بتنزل من غير cup holder و الاصلي شكله مش عاطفي خرمين جنب فرامل اليد برضو حله بسيط جدا جايز انت تشوفه مش عيب بس الحاجات دي بتجنني يفترض انها عربية رحلات و 4x4 و صحرا و حركات و بيتقضي فيها وقت طويل

في رايي عيوب كلها بسيطة لا تذكر
بس في المجمل عربيات جميلة و لها عشاق و مازال الشكل دة شغال في دول امريكا الجنوبية تشيلي اكوادور كولومبيا الخ

و طبعا راجع الموضوعات اللي استاذ احمد بعتهملك

[Abo_Mazen]

بص يا باشا انا جايبها من 8 شهور

مميزاتها
الياباني ميزة في حد ذاته نعمة مش كتير اللي يفهموها
ناعمة و عالية عن الارض
تكييف محترم
استهلاك بنزين رائع
قطع الغيار اسعارها في المعقول دي بتختلف من شخص لاخر
قاعدتها مريحة جدا و شبابية
صغيرة نسبيا و تتركن في اي زخنؤ
مقتنع بحاجة ان اي جيب صغيرة متزعلش و لو ربنا كرم بتشتري فوقها بتبقي نفعاك
لها تعديلات بالهبل لو فكرت مش زي الصني مثلا كبيرها جنوط
مطلوبة من الجميع و الشباب و البنات عند البيع
اول فترة كنت زعلان جدا لان كل حاجة فيها عجباني بس ناشفة جدا مكنتش مصدق ان العقلية الياباني تعمل صخرة بس اكتشفت وولاد الحلال دلوني بعد كدة لو ضبط الهواء علي 23 زي ما مكتوب علي باب السواق فرق السما و الارض حاجة تانية خااالص
ما يتقالش عليها ناشفة لكن ممكن تقول الخبطة في 4 باب اخف من ال2باب طبيعي لان الشاسيه قصير الخبطة مبتتوزعش علي جسم كبير و الشطارة في اي عربية انك ما تلبسش نقر و مطبات

عيوبها
1- سعة التخزين مش كبيرة تكاد تكون معدومة خصوصا لما تركب سماعات خلفية لان مفيهاش اصلا و تعمل رف هيفضلك تحته مكان يادوب تحط طفاية حريق و شنطة كوريك لو مش بتحب الكوريك الاصلي بتاعها اللي هيكون تحت الراكب الامامي مضطر تركب شبكة لو كنتم اربعة مسافرين طب الشبكة الاصلي مستعملة لو اصلا لقيتها بحوالي 2000 جنيه بس ميزتها انك مش هتخرم في السقف لو لقيتها قولي
بس لو كنتم اتنين في العربية ممكن تحط حاجتك ورا علي الكنبة او تحول نص العربية شنطة الكراسي بتتقلب تبقي في ضهرك و ممكن تقلب واحد بس بتقسمها يعني علي مزاجك

2- عدم توفر بعض قطع الغيار حاجتها مش متوفرة زي الهوندا مثلا هتلاقي بس هتدور كتير و انت و حظك و اللي شغالين فيها اصلا مش كتير اوي و تفاوت الاسعار بينهم واضح

3- مش عربيات جري اعمل حسابك علي كدة عاوزة واحد عاقل و راسي

4- عدم وجود مخدع او مكان مهيأ لازم تخرم في الكونسول بس حلها موجود مخدع في الكرسي نفسه فكرته بسيطة لسة كنت بسأل عليه بس مركبتوش

5- بعض الموديلات بتنزل من غير cup holder و الاصلي شكله مش عاطفي خرمين جنب فرامل اليد برضو حله بسيط جدا جايز انت تشوفه مش عيب بس الحاجات دي بتجنني يفترض انها عربية رحلات و 4x4 و صحرا و حركات و بيتقضي فيها وقت طويل

في رايي عيوب كلها بسيطة لا تذكر
بس في المجمل عربيات جميلة و لها عشاق و مازال الشكل دة شغال في دول امريكا الجنوبية تشيلي اكوادور كولومبيا الخ

و طبعا راجع الموضوعات اللي استاذ احمد بعتهملك

[MICHO75]

معلش ممكن سؤال لو سمحتم ........ ايه الفرق في الفيتارا ما بين مو 98 و مو 2001

[karkour33]

معلش ممكن سؤال لو سمحتم ........ ايه الفرق في الفيتارا ما بين مو 98 و مو 2001

الحقيقة معرفش الفروق بالكامل بس ممكن اقولك بعضها او اللي انا لاحظتها اثناء ركوبي لل2002 و اثناء رحلة البحث عن واحدة سليمة من 2008 و حتي12-2013 ايوة يا بيه صدق او لا تصدق رفعت و كشفت علي نص عربيات مصر (العربيات دي لو مش سليمة متتجابش احسن) راعيها و متهينهاش تعيش معاك عمر

اولا كلمة 2000 في حد ذاتها عند البيع مش هتقول تسعينات يعلو في سعرها يعني لو عربيتين نفس الحالة و الكيلومتر اكيد موديل السنة هيفرق خد بالك انه موديل شكله استمر برضو سنين طويلة من التمانينات لحد 2002 او 2003 بتقول برضو انا راكب اخر شكلها و كل سنة في تكنولوجيا جديدة في العربيات لو محستش بيها ممكن تكون من حيث التصنيع و الخامات

التابلوهات و الكونسول و الانجكشن و الكروز كنترول و الشكل الخارجي بتختلف احيانا هوضحلك بالصور
يعني في شكل بباكتات و في من غير باكتات و دة ممكن تغييره

و في الشكل بيسموه خليجي و دة مش مطلوب
و في موديل بعلبة لها غطاء علي يمين التابلوه و في من غير علبة و عصاية الفتيس بتختلف
و الدريكسيون و الساعة و الولاعة و عدادات في وسط التابلوه و الكلام دة و الكنسول اللي تحت عند فرامل اليد في بينزل بحامل اكواب و في بينزل بعلبة صغيرة تدوس عليها تفتح في بكنبة ورا و في بكرسيين تتني اللي عاوز تتنيه بمزاجك زي موضحنا قبل كدة

الشكل الخارجي



الباكتات العريضة بتنزل لموديل suzuki fatboy غير موجود في مصر بس سهل يتعمل





0

و الشكل دة اللي معايا vitara rugby او escudo او Sidekick كلها اسماء حسب البلد و لها اسماء تانية احنا هنا منعرفش غير فيتارا



الشكل الداخلي
لاحظ التابلوه و الكونسول و الدريكسيون الخ















الشكل الذي يسمي بالخليجي لم ياخذ حقه في مصر



تحت امرك في اي استفسار في حدود تجربتي

[hrammah]

ممكن اعرف تقريبا الاسعار