رابطة ملاك سوزوكي ماروتي 800

[moudnigm]

السﻻم عليكم ورحمة الله وبركاته.
كنت عايز أعرف كيفية فك الكنبة الخلفية للماروتي.
وشكرا

[mman2005]

يا جماعة أنا بفكر أشترى سوزوكى ماروتى زيرو هل لو جبتها أحطلها بنزين 80 ولا 92 وهل تنصحونى بالعربية دى دلوقتى خصوصا أنا سامع أنهم هيوفقوا انتاجها وهل بتيجى مكيفة وفيه كاسيت ولا ايه نظامها وشكراً ليكم.

[dr.hazem]

يا جماعة أنا بفكر أشترى سوزوكى ماروتى زيرو هل لو جبتها أحطلها بنزين 80 ولا 92 وهل تنصحونى بالعربية دى دلوقتى خصوصا أنا سامع أنهم هيوفقوا انتاجها وهل بتيجى مكيفة وفيه كاسيت ولا ايه نظامها وشكراً ليكم.

هي بتيجي فاضيه من دون لا مكيف ولا كاسيت
لو تقدر تجيب الالتو افضل
مش هتقدر يبقى هي فله
حط 80 ولا تشغل بالك
موضوع وقف الانتاج مش هياثر عالعربيه في شئ
تحياتي

Sent from my mobile using Forum Runner

[dadofranz]

يا جماعة أنا بفكر أشترى سوزوكى ماروتى زيرو هل لو جبتها أحطلها بنزين 80 ولا 92 وهل تنصحونى بالعربية دى دلوقتى خصوصا أنا سامع أنهم هيوفقوا انتاجها وهل بتيجى مكيفة وفيه كاسيت ولا ايه نظامها وشكراً ليكم.

رأيي الشخصي في موضوع البنزين ان 92 طبعا افضل للموتور وفلتر البنزين
بس بصراحة فرق الفلوس كتير فلو انت مش هتفرق معاك الفرق خليك في 92 ولو فارقة معاك ال 80 شغال طبعا وزي الفل هتلاقي الفرق قرابة 100 جنيه في الشهر او اكتر حسب استهلاكك
وهي عموما مش بتسحب بنزين

العربية بتيجي منفضة ما فيهاش اي حاجة اعتقد بـ 45 او 46 الف
بعض المعارض بيضيفولها انذار وسنتر وكاسيت حسبة 800 جنيه كده ويزودو سعرها الفين او اكتر

طبعا بتنزل مش مكيفة بس ممكن تركب لها تكييف لو حبيت من ساندن في المعادي بحوالي 3000 وطبعا الدكتور حازم احسن واحد يفيدك في موضوع التكييف

[mman2005]

شكرا جدا أستاذ dadofranz على الإفادة

[dadofranz]

شكرا جدا أستاذ dadofranz على الإفادة

لا شكر على واجب
بس الحق انك تشكر د. حازم لان هو اول واحد رد عليك
وهو بصراحة من اعلى الخبرات في قسم السوزوكي
وهتستفيد منه كتير
ربنا يبارك لك فيها مقدما

[drmohamedeisa]

يا جماعه متعملونا جروب على الفيس بوك ولا لو ليكو جروب على الفيس نزلو الرابط بتاعو

يا جماعه متعملونا جروب على الفيس بوك ولا لو ليكو جروب على الفيس نزلو الرابط بتاعو

[dr.hazem]

يا جماعه متعملونا جروب على الفيس بوك ولا لو ليكو جروب على الفيس نزلو الرابط بتاعو

سوزوكي نايل موتورز nilemotors Suzuki team

Sent from my mobile using Forum Runner

[ahmedbb800]

اشتريت امبارح تيل فرامل ب 38 جنيه السؤال هل ده يؤثر على نظام الفرامل او يفسد الطنابير طيب ده ممكن اغيره على كام الف كيلو لو انا خايف منه
واشتريت فلتر هوا سوزوكى ب 38 جنيه
وفلتر بنزين ابيض شفاف شكله غريب ب 18
وفلتر زيت ب 20 جنيه وهو ده الموجود فى بلدى ولا يوجد انواع احسن للاسف

[MERO HOSSAM]

انا مع حضرتك انا معايا ماروتى 2009

انا اشتريت العربية وكان صاحبها من الزيرو بيحطلها بنزين 92 فه يمكن انى احط 80 ولا اية النظام

[dadofranz]

انا اشتريت العربية وكان صاحبها من الزيرو بيحطلها بنزين 92 فه يمكن انى احط 80 ولا اية النظام

ممكن تحطلها بنزين 80 لو عايز بس 92 افضل
اعتقد ان معظم الاعضاء بيحطوا 80

كل الموضوع هتحتاج ميكانيكي كويس يظبطلك الكهرباء بعد ما تغير البنزين لــ80 الموضوع مش هياخد خمس دقائق لان العربية هتبرجل منك بعد ما تغير نوع البنزين
كل نوع بنزين وليه ظبطة

[Dr.Taher]

السلام عليكم،اشكر لكم مجهودكم الكريم،انااشتريتمن اسبوع ماروتى 2009 ،كنت عايزاسأل دكتور حازم ايه موضوع التكييف ده/اعنى انا أركبه/ينفع؟وتركيب اوتوماتيك ايضا

[hobz_88]

الرجاء المساعده

سلام عليكم اعضاء الرابطه الكرام

عضو جديد للرابطه وارجو الافاده !!!!!

ربنا كرمنى بعربيه ماروتى 2009 ومش عارف ابتدى فى تغير ايه و اكشف على ايه وايه الحاجات الى اعملها بنفسى فا كنت محتاج مساعده بخطوات امشى عليها ....
مع الشكر

[احمد كامل]

سلام عليكم اعضاء الرابطه الكرام

عضو جديد للرابطه وارجو الافاده !!!!!

ربنا كرمنى بعربيه ماروتى 2009 ومش عارف ابتدى فى تغير ايه و اكشف على ايه وايه الحاجات الى اعملها بنفسى فا كنت محتاج مساعده بخطوات امشى عليها ....
مع الشكر

غير الزيوت ( موتور و فتيس و فرامل )
غير سير التقسيمة
غير فلتر الزيت و فلتر البنزين
شوف طقم الكهرباء لو محتاج يتغير غيره ( بوجيهات و ابلاتين و كوندنسر )
اكشف على تيل الفرامل لو محتاج يتغير غيره
اكشف على العفشة لو فيها حاجة صلحها
و اخيرا اسأل صاحبها القديم الكاوتش بقاله اد ايه لو اكتر من اربع سنوات او 40 الف كيلو غيره

[hobz_88]

[quote=احمد كامل;3876008607]غير الزيوت ( موتور و فتيس و فرامل )
غير سير التقسيمة
غير فلتر الزيت و فلتر البنزين
شوف طقم الكهرباء لو محتاج يتغير غيره ( بوجيهات و ابلاتين و كوندنسر )
اكشف على تيل الفرامل لو محتاج يتغير غيره
اكشف على العفشة لو فيها حاجة صلحها
و اخيرا اسأل صاحبها القديم الكاوتش بقاله اد ايه لو اكتر من اربع سنوات او 40 الف كيلو غيره[/الف شكرا يا احمد باشا ربنا يكرمك على مجهودك