رابطة ملاك سوزوكي ماروتي 800

[dr.hazem]

اخوانى الاعزاء ...الحمد لله عز وجل ربنا وفقنى وأشتريت ماروتى مستعملة 2008

المهم لما رحت اغير زيت الراجل قالى ان طبة الزيت متاكلة ولو فكيتها مش هعرف اربطها تانى ولازم تجيب طبة جديدة المهم انة شفط الزيت عن طريق فتحة مقاس الزيت عن طريق جهاز شفط وحط الزيت الجديد شل 15w 50 وغيرت الفلتر بتاع الزيت

الاسئلة ...1- هل اللى عملة الراجل دة صح ولا غلط

2- اجيب طبة زيت جديدة منين ؟؟؟ وتقريبا فى حدود كام ؟؟؟ ولا اخرط واحدة جديدة وخلاص
3- هو فين فلتر البنزين مش عارف اوصلة ...وهل ممكن انا اغيرة بنفسى ؟؟؟
4-اختبر الديسك والاسطوانة ازاى ...وهل الدبرياج لية ظبطة معينة ...لانى حاسس انة واطى حبتين ...واطى وتقيل


وشكرااا جزيلا ليكم مقدماااا :)

مبدئيا انا مش فاهم هو قصده متاكله من بره؟؟
لو كده يبقى فعلا لازم تشتري واحده ودي سهله من اي بتاع قطع غيار لو الطبه في ايدك هيدوك زيها حتى لو بتاعة عربية تانيه اهم حاجه تتاكد انك هتشتري الطبه ويكون فيها مغناطيس زي الاصليه ومش مهم نفس المفتاح المهم نفس السن وتجيب الورده اللي وضحهالك اخونا مهند....

موضوع الشفط عادي بيتعمل لكن مبيتعملش غير لو فعلا في قلق من فك الطبه او العربيه متعوده على كده

فلتر البنزين في حافظه معدنيه امام العجله الشمال ورا وسهل جدا تغيره بنفسك في ربع ساعه بالكتير اهم حاجه انتبه لاتجاه السهم والان والآوت..

متختبرش الدبرياج ولا تفكر فكده الا لو عندك شكوى من رجرجه في الطلعه او ضعف في التسارع والسحب مع الحموله اوفي المطالع

تحياتي

[مهند-النجار]

يعني اية ازود ارضي للعربية.

الحكية دي فعلا بتحسن استهلاك البنزين وبتقوي الكهربة

حد عنده فكرة

[dr.hazem]

يعني اية ازود ارضي للعربية.

الحكية دي فعلا بتحسن استهلاك البنزين وبتقوي الكهربة

حد عنده فكرة

الماروتي مش محتاجه...
عموما
الارضي بيبقى سلك نحاس شعر من القطاش السالب لجسم العربية وللماتور وللجير،،، الخ
بيفرق اكتر في العربيات الكمبيوتر مش الكربيراتير،،،
تحياتي

Sent from my Xperia Arc S using Forum Runner

[مهند-النجار]

لسة جايب انبوبة
حملت الانبوبة الفاضية ف العربية و لفيت بيها لفة حلوة كدة فحبة شوارع علي زقايق
عربية يعتمد عليها اوي
الانبوبة عاملة 25 ج
الاخبار عندكم اية

[مهند-النجار]

اكيد بتهزر ياغالي
ههههههههههههههههه
ياغالي منا شرحت طريقة الحساب الاقرب للدقه فوق
ارجعلها واحسب وقولنا...
تحياتي

فولت صفرت مشت 80 فولت اخدت 8 لتر
10 لتر 100 كيلو سكة زحمة و اقصي سرعة 70

[rockana9112007]

عاوز اشترى ترموستات كوعة ..وعندى المروحة لازم تشتغل بزرار فى الطابلوة مبتشتغلش لوحدها ..يبقى اجيبلها اية عشان اخليها تشتغل لوحدها هل ترموستات مروحة ولا اية ؟؟؟

وعاوز اجيب ابلاتين وكندنسر يكونو اصلى ..منين ؟؟؟؟وبكام

[مهند-النجار]

عاوز اشترى ترموستات كوعة ..وعندى المروحة لازم تشتغل بزرار فى الطابلوة مبتشتغلش لوحدها ..يبقى اجيبلها اية عشان اخليها تشتغل لوحدها هل ترموستات مروحة ولا اية ؟؟؟

وعاوز اجيب ابلاتين وكندنسر يكونو اصلى ..منين ؟؟؟؟وبكام

هتجيب ترموستات الرادياتير بس تكون بتاعتها عشان تشتغل صح
الابلاتين والكوندنسرر اسعارهم تختلف مش لازم الاصلي لو عايز الاصلي هنزلك صورة
يعملوا حوالي 40 ج

بيتعرف الكوندنسر الاصلي سلكه ازرق ولونه فضي



لو انت م الاسكندرية يبقي صلاح الدين او عزبة سعد

[مهند-النجار]

حد عارف حاجة عن موضوع قبل متبطل العربية تدوس بنزين ؟؟

[osos007]

حد عارف حاجة عن موضوع قبل متبطل العربية تدوس بنزين ؟؟

انا معرفش لو عارف ملعومه قولهالنا ونتناقش .. بمعنى انى ليه ادوس بنزين قبل مابطل ؟؟

[مهند-النجار]

اللي سمعت الموضوع دة منه قال عشان لو في كهربة زيادة

طبعا انا مش فاهم ازاي ؟

[dr.hazem]

اللي سمعت الموضوع دة منه قال عشان لو في كهربة زيادة

طبعا انا مش فاهم ازاي ؟

طب مالواحد يظبط الكهربا احسن :-)

Sent from my Xperia Arc S using Forum Runner

[matrx]

متختبرش الدبرياج ولا تفكر فكده الا لو عندك شكوى من رجرجه في الطلعه او ضعف في التسارع والسحب مع الحموله اوفي المطالع

تحياتي

دكتور حازم ازيك اولا
ثانيا انا غيرت الماتور بس اقصى سرعة من 60 الى 80 بالعافية ونس اللي انت كاتبة فوق بيحصل معايه بالضبط مع العلم ان الميكانيكي بيقولي الفتيس تمام مش عارف اية المشكلة

الاول بيرجرج وكانك مش بتدوس بنزين ولما بتخف رجلك من دواسة البنزين بتطلع اول وثاني وثالث بس رابع ولا الهوا خالص ما في سرعة وكمان لما بطلع كبري لازم اقلل الغيار

اتخناتتتتتتتتتتتتتتتتتتتتتتتتتت

[dr.hazem]

دكتور حازم ازيك اولا
ثانيا انا غيرت الماتور بس اقصى سرعة من 60 الى 80 بالعافية ونس اللي انت كاتبة فوق بيحصل معايه بالضبط مع العلم ان الميكانيكي بيقولي الفتيس تمام مش عارف اية المشكلة

الاول بيرجرج وكانك مش بتدوس بنزين ولما بتخف رجلك من دواسة البنزين بتطلع اول وثاني وثالث بس رابع ولا الهوا خالص ما في سرعة وكمان لما بطلع كبري لازم اقلل الغيار

اتخناتتتتتتتتتتتتتتتتتتتتتتتتتت

غالبا طقم الدبرياج فيه حاجه...
لو زي ما بتحكي...
رجرجه وضعف سحب وعزم تعبان عالكباري والمطالع ولو العربية محمله ناس او حاجات تحسها بطه بلدي وتدعس بنزين صوت الماتور يعلى ومفيش سحب
كل ده من الدبرياج...
لو الموضوع مش بالظبط كدة يبقى اتاكد من ظبط الكهرباء والتاكيهات...
تحياتي

Sent from my Xperia Arc S using Forum Runner

[مهند-النجار]

هجرب بكرة موضوع التشحيم عصاية الفتيس وهنشوف =)

http://www.nilemotors.net/Nile/392315-3-2.html#post3875311464

http://www.nilemotors.net/Nile/392315-3-2.html#post3875311464

طبعا معرفش اية نوع الشحم او تمنه
لحد دلوقتي النية ع الشحم الاصفر العادي
طبعا العلبة مش صغيرة فكنت بفكر اشحم جلب المساعدين و اجزاء العفشة عشان التزييق طبعا العربية مفهاش مشاحم

لو حد عنده اي معلومات او افكار اقتراحات ياريت يتفضل

[dr.hazem]

تم تثبيت الموضوع
:)

تحياتي