رابطة ملاك سوزوكي ماروتي 800

[dr.hazem]

سؤال
مساعدين الماروتى .هل ممكن استبدالهم بمساعدين أكبر ؟؟عشان هما ضعاف نوعا ما ؟؟

مساعدين الماروتي مش ضعاف ابدا
عفشتها ناعمه فقط لا غير جيب بتوعها وتوكل على الله
تحياتي

Sent from my Xperia Arc S using Forum Runner

[مهند-النجار]

اول مرة اسمع مساعدينها ضعاف دي بص يا سيدي ي حاجة ف الماروتي ضعيفة لا المساعدين بالذات اولا العربية هندي يعني ارض مليانة حفر ومطبات و في اعلان ليها بيوضح انها مساعدينها بيستحملوا عفشتها ع الاقل فراي مش ناعمة بس بتمتص الصدمة الي حد معقول بالاضافة انهم مساعدين غاز


سؤال للرجالة لكاوتش الراديال اسمه اية عندنا ويسلام لو حد يوضحلي يعني اية راديال

[MidoMS]

أنا لسه شاري ماروتي موديل 2013 ولما سألت علي أخر موديل قالولي مفيش 2014.
كمان العربية بتنزل فاضية مفيهاش حاجه خالص.
تحياتي.

شكرا ً على الرد أخي العزيز
ولكن إزاي بتنزل فاضية أنا سمعت أن فيها كست وسنتر وإنظار
فهل هذا حقيقي أم لا

[MidoMS]

عايز أعرف ترخيص الزيرو بيتكلف كام تقريبا ً وشكرا ً

[dr.hazem]

شكرا ً على الرد أخي العزيز
ولكن إزاي بتنزل فاضية أنا سمعت أن فيها كست وسنتر وإنظار
فهل هذا حقيقي أم لا

فاضيه من يوم ما اخترعوها ياغالي...
تحياتي

Sent from my Xperia Arc S using Forum Runner

[moudnigm]

عايز أعرف ترخيص الزيرو بيتكلف كام تقريبا ً وشكرا ً

الترخيص كلفني حوالي 700 جنية.
ودا كان في شهر أكتوبر 2013.
تحياتي

[MidoMS]

الترخيص كلفني حوالي 700 جنية.
ودا كان في شهر أكتوبر 2013.
تحياتي

شكرا ً أخي على الرد

[osos007]

اول مرة اسمع مساعدينها ضعاف دي بص يا سيدي ي حاجة ف الماروتي ضعيفة لا المساعدين بالذات اولا العربية هندي يعني ارض مليانة حفر ومطبات و في اعلان ليها بيوضح انها مساعدينها بيستحملوا عفشتها ع الاقل فراي مش ناعمة بس بتمتص الصدمة الي حد معقول بالاضافة انهم مساعدين غاز


سؤال للرجالة لكاوتش الراديال اسمه اية عندنا ويسلام لو حد يوضحلي يعني اية راديال

طيب ياريت تشوفلنا لينك الاعلان عشان عايز اشوفه

[مهند-النجار]

انا شوفته بالصدفة دورت شوية مش لاقيه

[rockana9112007]

شكرا ياجماعة على مجهودكم فى الرد على الاستفسارات

رحت للعفشجى فقالى العربية محتاجة مساعدين امامى وخلفى ومقصات وطقم كاوتش ميزان أمامى وخلفى

احسن سعر واحسن جودة الاقيهم فين ؟؟وأشترى ماركة اية ؟؟؟
العفشجى مصنعيتة تكون فى حدود كام ؟؟؟؟

ثانيا :
الفوانيس مش عارف اظبطهم خالص ...هل ليهم حل ؟؟؟

[مهند-النجار]

الفوانيس مالها عيزة رجلاش و لا اية الرجلاش هتلاقي المسامير علي شاسية الفانوس

بالنسبة للعفشة معرفش حد ف القاهرة الرجال هيردوا عيك

[moudnigm]

بسم الله.
دي أول مشاركة ليا في الرابطة وحبيت أوريكو تجربتي في تركيب فلتر بنزين أضافي.
ودا طبعا عشان بستعمل بنزين 80 وخايف من الشوائب بتاعته.
أن كنت شفت مشاركة سابقة عن تركيب فلتر أضافي بس كان بعد الفلتر اﻷساسي ، وكانت حقيقي مشاركة جميلة وجهد مشكور من صاحبها.
بس جيت أطبقها لقيتني هقطع في الخراطيم وأنا مش بحب أبوظ حاجه خصوصا أن العربية جديدة.
فكرت شوية لقيت أن تركيبه قبل الفلتر اﻷساسي أسهل كتير ومش هيخليني أقطع حاجه خالص خصوصا أني لقيت وصله معدن صغيره طولها حوالي 5 سم موجوده ما بين الخرطوم اللي جاي من التانك والخرطوم اللي داخل ع الفلتر اﻷساسي.
فقلت فكره كويسه أشيل الوصله دي وأحط بدالها الفلتر.
وفعﻻ ركبته مكانها وأستخدمت الﻷفايز بتاعة الوصلة.
يعني أشتريت الفلتر بس.
ودا رابط الصورة بعد التركيب.
Download 2014-01-12_16.07.37.jpg - zSHARE
تحياتي

[mohamed_badr84]

ارجو الافادة ضروووورى جدا

السلام عليكم ورحمة الله وبركاته

جماعة انا محتاج استفسار ضرورى و رد سريع الله يكرمكوا انا اول مرة اشترى زيرو و حجزت عند سمير ريان ماروتى 2013 نبيتى بس وبعد ماحجزت كان فيه فعلا واحدة تبعهم نبيتى واقفة قدام المحل فقولت اشوفها .. المهم بفتح الكبوت ابص اول حاجة لقيت حوض الموتور لونه مش نبيتى زى بقية العربية لقيته برتقالى غامق كده فهل ده طبيعى ؟؟؟؟

تانى حاجة ودى الاهم لقيت اجزاء فى بعض المواسير فيها صدأ والنص السفلى من الموتور لونه بنى تماماً من الصدأ فقولت للمندوب إللى بتفق معاه من المعرض لو سمحت انا عايز واحدة غيرها وقلتله إللى شفته .. انا قولت ابص على واحده لون تانى واقفة عنده اشوف فيها نفس الكلام لقيت السودة بفتح كبوتها لقيته من جوة اسود زى العربية بس لقيت نفس الصدآ فى نفس الحتة فى الموتور .. أفيدونى هو ده طبيعى مطرح التخزين ولا ايه ده ؟

[moudnigm]

أنا شاري ماروتي 2013 نبيتي زيرو.
ولقيت نفس اللي أنت شفته وخدتها وأمري إلي الله.
وفعﻻ لون الحوض برتقالي.
تحياتي

[dr.hazem]

السلام عليكم ورحمة الله وبركاته

جماعة انا محتاج استفسار ضرورى و رد سريع الله يكرمكوا انا اول مرة اشترى زيرو و حجزت عند سمير ريان ماروتى 2013 نبيتى بس وبعد ماحجزت كان فيه فعلا واحدة تبعهم نبيتى واقفة قدام المحل فقولت اشوفها .. المهم بفتح الكبوت ابص اول حاجة لقيت حوض الموتور لونه مش نبيتى زى بقية العربية لقيته برتقالى غامق كده فهل ده طبيعى ؟؟؟؟

تانى حاجة ودى الاهم لقيت اجزاء فى بعض المواسير فيها صدأ والنص السفلى من الموتور لونه بنى تماماً من الصدأ فقولت للمندوب إللى بتفق معاه من المعرض لو سمحت انا عايز واحدة غيرها وقلتله إللى شفته .. انا قولت ابص على واحده لون تانى واقفة عنده اشوف فيها نفس الكلام لقيت السودة بفتح كبوتها لقيته من جوة اسود زى العربية بس لقيت نفس الصدآ فى نفس الحتة فى الموتور .. أفيدونى هو ده طبيعى مطرح التخزين ولا ايه ده ؟

لون حوض الماروتي طبيعي كدة
اللي مش طبيعي هو الصدا!!!
لما هي مصديه دلوقتي امال كمان 5 سنين هيحصل ايه؟
مصيبه لتكون عيب صناعه والعربيه مش معالجة ضد الصدأ

Sent from my Xperia Arc S using Forum Runner