ساعدوني : عايزة رأيكم ف سوزوكي ألتو

[Esraa_tarek]

السلام عليكم

شباب أنا خريجة جامعية و محتاجة أجيب عربية كويسة أقضي بيها بعض مشاويري و أروح و أجي بيها الشغل يوميا مسافة 15 كم

أنا لسة بتعلم سواقة و عايزة أطلع رخصة ف أخاف أجيب عربية زيرو تتخبط مني

من الأخر عايزة عربية في حدود من 25 ل 30 ألف

ناس كتيرة نصحتني بالسوزوكي عشان صغيرة و مش بتاخد بنزين كتير

من فضلكم لو حد عنده أي نصيحة بخصوص السوزوكي اذا كانت هي الأفضل في الفئة السعرية دي أو ممكن ألاقي حاجة تكون أفضل تكون شبابي و موضة

أنا نفسي ف سوزوكي ألتو عشان الoption بتاعها أعلى من الماروتي و تنفع في السفر

لو سمحتم انصحوني أعمل ايه وهل فعلا مناسبة و موجودة بالسعر ده موديل كويس ؟؟؟؟

جازاكم الله كل خير

[ahmedkhairy]

سوزوكى التو كويسة بالنسبة للسعر 25-30 وفعلا استهلاكها قليل للبنزين
وانتى المسافة لشغلك صغيرة
فى افضل منها كتيير كيا بيكانتو 2006 تحفة ولكن 50-55 الف
ربنا يوفقك

[Esraa_tarek]

[COLOR="rgb(65, 105, 225)"]شكرا ليك Mr. Ahmed

طيب أنا محتاجة معلومات أكتر يعني بتحتاج بنزين قد ايه ؟ و 95 وللا 92

و هل تستحمل حد لسة جديد في السواقة ؟

و ايه أفضل مكان للشراء

متشكرة لاهتمامكم[/COLOR]

[lidosasa]

مفيش ألتو حالتها كويسة بالسعر ده .. ممكن الماروتى لو حاجة كويسة وموديل حديث تعمل من 25 إلى 30 أما الألتو من 35 إلى 40

[ahmedalaahosny]

هو صعب شوية التو بالتمن ده اللي يبقي كويس لو عربية اكبر من الماروتي السويفت موديل 93 ياباني و هتلاقي النضيف بتاعها من 28 ل 32 وكله حسب الحالة

[J A G U A R]

السعر ده ميجبش التو بس يجيب ماروتى .. انا شايف عشان حضرتك لسه جديده فى السواقه فكرى فى سكودا فليشيا

[dr.hazem]

مفيش ألتو حالتها كويسة بالسعر ده .. ممكن الماروتى لو حاجة كويسة وموديل حديث تعمل من 25 إلى 30 أما الألتو من 35 إلى 40

بالظبط كده والماروتي هتبقى بخيرها وقطعها ارخص كتير من الالتو وبتسافر وهتجيبي موديل عالي
تحياتي

Sent from my Xperia Arc S using Forum Runner

[Esraa_tarek]

السعر ده ميجبش التو بس يجيب ماروتى .. انا شايف عشان حضرتك لسه جديده فى السواقه فكرى فى سكودا فليشيا

أنا متشكرة أوي لحضراتكم و لاهتمامكم

بالنسبة للماروتي أنا أعتقد ان مش فيها تكيف ودي حاجة مهمة بالنسبة ليا أوي.. لو أمكن هل لو زودت 35 أجيب ألتو ؟

بس في الحالة دي هل هاحتاج أي مصاريف زيادة عليها ؟؟؟ أنا كنت عايزة في حدود 30 عشان عاملة حساب المصاريف الزيادة اللي في الأول

و إن كنت هاجيب سكودا فليشيا تبقى ايه مواصفاتها و الموديل المناسب؟؟ لأني لو ينفع أجيب عربية ال Options بتاعتها أكتر و تكون أكبر في الحمولة بتاعتها لو معايا عائلتي.. في نفس الوقت تكون شكلها شبابي.. أكيد تبقى أفضل

أسفة على كتر الأسئلة بس بجد أنا مش عندي حد يساعدني ف الاختيار

[J A G U A R]

أنا متشكرة أوي لحضراتكم و لاهتمامكم

بالنسبة للماروتي أنا أعتقد ان مش فيها تكيف ودي حاجة مهمة بالنسبة ليا أوي.. لو أمكن هل لو زودت 35 أجيب ألتو ؟

بس في الحالة دي هل هاحتاج أي مصاريف زيادة عليها ؟؟؟ أنا كنت عايزة في حدود 30 عشان عاملة حساب المصاريف الزيادة اللي في الأول

و إن كنت هاجيب سكودا فليشيا تبقى ايه مواصفاتها و الموديل المناسب؟؟ لأني لو ينفع أجيب عربية ال options بتاعتها أكتر و تكون أكبر في الحمولة بتاعتها لو معايا عائلتي.. في نفس الوقت تكون شكلها شبابي.. أكيد تبقى أفضل

أسفة على كتر الأسئلة بس بجد أنا مش عندي حد يساعدني ف الاختيار

عشان حضرتك تضمنى تكون حالتها كويسه هاتكون مش اقل من 37 .
وبالنسبه للفليشيا .. مميزاتها .. اعتماديه وصاجها وعفشتها قويه وثابته بالنسبه لحجمها وواسعه .
عيوبها .. بتسخن ومفيهاش باور وخشنه .
افضل موديلتها من 95 ل 97 .

[Esraa_tarek]

متشكرة أوي لأستاذ J A G U A R

لكن كده أنا عندي مشكلة .. لأني مش هاقدر أعتمد على ماروتي لأن مش فيها تكيف

و فليشيا مش power و تقيلة

أنا مازلت بفكر ف الألتو .. لقيت الجديدة 2014 ب 61 ألف معقولة مستعملة تبقى فوق ال 35 ؟

أتمنى لو في اقتراحات تساعدوني من فضلكم

[ahmedalaahosny]

طب ايه راي حضرتك ف السويفت 93 ياباني مكيفة

[lidosasa]

متشكرة أوي لأستاذ j a g u a r

لكن كده أنا عندي مشكلة .. لأني مش هاقدر أعتمد على ماروتي لأن مش فيها تكيف

و فليشيا مش power و تقيلة

أنا مازلت بفكر ف الألتو .. لقيت الجديدة 2014 ب 61 ألف معقولة مستعملة تبقى فوق ال 35 ؟

أتمنى لو في اقتراحات تساعدوني من فضلكم

حضرتك سألتى على سعرها فين ؟؟ سيبك من النت ياريت تسألى على سعرها فى المعارض لأنى أعرف إنها ب 63 ألف ومش موجودة كمان فى المعارض وطبعاً سعرها مستعمل حيبقى أكتر من 35 كمان لآنك حتاخدى عربية موديل حديث من 2007 وطالع وإمكانيتها كويسة . وأنا شخصياً بفضل إنك تبعدى عن عربيات التسعينات نهائى حتبهدلك كل شوية فى الصيانة وحتصرفى عليها كتير .. الماروتى والألتو صيانتهم سهلة وأى حد يشتغل فيهم وقطع غيار أسعارها رخيصة وعربية على الرغم من حجمها الصغير لكن حمالة آسية

[J A G U A R]

متشكرة أوي لأستاذ J A G U A R

لكن كده أنا عندي مشكلة .. لأني مش هاقدر أعتمد على ماروتي لأن مش فيها تكيف

و فليشيا مش power و تقيلة

أنا مازلت بفكر ف الألتو .. لقيت الجديدة 2014 ب 61 ألف معقولة مستعملة تبقى فوق ال 35 ؟

أتمنى لو في اقتراحات تساعدوني من فضلكم

سعر الالتو دلوقتى فى السوق من 35 ل 43 موديلات من 2006 ل 2009 و 2010 ومن 2011 ل 2013 من 45 ل 55 .
افضل اختيار مناسب لحضرتك هيونداى اكسيل واكسنت 1500 ccموديلات 97 ل 99

[Esraa_tarek]

متشكرة جدا ليكم

طيب هل في أي اقتراحات أخرى ؟
و ممكن أعرف ايه أفضل مكان للشراء ؟؟

[osos007]

طبعا انا مقدرش ازود كتير عن اللى قال كل الاعضاء لانه مستوفى .. لكن ايدى بتاكلنى بصراحه اقول راى . طبعا حضرتك متابعه اسعار العربيات دلوقتى وملاحظه كده الغلاء اللى حاصل وحضرتك بتقولى ان امكانياتك لا تتعدى ال35 ولو فى المستعمل ممكن تجيبى حاجه تكييف وباور بس موديل قديم وطبعا القديم عيوبه قاتله وحتلاقى نفسك بتصرفى كتير وبتروحى لصنايعيه كتير ودى حاجه فى حد ذاتها تكرهك فى ركوب العربيه اصلا وانتى لسه فى الاول . راى الشخصى تجيبى ماروتى موديل حديث مش اقل من 2011 مميزاتها انها صغيره يعنى فى الزحمه والركنات مش هتعانى وهيه مش باور بس ناعمه وتكلفة تصليحها وقطع غيارها لا يذكر . العيوب الحجم من جوه والتكييف . لكن انا راىى انها بدايه كويسه جدا انك تتعلمى ومتصرفيش كتير ولما حتيجى تبيعيها مش حتخسرى فيها وتبقى تزودى على تمنها وتجيبي حاجه كويسه. او تحطى ال35 مقدم وتجيبى التو زيرو لكن حتخسرى فيها لو حبيتي تبيعيها الا لو مش ناويه تبيعيها لفتره طويله. اتمنى اكون افدتك