ساعدوني : عايزة رأيكم ف سوزوكي ألتو

[Esraa_tarek]

أشكر جدا كل الأساتذة اللي ردوا على الموضوع
أنا ابتديت اتعلم السواقة
بس للأسف حسيت الموضوع صعب جدا .. المدرب كان بيزعق فيا جامد و ضايقني كتير
من أول 5 دقائق عرفني الغيارات و الدواسات و مرة واحدة طلعني شارع زحمة
ارتبكت جدا و ماكنتش مالكة نفسي و الدواسات فلتت مني و زعق فيا كتير
للأسف أنا مش عارفة المشكلة فيه ولا ف ايه بالضبط بس حاسة انني اتعقدت مع العلم اني ف أشد الحاجة لسيارة
هل غلط اني أتعلم 7 بليل في وقت ضلمة ولا المشكلة ف العربية لأني حسيت الدواسات عالية عن رجلي جدا ولا المشكلة ف المدرب اللي كان طول الوقت بيزعق و ملهوش خلق
ساعدوني جازاكم الله كل خير أنا خايفة أتعقد

[osos007]

أشكر جدا كل الأساتذة اللي ردوا على الموضوع
أنا ابتديت اتعلم السواقة
بس للأسف حسيت الموضوع صعب جدا .. المدرب كان بيزعق فيا جامد و ضايقني كتير
من أول 5 دقائق عرفني الغيارات و الدواسات و مرة واحدة طلعني شارع زحمة
ارتبكت جدا و ماكنتش مالكة نفسي و الدواسات فلتت مني و زعق فيا كتير
للأسف أنا مش عارفة المشكلة فيه ولا ف ايه بالضبط بس حاسة انني اتعقدت مع العلم اني ف أشد الحاجة لسيارة
هل غلط اني أتعلم 7 بليل في وقت ضلمة ولا المشكلة ف العربية لأني حسيت الدواسات عالية عن رجلي جدا ولا المشكلة ف المدرب اللي كان طول الوقت بيزعق و ملهوش خلق
ساعدوني جازاكم الله كل خير أنا خايفة أتعقد

اولا : لازم تغيرى اللى بيعلمك لان الزعيق ده حيخليكى متوتره جدا ومش عارفه انتى بتعملى ايه والسواقه محتاجه هدوء تام وتركيز
ثانيا : التعليم الصبح افضل ولو بدرى كمان والدنيا رايقه يبقى كويس جدا عشان تبقى شايفه الطريق كويس والرؤيه من داخل العربيه تبقى واضحه
ثالثا : كلنا فى اول السواقه ارتبكنا وخبطنا بدل المره تلاته :) سواء غلطتك او غلطة الاخرين لان ببساطه حضرتك مش بتتعلمى سواقه فقط بتتعلمى ايضا كيفية تفادى اخطاء الغير.
رابعا: السواقه فى مصر عايزه تعود مش تعلم
خامسا: لازم تحطى فى دماغك ان اللى بيسوقوا مش احسن منك وحضرتك خريجه جامعيه وعارفه الكلام ده كويس
سادسا واخير : اتعلمى كويس عشان تحسنى سمعة سواقة الستات شويه فى مصر لو سمحتي
والله المستعان اولا واخيرا

[A.Saad]

المدرب ده فاشل
بلاش عربيات تسيعينات
يا تستنى وتكملى على التو او خليكى ماروتى واستغنى عن التكييف

[Esraa_tarek]

شكرا أستاذ A.Saad و osos007 على اهتمامكم
أنا اما رحت المركز اختارت أغلى كورس اليي هو على فيرنا و قلت أكيد أغلى هيبقى أفضل
للأسف المدرب رجل كبير و عصبي و حسسني اني غبية مع اني فهمته أنا خريجة صيدلة
أستاذ A.Saad أنا فعلا نفسي ف ألتو لكن دلوقتي أنا مرعوبة تماما من السواقة و خايفة أجيبها تتخبط و أضيع كل اللي حوشته في حياتي
أنا كنت أول مرة ألمس الدواسات و مش عارفة ازاي أتحكم فيها و لا الدريكسيون لأني ببساطة أول مرة لأقعد على كرسي السائق و المدرب على طول متعصب
للأسف المركز مش بيرجع فلوس الكورس و أنا مش عارفة أتعلم في الضلمة عشان شغلي بيخلص 5 المغرب و مضطرة
و خايفة يكون اتضحك عليا و حسوا اني وحيدة هنا !!
من فضلكم دلوني أعمل ايه

[lidosasa]

سامحينى بس المدرب ده جاهل معندهوش خبرة
إنت دلوقتى مش قادرة ولا عارفة لسه تتحكمى فى عربيتك إزاى يدخلك شارع زحمة ؟؟؟؟
المفروض تتعلمى بالنهار فى أماكن فاضية تتعلمى الأول تتحكمى فى العربية إزاى تطلعى من غير ما تبطل وإزاى تقفى وتفرملى فى المكان اللى إنت عايزاه بالظبط وإزاى تبصى فى المريات وتتعودى تستخدمى الإشارات وإزاى ترجعى مارش بالعربية .. كله ده عايز على الأقل 5 أو 6 أيام ولما تبقى تمام يبدأ يدخلك فى الزحمة واحدة واحدة شوارع مصر إسطورية ملهاش علاقة خالص بالسواقة هى عايزة تعود .. دا مايكل شوماخر نفسه لو ساق فى مصر حيرتبك
أوعى تتعقدى من حاجة ياما خبطنا بالعربيات . أنا بقالى سنة بسوق ولسه خابط إمبارح بس مش غلطتى إحنا داخلين على فتحة والطريق زنقنى فى الشمال ومقدرتش أدخل الحارة الوسطى قلت العربية اللى قدامى تلف وأنا أكمل طوالى ... تاكسى من ورايا بقى ذكى وفكيك خمن إنى حلف على الرغم إنى مديتش إشارة بس فى بلدنا الطبع غلاب لآن عربيات كتير بتلف من غير اشارة قام ناطط من قدامى عشان يلف معايا صف تانى ودا كمان غلط مستعجل ليه على رزقه لو عايز يلف ما يستنى ورايا ويلف بعدى .... المهم لمحته وهو بيكسر ومسكت فرامل على اخر لحظة والحمد لله اشارة الزوايا بس هى اللى اتخلعت من مكانها ولسه مركبها دلوقتى

[A.Saad]

اصول التعليم
اماكن فاضية الاول
اماكن زحمة سنة
اماكن ازحم
طريق سفر

خليه يوديكى مكان فاضى شوية
وموضوع الليل
حاولى تنسقى لو ينفع يوم اجازتك
ومع احترامى ليكى يا دكتورة
مفيش علاقة بين المؤهل العلمى وبين المهارة فى السواقة
والاول اتعلمى صح
وبعدين هاتى
انا اشتريت من الاول زيرو وكنت اتعلمت على 128
بعد الاستلام اصحابى كانوا بييجوا يعلمونى عليها
وجبت سواق من الشغل بفلوس
وممكن تطلبى تغيير المدرب برده

[Amr Axel]

ارشحلك ماروتي موديل حديث او التو 2008-2009
بداية الفرق بين الماروتي و الالتو غير الشكل خارجي و داخلي و الوسع
الموتور الماروتي كربراتير و الالتو انجيكشن و بالتالي طقم الكهربا في الالتو الكتروني مش عادي زي الماروتي و ده مفيد خاصة في البرد
تانك البنزين الماروتي 28 لتر و الالتو 35 لتر
الجنوط الماروتي مقاس 12 و الالتو مقاس 13
الالتو فيه موديل بتكييف و موديل من غير تكييف لكن تركيب التكييف اسهل
الماروتي مفيهاش تكييف لكن امكانية تركيب تكييف مش مستحيلة و معانا ناس كتيير مركبينه و ما شاء الله زي الفل
قطع غيار الماروتي ارخص من الالتو عامة بس ده نظرا للاختلاف بينهم
الماروتي كمستعمل في حدود مبلغ 25-30 تقدري تجيبيها من اول موديل 2006 لحد 2011 و بتفرق ع حسب الموديل و الحالة
الالتو 2008-2009 مش اقل من 35 الف و ع حسب الحالة و بالمناسبة هي جديدة 62-64 الف حسب المكان

فيه طبعا عربيات تانية في نفس المبلغ بس هتكون موديلات قديمة و الأفضل تخليكي في حاجة موديل حديث و لسه حالتها كويسة

[J A G U A R]

شكرا أستاذ A.Saad و osos007 على اهتمامكم
أنا اما رحت المركز اختارت أغلى كورس اليي هو على فيرنا و قلت أكيد أغلى هيبقى أفضل
للأسف المدرب رجل كبير و عصبي و حسسني اني غبية مع اني فهمته أنا خريجة صيدلة
أستاذ A.Saad أنا فعلا نفسي ف ألتو لكن دلوقتي أنا مرعوبة تماما من السواقة و خايفة أجيبها تتخبط و أضيع كل اللي حوشته في حياتي
أنا كنت أول مرة ألمس الدواسات و مش عارفة ازاي أتحكم فيها و لا الدريكسيون لأني ببساطة أول مرة لأقعد على كرسي السائق و المدرب على طول متعصب
للأسف المركز مش بيرجع فلوس الكورس و أنا مش عارفة أتعلم في الضلمة عشان شغلي بيخلص 5 المغرب و مضطرة
و خايفة يكون اتضحك عليا و حسوا اني وحيدة هنا !!
من فضلكم دلوني أعمل ايه

اول حاجه تعمليها تسيبك من الكورس ده خالص ولو كنتى دفعتى فلوس سيبك منها علشان بالشكل والطريقه والمعامله دى المدربين دول هايعقدوكى من السواقه وهاتكرهيا ومش هاتتعلمى فى حياتك .. افضل حل حضرتك تتصرفى فى اى عربيه بتاعه حد من عندكم او حد تعرفيه كويس واكيد ان شاء الله عندهم عربيه وتقولي انك عايزه العربيه شويه تتعلمى عليها وتاخدى صاحب العربيه معاكى ويكون فى مكان فاضى خالص عشان اعصابك تبقى هاديه ومتقلقيش وتبدأى تدورى العربيه وتطلعى بيها ولو العربيه بطلت فى الطلعه عادى خالص اعرفى غلطك فى ايه وصححيه سواء كان رفعتى دبرياج جامد ومزودتيش بنزين او زودتى بنزين ومرفعتيش دبرياج واهم وقبل ده كله تكونى حابه انك تتعلمى ده شىء اساسى ...... انا عن نفسى محدش علمنى اى حاجه والحمد لله كان والدى بيسيبلى العربيه القديمه اللانوس فى مكان فاضى ويطلقنى مع نفسى ويمشى ويرجع كان يلاقينى بخمس بالعربيه هههههه .. فالحكايه مش صعبه يعنى والبنات اللى ملت البلد دى مش احسن منك .. وربنا يوفقك .
تحياتى ..

[Hosam_fouad]

ربنا معاااااكي وتجيبي عربيه كويسه .

الماروتي فيها ميزه انك هتجيبي عربيه جديده . . ومفهاش مشاكل كتيز تزهقك وتروحي كل شويه ليمكانيكي .
في ناس تانيه غيرك تفضل انها تجيب بالمبلف دا عربيه الماني مثلا بولو 98 العربيه هتبقي افضل في حاجات كتير بس هتزهق في التصليح .
في ناس تانيه تدفع الفلوس دي مقدم وتجيب عربيه زيرو 2014 .

كل واحد ودماغه :d

[Esraa_tarek]

شكرا لكل الأساتذة المحترمين اللي شرفوا بالمرور على المشاركة
أنا طلبت تغيير المدرب و الحمدلله وافقوا و جابو مدرب أفضل و ابتديت أتعلم
طيب أنا كدة شايفة ان أفضل حل زي ما رشحتولي هيبقى الماروتي في حدود 25 ل 30
أستأذن حضراتكم اذا كان في مكان محدد أقدر أشتري منه أو يكون مضمون ؟؟
و أنا المفروض قدامي قد ايه عشان أقدر أطلع رخصة و أكون بعرف أسوق ؟؟ لأن مشكلتي ان مجرد ما يخلص الكورس أنا مش عندي عربية أقدر أمارس اللي اتعلمته عليها ؟؟

[J A G U A R]

شكرا لكل الأساتذة المحترمين اللي شرفوا بالمرور على المشاركة
أنا طلبت تغيير المدرب و الحمدلله وافقوا و جابو مدرب أفضل و ابتديت أتعلم
طيب أنا كدة شايفة ان أفضل حل زي ما رشحتولي هيبقى الماروتي في حدود 25 ل 30
أستأذن حضراتكم اذا كان في مكان محدد أقدر أشتري منه أو يكون مضمون ؟؟
و أنا المفروض قدامي قد ايه عشان أقدر أطلع رخصة و أكون بعرف أسوق ؟؟ لأن مشكلتي ان مجرد ما يخلص الكورس أنا مش عندي عربية أقدر أمارس اللي اتعلمته عليها ؟؟

معنديش فكره عن اماكن بيع .. بس اهم حاجه يكون معاكى ميكانيكى كويس عشان يشوف العربيه بدل ما ينضحك عليكى .. المفروض بالكتير خالص فى اسبوعين متواصلين تكونى بتطلعى بالعربيه وتمشى بيها على سكه .. وبالنسبه للرخصه بتطلع فى يوم بس اهم حاجه تنجحى فى الاختبار مع ان نادر لما حد ينجح عشان لو منجحتيش يبقى مع السلامه وابقى تعالى بعد 3 شهور .. يبقى حل المشكله دى انك تشوفى حته ظبوطه معرفه زى ما انا عملت وهايخلص كل حاجه وانتى واقفه ما عليكى غير انك تتصورى وتستلمى الرخصه .

[Hosam_fouad]

شكرا لكل الأساتذة المحترمين اللي شرفوا بالمرور على المشاركة
أنا طلبت تغيير المدرب و الحمدلله وافقوا و جابو مدرب أفضل و ابتديت أتعلم
طيب أنا كدة شايفة ان أفضل حل زي ما رشحتولي هيبقى الماروتي في حدود 25 ل 30
أستأذن حضراتكم اذا كان في مكان محدد أقدر أشتري منه أو يكون مضمون ؟؟
و أنا المفروض قدامي قد ايه عشان أقدر أطلع رخصة و أكون بعرف أسوق ؟؟ لأن مشكلتي ان مجرد ما يخلص الكورس أنا مش عندي عربية أقدر أمارس اللي اتعلمته عليها ؟؟

بصي احنا عندنا في اسكندريه مدرسه تعليم امتحان السواقه ...... تبع المرور تقريبا ب 400 او حاجه زي كدا . . . بتتعلمي شويه وحاجات وشويه محاضرات كدا وبتتمحني وكله بينجح . اكيد عندكم حاجه زيها في القاهره .

ما تدوري علي النت علي كونتاكت كار . . .

[أحمد جودة]

عشان حضرتك تضمنى تكون حالتها كويسه هاتكون مش اقل من 37 .
وبالنسبه للفليشيا .. مميزاتها .. اعتماديه وصاجها وعفشتها قويه وثابته بالنسبه لحجمها وواسعه .
عيوبها .. بتسخن ومفيهاش باور وخشنه .
افضل موديلتها من 95 ل 97 .

السلام عليكم ورحمة الله وبركاتة

الموضوع بختصار اسأل مجرب ولا تسأل طبيب

أنا معايا الفليشيا من سنة ونص

ميزاتها عائلية وتشيل وتتحمل اكتر من اي عربية فى نفس فئتها السعرية واكتر

شكلها شبابي الى حد كبير واي حاجة بتركب فيها بتظهر وبتخلي شكلها شيك

أعتمادية فى السفر وتمشي مشواير طويلة ويعتمد عليها

طبعا صاج متين وقوي ودة اللى اي حد بيتعلم بيحتاجة فى العربية

عفشتها ناشفة دي تعتبر ميزة فى الطرق المكسرة بتاعتنا والمطبات اللى ميعلم بيها غير ربنا
كفاية اقوللك اكتر من سنة سفر وجري وطرق مكسرة وفى الاخر رايح اربط عفشة زي اى عربية لقيت العفشة مش محتاجة تربيط دة غير الحمولات اثناء السفر

اما بالنسبة لعيوبها وعن تجربة موضوع التكييف اكبر عيب فيها ودة يرجع للاتي

اولا وزن العربية تقيل جدا بسبب الشاسية الفولاذي والصاج التقيل
ثانيا موتور العربية 1300 سي سي مع وزن العربية التكييف مش هيكون مرضي لسائق السيارة

وبمناسبة انها بتسخن دة مفيش كلام من دة طالما انتا بتهتم بصيانة العربية انا فى عز الصيف فى شهر 8 بسافر اوقات كتير الظهر ومسافات طويلة والحرارة عمرها مزادت عندي
اما موضوع الباور دة فالعربية مش تقيلة ولا حاجة بالعكس دي بيتقال عليها هاف باور والصراحة بتكون تقيلة فى حالة واحدة لو انتا بتركن على ارض اسفلت والعربية فيها حمولة عالية اما ماعد ذلك مجرد ما العربية تتحرك سنتي واحد بيكون الدريكسيون باور



اسف علي الاطالة بس حبيت انقل لحضراتكم تجربتي الشخصية مع هذه العربية المحيرة

وبالنسبة للسعر حاليا تبدأ من 28 الحالة المعقولة لحد 35 الف او يزيد قليلاً

افضل موديلاتها من 98 ودة فى الشكل فقط اما باقي اجزاء السيارة مطابقة من كل شيئ

ودة تقرير مفصل اللى حابب يعرف اكتر عن العربية

• تقرير عن سكودا فيليشيا 1995-1997

• هى سيارة محيرة فقد تجد من يقول فيها شعرا و قد تجد من يحذرك منها بشدة و يلعن اليوم الذى قرر فيه شراء هذه السيارة.
  و ربما يرجع هذا التناقض فى الاراء الى كميه المزايا العديدة التى تتميز بها هذه السيارة و كذلك كميه العيوب الخطيرة الموجودة بالسيارة.
  و لنبدأ اولا بمميزاتها و لكن قبل ان نبدأ راجع مواصفات الفنية و صور السيارة من الرابط التالى مواصفات و صور سكودا فيليشيا 1995 1997
  مميزات السيارة سكودا فيليشيا 1995- 1997
  1- السيارة اوروبية و بالتحديد تشيكية الصنع و هذا فى حد ذاته ميزة بالنسبة للكثيرين فلايوجد سيارة اوروبية فى هذه الفئة السعرية.
  2- صاج قوى جدا و هذا هو المطلوب فى مصر.
  3- استهلاك الوقود جيد جدا بالنسبة لوزنها الثقيل نسبيا.
  4- ثبات عالى جداز هو شىء نادر فى فئتها السعرية.
  5- اسعار قطع غيار معقوله جدا و متوفرة و يوجد منها الصينى و الالمانى و المصرى.
  6- ككل السيارات الاوروبية قطع الغيار معمرة جدا بالنسبة للكورى مثلا.
  7- عفشة قويه جدا و مناسبة جدا للطرق المصرية الوعرة.
  8- المساحة الداخلية كبيرة جدا و لن تجدها فى اى سيارة هاتشباك فى فئتها.
  9- سير الكاتينة مصنوع من الحديد و بالتالى معمر جدا رغم انه يتسبب فى خشونة بسيطة فى صوت المحرك.
  مما سبق نجد انها سيارة اعتمادية جدا موفرة فى استهلاك الوقود و قطع غيار معمرة و ثبات و اتزان نادرا ما يوجد بهذا السعر بالضافة لعفشة قوية و صاج قوى اى
  انها السيارة المناسبه للطرق المصرية و للمستهلك المصرى, و لكن لماذا يكره البعض هذه السيارة؟؟؟
  عيوب السيارة سكودا فيليشيا 1995- 1997
  1- السيارة اوروبية الصنع و التصميم ايضا اى انها غير مصممة للعمل فى الاجواء الحارة, و لذلك ترتفع حرارتها بشكل ملحوظ خاصة فى
  فصل الصيف مما يسبب خطورة على المحرك و خاصة (وش السلندر) و تعتبر هذه المشكلة الوحيدة فى هذه السيارة التى قد تجعل الكثيرين
  يحذروك من شرائها رغم ان علاجها بسيط جدا يتمثل فى تركيب مروحة 6 ريشة و تغيير الريدياتير ال2 ماسورة باخر 3 ماسورة و البعض
  يقوم بتغيير الترموستات ايضا باّخر اقل حتى تعمل المروحة عن درجة حرارة 70 بدلا من 90.
  2- عكس السيارات الكورى و اليابانى و مثل معظم السيارات الاوروبى تعتبر السكودا فيليشيا بطيئه نسبيا فى التسارع
  اى ان المحرك كسول نوعا ما و لكن مع استعمال بنزين 92 يتحسن التسارع كثيرا.
  3- ارتفاع السيارة عن الارض قليل نوعا ما و لذلك يجب الحذر عند تخطى المطبات العاليه جدا.
  4- السيارة خشنة بالنسبة للكورى و اليابانى كما انها غير مجهزة بباور ستيرينج.