لما بمشي بالعربيه بحس انها بتنتش ...ولقيت ليكم الحل

[ابومصطفي وعمر]

السؤال الاول
لما بمشي بالعربيه بحس انها بتنتش
اول ما ادوس بنزين شويه
وخلي بالكم العربيه لسه جديده موديل 2013
وعامله 1000 كيلو بس
لاني ما بسفرش بيها ؟؟؟؟


التجربه نجحت وتمام التمام

لكن اكمني مش بفهم كتير بكهربة العربيه
انا هحاول اشرح
واللي فهم يقلي علشان يشرح هو تاني بطريقه اوضح
لتعم الفائده علي الجميع

== في قطعه بجوار الكاربيراتير لازقه فيه مباشرا متوصل عليها فيشه
الفيشه دي لما فكينها بطلت النتشه لكن العربيه بتطفي لما نكون واقفين ورافعين رجلينا عن البنزين
فالكهربائي عمل ايه
قام واخد كهربا من البطاريه عليها مباشرا بطريقه معينه
وجربنا ونجحت التجربه
لكن فضلت مشكله وهي ان هذه القطعه الكهرباء واصلالها علي طول
قام عمل ايه
لاغي التوصيله بتاعة البطاريه
وخد سلكه من ارضي ووصلها بطرف القطعه
والطرف الاخر خد سلكه موجبووصلها ب الموبينه اللي بتوصل للاسبراتير
بس بدخول الكهرباء للاسبريتير وليس من طرف الخروج للاسبرتير
يعني بدخول الكهرباء للموبينه
علشان يفتح مع الكونتاك
ونجحت التجربه بفضل الله
وبطلت العربيه تنتش وصار السحب فوق الممتاذ
((((تقريبا القطعه اللي بقلكم عليها مسؤوله عن تنظيم دخول البنزين للكربرتير )))

مش عارف يارب اكون قدرت اوصللكم المعلومه
واسف علي طريقتي بالشرح
لكن ده اكبر ما عندي بالشرح
لاني مش متخصص

[ابو لؤى]

الله ينور بصراحه مش فاهم حاجه خالص بس الله ينور هههههههههه

[J A G U A R]

الله ينور بصراحه مش فاهم حاجه خالص بس الله ينور هههههههههه

ههههههههههه ولا انا .......... شكرا على التقرير .

[MAHMOUD MOHAMD]

مبروك على ايه مش عارف فيشه ايه وكاربيراتير مين وازاى 2013 وكهرابائى ازاى على العموم الحمد لله انها اتصلحت وابقى فهمنا لله

[rotanamasoud]

انا شايف ان اللى حصل ده قمه العك
هو المصنع اللى صنع القطعه كان اولى يشيلها ويوفر تمنها

[hossam_elwani]

2013 والف كيلو وهان عليك كهربائى بعكلك فيها !!!!!!!!!!!!!!

ياراجل

[ganash]

ياباشا العربيه عامله 1000 كيلو وروحت الكهربائى يقعد يعك ليه بس كنت روحت التوكيل وحكيتلهم الى بيحصل افضل

[micromoud]

كان فى حد هنا برضه معاه ماروتى راح لميكانيكى عشان يغيرله فلتر البنزين وعشان الميكانيكى غشيم ومكسل يدور على مكان الفلتر راح قايل للزبون انت عربيتك مابتنزلش بفلتر بنزين وراح فاتح الكبوت واخترع وصله للبنزين بدل الاصليه وحطله فيها الفلتر ...انا اسف انى اقولك حضرتك عملت زيه .. انت كان اسهل انك تغير الحاجه البايظه والمشكوك فيها بحاجه جديدة .. لكن اللى انت عملته ده هيتعبك بعد كده لما توديها لكهربائى تانى يشتغل فيها هيعك الدنيا ... ياريت لو ترجع كل حاجه زى ماكانت وتوديها لكهربائى يرجعها زى ماكانت ويحللك المشكله ,,,

[ابومصطفي وعمر]

كان فى حد هنا برضه معاه ماروتى راح لميكانيكى عشان يغيرله فلتر البنزين وعشان الميكانيكى غشيم ومكسل يدور على مكان الفلتر راح قايل للزبون انت عربيتك مابتنزلش بفلتر بنزين وراح فاتح الكبوت واخترع وصله للبنزين بدل الاصليه وحطله فيها الفلتر ...انا اسف انى اقولك حضرتك عملت زيه .. انت كان اسهل انك تغير الحاجه البايظه والمشكوك فيها بحاجه جديدة .. لكن اللى انت عملته ده هيتعبك بعد كده لما توديها لكهربائى تانى يشتغل فيها هيعك الدنيا ... ياريت لو ترجع كل حاجه زى ماكانت وتوديها لكهربائى يرجعها زى ماكانت ويحللك المشكله ,,,

بس العربيه صارت تمام ومعدش فيها تنتيش
علي العموم انا هروح لكهربائي تاني اتاكد اذا كانت التوصيله مضره للعربيه ولا لاء

اما بالنسبه للتوكيل فهوا بعيد عني كتير حولي 600 كيلو رايح و600 جاي
ده غير انه ممكن يقلي سيبها عندنا كام يوم تبقي مصيبه

[aw2100]

تقريبا من الوصف ده بك السلانسية عندك كهرباء علشان كده لما بتفصل الفيشة منه فى الكاربراتير العربية بتبطل فى السلانسية وواضح ان البك ده ضعيف علشان كده لما الكهربائى عمله توصيلة كهرباء اشتغل كويس انصحك تروح لواحد متخصص كاربراتير ينضف البك ده ياغيره افضل والله اعلم ؟؟؟

[dr.hazem]

لو ممكن صوره تفهمنا بيها
انا عارف انك بتحاول توصلنا معلومه بس كانت هتبقى سهله لو في صورة للموضوع
في فيشه ورا الكربيراتير فاضيه مش متوصله بحاجه ودي من ضمن تجهيزات التكييف
وفي وصله صغننه والله اعلم هي ارضي للكربراتير مش اكتر
فعشان نفهم اللي اتعمل عندك ولو هو مفيد فعلا هنقولك
تحياتي

[lidosasa]

قصدك القطعة دى

[ابومصطفي وعمر]

قصدك القطعة دى

لا مش هي اللي اقصدها تحت فلتر الهوا لازقه في الكربرتير واسمها ((بك اسلانسيه ))

[ابومصطفي وعمر]

مكان بك السلانسيه اللي انا بقول عليه تحت العمه لازق في الكربيراتير

[ابومصطفي وعمر]

لو ممكن صوره تفهمنا بيها
انا عارف انك بتحاول توصلنا معلومه بس كانت هتبقى سهله لو في صورة للموضوع
في فيشه ورا الكربيراتير فاضيه مش متوصله بحاجه ودي من ضمن تجهيزات التكييف
وفي وصله صغننه والله اعلم هي ارضي للكربراتير مش اكتر
فعشان نفهم اللي اتعمل عندك ولو هو مفيد فعلا هنقولك
تحياتي

هحاول اصورها بكره بالنهار بالمحمول وانزل الصور باذن الله