سوزوكى سويفت 2015

[محمد السنوسى]

أنا عايز أتأكد من أى حد لو سمحتوا انها أحسن حاجة أوتو نزلت فى حدود 100,000 أنا اللى شدنى ليها الأمان اللى فيها بس خايف من حوار التقفيل الهندى
و خايف من الشد بتاعها ان أنا صراحة معظم الصيف بشغل تكيف
و لو أى حد معاه موديل القديم يقول ايه عيوبها العامة
أنا عارف انى حتعب مع التوكيل و قطع غيار
غير كده حيبقى فيه ايه ؟
وشكرا

[ahmed_moeaz]

متابع ،،،،

[محمد السنوسى]

أرجو الرد بتخوفونى أكتر كده

[Ayman_Amer]

مش هتلاقي كتير معاهم.
التقفيل الهندي احسن من الصيني والمصري ولا أري داعي للقلق.

[محمد السنوسى]

مش هتلاقي كتير معاهم.
التقفيل الهندي احسن من الصيني والمصري ولا أري داعي للقلق.

يعنى هيا ولا ال frv cross 2015 ؟

[D . a .\ AYMAN]

لسة العربية ما انتشرتش كويس عشان تلاقي ملاك ليها كتير ...


شوف الموضوع ده كدة

http://www.nilemotors.net/Nile/430665-2015.html

وطبعا العربية لسة نازلة السوق المصري السنة دي برغم إنها برة مصر من زمان عشان كدة نادر تلاقي حد يقدر يحكم عليها هنا من التجربة إلا ناس قليلين موجودة معاهم فعلا من زمان

ودي بعض مشاركاتهم لعل فيها إفادة لحضرتك

http://www.nilemotors.net/Nile/379871-2013.html#post3875670096

http://www.nilemotors.net/Nile/43052...post3875670099

[محمد السنوسى]

لسة العربية ما انتشرتش كويس عشان تلاقي ملاك ليها كتير ...


شوف الموضوع ده كدة

http://www.nilemotors.net/nile/430665-2015.html

وطبعا العربية لسة نازلة السوق المصري السنة دي برغم إنها برة مصر من زمان عشان كدة نادر تلاقي حد يقدر يحكم عليها هنا من التجربة إلا ناس قليلين موجودة معاهم فعلا من زمان

ودي بعض مشاركاتهم لعل فيها إفادة لحضرتك

http://www.nilemotors.net/nile/379871-2013.html#post3875670096

http://www.nilemotors.net/nile/43052...post3875670099

شكرا للإفادة بس نفسى أخد قرار هيا ولا كروس ولا بيكانتو ربنا يسهل

[Sherifafifygal]

انا معاية السويفت 2015 و عربية ممتازة و سيبك من قطع الغيار و الهبل دة كلة و التكيف شغال على البطارية مش الماتور يعنى التكيف كهربا و دة طبعا عاوز منك اهتمام بالطارية اوىىىىىىىىىى


العربية صفقة رابحة و الحق احجز لانها بتتباع اوفر بريز او استلام بعد 3 شهور

و هاتغلى يا شباب و هاتبقى ب 105 رسمى بعد العيد

[شريف]

هي لحقت علشان تغلي . ياريت مصدر الكلام ؟

[scientist9508]

بسم الله الرحمن الرحيم

الأخ الفاضل محمد السنوسى

1 - لو أنك إحتملت مودرن موتورز فإنك قد أخذت أصعب قرار يخص هذه السياره و تخطيت أكبر عقبه أمامك تحول دونك و السوزوكى سويفت الجديده.

2 - لا أرى أنه من العدل أن تقارن السويفت الجديده بسيارت مثل بيكانتو و frv لأن هؤلاء أمام السوزوكى ليسوا سوى إلا أطفال.

3 - فى عام 2008 أصدرت سوزوكى سويفت بنفس الشكل الحالى مع إختلاف بسيط جدآ فى شكل الفانوس الأمومى و كان محركها 1500 cc و لأن محركات سوزوكى قويه جدآ فكان المحرك قوى جدآ و كبير على جسم السياره و كان هذا يغرى الكثير من المتهورين بالكثير من الجنان

4 - و اليوم عندنا نفس السياره و لكن بمحرك أصغر لكى
1 - تقابل ظروف إرتفاع أسعار الوقود فى مصر

و كذلك طلب الوكيل السياره من مصنع الهند لكى
1 - تصل بسعر يستطيع عدد أكبر من الناس تحمله
2 - و كذلك لتصبح منافس قوى لكثير من الماركات

أما عن قلقك من التقفيل الهندى فأود أن أخبرك أن الهند متقدمه فى تصنيع السيارات و أنا شخصيآ عندى ماروتى هندى منذ 5 سنوات و أقف بها على بوابات ال 100,000 كم و السياره فوق الممتازه كما أنها تخرج من الهند بجودة سوزوكى فلا داعى إطلاقآ للقلق من هذه النقطه

بخلاف الأوقات التى ستقضيها فى مودرن موتورز لأغراض الصيانه فإنك ستستمتع بكل دقيقه تقضيها داخل هذه السياره.

أصدقك حديثآ حينما أخبرك بأنه لولا مودرن موتورز لأصبحت سوزوكى سيدة السوق المصرى و لوجدت الشركات المنافسه صعوبه طاحنه فى التسويق.

لا تعذب نفسك بالتردد و أسرع بشراء هذه السياره قبل زيادة السعر.

السلام عليكم و رحمة الله و بركاته

[أبو سهيل]

انا معاية السويفت 2015 و عربية ممتازة و سيبك من قطع الغيار و الهبل دة كلة و التكيف شغال على البطارية مش الماتور يعنى التكيف كهربا و دة طبعا عاوز منك اهتمام بالطارية اوىىىىىىىىىى


العربية صفقة رابحة و الحق احجز لانها بتتباع اوفر بريز او استلام بعد 3 شهور

و هاتغلى يا شباب و هاتبقى ب 105 رسمى بعد العيد

يا أخي الكريم أنا عايز أشتري العربية بس الناس بتخوفني من قطع الغيار ممكن الإفاده لأنهم بيقولوا العربيه من 2007 و لا يوجد لها قطع غيار في السوق الي الآن

[D . a .\ AYMAN]

يا أخي الكريم أنا عايز أشتري العربية بس الناس بتخوفني من قطع الغيار ممكن الإفاده لأنهم بيقولوا العربيه من 2007 و لا يوجد لها قطع غيار في السوق الي الآن

أنا نزلت سألت عليها فوق نفق شبرا عند ميدو سوزوكي وقالي إن حاجتها موجودة عنده جديد واستيراد

[أبو سهيل]

أنا نزلت سألت عليها فوق نفق شبرا عند ميدو سوزوكي وقالي إن حاجتها موجودة عنده جديد واستيراد

بارك الله فيك يعني موجود كل قطع غيارها في أكتر من مكان و لا ميدو شبرا بس و أسعارها إيه و لو سمحت ممكن رقم تليفونه و عنوانه لأني من دمياط و جزاك الله خيرا اخي الكريم

[D . a .\ AYMAN]

بارك الله فيك يعني موجود كل قطع غيارها في أكتر من مكان و لا ميدو شبرا بس و أسعارها إيه و لو سمحت ممكن رقم تليفونه و عنوانه لأني من دمياط و جزاك الله خيرا اخي الكريم

ميدو هو اللى أنا أعرفه وده لينك للجروب بتاعه على الفيس بوك

https://www.facebook.com/groups/Medo.SUZUKI.Egypt/

وفي كمان سوزوكي سنتر في التوفيقية فوق أسماك أبو غالي ... وكنت باجيب منهم حاجة الألتو .. معرفش حاجة السويفت عندهم كمان ولا لأ ...

[محمد السنوسى]

انا معاية السويفت 2015 و عربية ممتازة و سيبك من قطع الغيار و الهبل دة كلة و التكيف شغال على البطارية مش الماتور يعنى التكيف كهربا و دة طبعا عاوز منك اهتمام بالطارية اوىىىىىىىىىى


العربية صفقة رابحة و الحق احجز لانها بتتباع اوفر بريز او استلام بعد 3 شهور

و هاتغلى يا شباب و هاتبقى ب 105 رسمى بعد العيد

شكرا للإفادة يا رب يتم الموضوع على خير بس أنا كده كده لو حجيبها فان شاء الله بعد العيد للأسف