استفسارات بخصوص الالتو الجديده 2015

[mohamed ez]

السﻻم عليكم ورحمةالله
الاعضاء الكرام انا عاوز رايكم فى السوزوكى التو الجديده ﻻنى مقبل على شرائها بإذن الله ودى هتكون اول سياره ليا .. لو حد اشتراها من الاعضاء يفيدنى بعيوبها ومميزاتها ؟ وبالنسبه لقطع غيارها هل متوفرة؟ وهل هى تنفع كسيارة عائلية تتسع ل خمس افراد ؟

انا سالت عليها فى المنصورة فى معرض السبع ب 60الف فهل لو اشتريتها منه وحبيت ازود فيها كاسيت وانذار هيركبهم وﻻ دا ﻻزم يكون من التوكيل ف القاهرة؟
ولو اشتريتها منه بالنسبه للصيانه الدوريه هتكون عنده برده وﻻ فين؟
وايه الحاجات اللى المفروض استلمها مع العربيه؟

معلش اعذرونى على الاسئلة الكتير بس انا اول مره اشترى عربيه وماعنديش اى خبره فيها وكمان كنت محتار بينها وبين المستعمل او الفيرنا جديده اقساط

[shiko85]

السلام عليكم ورحمة الله
وعليكم السلام ورحمة الله وبركاته
الاعضاء الكرام انا عاوز رايكم فى السوزوكى التو الجديده محتار بينها وبين المستعمل او الفيرنا جديده اقساط
المستعمل فيه نصب و غش كتير فا بلاش منه احسن خصوصا انها هتكون اول عربيه لكن لو فيه عربيه مستعمله بتاعت حد ثقه الموضوع هيختلف
بالنسبه للــ التو و الفيرنا لو حضرتك تقدر تشترى فيرنا يبقى توكل على الله لانها هتكون افضل من الـ التو فحاجات كتير
و ممكن تفكر فعربيات تانيه بنفس سعر الفيرنا زى الانوس مثلا

[OmarAdel98]

ممكن كمان تصبر شوية لغاية 2015 و تجيب لادا جرانتا

[Mido Casper]

انا من رايي برده لو تقدر تدفع تفكر ف عربيه زي الفيرنا واللانوس و اللوجان هتكون افضلك من الالتو وخصوصا لو عائليه

[S O P H O S]

حضرتك ممكن تشتري مستعمل زي الفيرنا او اللانوس
كمثال ولا الاختيار لازم زيرو ؟

[mohamed ez]

استاذ shiko85
انا فعلا عاوز ابعد عن المستعمل عشان خايف من الغش ولو فيه حد اعرفه كنت هجيب منه ... حضرتك بتقول ان الفيرنا احسن من الالتو ؟ فى ايه ؟ مع انى بسمع كتير مشاكل من ملاك فيرنا من عدم ثبات وفرامل مش كويسه ولازم اغير الجنوط والكاوتش ... دا غير ان الالتو الجديده بيقولو انها بتوفر ف البنزين كتييير جداا
طب لو حتى اقتنعت بالفيرنا هى الافضل ولا اللانوس من حيث الكفاءة واستهلاك البنزين

استاذ OmarAdel98
شكرا لحضرتك بس امكانياتها ايه

استاذ Mido Casper
تفتكر حضرتك ايه الافضل فى التلاته من الناحية الاقتصاديه

استاذ S O P H O S
لا حضرتك مش بفكر فى مستعمل لانى خايف من الغش .. زى مالاستاذ شيكو قال

ياترى ايه الافضل اقتصاديا الالتو ولا اللانوس ولا الفرنا ؟

[shiko85]

استاذ shiko85
انا فعلا عاوز ابعد عن المستعمل عشان خايف من الغش ولو فيه حد اعرفه كنت هجيب منه ... حضرتك بتقول ان الفيرنا احسن من الالتو ؟ فى ايه ؟ مع انى بسمع كتير مشاكل من ملاك فيرنا من عدم ثبات وفرامل مش كويسه ولازم اغير الجنوط والكاوتش ... دا غير ان الالتو الجديده بيقولو انها بتوفر ف البنزين كتييير جداا
طب لو حتى اقتنعت بالفيرنا هى الافضل ولا اللانوس من حيث الكفاءة واستهلاك البنزين

فيرنا ماتور اقوى حجم افضل كماليات اكتر (تكييف - باور - زجاج كهرباء)
عدم ثبات من 120 كم/س - فرامل فعلا ضعيفه بس تغيير الجنوط لـ مقاس 14 و كاوتش عريض بيحسن اداء الفرامل بشكل ملحوظ
الألتوا هتوفر بنزين لان الـ سى سى قليل بس فالمقابل hp كمان قليل
المقارنه بين الفيرنا و اللانوس من حيث الكفاءه فأعتقد ان الـ 2 متقاربيين جدا
و استهلاك بنزين هيكون لصالح اللانوس لانها 1500 سى سى
و الوسع الداخلى للانوس كمان

[Mido Casper]

الفيرنا ماتورها اشد من البدي ف مفيش ثبات وواطيه ع الارض و بصراحه انا بحترم اللانوس جدا و تقدر تحس الفرق ف سعر المستعمل
اللانوس اقتصاديه و متاكلش بنزين ،ثابته اكتر ... اللوجان مشفتش حد جربها عشان اقدر افيدك بامانه بس الرينو فرنسي وكويسه برده بس اللانوس اوسع وامتن ... و الاول والاخر بلاش مستعمل عشان بتدفع عليها تمنها او ع الاقل لو هي كويسه هتدفع فيها الفرق بينها وبين الجديد

[Abo_Mazen]

موتور أقوى موتور أقوى ..أنا بحترم الموتور الأقوى ..بس الموتور الأقوى محتاج إقتصاد أقوى للي هيشتري عشان خاطر البنزين ..ولا أجيب موتور 1500 سي سي أو 1600 سي سي وأقضيها بقى بنزين 80 وأوكتان بوستر وتنظيف رشاشات وتغيير فلاتر ..رأي الشخصي ..جيبي وبيتي أولى بالفلوس من الموتور الأقوى ..يبقى خلينا في حاجه سعة لتريه قليله ..وفلوس قليله في البنزين ..وده رأي الشخصي

أنا قريت خبر من كام يوم في أخبار المنتدى هنا إن الدعم هيتشال كليا عن البنزين في خلال 5 سنوات ..يعني لتر البنزين 80 ممكن نجيبه بعد 5 سنين بأربعة جنيه مصري ..

[mohamed ez]

والله ياجماعه حاجه تحير والفروقات غريبه
وانا اهم حاجه عندى توفير البنزين ﻻنى جايب حاجه بديله لزحمة وغلو اسعار المواصﻻت

[mohammed_m]

كل الناس اللى سالتهم بيحبوا الموتور الاقوى 1600 سى سى بس
لما بسال ليه علشان التكييف و السرعة
لو مش مهم التكييف وبعدين مش عايزين ندخل فى سباق سيارات وخصوصا الشوارع مش تساعد
فى الزحمة ماروتى هتكون واقفة جنب فيرنا زى بعض بس الفرق فى الحجم و توفير البنزين

[Mido Casper]

والله ياجماعه حاجه تحير والفروقات غريبه
وانا اهم حاجه عندى توفير البنزين ﻻنى جايب حاجه بديله لزحمة وغلو اسعار المواصﻻت

بص التوفير ف البنزين بيفرق ف كمان ف الاستعمال والسواقه .. ال1300 توفر اكتر ف البنزين و المانيوال اكتر من الاتوماتيك والتكييف بيعمل اكتر ف متحطش ف دماغك عشان متتعبش نفسك .
هات اللانوس وفي ناس بتقول بيتحطلها بنزين 80 بس بعد التليين وخش ع الجروب بتاعهم ف المنتدي هنا واسال الناس وشوف :)
وبصراحه العربيه توفيرها ف عدم البهدله اكتر حاجة بصراحه والمشاوير الطويله والبعيده و كده المهم تطمنا عشان والله انا بقيت متوتر ليك

[Mido Casper]

كل الناس اللى سالتهم بيحبوا الموتور الاقوى 1600 سى سى بس
لما بسال ليه علشان التكييف و السرعة
لو مش مهم التكييف وبعدين مش عايزين ندخل فى سباق سيارات وخصوصا الشوارع مش تساعد
فى الزحمة ماروتى هتكون واقفة جنب فيرنا زى بعض بس الفرق فى الحجم و توفير البنزين

التكيف مهم طبعا و الحراره بقت فظيعه ف مفيش استغناء عنه بصراحه ..
بعدين مش عشان 1600 تبقي سباقات ^_^ السرعه ع حسب السواق وبعدين لو جيت للحق العربيات
بس ال1600 تكون مرتاحه ف التكييف واريح من ال1300 بعدين مفيش هاي لاين 1300
انا افضل ال1600 الاقل 1500

[scientist9508]

بسم الله الرحمن الرحيم

الأخ الفاضل mohamed ez

أنصحك بأن تبتعد عن الألتو الجديده ثم تفكر ماذا تفعل بعد ذلك. أنا عندى ماروتى و أعلم جيدآ الفرق بين الجديد و القديم. و أستطيع أن أقول لك إن السياره الألتو الجديده هى نفسها ماروتى و لكنى بمحرك معدل مع تغييرات داخليه و خارجيه. و لكن للأسف هذه التغييرات أفقدت السياره أهم مميزاتها.

ما سيأتى مبنى على خبره عمليه على أرض الواقع مع الماروتى 5 سنوات و قراءه لمواصفات الألتو الجديده. من فضلك راجع الرابط الآتى

http://www.nilemotors.net/Nile/430665-2015.html

1 - الماروتى القديمه محركها 800 CC ولكن بكربوراتير أم الألتو الجديده 800CC ولكن إنجيكشن وهذا يجعلها أوفر فى الوقود و لكن ستشعر بكسل المحرك و ضعفه كلما تحركت بالسياره من السكون

2 - فى هذه النقطه سأدعم النقطه السابقه بإثبات على أن التغيير الحادث فى المحرك هو تغيير للأسوأ. عدد الأحصنه لم يتغير بين الماروتى القديمه و الألتو الجديده فكلاهما 47 حصان و 48 حصان و لكن نظام التغذيه بالوقود تغير بما لا يناسب هذا المحرك الصغير

3 - الآن وصلنا لإستنتاج أن محرك الماروتى القديم أداؤه أعلى من محرك الألتو الجديده مع زياده طفيفه فى إستهلاك الوقود. أضف إلى ذلك أن تقريبآ كل من قاموا بتركيب تكييف فى الماروتى القديمه ندموا على ذلك و فشل الأمر لقلة أحصنة المحرك مع أنه صاحب الآداء الأعلى مقارنة بالألتو الجديده. و أضف إلى ذلك أيضآ أن بعض المحركات ذات ال 1600 CC يضعف آداؤها بشكل واضح عند تشغيل التكييف مثل محرك البيجو 301 أو السيتروين سى إيليزيه. فبالله عليك كيف تتوقع أداء المحرك أو التكييف عند تشغيلهما معآ فى الألتو الجديده؟.

4 - أعلم أن مسألة قبول الشكل أو رفضه هى مسألة أذواق و لكن بالنسبه لى شكل الألتو الجديده غبى و غير متناسق. كيف يمكن لسيارة بهذا الحجم الصغير أن تكون فوانيسها الأماميه بهذا الحجم الكبير و كأنها تنادى على من يكسرها أثناء سير السياره

5 - من أهم مميزات الماروتى القديمه أنك تستطيع التخلص من التقيد بمودرن موتورز من أول يوم لأن أى ميكانيكى يستطيع أن يصلح فيها أى عطل مهم كان. أما الألتو الجديده فلا أظن ذلك و إن لم تثبت صحة وجهة نظرى فى هذه النقطه على أرض الواقع

أرحب تمامآ بأنى خلاف فى الرأى و لكن أن يكون مبنى على تجربه عل أرض الواقع للألتوالجديده.

أنصحك بسياره من إثنين

1 - لوجان (سواء الشكل القديم أو الجديد و يحدد ذلك قدرتك الماليه)

2 - لانوس

و من وجهة نظرى أن اللوجان أقوى و أوفر فى إستهلاك الوقود و أكثر متانه و ثبات على السرعات العاليه فى السفر و عمر أطول إن حافظت عليها

هداك الله لأرشد أمرك و أقومه

السلام عليكم ورحمة الله و بركاته

[mohammed_m]

ممكن عمل مقارنة بين اللوجان و لانوس و نيو سويفت 2015 سيدان