استفسارات بخصوص الالتو الجديده 2015

[bondokk]

بسم الله الرحمن الرحيم

الأخ الفاضل mohamed ez

أنصحك بأن تبتعد عن الألتو الجديده ثم تفكر ماذا تفعل بعد ذلك. أنا عندى ماروتى و أعلم جيدآ الفرق بين الجديد و القديم. و أستطيع أن أقول لك إن السياره الألتو الجديده هى نفسها ماروتى و لكنى بمحرك معدل مع تغييرات داخليه و خارجيه. و لكن للأسف هذه التغييرات أفقدت السياره أهم مميزاتها.

ما سيأتى مبنى على خبره عمليه على أرض الواقع مع الماروتى 5 سنوات و قراءه لمواصفات الألتو الجديده. من فضلك راجع الرابط الآتى

http://www.nilemotors.net/Nile/430665-2015.html

1 - الماروتى القديمه محركها 800 CC ولكن بكربوراتير أم الألتو الجديده 800CC ولكن إنجيكشن وهذا يجعلها أوفر فى الوقود و لكن ستشعر بكسل المحرك و ضعفه كلما تحركت بالسياره من السكون

2 - فى هذه النقطه سأدعم النقطه السابقه بإثبات على أن التغيير الحادث فى المحرك هو تغيير للأسوأ. عدد الأحصنه لم يتغير بين الماروتى القديمه و الألتو الجديده فكلاهما 47 حصان و 48 حصان و لكن نظام التغذيه بالوقود تغير بما لا يناسب هذا المحرك الصغير

3 - الآن وصلنا لإستنتاج أن محرك الماروتى القديم أداؤه أعلى من محرك الألتو الجديده مع زياده طفيفه فى إستهلاك الوقود. أضف إلى ذلك أن تقريبآ كل من قاموا بتركيب تكييف فى الماروتى القديمه ندموا على ذلك و فشل الأمر لقلة أحصنة المحرك مع أنه صاحب الآداء الأعلى مقارنة بالألتو الجديده. و أضف إلى ذلك أيضآ أن بعض المحركات ذات ال 1600 CC يضعف آداؤها بشكل واضح عند تشغيل التكييف مثل محرك البيجو 301 أو السيتروين سى إيليزيه. فبالله عليك كيف تتوقع أداء المحرك أو التكييف عند تشغيلهما معآ فى الألتو الجديده؟.

4 - أعلم أن مسألة قبول الشكل أو رفضه هى مسألة أذواق و لكن بالنسبه لى شكل الألتو الجديده غبى و غير متناسق. كيف يمكن لسيارة بهذا الحجم الصغير أن تكون فوانيسها الأماميه بهذا الحجم الكبير و كأنها تنادى على من يكسرها أثناء سير السياره

5 - من أهم مميزات الماروتى القديمه أنك تستطيع التخلص من التقيد بمودرن موتورز من أول يوم لأن أى ميكانيكى يستطيع أن يصلح فيها أى عطل مهم كان. أما الألتو الجديده فلا أظن ذلك و إن لم تثبت صحة وجهة نظرى فى هذه النقطه على أرض الواقع

أرحب تمامآ بأنى خلاف فى الرأى و لكن أن يكون مبنى على تجربه عل أرض الواقع للألتوالجديده.

أنصحك بسياره من إثنين

1 - لوجان (سواء الشكل القديم أو الجديد و يحدد ذلك قدرتك الماليه)

2 - لانوس

و من وجهة نظرى أن اللوجان أقوى و أوفر فى إستهلاك الوقود و أكثر متانه و ثبات على السرعات العاليه فى السفر و عمر أطول إن حافظت عليها

هداك الله لأرشد أمرك و أقومه

السلام عليكم ورحمة الله و بركاته

ال ألتو الجديده ماتورها هو نفس ماتور الالتو ٢٠٠٨-٢٠١٣ اللي هو f8d
ده ٤٨ حصان ( غير ماتور الماروتي خالص اللي ٣٧ حصان فقط)
اعتقد الاختلاف في موديل ٢٠١٥ هو الشكل الخارجي فقط وممكن تراجع كل المواصفات بين الشكل القديم والجديد من موقع سوزوكي الرسمي
ولكن انا شايف الماروتي تكنولوجيا قديمه ومن غير الانصاف مقارنتها بالالتو خالص وده عن تجربه العربيتين بنفسي

[D . a .\ AYMAN]

أنا كان معايا الألتو 2008 مكيفة وزجاج كهرباء وباور .. والحمدلله طوال مدة الـ 6 سنوات اللى فاتو لم أواجه معها مشاكل حقيقية نهائيا

وطبعا التكييف مؤثر على اداء العربية ... بس هي أدائها أصلا من غير التكييف كويس جدا لأنها خفيفة ..وبالتكييف مش وحشة ولا خنيقة قوي يعني .. كنت بسافر بيها وأجيب سرعات أعلى من 120 ك/س على طرق العين السخنة والصعيد الغربي الجديد والسويس والغردقة ومطروح والعريش والإسماعيلية واليكس وبورسعيد ودمياط والشرقية وحواريها ... كل الطرق دي مشيت عليها بالألتو بالذات أكتر من مرة ومعظمها كان إسبوعيا لمدد كبيرة من الزمن

العربية في المجمل كويسة جدا من ناحية التوفير بالنسبة لأي عربية 1600 سي سي ... فرق الضعف تقريبا ... وده بيبان أكتر في الشوارع الزحمة ... لأن الموتور الـ 1600 سي سي وهو واقف في الإشارة أكيد هايحرق بنزين أكتر من الموتور الـ 800 سي سي وهو واقف معاه في نفس الاشارة لنفس المدة

لكن في السفر الموتور 1600 هايكون موفر أكتر من الـ 800 سي سي ... وده عن تجربة مش كلام نظري

بس المشكلة إن الألتو الجديدة للأسف شالوا منها بعض الحاجات اللى كانت لذيذة في القديمة عشان يوفر فرق في السعر لنفسه

وأكتر حاجة غايظاني المرايات بتاعة الماروتي اللى حطوها فيها دي من غير تحكم داخلي حتى ... بس عموما المرايات مقدور عليها ممكن الواحد يشتري مرايتين بتوع الألتو 2008 وهايركبوا عليها بإذن الله من غير أي تعديل