S-cross

[Geo93]

حد عنده فكره عن العربيه دي لان انا شايف انها تنافس القشقاي و الix35 و السبورتاج ، بل هي ممكن تكون افضل منهم كقيمه مقابل السعر

[D . a .\ AYMAN]

أنا شايفها عربية رائعة بصراحة بالسعر ده والإمكانيات دي جنب السبورتاج اللى بقت بحوالي 230 ألف .. يعني فرق يعني فرق 45 ألف جنيه في ميزةالانتشار فقط

وعربية ياباني فيها كل الضروريات المطلوبة من عوامل أمان وكماليات ترفيهية وشكلها جميل جدا من وجهة نظري

راجع الموضوع ده فيه شوية صور ومعلومات عنها

http://www.nilemotors.net/Nile/430665-2015.html

[Hosam_Optrawy]

بالمقارنه بالسبورتاج وال ix ولا تتفوق ولا حاجه

حجم أصغر

موتور أضعف

سوزوكى تقفيل المجر

والأهم من دول

تعليق خلفى Torsion-Beam مش Multi-Link

كل دا ليه تمنه

دا مايمنعش ان الهيونداى والكيا سعرهم أوفر شويه , بس مازالوا فنيا أفضل من السوزوكى

[S O P H O S]

هي كويسة بس مينفعش تنافس الكيا فرأي

[Dr_Smart]

ممتازه .. بس مشكلتها انها جديده وماتجربتش .. لكن قياسا على الsx4 هي متجربه معايا ولله الحمد ٥ سنين و ٩٠ الف كم والحمد لله رب العالمين عربيه ممتازه بكل المقاييس وماحدش اشتكى منها من الناس اللي اعرفها
انا ظهر عندي مشكلتين اتنين وتم حلهم في الضمان علبة دريكسيون والعربيه كانت بتبطل لوحدها وتبين بعد الفحص انه عيب بطاريه وانتهت المشكله بتغييرها

بالنسبه بقى لمقارنتها بالكيا والهيونداي .. اولا سعرهم اغلى بكتير بدون داعي تماما
ثانيا اخويا معاه كيا ريو من ٢٠١١ صرف في الصيانات العاديه اضعاف اللي صرفته سواء لارتفاع المصنعيات او لتغيير حاجات استهلاكيه ماتغيرتش عندي لغاية دلوقتي .. ده غير الحاجات اللي اتعملت في الضمان وبتدل على فرق الاعتماديه والعمر الافتراضي بين الكوري والياباني