بحمد لله استلمت ورخصت سوزوكي سويفت 2015 ديزاير سيدان

[El Prince]

انا خلاص نويت اشوفها في معرض علشان التوكيل زهقني بس انا بخاف من المعارض ايه رايك استلم ازاي


ثانيا انا الفترة دي شغلي مخليني اعمل تقريبا 200 كم في اليوم بس فترة مؤقته بالكتير شهرين ايه رايك هتستحملني ولا ايه وايه اقصي سرعه بتبقي ثباتها امان

انا بفضل شخصيا التوكيل - و ربنا يوفقك لما هو فيه الخير
قطع مسافات بالعربية دى بالذات هايوفر معاك بنزين جامد جدا و بطريقة ملحوظة ده غير ان بها اعتمادية السيارات اليابانية
و فى نفس الوقت العربية سحبها و عزمها جيد جدا يعنى لما تعوز تشد بيها هاتلاقيها تسعفك

اقصى سرعة انا جبتها بيها و حاسس بالثباات و الامان هى 140 كم فى الساعه و مفيش اى خوف بس انا الحفيفة مازودتش عن كده لان اسرتى بتكون معايا اثناء السفر ( خللى بالك التكييف شغال و العربية محملة على اخرها) و مفيش اى تاثير سلبى
و فيه ناس اعرفهم جابت لحد 160 كم بس انا لا افضل السرعات العالية لأن لا طرقنا و لا عباقرة القيادة اللى حوالينا يسمخو بده و ربنا يستر طرقنا جميعا

[Rana k Nazeem]

الامانة تقتضى ان العربية اللى ماجربتهاش مقدرش احكم بينها و بين عربية معايا بالفعل من حوالى سنة
كل اللى اقدر اقولهولك عن السويفت انها عربية ممتعه فى القيادة و المناورة و الثبات و توفير البنزين

شكرًا جداً علي الرد .. و ربنا يباركلك فيها و معلش سؤال كمان ؟ هل العربية هندي فعلا و حتي الموتور مش ياباني ؟
و بالنسبة لل resale حضرتك عندك اي خبرة في الموضوع ده و طبعا هو نسبي بس هل الواحد لما يجي يشتري يفكر فيه و عشان علي ما سمعت انها هندي ف ده هيقلل في السعر ؟! و لا دي اشعات .. انا حاجزة السويفت بس طول مدة الحجز مملة جدا ..
و معلش للإطالة و شكرًا لسعة صدرك للأسئلة و إجابات حضرتك الوافية بصراحة :))

[El Prince]

شكرًا جداً علي الرد .. و ربنا يباركلك فيها و معلش سؤال كمان ؟ هل العربية هندي فعلا و حتي الموتور مش ياباني ؟
و بالنسبة لل resale حضرتك عندك اي خبرة في الموضوع ده و طبعا هو نسبي بس هل الواحد لما يجي يشتري يفكر فيه و عشان علي ما سمعت انها هندي ف ده هيقلل في السعر ؟! و لا دي اشعات .. انا حاجزة السويفت بس طول مدة الحجز مملة جدا ..
و معلش للإطالة و شكرًا لسعة صدرك للأسئلة و إجابات حضرتك الوافية بصراحة :))

الحقيقة انا اول حاجة سألت عليها فى التوكيل قبل ما أحجزها النقطة دى و كانت اجابتهم " مكونات يابانى تجميع هندى "
بس لو حتى ان المكونات دى تم تصنيعها بالاكمل 100 % فى مصنع هندى - ده مايزعلنيش فى حاجه طالما كان داخل مصنع سوزوكى اليابانية ( اللى بالمناسبة تمتلك 51 % من أسهم الشركة و لها الاشراف و الادارة و المراجعه عليه "
يعنى يكفينى ان دقة المهندسين اليابانيين هى اللى بتراجع كل صغيرة و كبيرة سواء من ناحية التصميم أو التصنيع ثم التجميع انتهاء الى جودة المنتج النهائى
لازم نكون متفتحين - انا اقدر اقول لحضرتك ان ده فيه فائدة اكبر ليا !!!
ازاى - فرق السعر فى مصلحتى انا كمستهلك - هاتفرق ايه ان العربية جاية من مصنع سوزوكى اللى فى اليابان- او مصنع سوزوكى اللى فى الهند ؟؟؟ الى بالمناسبة دلوقتى بتعمل اقمار صناعية و قمة التقدم فى الصناعات الثقيلة و الالكترونيات ...

موضوع اعادة البيع ده انا لا افكر فيه - لأنى مش هافكر ابيع العربية قبل 5 أو 7 سنين - أشغل دماغى ليه بالموضوع ده ؟ حد ضامن عمره - بس ربنا يستر علينا و على عائلاتنا و تمر السنين دى من غير بلاوى طرقنا الجميلة :)

و عموما اكتر من شخص عرض بيع العربية و جابت سعر ممتاز ( يعنى فى حدود 95 ال للهاتشباك و خلال يومين او تلاته فقط ) و فى الاخر لم يقوموا ببيع العربية :)

معلش بالنسبة لطول مدة الحجز علشان ظروف الوكيل مودرن موتورز اللى ماشى على القد فى السوزوكى - سياسة تسويقية غلط بس للاسف لازم نتعامل مع الوضع

و فى الاخر اعتبريها فترة فرصة مراجعه و ملاحظة السوق و الانواع و الموديلات التانية اللى فيه ...

وفقك الله للأصلح ..

[takakan2005]

very attractive & practical car

very attractive & practical car

[El Prince]

very attractive & practical car

ده حقيقى العربية جذابة و شيك و عملية جداااا
و خصوصا تكييفها الرائع فى هذا الجو الحااااااااار جدا هذه الايام
لم اكن اتوقع مثل هذه الكفاءة من سيارة اقتصادية فى استهلاك البنزين

[volociximab]

مشكلة العربية دى انها داخلة فى منافسة مع فئة ال1300 و 1400 سي سي

[El Prince]

مشكلة العربية دى انها داخلة فى منافسة مع فئة ال1300 و 1400 سي سي

اعتقد ان دى ميزتها يا باشا - استهلاك بنزين أقل و أداء جيد جدا
خالص تحياتى

[El Prince]

داخل على صيانة العشر تلاف كيلو
ايه الاسعااااااااار دى ؟!!!؟
دعواتكم

[El Prince]

عملت الصيانة بره التوكيل ..
بس اشتريت قطع الغيار من منفذ بيع قطع الغيار بتاعهم فى مدينة نصر
فلتر زيت ب 60 ج
و فلتر هوا 145 ج
و الزيت 3 لتر توتال ب 420 ج من المحطة و غيار 15 ج
و ربط العافشه و رجلشت الفرامل و تزبيط زوايا 100 ج

يعنى اجمالى حوالى 750 ج
هى كل حاجه فى حته و محتاجه وقت بس على ايدك

تحياتى

[mohammad isdf]

عملت الصيانة بره التوكيل ..
بس اشتريت قطع الغيار من منفذ بيع قطع الغيار بتاعهم فى مدينة نصر
فلتر زيت ب 60 ج
و فلتر هوا 145 ج
و الزيت 3 لتر توتال ب 420 ج من المحطة و غيار 15 ج
و ربط العافشه و رجلشت الفرامل و تزبيط زوايا 100 ج

يعنى اجمالى حوالى 750 ج
هى كل حاجه فى حته و محتاجه وقت بس على ايدك

تحياتى

يا باشا أنا جبت العربية بعديك ورايح إن شاء الله أعمل صيانة ال 50000 إن شاء الله

بس قولي عملت الصيانات فين ؟ هل في حد بيفهم في زماننا ده ؟

خلي بالك عشان في عيوب صناعة زي قاعدة الموتور وكنترول ال abs ظهرت عند كتير من الناس فالأفضل خليك مع الوكيل والفروق عن برة مش كبيرة أوي

[El Prince]

يا باشا أنا جبت العربية بعديك ورايح إن شاء الله أعمل صيانة ال 50000 إن شاء الله

بس قولي عملت الصيانات فين ؟ هل في حد بيفهم في زماننا ده ؟

خلي بالك عشان في عيوب صناعة زي قاعدة الموتور وكنترول ال abs ظهرت عند كتير من الناس فالأفضل خليك مع الوكيل والفروق عن برة مش كبيرة أوي

يا باشا عقبال ماتعمل بيها مليون كيلو متر كمان :)

حضرتك بالنسبة لتغيير فلتر الزيت بيكون فى المحطة مع تغيير الزيت نفسه

تربيط العفشه عملته مع الروتيشن و زبط الزوايا

رجلاش الفرامل عند اى ورشه فرامل نضيفه

و ممكن تعمل كل ده مع بعض مره واحده فى مركز صيانة محترم بيشتغل فى اليابانى

بالنسبة لعيوب الصناعه ماظهرش عندى اللى بتقول عليه الحمد لله
لكن ظهر عندى ترشيح زيت فى مساعد خلفى و ده غيرهولى بواحد جديد فى التوكيل من غير كلام كتير

و ربنا هو الساتر و الحافظ

[El Prince]

جركن الزيت شيل الترا ب 605 جنيه ؟؟؟
ايه الحلاوة دى ؟؟

[El Prince]

images.jpg