هل السويفت ديزاير هتكون مناسبة ليا ؟؟؟

[Mahmoud.Fathy]

معايا لانوس جوليت ومريحاني جدا بس عاوز اغير بقي لعربية اوتو وتكون زيرو ... بفكر في حاجة لا تتعدى 110 الف ... بفكر جديا في الديزاير عشان الشنطة .. لكن لو السويفت شنطتها نفس حجم شنطة الجوليت مفيش مشكلة ... عاوز اعرف شنطة الديزاير كام لتر والسويفت كام لتر ...

استخدامي للسيارة كالاتي
من البيت الي العمل يوميا اجمالي مسافة حوالي 100 كم
سفريتين قصيرتين شهريا من اكتوبر الى بنها حوالي 180 كم رايح جاي
سفرين طوال مرتين في السنة لمرسى مطروح او العريش او شرم او الغردقة

هل السيارة ال 1200 سي سي هتكون مناسبة للاستخدام ده ولا افكر في حاجة اكبر شوية واروح على الكيا ريو مثلا او البيجو 301 ... بس ساعتها هستنى شوية لحد اما احوش فرق السعر

افيدوني لاني في قمة الحيرة

[ahmed_moeaz]

متابع بشدة ،،

[m.m.mohsen]

بص حضرتك هى السويفت شنطتها 210 لتر والديزاير شنطتها 315 لتر وانا تقريبا والله نفس مشاوير حضرتك 95 كيلو بالظبط يوميا 5 ايام فى الاسبوع وسفر مصيف على زيارات لبلدى وتوكلت على الله ونويت على الديزاير بعد ما كنت ناوى على السويفت الهاتش باك وعشان انا مجرب السوزوكى ومواتيرها لانى كنت بعمل المشاوير دى كلها بالتو وكانت شيلانى بصراحة واصيلة اوى لمدة 5 سنين ونويت على الديزاير يمكن عشان الشنطة وعشان الكنبة اوسع 15 سم فلو عيلتى ركبت معايا ميبقوش مضايقين وحسيت انها تستاهل اكتر من كده بصراحة، وبالنسبة للرينو ففى اعضاء هنا ركبوا الاتنين وبيقولوا ان السويفت احسن من الرينو والله انا الحمد لله مقتنع بيها لانها جت بعد استخارة ربنا كتير اوى الحمد لله وحتى كنت بهرب منها عشان مكنش معايا يكمل الفلوس وبرضو تفضل ورايا :d فتوكل على الله وصلى استخارة لربنا مرة واتنين وتلاته وان شاء الله ربنا يوفقك للى فيه الخير ليك يارب

[mohmet]

و ليه مافكرتش في الميتسوبيشي اتاراج ( تعتبر نفس الكاتيجوري)
انا بفكر معاك بصوت عالي
ربنا يوفقك للخير ان شاء الله

[m.m.mohsen]

جايز عشان 3 سلندر و1200 سى سى وبتدى 78 عكس الديزاير 4 سلندر و1200 سى سى و87 حصان يعنى اعلى 9 حصان ودى حاجة مش قليلة بالنسبة ليه وانا الحمد لله حجزتها خلاص وقربت استلمها وكنت بقارنها فعلا بالاتراج بس استريحت للديزاير اكتر

[Mahmoud.Fathy]

الاتراج فعلا 3 سلندر وتابلوه من جوا فقير جدا مقارنة بالديزاير ... مرتاح انا للسوزوكي اكتر من المتسوبيشي

[El Prince]

الاتراج فعلا 3 سلندر وتابلوه من جوا فقير جدا مقارنة بالديزاير ... مرتاح انا للسوزوكي اكتر من المتسوبيشي

توكل على الله و مبروك مقدما و هاتتبسط منها جدا ماشاء الله عليها عربية جميلة وسع و ثبات و توفير و موتور قوى و تكييف جميل و كل ده مع الاوتوماتيك سريع الاستجابة و لسه بعد التليين هاتحلو كمان و كمان :)

http://www.nilemotors.net/Nile/439246-2015.html

[Mahmoud.Fathy]

تمام .... اخبار اسعار قطع الغيار ايه

[El Prince]

اعتقد فى الرينج المعقول
الاسعار دى منقولة يعنى مش متأكد منها:


مساعد امامي 690
اكصدام امامي 660
مراية 1220
مقص امامي 550
تيل فرامل امامي 525
فانوس امامي 770
فانوس خلفي 275

[Mahmoud.Fathy]

كلامكو مطمني ... بس خايف جدا من التوكيل ...

[El Prince]

والله يا باشا كل التوكيلات فى مصر شبه بعض
لكن المؤشرات بتقول انهم ابتدوا يهتموا ببراند السوزوكى و ده واضح من خدمة العملاء بعد البيع و تخصيص مكان صيانة و خدمة منفصل فى ابو رواش
معرفش ايه الوضع فى الهايكستب
الله المستعان

[eng_nah]

https://www.facebook.com/groups/380231375458364/

ده جروب لسويفت و ديزاير

[TIMODAX]

تنفع لحد وزنه تقيل
وواسعه زي اللوجان
مع الشكر

[El Prince]

تنفع لحد وزنه تقيل
وواسعه زي اللوجان
مع الشكر

صحيح بناء على تجربتى الشخصية و معايا ناس تقال بالفعل و اللذيذ انه لا يؤثر على ارتفاع العربية بالسلب بل يؤثر على نعومة العفشه بالايجاب !! مش عارف ازاى