توكيل سوزوكى

[exact]

فى حاجة محيرانى جداً مع التوكيل ده ومبستريحلوش نهائى خاصة فرع الدقى، المهم أخر مرة روحت فيها كانت لصيانة الــ 10 الاف والعربية ماروتى 2007 المهم العداد كان عامل تقريباً 9860 كم الباشمهندس كتبها 9200 كم فى الأوردر بتاع الشغل ، أنا أفتكرته غلط ولما نبهته قاللى لأ لأ كده أحسن!! طبعاً أنا مش عارف أحسن فى أيه؟! بس طبعاً أكيد فيه سر فى الموضوع ده وطبعاً بيكون لصالح التوكيل والله أعلم
لو حد يعرف ياريت يقولنا ليه دايماً المهندس بيحاول يكتب الرقم الأقل؟ زى الأخ الكريم اللى عربيته تقريباً صيانة الـ 25 ألف والمهندس دخله فى صيانة الـ 20 ألف

أنا معرفش بس والله أعلم أعتقد إنه عمل كدة عشان لو العيب اللي مصلحه رجع تاني ييجي يقول لك انت جاي تتكلم بعد ماعملت 700 كيلو بالعربية وده رأيي الشخصي وليس عن تجربة

[badblood]

و الله العربية جميلة و ناعمة وواسعة و اقتصادية جداَ في التشغيل و استهلاك البنزين دي حتى مرة قستها على طريق اسكندرية الصحراوي قطعت 220 كم بأقل من 12 لتر بنزين ، كان نفسي أجيب ال 4 باب 2000 سي سي و لكن سعرها عالي علي شوية بس اتفرجت عليها في المعرض اللي في شارع المساحة بالدقي و هي تستاهل أكتر من كدة و ربنا يقدرنا و نجيبها - ان شاء الله.
و السلام عليكم و رحمة الله و بركاته.

صباح الفل
ممكن معلومات اكتر عن الجراند فيتارا
من حيث السعر وقطع الغيار والصيانة
العربيه كاكل
وجزاك الله خير

[tamtoma]

يا استاذ علاء بما ان اختك عندها سوزوكى التو اطلب منك المشوره لانى قدامى عربيه سوزوكى التو موديل 2009 وهى 800سى سى وفيها تكييف كنت عايزه اعرف راى الناس الى معاهم العربيه دى ايه فيها لانى مش بفهم فى العربيات ودى اول مره اسوق وخايفه اجيب حاجه 800 سىسى وفيها تكييف لان فى ناس قلقتنى منها ممكن المساعده

[waelabdo]

العربية ما شاء الله جميلة جدا و تكيفها كويس و لو حد قالك بيأثر على السحب قللوا ماهو كل العربيات بتتأثر سحبها بالتكييف
أنا اشتريتها في سبتمبر 2008 و ما شاء الله عفشتها حلو ة وشحبها جميل و الباور ستيرنج بتاعها حلو

اشتريها و توكل على الله

[خالد]

أنا معرفش بس والله أعلم أعتقد إنه عمل كدة عشان لو العيب اللي مصلحه رجع تاني ييجي يقول لك انت جاي تتكلم بعد ماعملت 700 كيلو بالعربية وده رأيي الشخصي وليس عن تجربة

:b4_388::b4_388::b4_388:
هايل برافو عليك صح كده
أنا فعلاً مابطمنلهمش خالص فى التوكيل الزفت ده
ركبت عنهم انذار وسنتر بـــ 600 ج
وبيعلق على طول ويقعد يقفل السنتر لوحده وأنت ماشى بالعربية والسرينة تشتغل وتبقى عامل فضيحة فى الشارع ومنظرك وحش جداً ومابعرفش أتصرف أعمل أيه ؟ أقعد أقفل وأفتح وأقف على جنب عامل زى اللى فرحان بالزمارة !!!
المهم رحت فرع الدقى علشان يظبطوا الموضوع ده
قابلت المهندس بتاع الأستقبال قاللى المسئول هوة بتاع الأكسسوارات اللى أسمه معتز ( حته عيل كداب وفهلوى) بيحاول يقنعنى أن ده أوبشن لحضرتك وأمان ليك علشان لو معاك أطفال الأبواب كلها تقفل بمجرد ماتخش العربية !!!
أديتله تجربة أن الباب بيقفل من غير ماأرده يعنى المسوجر كله بينزل والباب مفتوح فين الأمان بقى!!
كمان لو ربنا هادى السنتر والبانذار وفتحت الباب لازم تفتح الباب اللى جنبك وتقفله علشان اللمبة تطفى ويبطل الصوت
المهم ربع ساعة وكله تمام ياباشا
تانى يوم نفس الموضوع بالظبط حاجة تقرف

عايز افصله خالص بس مش عارف أفصله أزاى؟ خاصة السرينة
ياريت لو حد يعرف يقوللى أعمل أيه

[meemo]

:b4_388::b4_388::b4_388:
هايل برافو عليك صح كده
أنا فعلاً مابطمنلهمش خالص فى التوكيل الزفت ده
ركبت عنهم انذار وسنتر بـــ 600 ج
وبيعلق على طول ويقعد يقفل السنتر لوحده وأنت ماشى بالعربية والسرينة تشتغل وتبقى عامل فضيحة فى الشارع ومنظرك وحش جداً ومابعرفش أتصرف أعمل أيه ؟ أقعد أقفل وأفتح وأقف على جنب عامل زى اللى فرحان بالزمارة !!!
المهم رحت فرع الدقى علشان يظبطوا الموضوع ده
قابلت المهندس بتاع الأستقبال قاللى المسئول هوة بتاع الأكسسوارات اللى أسمه معتز ( حته عيل كداب وفهلوى) بيحاول يقنعنى أن ده أوبشن لحضرتك وأمان ليك علشان لو معاك أطفال الأبواب كلها تقفل بمجرد ماتخش العربية !!!
أديتله تجربة أن الباب بيقفل من غير ماأرده يعنى المسوجر كله بينزل والباب مفتوح فين الأمان بقى!!
كمان لو ربنا هادى السنتر والبانذار وفتحت الباب لازم تفتح الباب اللى جنبك وتقفله علشان اللمبة تطفى ويبطل الصوت
المهم ربع ساعة وكله تمام ياباشا
تانى يوم نفس الموضوع بالظبط حاجة تقرف

عايز افصله خالص بس مش عارف أفصله أزاى؟ خاصة السرينة
ياريت لو حد يعرف يقوللى أعمل أيه

بصراحة انا تعملت مع التوكيل مرة واحدة بس تاني يوم استلمت العربية الماروتي ربنا علشان العين اتخبطت مني والفانوس الامامي اليمني اكسر طبعا الحمد لله علي قد الفانو س انا كنت لسه مرخصتش المهم طبعا علشان انا جديد ومش فاهم قلت اروح التوكيل اركب الفانوس جزارين ايوه جزارين الفانوس تمنه 135 جنيه طبعا بالنسبة لاي فانوس عربية تاني رخيص وعلي فكرة انا كنت مبسوط افتكرت انه رخيص بعد فترة سالت علي في محل في شارع الجيزة لقته هو هو ب70 جنيه والاصلي الهندي المصيبة انا اللمبة بتاعت الفانوس اللي ركبته اتحرقت بعد شهر وركبت لمبة جديدة المرة دي من بره ب10 جنيه وقلت اركب كاسيت قالي هايكلف 600 جنيه وعيل فكرة كاسيت صيني (التوكيل بيبع صيني) بس دي الملحظات علي التوكيل لغاية دلوقتي وربنا يستر علشان انا اصلا سايب العربية للمدام علشان انا بعمل في الخارج

[خالد]

نصيحة سيبك من التوكيل خااااااااااااااااااااااااااالص
جزارين فى الفلوس ثمن ومصنعية - معاملة سيئة خاصة للماروتى - جودة منخفضة إن لم تكن مفيش خالص - مفيش ضمير ( ركبت عندهم أنذار وسنتر بعد ماأخترت واحد شكله حلو وعليه علامة سوزوكى راح مبدله ومركب واحد تانى مفيش أى بيانات نهائى عليه ولا على العلبة ولا المفتاح ولا أى حاجة حتى تقول أنه شئ ما ، وقال أيه أنا ركبت لحضرتك الأحسن طبعاً صممت أنه يتغير ويركب اللى أنا مختاره من الأول ، وسلملى على التوكيل )
بص ياسيدى معاك كتالوج الصيانة تعرف منه كل حاجة أيه اللى يتغير وبعد كام كيلومتر وعند أى ميكانيكى أو بنزينة محترمة تغير زيت وفلتر وتربط عفشة وتغير طقم الكهربا ..... ألخ
مع تحياتى

[mohamed_kta]

انا مريت بتجربة جعلتنى من الكارهين لهذا التوكيل لكن فى نفس الوقت خلتنى مستغناش عنهم :
أولاً ذهبت للتوكيل فى الدقى لعمل صيانة العشرين و هناك طلب منى باظبط 575 جنية مقابل الكشف على السوائل و تغير طقم الكهرباء و تربيط العفشه و تغيير الزيت و فلتر الزيت .

- و لما مشيت من هناك العربية كانت تمام و بما أنى ساكن فى أكتوبر عديت على كارفور الصحراوى أشتريت حاجات و جيت مروح حصلت المفاجأة !!!! و أنا ماشى على سرعة 80 أو 90 العربية " أفشت " و الله العظيم كنت "هلبس وش" أمامى و خلفى و المهم لقلة خبرتى فى عالم السيارات فضلت أعافر لحد ما وصلت من الصحراوى إلى أول الشيخ زايد فى حوالى شاعة تقرياً مسافة 1 ك و كانت أعصابى بايظه لأنه طريق سريع . وركنت العربية و حلفت ماتدورش تانى أبداً و طبعاً أتحسبنت على التوكيل و اللى فيه طول المدة دى لأنها و ببساطة كانت ماشيه تمام قبل الصيانه .

- المهم شوفت كهربائى و ميكانيكى معرفوش لكن الميكانيكى شط فى الكوندنسر و قالى لازم نقطرها للورشة فى أثناء المداولات بصيت ى الفاتورة اللى لسه ريحة فلوسها فى أيدى لقيت رقم للطوارئ أتصلت و صرخت و أقسمت أنى هطلع على القسم أعمل محضر فالراجل قالى ثوانى و هكلمك يا باشا و بعد 5 دقائق كلمنى مهندس و قلت له أنى كنت هموت قالى الحمد لله أنك بخير و هنصلحهالك فى مكانها و معلش هنتأخر شويا عليك .
- الكلام ده كان الساعة 7 مساءً و العربية بتاعت الصيانة وصلت الساعة 1 صباحاً لكن بصراحة الراجل غير الكوندنسر فى ثوانى و رجعت زى الاول و الحمد لله .

- بصراحة التوكيل غالى و زفت لكن لو كنت عند أى ميكانيكى أو بنزينه و باظت كان هيعمل معايا كده مش عارف أفيدونى أفادكم الله.

[exact]

انا مريت بتجربة جعلتنى من الكارهين لهذا التوكيل لكن فى نفس الوقت خلتنى مستغناش عنهم :
أولاً ذهبت للتوكيل فى الدقى لعمل صيانة العشرين و هناك طلب منى باظبط 575 جنية مقابل الكشف على السوائل و تغير طقم الكهرباء و تربيط العفشه و تغيير الزيت و فلتر الزيت .

- و لما مشيت من هناك العربية كانت تمام و بما أنى ساكن فى أكتوبر عديت على كارفور الصحراوى أشتريت حاجات و جيت مروح حصلت المفاجأة !!!! و أنا ماشى على سرعة 80 أو 90 العربية " أفشت " و الله العظيم كنت "هلبس وش" أمامى و خلفى و المهم لقلة خبرتى فى عالم السيارات فضلت أعافر لحد ما وصلت من الصحراوى إلى أول الشيخ زايد فى حوالى شاعة تقرياً مسافة 1 ك و كانت أعصابى بايظه لأنه طريق سريع . وركنت العربية و حلفت ماتدورش تانى أبداً و طبعاً أتحسبنت على التوكيل و اللى فيه طول المدة دى لأنها و ببساطة كانت ماشيه تمام قبل الصيانه .

- المهم شوفت كهربائى و ميكانيكى معرفوش لكن الميكانيكى شط فى الكوندنسر و قالى لازم نقطرها للورشة فى أثناء المداولات بصيت ى الفاتورة اللى لسه ريحة فلوسها فى أيدى لقيت رقم للطوارئ أتصلت و صرخت و أقسمت أنى هطلع على القسم أعمل محضر فالراجل قالى ثوانى و هكلمك يا باشا و بعد 5 دقائق كلمنى مهندس و قلت له أنى كنت هموت قالى الحمد لله أنك بخير و هنصلحهالك فى مكانها و معلش هنتأخر شويا عليك .
- الكلام ده كان الساعة 7 مساءً و العربية بتاعت الصيانة وصلت الساعة 1 صباحاً لكن بصراحة الراجل غير الكوندنسر فى ثوانى و رجعت زى الاول و الحمد لله .

- بصراحة التوكيل غالى و زفت لكن لو كنت عند أى ميكانيكى أو بنزينه و باظت كان هيعمل معايا كده مش عارف أفيدونى أفادكم الله.

الصراحة يعني انت راجل محترم
وانا عشان مؤدب مش هاقول لك كنت هاعمل ايه لو لا قدر الله كنت مكانك بس هاقول لك ابسط حاجة من غير ماكلمه كنت هاصلع عالقسم وامرمط اللي جايبينهم
575 جنيه في شوية الكلام الفاضي ده وكمان كنت هتعمل حادثة ليه ؟؟؟؟؟؟؟؟؟؟؟ ياخي يل......تيييييييييييييييييييييييييييييت تيـــــــــــــــــــــــــــــــــــــــــت تيــــــــــــــــــــــــــــــــــــــــــــــــ ت

[خالد]

فعلاً توكيل زبالة
بس الحمد لله على كل حال والحمد لله على سلامتك ياباشا
أنا نفسى شباب سوزوكى نعمل حاجة إيجابية أكتر للتوكيل الزفت ده علشان يتعدلوا شوية
مش عارف نزود شوية حملة المقاطعة ليهم ولا نشهر بيهم أكتر فى كل المنتديات والمواقع ولا نبعت للشركة الأم فى اليابان علشان يظبطوا حالهم ولا أيه رأيكم ياشباب؟

[meemo]

فعلاً توكيل زبالة
بس الحمد لله على كل حال والحمد لله على سلامتك ياباشا
أنا نفسى شباب سوزوكى نعمل حاجة إيجابية أكتر للتوكيل الزفت ده علشان يتعدلوا شوية
مش عارف نزود شوية حملة المقاطعة ليهم ولا نشهر بيهم أكتر فى كل المنتديات والمواقع ولا نبعت للشركة الأم فى اليابان علشان يظبطوا حالهم ولا أيه رأيكم ياشباب؟

بصراحة سمعة التوكيل ده من خلال اللي قراته زفت وانا بصراحة خايف جدا من اللي بقراه علشان انا اتعملت معهم مرتين بس وفي حاجات بسيط المشكلة والله مش في الفلوس حتي لو حرامية بس المشكلة دلوقتي كمان في الجودة والمصائب اللي ممكن تحصل من تحت راس التوكيل بجد لازم نصرف يعني نشوف الايميل بتاع الشركة ونبعت عليه وكمان فكرتك الرائعة بتاعت الكتابة للشركة الام في اليابان جميلة جدا وكمان جهاز حماية المستهلك مهم جدا وانا لي تجربة معه وشرحتها علي المنتدي العام بس لازم نتصرف مش نقعد نكلم بعض عفوا يعني احنا قعدين نغني لبعض وهم مش سالين فينا يعني بالعربي هما (بطلعوا لسنهم وبقلوا اخبطو دماغكوا في الحيط)مش عايزين نكلم ونشكي حالنا لبعض عايزن ناخد خطوة ايجابية

[aymanay32]

انا معايا ماروتى 2009 عملت 1900 كيلو ممكن اروح معرض يارات و ابدلها بسلاريو و ادفع الفرق و لا ما ينفعش الكلام اللى بقوله ده و لو حد يعرف معرض سيارات ممكن يعمل لى الكلام دة يقوللى
ايمن 0119449863

[Abdm]

انا معايا ماروتى 2009 عملت 1900 كيلو ممكن اروح معرض يارات و ابدلها بسلاريو و ادفع الفرق و لا ما ينفعش الكلام اللى بقوله ده و لو حد يعرف معرض سيارات ممكن يعمل لى الكلام دة يقوللى
ايمن 0119449863

أية يا باشا اللى مش عجبك فى الماروتى وخلاك تغير رئيك على الرغم أنها لسة ما عاملتش كيلوهات كتير ولسة ما عشتش معاها دة أولا . ثانيا : الآفضل لو ناوى بيعها أولا برة ما تستبدلهاش لآن المعرض اللى عايز تستبدل منة هيخفس بثمنها الآرض علشان يكسب فى الشراء وأيضا فى البيع .بيع برة الآول . وبعد ما تبيع برة روح أشترى بيكانتو أفضل من ناحية التوكيل والآنتشار . والله الموفق

[mohamedhamam]

شكراً على مجهودك أستاذ علاء

[smsmzarw]

انصحكم لله بلش حتندمو

اول حاجه معندهمش فكره عن التوكيلات يعنى ايه
انا دخلت وشفت بعينى محدش قلى وطبعا بلفلوس
جايبين شباب صغير السن ملهمش خبره ومعظم العربيات بتدخل زيرو تعمل الصيانه الدوريه زى الكتالوج مابيقول
ونتى يامسكين قاعد فى الاستراحه بتشرب نسكافيه ومتهيئلك ان العربيه دخلة فى شركت سوزوكى او نيسان والخواجه الي مصنعها بيصينه
كل الي بيعملوه بيرفع العربيه ويراجع بسرعه على الفشه بمفتاح بلدى وقلى العفشه كده تمام وينزل العربيه ويفتح الكبوت ويجيب خرطوم الهوى وينفخ الموتور وشوف ياباشا التوكيل بيجيب جركن ميه ويقلبه مع خرطوم الهوى ويرش الموتور بلميه ويجيب علبة شحم اسبريه ب15 ج اصل انا جبتها ويرش الكوالين بتاعت العربيه وفوق قواشيط البطاريه والف مبروك كده الصيانه اتعملة وحسبيى الله ونعما الوكيل وطبعا الخدمه الممتازه دى ونا دافع للشب الي بيشتغل فلوس إكراميه والي مبيدفعوش بيحصل للعربيه ايه
اوريكم بيستعينوا باى ناس وخلاص بقول للولد اكشفلى على البطاريه قالى حاضر يابشا فتح غطيان البطريه وجاب أم الجركن وهات يصب الميه فى البطاريه وفتح قربة الرداتير وصب مايه لغاية ماملاها وانابقله ياحبيبى انا بحط الميه الخضره قلى عادى ولايهمك
وبعدين ونا ماشى متغاظ جدا فى الطريق لقيت امبير الحراره ارتفع ركنت وفتكرت ان الخبير بتاع توكيل سوزوكى مالى القربه على الاخر وفتحت الكبوت واخت انقص الميه من القربه لغاية العلامه بتعتها
وده الى بيحصل فى التوكيل بجد وطبعا ده اسواءءءءءءءءءءءءءءءءءءءءءء توكيل فى العالم