رابطة مالكي السويفت

[eltsheke2000]

عضو جديد

السلام عليكم ورحمة الله وبركاته
ان شاء الله انا مشترك معاكم فى الرابطه
لسه يا دوب من كام يوم اشتريت سوزوكى سويفت 95
هى حالتها مش ولا بد بس الماتور ممتاز ودى اول بختى مع العربيات
اول يوم ركبتها لاقيتها ضاربه طلمبة مياة لفيت اما زهقت عندنا مش لاقيتها
المهم جبتها من الحسنيه ب 130 جنيه وركبتها ب 30 جنيه
وكانت العربيه مش بتدور الا اذا حطيت بنزين فى الكربراتير اول مرة وبعدين تمشى تمام
روحت للميكانيكى قالى روح للكهربائى يشوف طلمبة البنزين
المهم الكهربائى شافها قال تمام التمام مفيهاش حاجه
رجعت للميكانيكى يادوب شاف الكربراتير وقال يارحمن يا رحيم ايه ده دا انجكشن قولت انا يا ساتر يارب انجكشن والله طيب هعمل ايه دلوقت
قالى روح بيها الحسنيه اعملها هناك
رجعت البيت وشايل طاجن ستى المهم سألت على النت عن المشكله دى قالو افصل سالب البطاريه 5 دقايق وبعدين افتح كنتاك واقفله كام مرة كده وبين كل مرة شويه روحت النهارده بعد الصلاة اجرب وما شاء الله من اول تكه دارت العربيه

[eltsheke2000]

والله يا اخوانى انا كنت بسأل هى السمكرة والدوكو يتكلفو كام تقريبا

[Omar Fouda]

سلام عليكم .. انا كان عندي مشكله ف السويفت 94 .. العربيه وانا بدورها الصبح بيبقى فيها رجه صعبه شويه وممكن تفصل .. روحت لكذا ميكانيكي تظبط وبعدين تظهر مشكله تانيه .. لما امشي كتير بيها وف الاخر ابطلها احس برجه شديده .. المهم لما سألت معظم الناس بيقولوا ان دي مشكله ف ظبط الهواء والبنزين .. ف انا عاوز طلب .. لو حد يقدر يرفع صور لمسمار الهواء ومسمار البنزين ف الكاربيراتير علشان اظبطهم انا
وشكرا .. واسف ع الاطاله

[alsafwa_hm]

السلام عليكم جميعاً

ليا أستفسار سمعت أن فى شداد اتتوماتيك بيخلى العربية تسخن أول ما تدورها وتكون باردة مكانه فين بالظبط فى العربية أعرف ازاى إذا كان شغال ولا لا
وشكراً

[وائل شويخ2]

السلام عليكم جميعاً

ليا أستفسار سمعت أن فى شداد اتتوماتيك بيخلى العربية تسخن أول ما تدورها وتكون باردة مكانه فين بالظبط فى العربية أعرف ازاى إذا كان شغال ولا لا
وشكراً

السلام عليكم
أسمه سخان
وده بيشغل الصبح أول ما تدور الغربيه وتلائى ال rpm بيعلى
وصوت العربيه أيضا
وده موجود فى الكاربراتير وراه ناحيه سدر العربيه
وممكن يكون مفصول وهتلائى خارج منه سلك ممكن يكون مقصول

والسخان ده بيفصل مع أول دوسه قويه على دواسه البنزين

أو لما العربيه تسخن

[haitham mostaf]

انا معايا 95 الف و سمعت ان السويفت ب 93 اتوماتيك يا تري الكلام دا صح و لا لا و ايه رايكم اجيب العربية دي و لا في حاجة احسن انا عايز اشتريها زيرو 2014

[anwarnono]

السلام عليكم جميعاا
اولا- اتعلمت منكم حاجات كتييييير فى صيانه عربيتى بنفسى ،لدرجه انى كنت بقيت بوديها للمكانيكى للضرروره القصوى.
ثانيا:-انا عندى سلوك بوجيهات رياضيه وفلتر اسبور مكان الاصلى بالضبط بدون اى تعديل ،كنت مركبهم ولما بعت السياره السويفت حبيبتى شيلتهم، وناوى ابعهم.

السلوك ماركه Magnecor امريكى اصلى بالعلبه والحاله ممتازه
الفلتر k&n امريكى اصلى بالعلبه والحاله جيده جدا
ويوجد معايا بوجيهات ارديوم حالتهم كنت ماشى عليهم اقل من 7000 كم

للامانه استفدت كتتتير منكم

السلام عليكم


سلوك بوجيهات رياضيه من امريكا من سنتين وحالتهم ممتازه جدا وكانوا ب 750 جنيه.
ويوجد فلتر k&n امريكى اصلى برده وكان ب 550 جنيه.
ويوجد ايضا بعض قطع الغيار. بوجيهات ارديوم، وبعض قطع غيار تانيه
بالنسبه للسلوك والبوجيهات غانين عن التعريف وعن مميزاتهم وعن افضل حرق للبنزين وافضل اداء للعربيه وتوفير لاستهلاك البنزين،انا اشتريت الحاجات ديه ودفعت فيهم علشان عارف ادائهم وماركات عالميه وليهم موزع معتمد فى مصر اسمه عادل وجدى فى الحرفيين

وبالنسبه للفلتر بيكب بدون اى تعديلات مكان الاساسى علشان هوهو نفس مقاسه كما بالصور،وده مش بيتغير ،بيتغسل فقط وبيتنشف وبيركب تانى عادى كانه جديد

وده لينك صورهم
SPARK Plug Cable Set...rar
K&N.bmp


ان شاء الله هبيعهم الثلاثه السلوك والفلتر والبوجيهات ب 400 جنيه علشان بالفعل مش هستفيد بيهم خلاص.وربنا الموفق.

[roaa0roaa]

حد عارف ايه صمام تهويه الكرنك ده الميكانبكي شاله وقفل مكانه مهم اوي اجيبه واركبه ولا مش مهم

[roaa0roaa]

ممكن اعرف فايده صمام تهويه الكرنك وهل هو ضروري ولا ممكن يتلغي

[roaa0roaa]

السياره سويفت ١٩٩٤

[dr.hazem]

تم تثبيت الموضوع
:)
تحياتي

[yasser elesawy]

السلام عليكم
من افضل ميكانيكى وضبط كابرتير
افضل كهربائى
افضل سمكرى
السياره سويفت موديل93

[Dr/Omar]

السلام عليكم يا جماعه ....النهارده روحت ل الميكانيكى اظيط اسطوانه الدبرياش قالى ان فى حاجه اسمها شنبر ف المكنه عندى عايزه تتغير وقالى ان الموضوع ده يكلف ١٠٠٠ جنيه ...انا عايز اعرف ايه الشنبر ده وهل فعلا هوا غالى كده

[M_OSMAN88]

السلام عليكم يا جماعه ....النهارده روحت ل الميكانيكى اظيط اسطوانه الدبرياش قالى ان فى حاجه اسمها شنبر ف المكنه عندى عايزه تتغير وقالى ان الموضوع ده يكلف ١٠٠٠ جنيه ...انا عايز اعرف ايه الشنبر ده وهل فعلا هوا غالى كده

مبدئيا مجموعة الدبرياج تبع العفشجى مش الميكانيكى علشان محدش يسرح بيك
طقم الشنبرلما تغيرة هيبقى معاة شوية حجات( طقم شنبر + طقم جوانات لوش السلندر ومنيفولد الأنتاك ومنيفولد خروج العادم اويل سيل لللأسبراتير _اويل سيل للكامة) هتتغير بالمرة وانت عند الميكانيكى زى سير الكتينة - بلية شداد-طرمبة المية ممكن تكون خشنة ودى مش هتعرفها الا لما تفك المكنة . والالميكانيكى هياخد كام بس هو ممكن فى الحدود دى فعلا
اهم حاجة روح لميكانيكى أمين

[hytham79]

العربية صوتها عالي جدااااااا وخشنة

السلام عليكم ورحمة الله وبركاته
كل سنة وانتم طيبين يا سويفتية
حد عندو حل لمشكلتي
العربية بقى صوتها عالي جدا وفيها رجرجة بحس اني قاعد في عربية نقل مش ملاكي
مش المفروض ان السوفت ناعمة جدا في وقفتها على السلانسية والجري بتاعها انا ما بحسش باي نعومة خاااااااااالص
هل المشكلة في ظبط الماتور ولا المشكلة اني عايز اغير زيت عشان لاقيت الزيت بقى لونه اسود كدة مع اني كنت مغير زيت وفلتر من حوالي 3 شهور مع العلم اني مشاويري بيها مش كتير ودايما بركنها
ولا المشكلة من الكربراتير عشان انا لاحظت حاجة اني كنت لما بدور العربية الصبح كان الكربراتير بيعلي الماتور لحد ما تسخن ومع اول دوسة بنزين بيوطى تاني بس في يوم العربية مردتش تدور والناس زقوني ودارت ومن ساعتها الموضوع ده مابقاش بيحصل اللي هوا التسخين الاوتوماتك
ارجو الرد على اسئلتي واسف للاطالة بس العربية دي هتجنني خلااااااااااااص