المشاركة الأصلية كتبت بواسطة amohamed88
مشاهدة المشاركة
الفيشة اللي علقت عندي كانت تحت الشلتة بتاع الكنبة....حضرتك شيل الشلتة هتلاقي 3 اسلاك ماشيين مع بعض جايين من الشمال ونازلين في خرم صغير عاليمين...وهتلاقيهم قبل الخرم ده فيه نقط وصل كده زي كلبسات....هم دول... أنا قصيتهم وانا عالطريق وركبت السلك مباشر...وفيه كمان كتاوت لطرمبة البنزين هتلاقيه فالعلبة السودة اللي جنب البطارية بص عالغطا بتاع العلبة وهتلاقيه تحت اللي مكتوب عليه Fuel Pump Relay ده خللي حد يفتح الكونتاك (الوضع اللي بيقيد لمبة البطارية من غير ما يدور) وانت حاطط ايدك عليه أو بتسمعه وشوفه بيعمل تكة وللا لأ...واتاكد انه مش بيزن...لأن معنى ان الكتاوت بيزن انه هيقطـــّع في توصيل الكهربا للطرمبة....ممكن برضه تشيك على فيوز طرمبة البنزين...بس للأسف أنا مش عارف مكانه بالظبط...ممكن حد يدلك عليه
آخر حاجة بس دي عاوزة حرص شديد جدا (عشان متولعش الدنيا)
انك هتدور العربية وهتيجي على الكربيراتير وهتلاقي فيه خرطومين داخلين له هتفك الخرطوم التحتاني وتحطه في ازازة وتبص تشوف هل البنزين مندفع وللا لأ...وهل منتظم وللا بيقطع...لو منتظم وانت حاسس انه قوي يبقى الطرمبة بريئه.....وشوف رأي صنايعي تاني برضه مش هتخسر حاجة
والله المستعان

بس بالفعل ىالاكصدام ده حاجه تانيه خالص وللمعلومه هو مافهوش الجزء الشبه التهويه الى تحت علشان ده بالفعل الاصلى بس شكله وخامته مختلفه تماما.
Comment