رابطة مالكي السويفت

[exact]

السلام عليكم // انا متابع الرابطة بقالى 5 شهور ومنكرش انى استفدت منها كتير ـ انا معايا سويقت 96 حالتها كانت حلوة لما اشترتها ،، بس كان فيها مشكلة مجننانى ،، الكبالن ثم الكبالن غيرتها 4 مرات لغاية دلوقتى ولسة بطقطق وانا مش عارف لية مع العلم انى كنت بغير الرؤوس فقط والله كنت بدور على اغلى الانواع عشان مش عايز ابخل على العربية بحاجة بس مازالت المشكلة هى هى،، المشكلة الثانية التى ارجوا الافادة فيها من دكتور مصطفى ، العربة عندى فى اقسى ايام الحرارة مبتسخنش ولكن عندما اجرى بها او كما يقولوا احرق على الغيار ،، او على طريق السفر ،، ارى مؤشر الحرارة يرتفع الى اخر الخط الاول وتستمر هكذا حتى ارفع قدمى من على البنزين او امورها ،، فياترى دة عيب اية ؟؟؟ تقبلوا تحياتى

منطقيا يبقى حضرتك لازم تشيك على الكوبلن نفسه... اقصد الجزء اللي الراس بتركب عليه لأن ممكن يكون فيه حاجة بتسبب تآكل رأس الكوبلن... ولازم العفشجي وهو بيركب يبص كويس على كوتشة الكوبلن ويحط كيس الشحم كله...
وان كان الــ4 رمحومين راكبين عند نفس العفشجي يبقى النصيحة الاساسية انك تغير العفشجي لأنه شكله بيركب حاجة غلط

بخصوص السخونة هتعمل التالي

1- هتجيب خرطوم ميه وتغسل الردياتير وتخللي اتجاه الميه من ناحية المروحة لقدام لأنه غالبا عليه تراب كتير
2- لو استمرت يبقى حضرتك محتاج انك تسلك ردياتير ولو اني ارجح ان اللي عند حضرتك دي مشكلة صمام المياه الحراري (ترموستات الكوع) وده انصحك بأنك تفكه في الصيف وتعينه في برطمان زجاجي مليان ميه وتركبه في الشتا تاني (أما الجو يبرد... ده ان كان سليم) ومتقلقش من شيله في الصيف اطلاقا بس انت سخن العربية 3 دقايق قبل ماتتحرك بيها وهتلاقيها زي الفل ان شاء الله

وأي استفسار انا فالخدمة

[exact]

اعتقد مشكله الكبالن دي حلها الوحيد هو طريقه القياده نفسها مش اكتر من كده لان الكبالن بتاعت السويفت عموما تعبانه موله

ثانيا معلومه عالماشي : فلتر بنزين روسي سويفت 94 ب 5 جنيه والياباني ب 10 .... جوان غطا التاكيهات تايواني ب 10 جند والياباني تقريبا ب 20 ... التايواني بيتغير مره واحده ولو فكيت الغطا تاني بتغيره

الكبالن مش تعبانة ولا حاجة بس نصيحة انت وانت راكب اي عربية اما تيجي على ارض مطبات وكده ماتضغطش بنزين وسيبها تاخدها براحتها ان لم تخليها ممورة أحسن.... واما تيجي تاخد ملف او دوران للخلف ما تقرصش عالعربية لأن الكوبلن بيكون مفسوخ للآخر وعشان كده يستحسن انك تاخد الملفات عالواسع عشان متكسرش الدركسيون للآخر... والكلام ده في اي عربية مش للسويفت بس

بخصوص الاسعار اسعار كويسة جدا

انا فاكر ان جبت جوان التاكيهات ده ب 30 جنيه ياباني اصلي محفور عليه بس الأهم من الجوان انك تخللي الميكانيكي يحط عليه لزق قبل ما يركبه (بيقولوا عليه جملكة) لأنه مهما ربط من غير لزق هيسرب زيت برضه

[exact]

ازيكم

امبارح كنت بظبط عفشه قدام كبالن تايواني
بيض طرف
وكده
المهم الواد وهو بيظبط الدركسيون (تعديل الطاره مع اتجاه عجل السياره)
ظيع علامه السوزوكي من على الدركسيون
فص ملح وداب

ياترى اجدها فين بتتباع ولا لاء؟؟
شكرا

هل قصدك على كلمة سوزوكي وللا غطا الكلاكس البلاستيك بحاله

اعتقد هتلاقيه عند بتوع الاستيراد

[egypt2003wm]

ربنا يوفئكوا

[exact]

يا اخواننا أنا جبت المحلول ده
طبعا انتوا عارفين اني من مضادي الميه الخضرا للردياتير
بس انا باحب شركة ABRO

واشتريت العلبة دي بــ 10 جنيه تضاف للردياتير على ميه بيضاء






واستنيت اما العربية بردت خالص
وبعدين فكيت الخرطوم الفوقاني بتاع الردياتير
ودورت العربية وحطيت خرطوم ميه مكان الخرطوم الفوقاني بتاع الردياتير وفضلت فاتح الميه لحد اما الميه راقت خالص

وبعدين ركبت كل حاجة زي ما كانت وضفت العلبة دي كاملة بعد ما رجيتها وزودت الردياتير بالمية لآخره ونضفت القربه
ودورت العربية لحد اما المروحة اشتغلت وفصلت لقيت طبعا مية الردياتير نقصت شوية زوتها وقفلت الردياتير وكل عام وانتم بخير

هاديكم التقييم بعد فتــــــــــــرة بس حبيت اشارككم اللي عملته

[mahmoud85]

ياريت العضو اللي غير الكبالن التايواني يقولنا اسعارها ايه وهل غير الكبالن الداخلي كمان ؟؟؟؟

موضوع تغيير المياه ده بقا مشكله المشاكل عندي .... انا قولت اسمع كلام الدكتور مصطفي وبغير المياه كل شهرين كده بميه حنفيه وخلاص .... المهم بشيل الخرطوم اللي فوق بتاع الراجع واحط خرطوم مياه في الردياتير وانا مدور وكل المياه بتنزل عالارض لفتره كبيره وكل المياه اللي خارجه بيضه ... المهم لقيت بعد فتره وانا ماشي فيه بواقي مياه خضرا في الردياتير من المياه القديمه اللي غيرتها بمياه حنفيه اكتر من مره

[DR.M]

كبالن تايواني (راس خارجي فقط) الأتنين 180
بيضه طرف الأتنين 130



بس عاوز كلمه السوزوكي اللي على الكلاكس لسه مش لاقيها

[DR.M]

كبالن تايواني (راس خارجي فقط) الأتنين 180
بيضه طرف الأتنين 130



بس عاوز كلمه السوزوكي اللي على الكلاكس لسه مش لاقيها

[DR.M]

اسف للتكرار
it is n't my wrong

[DR.M]

اسف للتكرار
it is n't my wrong

[DR.M]

سويفت 93 ياباني

[roaa0roaa]

ايه رايكوا في زيت التعاون sl م سمير عياد بيقول عليه محترم وبيشكر فيه

[roaa0roaa]

ايه رايكوا في زيت التعاون الاصفر sl م سمير عياد بيقول انه محترم وبيقعد ٤٠٠٠كيلو

[exact]

ايه رايكوا في زيت التعاون الاصفر sl م سمير عياد بيقول انه محترم وبيقعد ٤٠٠٠كيلو

سمعت عنه كتير وللحق مجربتوش
ياريت تحط لينك الباشمهندس سمير

بس انا شخصيا باحب جدا شيل هيليكس الأصفر بعد ما قعدت وقت طويل على موبيل وان

[DR.M]

بص يابرنس
اولا العربية اللي معاك غالبا مصري لأن آخر الياباني 1994 ودي معروفة
ثانيا انا عربيتي جاي فيها استيكر ملزوق فالتابلوه ان المؤشر المفروض دايما يبقى فالنص... ده طبعا بعد اما العربية تسخن
للعلم حرارة المياه يتم التحكم فيها بعدة طرق
اولا الرادياتير والمروحة ودي فيها ثيرموستات كهربائي راكب فالرادياتير من تحت اول مالحرارة تشخن يبدأ يشغل لمروحة
ثانيا تحكم ميكانيكي..وده ان دايما طلمبة المياه شغالة طول مالعربية دايرة زي مانت عارف...فده هيسبب صعوبة تسخين العربية فالجو البارد وعشان كده همه عاملين ثيرموستات ميكانيكي بيتحكم في سرعة مرور المياه في دورة التبريد وده بيكون مظبط انه يفتح مسار المياه اول اما توصل للحرارة المطلوبة وده غالبا مابيكون بالتزامن مع الثيرموستات الكهربائي...
وعشان كده بتلاقي مؤشر الحرارة ثبت فالنص لو النظام شغال كويس...

الميكانيكي شال الترموستات الميكانيكي امبارح و مرضيش يخليني اغيره
ده صح؟