شكوى مازدا امريكا عن ارتفاع سعر قطع الغيار ( رجاء التثبيت )

[Frozen_Pain]

غبور كلمنى بس انا قفلت علية عشان كان عندى اجتماع
و حيكلمنى كمان 10 دقائق
تفتكر حيقول اية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واتصل بيا كمان انا عملت موضوع بالمكالمة

[Mahmode]

يا رب الموضوع يجيب نتيجة

[MazdaFan]

غبور كلمنى بس انا قفلت علية عشان كان عندى اجتماع
و حيكلمنى كمان 10 دقائق
تفتكر حيقول اية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أولا كل الشكر لكل الزملاء الأفاضل اللي شاركوا وبعتوا الميل وكانوا بيتفاعلوا معانا ، والحمد لله وصلنا لمرحلة كويسة ، بس لازم مانفرطتش فيها ونتقل كده عشان مايضحكش علينا :))

انا كنت هاقترح نبعت ليهم ايميلات او تيلفونات العملاء اللي عندهم مشاكل عشان يتواصل مع كل عميل ويعرف ايه مشكلته ، لكن الفكرة اللي تم اقتراحها في الموضوع اللي كتبه أخونا Frozen_Pain فكرة أفضل وهي اننا كلنا نروح ونتقابل معاه ، بس فكرة انه يعرض علينا انه يعمل خصومات لينا ويسيب الناس التانية على نفس حالها ؟ معلش يعني فكروني تاني كده هو كان ايه الهدف من اننا نبعت الميل اصلا ؟؟

أكيد مش الهدف اننا ناخد خصومات وحال العربية يفضل واقف زي ماهو في السوق ، لما تيجي تبيعها تلاقي سعر إعادة البيع ضايـع ، تلاقي محدش عايز يشتريها ، ممكن تاخد خصومات دلوقتي ، وبعد كده في موديلات تانية او كمان سنة او اتنين ترجع نفس مشكلة قطع الغيار تاني ، برضه عندنا شكوى من الإهمال و ردائة المعاملة في مراكز الصيانة ، ليه العربية مش قادرة تنافس وتكتسح السوق وليه مافيش خطة تسويق أفضل من كده ؟ نقطة سعر العربية كمان ، العربية اصلا مبالغ في سعرها مقارنة بالكماليات اللي فيها مع سعر نفس العربية بكماليات اكتر وأعلى في دول تانية ؟ زي ماكنا شفنا العربية بتبقى 2500 سي سي مش 1600 وفيها أنظمة زي DCS و Traction Control و bluetooth , BOSE sound system , GPS, 6 AirBags , heating seats, Adaptive Xenon headlights,
كل ده والعربية بره تمنها يعمل حوالي 25 الف او 26 الف دولار ، وهنا بتتباع من غير الكماليات دي و 1600 سي سي وتمنها 27 الف دولار (162 الف جنيه)؟؟؟؟ مش معقول الجمارك والضرايب تعمل كل ده !! العربية بسعرها ده مع الكماليات اللي فيها هنا في مصر مش بتخلي الناس تبصلها او تقبل عليها


مش عايزنهم يضحكوا علينا ويدونا حاجة "تسكتنا" وننسى المشكلة الحقيقة للعربية ، ياريت كلنا نفتكر احنا كنا عايزين نبعت الشكوى ليه من الأساس ،

وزي ماوحدنا كلامنا في الميل اللي اتبعت لليابان ، تعالوا نوحد كلامنا قبل مانروح المقابلة معاهم في غبور، كل واحد يقول مشكلته ، ونرد على بعض ونحط نفسنا مكان غبور لو سمع مننا المشاكل دي ممكن يرد يقول ايه ؟ عشان يبقى النقاش معاهم مثمر، لأن أكيد هايظبطونا وهايكلونا في الكلام ، دي شغلتهم

الرسالة الرئيسية : العربية سوقها وااااقف بدليل سعر إعادة البيع المنخفض !! سعر إعادة البيع هو أقوى مؤشر لنجاح خطة تسويق العربية !!! أزاي غبور يكسب ثقة الناس في العربية دي؟؟ ازاي تخليني اشتري مازدا وانا راضي ومش مقلق ؟؟ مش بالكلام الحلو ، لازم يكون بأرقام و حقايق على أرض الواقع.

عايزين حلول تخلي مازدا دي تبقى منتشرة زي السيراتوا كده كل 10 متر تلاقي منها اتنين ،
وده مش هايحصل إلا لو الناس وثقت فيها وحست انها تستاهل الفلوس اللي بتدفع فيها ( مش معنى كده ان العربية وحشة) بس عوامل زي عدم ثبات اسعار قطع الغيار والتفاوت الكبير فيها ، سعر إعادة بيع منخفض، خدمة عملاء على مستوى غير محترف كل ده بيقلل من نجاحها، بنفس الأسعار دي ممكن نجيب عربية أحسن ، أو أوحش بس لتوكيل معاملته أفضل و بلاقي معاه راحة بالي !

مشكلة زي مشكلة الانترا بتاعت مهندس ياسر المهدي ، بجد خلتني أقفل من غبور كتوكيل مع اني بعشق المازدا !! لكن لما الاقي مهندسين يلعبوا في العربية ويبهدلوها وهي لسه زيرو كده !!! ماتطلبش مني أثق فيك كتوكيل !

والكلام ده مش كلام ساذج ، ده كلام في صميم صفقة البيع والشرا لأي عربية !!! اي حد فينا لما يسمع ان عربية عليها مشاكل مع انها ممكن تكون كويسة ، بيقفل منها وبيكون مقلق يشتريها !

أنا عايز الناس مثلا تمسك كل الشكاوي اللي قلتها دي ، ويحطوا نفسهم مكان غبور ويردوا عليا ويحاولوا يفحموني ( نعمل simulation للمقابلة )

[Frozen_Pain]

أولا كل الشكر لكل الزملاء الأفاضل اللي شاركوا وبعتوا الميل وكانوا بيتفاعلوا معانا ، والحمد لله وصلنا لمرحلة كويسة ، بس لازم مانفرطتش فيها ونتقل كده عشان مايضحكش علينا :))

انا كنت هاقترح نبعت ليهم ايميلات او تيلفونات العملاء اللي عندهم مشاكل عشان يتواصل مع كل عميل ويعرف ايه مشكلته ، لكن الفكرة اللي تم اقتراحها في الموضوع اللي كتبه أخونا frozen_pain فكرة أفضل وهي اننا كلنا نروح ونتقابل معاه ، بس فكرة انه يعرض علينا انه يعمل خصومات لينا ويسيب الناس التانية على نفس حالها ؟ معلش يعني فكروني تاني كده هو كان ايه الهدف من اننا نبعت الميل اصلا ؟؟

أكيد مش الهدف اننا ناخد خصومات وحال العربية يفضل واقف زي ماهو في السوق ، لما تيجي تبيعها تلاقي سعر إعادة البيع ضايـع ، تلاقي محدش عايز يشتريها ، ممكن تاخد خصومات دلوقتي ، وبعد كده في موديلات تانية او كمان سنة او اتنين ترجع نفس مشكلة قطع الغيار تاني ، برضه عندنا شكوى من الإهمال و ردائة المعاملة في مراكز الصيانة ، ليه العربية مش قادرة تنافس وتكتسح السوق وليه مافيش خطة تسويق أفضل من كده ؟ نقطة سعر العربية كمان ، العربية اصلا مبالغ في سعرها مقارنة بالكماليات اللي فيها مع سعر نفس العربية بكماليات اكتر وأعلى في دول تانية ؟ زي ماكنا شفنا العربية بتبقى 2500 سي سي مش 1600 وفيها أنظمة زي dcs و traction control و bluetooth , bose sound system , gps, 6 airbags , heating seats, adaptive xenon headlights,
كل ده والعربية بره تمنها يعمل حوالي 25 الف او 26 الف دولار ، وهنا بتتباع من غير الكماليات دي و 1600 سي سي وتمنها 27 الف دولار (162 الف جنيه)؟؟؟؟ مش معقول الجمارك والضرايب تعمل كل ده !! العربية بسعرها ده مع الكماليات اللي فيها هنا في مصر مش بتخلي الناس تبصلها او تقبل عليها


مش عايزنهم يضحكوا علينا ويدونا حاجة "تسكتنا" وننسى المشكلة الحقيقة للعربية ، ياريت كلنا نفتكر احنا كنا عايزين نبعت الشكوى ليه من الأساس ،

وزي ماوحدنا كلامنا في الميل اللي اتبعت لليابان ، تعالوا نوحد كلامنا قبل مانروح المقابلة معاهم في غبور، كل واحد يقول مشكلته ، ونرد على بعض ونحط نفسنا مكان غبور لو سمع مننا المشاكل دي ممكن يرد يقول ايه ؟ عشان يبقى النقاش معاهم مثمر، لأن أكيد هايظبطونا وهايكلونا في الكلام ، دي شغلتهم

الرسالة الرئيسية : العربية سوقها وااااقف بدليل سعر إعادة البيع المنخفض !! سعر إعادة البيع هو أقوى مؤشر لنجاح خطة تسويق العربية !!! أزاي غبور يكسب ثقة الناس في العربية دي؟؟ ازاي تخليني اشتري مازدا وانا راضي ومش مقلق ؟؟ مش بالكلام الحلو ، لازم يكون بأرقام و حقايق على أرض الواقع.

عايزين حلول تخلي مازدا دي تبقى منتشرة زي السيراتوا كده كل 10 متر تلاقي منها اتنين ،
وده مش هايحصل إلا لو الناس وثقت فيها وحست انها تستاهل الفلوس اللي بتدفع فيها ( مش معنى كده ان العربية وحشة) بس عوامل زي عدم ثبات اسعار قطع الغيار والتفاوت الكبير فيها ، سعر إعادة بيع منخفض، خدمة عملاء على مستوى غير محترف كل ده بيقلل من نجاحها، بنفس الأسعار دي ممكن نجيب عربية أحسن ، أو أوحش بس لتوكيل معاملته أفضل و بلاقي معاه راحة بالي !

مشكلة زي مشكلة الانترا بتاعت مهندس ياسر المهدي ، بجد خلتني أقفل من غبور كتوكيل مع اني بعشق المازدا !! لكن لما الاقي مهندسين يلعبوا في العربية ويبهدلوها وهي لسه زيرو كده !!! ماتطلبش مني أثق فيك كتوكيل !

والكلام ده مش كلام ساذج ، ده كلام في صميم صفقة البيع والشرا لأي عربية !!! اي حد فينا لما يسمع ان عربية عليها مشاكل مع انها ممكن تكون كويسة ، بيقفل منها وبيكون مقلق يشتريها !

أنا عايز الناس مثلا تمسك كل الشكاوي اللي قلتها دي ، ويحطوا نفسهم مكان غبور ويردوا عليا ويحاولوا يفحموني ( نعمل simulation للمقابلة )

اسمحلى اقولك يخرب بيت دماغك

[alymonir]

متابع....

[EMADZOO]

السلام عليكم ورحمة الله
اخوانى ملاك المازدا 3 انا سعيد جدا لما وصلنا إليه فرد مازدا اليابان علينا ده فوز كبير ومرحلة مهمة فى طريق التغير
احب اعرض وجهة نظرى فى التعامل مع غبور بخصوص هذه الرسالة
أولا احنا المفروض اننا نتكلم عن طلبات مشروعة لنا كملاك للمازدا وتكون طلبات مهمة وضرورية لنا وأهم حاجة اننا نبقى عارفين انها ممكن تتحقق لان الكلام عن تسويق المازدا (مع احترامى وتقديرى لاخى محمد) دا موضوع يخص بدرجة كبيرة غبور ومكاسبة ودا موضوع يتعلق باسترتيجية شركة غبور ويمكن يحتاج اعادة هيكلة.
المهم احنا اللى يفرق معانا جدا : رقم 1- هو سعر قطع الغيار اللى هى تزيد أربعة اضعاف أو اكثر عن مثيلاتيها , يعنى هل يعقل ان سعر المساعدين الامامى بحوالى 2300 جنيه وان فلتر التكيف ب 380 جنيه هى دى اسعار ؟ دى تعدت مراحل الجشع والاستغلال
فدى اهم نقطة فى طلباتنا ولا يمكن انكارها من غبور أو غيره ودى اللى هتظبط سعر اعادة البيع.
رقم 2- لا توجد مراكز خدمة للمازدا على مستوى الجمهورية يعنى انا من اسكندرية ومفيش مركز خدمة عندنا, لا يوجد الا فى القاهرة فقط.
رقم 3-المستوى الفنى للمهندسين والفنيين .
انا اكتفى مؤقتا بذلك واكيد فى اضافات اخرى عندكم بس انا حابب ان أأكد اننا بهذه الرسالة (الرد) فى موضع قوة والكلام مع غبور يكون بكل ذوق واحترام طبعا لكن لابد ان يحمل ضمنيا اننا لن نتراخى فى التواصل مع مازدا اليابان الى ان يحدث(UPDATING) لغبور أو (UPGRADIN) بغيره ولا بد ان تكون الوعود بالتغير وعودا بالتاريخ لنرى مصداقيتها والا تستمر تحركاتنا.
فى النهاية اتوجه بالشكر من عميق قلبى لكل من ساهم فى هذا الامر وادعو الله ان يعود علينا بالخير ان شاء الله .

[EMADZOO]

نسيت اقول لكم يا جماعة ان الشركة الام لازم تراسل غبور دة امر طبيعى
وتبلغه ان فى بعض الناس عندهم مشاكل عشان يتحرك ويحلها
انما لو ماتحلتش يبدؤوا هم ويتحركوا بعمل بعض التعديلات لغبور (وكيلهم) تساهم فى تحسين الاوضاع ولو لم يفيد بعد ذلك هنا تبتدى مكانة الوكيل (غبور) تهتز عندهم وبمراسلتنا لهم ممكن مكانته بدل ما تهتز تترج ويقع المسكين ؟ قال مسكين قال دة خلانا كلنا مساكين وحسبنا الله ونعم الوكيل.

[mohamed456]

تمام يا زعيم انا كنت عايز اطلب منك طلب
ممكن تساعدنا فيه لو ح تقدر
انا ح اعمل موضوع ح سمبه الطلبات المقدمه لغبور
انا طالب منك ان تكتب لينا جدول اسعار لقطع الغيار الاصليه ان امكن بالكود نمبر و ترفقها فى الموضوع
و شكرا ياباشا

[MazdaFan]

تمام يا زعيم انا كنت عايز اطلب منك طلب
ممكن تساعدنا فيه لو ح تقدر
انا ح اعمل موضوع ح سمبه الطلبات المقدمه لغبور
انا طالب منك ان تكتب لينا جدول اسعار لقطع الغيار الاصليه ان امكن بالكود نمبر و ترفقها فى الموضوع
و شكرا ياباشا

+++11111

انا مستعد اعمل الجدول بس مش هلاقي وقت أملاه ، وبقترح نعمله على google spread sheet عشان يبقى الجدول في مكان واحد(عشان مايحصلس لخبطة) والناس كلها تشوفه ونعدل فيه سوا ، ادوني فرصة كده لحد آخر اليوم النهارده على الساعة 11 بالليل أو بكره بالكتير ان شاء الله أكون عملته وهابعتلكم الرابط بتاعه هنا ان شاء الله

[Frozen_Pain]

+++11111

انا مستعد اعمل الجدول بس مش هلاقي وقت أملاه ، وبقترح نعمله على google spread sheet عشان يبقى الجدول في مكان واحد(عشان مايحصلس لخبطة) والناس كلها تشوفه ونعدل فيه سوا ، ادوني فرصة كده لحد آخر اليوم النهارده على الساعة 11 بالليل أو بكره بالكتير ان شاء الله أكون عملته وهابعتلكم الرابط بتاعه هنا ان شاء الله

تمام يا معلم

بس انت فينك من زمان مش بتدخل ليه على المنتدى؟؟؟؟؟

[levelpower]

تمام كلام جميل

[MazdaFan]

السلام عليكم يا مازداوية

انا عملت الجدول على قد ماقدرت حاليا ، ياريت الناس تدخل عليه ويكتبوا الأسعار ويحدد هي القطعة دي في انهي مازدا ؟ الشكل القديم (2004-2009) ولا الجديد (2010-2011) ويكتب هو لقى السعر ده عند مين ؟ و ياريت أي حد كمان يكمل القائمة ، انا كتبت القطع اللي جت علي بالي وانا قاعد في الشغل ، مقدرتش اركز وأكمل اكتر من كده عشان بجد مفحووت في شغلي
معلش لو ماكنتش بدخل كتير على المنتدى بس والله عندي مشاكل كتير في الشغل وربنا يسترها !! انا لو عليا مش عايز اقوم من على المنتدى
ده الرابط :

https://spreadsheets.google.com/spreadsheet/ccc?key=0ApKOhLdxXwlmdGZnUUFUUjZXdm5iVkZYNHR3eWwtMlE&hl=en_US

ياريت الناس كلها تشارك ، على فكرة الجدول ده دلوقتي معمول بحيث اي حد يدوس على الرابط يتفتحلوا ويكتب فيه ، لكن انا كنت أفضل لو الناس تبعتلي ايميلاتها في رسالة خاصة هنا عشان اخلي الجدول مقفول بس على الناس اللي نعرفهم عشان محدش من بره يلعب في الأسعار ومنبقاش عارفين مين اللي كتب الكلام ده ، قوليلي ايه رأيكم وانا معاكم

بفكر برضه أعمل جدول تاني نلم فيه الشكاوي كلها برضه بس لما الاقي وقت بقى او حد تاني يعمله لو عنده google e-mail

اشوفكم آخر اليوم ان شاء الله

[levelpower]

السلام عليكم يا مازداوية

انا عملت الجدول على قد ماقدرت حاليا ، ياريت الناس تدخل عليه ويكتبوا الأسعار ويحدد هي القطعة دي في انهي مازدا ؟ الشكل القديم (2004-2009) ولا الجديد (2010-2011) ويكتب هو لقى السعر ده عند مين ؟ و ياريت أي حد كمان يكمل القائمة ، انا كتبت القطع اللي جت علي بالي وانا قاعد في الشغل ، مقدرتش اركز وأكمل اكتر من كده عشان بجد مفحووت في شغلي
معلش لو ماكنتش بدخل كتير على المنتدى بس والله عندي مشاكل كتير في الشغل وربنا يسترها !! انا لو عليا مش عايز اقوم من على المنتدى
ده الرابط :

https://spreadsheets.google.com/spreadsheet/ccc?key=0apkohldxxwlmdgznuufuujzxdm5ivkzynhr3ewwtmle&hl=en_us

ياريت الناس كلها تشارك ، على فكرة الجدول ده دلوقتي معمول بحيث اي حد يدوس على الرابط يتفتحلوا ويكتب فيه ، لكن انا كنت أفضل لو الناس تبعتلي ايميلاتها في رسالة خاصة هنا عشان اخلي الجدول مقفول بس على الناس اللي نعرفهم عشان محدش من بره يلعب في الأسعار ومنبقاش عارفين مين اللي كتب الكلام ده ، قوليلي ايه رأيكم وانا معاكم

بفكر برضه أعمل جدول تاني نلم فيه الشكاوي كلها برضه بس لما الاقي وقت بقى او حد تاني يعمله لو عنده google e-mail

اشوفكم آخر اليوم ان شاء الله

تمام اوى شكرا ياباشا

[levelpower]

السلام عليكم يا مازداوية

انا عملت الجدول على قد ماقدرت حاليا ، ياريت الناس تدخل عليه ويكتبوا الأسعار ويحدد هي القطعة دي في انهي مازدا ؟ الشكل القديم (2004-2009) ولا الجديد (2010-2011) ويكتب هو لقى السعر ده عند مين ؟ و ياريت أي حد كمان يكمل القائمة ، انا كتبت القطع اللي جت علي بالي وانا قاعد في الشغل ، مقدرتش اركز وأكمل اكتر من كده عشان بجد مفحووت في شغلي
معلش لو ماكنتش بدخل كتير على المنتدى بس والله عندي مشاكل كتير في الشغل وربنا يسترها !! انا لو عليا مش عايز اقوم من على المنتدى
ده الرابط :

https://spreadsheets.google.com/spreadsheet/ccc?key=0apkohldxxwlmdgznuufuujzxdm5ivkzynhr3ewwtmle&hl=en_us

ياريت الناس كلها تشارك ، على فكرة الجدول ده دلوقتي معمول بحيث اي حد يدوس على الرابط يتفتحلوا ويكتب فيه ، لكن انا كنت أفضل لو الناس تبعتلي ايميلاتها في رسالة خاصة هنا عشان اخلي الجدول مقفول بس على الناس اللي نعرفهم عشان محدش من بره يلعب في الأسعار ومنبقاش عارفين مين اللي كتب الكلام ده ، قوليلي ايه رأيكم وانا معاكم

بفكر برضه أعمل جدول تاني نلم فيه الشكاوي كلها برضه بس لما الاقي وقت بقى او حد تاني يعمله لو عنده google e-mail

اشوفكم آخر اليوم ان شاء الله

انا دخلت و كتابت شويه اسعار

[moro14]

انا دخلت و كتابت شويه اسعار