شوية حاجات للمازدا لزوم المنجهة

[pioneerahmed]

يا ريت يا باشا تسألي على طقم الدبرياج (أسطوانة وديسك وبلية ) بكام عشان حاسس أن طلعة العربية مش مظبوطة فيها سنه برجله بسيطة و أنا طالع لازم أدوس بنزين زيادة شوية و ساعات بلاقيها مكتومه في الاول والتاني (عربيتي m/t ) ، هو المكانيكي بتاعك فين ؟وسؤال كمان على السريع كده متعرفش طقم جنوط المازدا ال-16 يعملوا كام استيراد عشان أنا هغير كوتش وبفكر أغير جنوط بالمره وتنصحني أحط كاوتش إيه ؟ أنا كنت هحط bridgestone بس أصحابي قالولي اركب gt عجلة محترمه وتمنها حنين

ومتشكرين يا باشا مقدما وأسف جدا أني طولت عليك بس أنا لقيتك ماشي 100 ألف فقلت لازم أستغلك بقى

بص يا ماندو بية طقم الدبرياج كلة عامل 3000 جم مقفولة طبعا اصلى يعنى اول و اخر مرة ان شاء الله تغيرة و بالنسبة للجنوط ال 15 الاصلى جديد ب 800 جم (الواحد طبعا) ال 16 بلاش منو عشان اولا هيبوظلك العفشة ثانيا محدش بيطلبة عشان كدة ملقتهوش خالص اما بالنسبة للكاوتش فاستنى علية كام يوم كدة لانى هغيرهم بردو بس اخلص من الحاجات الى اشترتها النهاردة دى

[pioneerahmed]

السلام عليكم يا شباب

فجاة لقيت ان عربيتى داخلة على 100000 كم و مغيرتش فيها اى حاجة لا فى الموتور ولا فى العفشة و لا فى الفتيس - السيرفس بتاعها بس

فقلت يا واد يابو حميد العربية قعدت اصيلة معاك 100000 كم ماتروح تكشف عليها كدة تشوفها محتاجة اى حاجة ولا لا من باب الادب لحسن تعلمك هى الادب

المهم كشفت عليها و لقيت العربية محاتة فعلا شوية حاجات على وشك انها تستهلك الا و هى

1-المساعد الامامى يمين مرشح زيت كدة على خفيف فطبعا لازم يتغير , و طبعا عشان اغير المساعد لازم اغير اخوة عشان ميزعلوش ... تفتكرو اجيب بتاع المازدا ولا الفورد ولا كونى؟؟؟

2- لقيت بلى العجل الامامى خشن شوية فطبعا لازم يتغير عشان الادب حلو ... حد عندو فكرة اية ظروفة دة؟؟

3- الميكانيكى بيقول هنكبس بيض الدركسيون عشان فية سنه بوش خفيفة كدة ... اوكى ماشى

4- هنغير زيت الفتيس عشان متغيرش ابل كدة , تفتكرو اية نوع الزيت؟ موبيل وان ولا حاجة تانية؟

5- خراطيم البنزين بتاعة العربية انا عايز اغيرها - اصل انا متعود اغيرها كل 100000 كم فى اى عربية بركبها و تكون الخراطيم بتاعتها فيبر - عشان واحد صاحبى ابل كدة صهين على الخراطيم فى عربيتو و خرطوم اتخرم و العربية ولعت !!!

6- الصرة بتاعة العجل الى ورا خشنة شوية و مصدية فقلت نغيرها بالمرة.
7- علبة الشكمان بتاعة العربية طبعا اتهرت خبطات فى شوارع القاهرة اللذيذة - هى جت عليها - تتغير هى كمان
8- طبعا كل الحاجات دى مع السيرفس العادية

* ان شاء الله هنزل النهاردة شارع دمشق اجيب الحاجات دى و بخرة الصمح نغيرها ان شاء الله , حد عايزنى اسالة على حاجة؟

بسم الله الرحمن الرحيم

1- المساعدين : بتوع الفورد فعلا يركبو عادى للمازدا و تمن الاصلى 1430 جم الاتنين بس مشكلتة انة انشف من بتاع المازدا + بيخلى العربية تعوم جامد
الاصلى تمنة 2100 و طبعا قلة ادب فمجبتوش
فى نوع اسبانى الناس كلها بتشكر فية تمنة 1050 جم بعد الفصال 950 جم هركبة و اجربة و اقولكم اية نظامو

2- بلى العجل الامامى: نصيحة لاى حد عربيتة ABS يشترى البلى الاصلى ... لية بقى .. عشان الاصلى الوحيد الى بيبقى فية Magnetic area الى بتبقى compatible مع سنسور ال ABS و تمن البلية الواحدة 425 بعد الفصال اما لو ركبت بلى مش اصلى فدة هيعمل حاجة من الاتنين يا اما لمبة ال ABS هتنور معاك يا اما مش هتنور بس الفرامل هتهيس جامد (دة كلام مهندس فى التوكيل معرفة)

اما لو حد عربيتة مش ABS ممكن يجيب اى نوع عادى مش هتفرق معاة اوى

3- زيت الفتيس جبت الشل بناء على نصيحتكم الكيلو بيعمل 35 جم و هى بتاخد 4 كيلو

4- فلتر زيت الفتيس ب 365 جم

5- البوجيهات ب 140 جم مازدا اصلى (تصنيع دنسو)

6- فلتر الهواء فى نوع صينى كدة نازل ب 70 جم بس الشيخ عمرو الى فى العالمية قعد يقولى قصايد شعر فية و انة ميفرقش حاجة عن الاصلى - مع انو عندو الاصلى ... فخدتة منو ب 50 جم (الاصلى ب 160 جم)

7- تيل الفرامل بتاع الفورد الالمانى الاصلى رخص و بقى ب 250 جم

8- النافيجيتور بتاع المازدا تمنة 2000 حم (شامل GPS و شغال فى مصر (عشان كان حد بيسال علية)

ملحوظة:
العالمية فعلا حاجتهم نضيفة و فاهمين كويس بس لو عايز تفاصل متتعبش نفسك فى الحاجات الاصلى عشان مش هينزلك حاجة بس هينزلك جامد فى الحاجات ال copy

ملحوظة تانى:
بالنسبة لصوابع الميزان العالمية جايبين نوع يابانى كدة بس بردو اعد يتغزلى فية و يقولى مش بيبوظ زى الاصلى و احسن منو و كدة الامامى عندو ب 250 جم (الاتنين) و الخلفى ب 360 جم (الاتنين بردو)

[mando_07]

بص يا ماندو بية طقم الدبرياج كلة عامل 3000 جم مقفولة طبعا اصلى يعنى اول و اخر مرة ان شاء الله تغيرة و بالنسبة للجنوط ال 15 الاصلى جديد ب 800 جم (الواحد طبعا) ال 16 بلاش منو عشان اولا هيبوظلك العفشة ثانيا محدش بيطلبة عشان كدة ملقتهوش خالص اما بالنسبة للكاوتش فاستنى علية كام يوم كدة لانى هغيرهم بردو بس اخلص من الحاجات الى اشترتها النهاردة دى

ألف شكر على اهتمامك يا باشا بس ليه الجنط ال 16 هيبوظ العفشة هي مش بتنزل بيه أصلاً في ال-aero ولا قصدك أن ال-aero عفشتها مختلفة ، ومقلتليش يا باشا المكانيكي بتاعك فين عشان لو قريب مني أروح أخد رأيه كده في موضوع الدبرياج ده و شكلي كمان للاسف هغير البوجيهات تاني عشان حاسس اللي أنا جبتهم دول مضروبين

، هو شادي كان قالي على واحد محترم أوي في جسر السويس بس المشكلة اللي أنا في الهرم ومببقاش فاضي ألا الجمعة بس إنهرده عندي كذا مشوار كده فمش هلحق أروح هناك و شكرا تاني يا باشا ونبقى نغير الكوتش مع بعض إن شاء الله

[levelpower]

بسم الله الرحمن الرحيم

1- المساعدين : بتوع الفورد فعلا يركبو عادى للمازدا و تمن الاصلى 1430 جم الاتنين بس مشكلتة انة انشف من بتاع المازدا + بيخلى العربية تعوم جامد
الاصلى تمنة 2100 و طبعا قلة ادب فمجبتوش
فى نوع اسبانى الناس كلها بتشكر فية تمنة 1050 جم بعد الفصال 950 جم هركبة و اجربة و اقولكم اية نظامو

2- بلى العجل الامامى: نصيحة لاى حد عربيتة abs يشترى البلى الاصلى ... لية بقى .. عشان الاصلى الوحيد الى بيبقى فية magnetic area الى بتبقى compatible مع سنسور ال abs و تمن البلية الواحدة 425 بعد الفصال اما لو ركبت بلى مش اصلى فدة هيعمل حاجة من الاتنين يا اما لمبة ال abs هتنور معاك يا اما مش هتنور بس الفرامل هتهيس جامد (دة كلام مهندس فى التوكيل معرفة)

اما لو حد عربيتة مش abs ممكن يجيب اى نوع عادى مش هتفرق معاة اوى

3- زيت الفتيس جبت الشل بناء على نصيحتكم الكيلو بيعمل 35 جم و هى بتاخد 4 كيلو

4- فلتر زيت الفتيس ب 365 جم

5- البوجيهات ب 140 جم مازدا اصلى (تصنيع دنسو)

6- فلتر الهواء فى نوع صينى كدة نازل ب 70 جم بس الشيخ عمرو الى فى العالمية قعد يقولى قصايد شعر فية و انة ميفرقش حاجة عن الاصلى - مع انو عندو الاصلى ... فخدتة منو ب 50 جم (الاصلى ب 160 جم)

7- تيل الفرامل بتاع الفورد الالمانى الاصلى رخص و بقى ب 250 جم

8- النافيجيتور بتاع المازدا تمنة 2000 حم (شامل gps و شغال فى مصر (عشان كان حد بيسال علية)

ملحوظة:
العالمية فعلا حاجتهم نضيفة و فاهمين كويس بس لو عايز تفاصل متتعبش نفسك فى الحاجات الاصلى عشان مش هينزلك حاجة بس هينزلك جامد فى الحاجات ال copy

ملحوظة تانى:
بالنسبة لصوابع الميزان العالمية جايبين نوع يابانى كدة بس بردو اعد يتغزلى فية و يقولى مش بيبوظ زى الاصلى و احسن منو و كدة الامامى عندو ب 250 جم (الاتنين) و الخلفى ب 360 جم (الاتنين بردو)

:b4_611:

شكرا على التفاصيل الجمليه دى
بس انت لقيت فين النافيجيتور ب2000 جم علشان عايز اجيبه؟

[pioneerahmed]

ألف شكر على اهتمامك يا باشا بس ليه الجنط ال 16 هيبوظ العفشة هي مش بتنزل بيه أصلاً في ال-aero ولا قصدك أن ال-aero عفشتها مختلفة ، ومقلتليش يا باشا المكانيكي بتاعك فين عشان لو قريب مني أروح أخد رأيه كده في موضوع الدبرياج ده و شكلي كمان للاسف هغير البوجيهات تاني عشان حاسس اللي أنا جبتهم دول مضروبين

، هو شادي كان قالي على واحد محترم أوي في جسر السويس بس المشكلة اللي أنا في الهرم ومببقاش فاضي ألا الجمعة بس إنهرده عندي كذا مشوار كده فمش هلحق أروح هناك و شكرا تاني يا باشا ونبقى نغير الكوتش مع بعض إن شاء الله

الاوريجينال الى بيتباع 15 بس الى عندو 16 فبريكة بيغيرو ل15 عشان العفشة مش ناقصة هى ناشفة خلقة هههههه

بلاش الميكانيكى بتاعى عشان لسة ملبسنى فى الحيط امبارح بس فى واحد بيفهم اوى و محترم اوى اسمو محمد عسكر فى الحرفيين ورا الجامع الكبير معروف اوى هناك و بيعد لحد الساعة 4 الفجر فى الورشة (هو مش بيشتغل بايدة لانة مهندس اصلا بس عندو فنيين على اعلى مستوى و بيتكلمو لغات -- اول مرة اشوف صنايعى فى الحرفيين بيتكلم انجليزى بطلاقة ههههههه)

[pioneerahmed]

قولى على عاوز اجرب كبسة الموتور دى ازاى؟

دى عملتها عند محمد عسكر على الجهاز

[pioneerahmed]

شكرا على التفاصيل الجمليه دى
بس انت لقيت فين النافيجيتور ب2000 جم علشان عايز اجيبه؟

يا باشا انا تحت امر معاليك
النافيجيتور لقيتة عند الشيخ عمرو بتاع العالمية الى شارع دمشق
و بردو عند محل بتاع كاسيت بس فى دمشق بس قالى 2100

[pioneerahmed]

انا عندى فكرة صايعة
متيجو يا شباب نجمع نفسنا الى عايز النافيجيتور دة نجيبة كلنا شروة واحدة و نستفيد بالخصم (الى مش هيكون قليل )؟؟؟

الى موافق يرفع ايدو

[Frozen_Pain]

دى عملتها عند محمد عسكر على الجهاز

فين يا احمد محمد عسكر ده؟
لو عندك رقمه ممكن تبعتهولى

[pioneerahmed]

و الله مش عندى دلواتى
بس انا كدة كدة رايح بكرة ان شاء الله عشان اشوف حل فى المصيبة الى عملهالى الميكانيكى الغبى الى بتعامل معاة
هجيبهولك ان شاء الله

[Frozen_Pain]

و الله مش عندى دلواتى
بس انا كدة كدة رايح بكرة ان شاء الله عشان اشوف حل فى المصيبة الى عملهالى الميكانيكى الغبى الى بتعامل معاة
هجيبهولك ان شاء الله

عمل ايه الميكانيكى؟؟؟؟؟؟

[levelpower]

انا عندى فكرة صايعة
متيجو يا شباب نجمع نفسنا الى عايز النافيجيتور دة نجيبة كلنا شروة واحدة و نستفيد بالخصم (الى مش هيكون قليل )؟؟؟

الى موافق يرفع ايدو

انا موافق

[mando_07]

الاوريجينال الى بيتباع 15 بس الى عندو 16 فبريكة بيغيرو ل15 عشان العفشة مش ناقصة هى ناشفة خلقة هههههه

بلاش الميكانيكى بتاعى عشان لسة ملبسنى فى الحيط امبارح بس فى واحد بيفهم اوى و محترم اوى اسمو محمد عسكر فى الحرفيين ورا الجامع الكبير معروف اوى هناك و بيعد لحد الساعة 4 الفجر فى الورشة (هو مش بيشتغل بايدة لانة مهندس اصلا بس عندو فنيين على اعلى مستوى و بيتكلمو لغات -- اول مرة اشوف صنايعى فى الحرفيين بيتكلم انجليزى بطلاقة ههههههه)

هي ناشفة الصراحة بس في المقابل تحفة على الملفات بس على مطبات الهوا خفيفة شوية وكويس أنك قلتلي على حوار الجنوط ده لحسن دة كنت بفكر في 17 كمان
هو أنت غيرت ال-air mass قبل كده وهو لم بيخرف بيبقى إيه أعراضه أصل أنا شاكك أن الحوار اللي عندي دة مش أسطوانة يمكن يكون air mass و الله أعلم إن شاء الله أفضي بس و أتفرغلها بقى وأفضل ورا العيب ده لحد مقفش أمه

[pioneerahmed]

اتاكد عشان لو فية حاجة ممكن يضربلك ال مباين الاربعة بتوع العربية (الواحدة ب 600 جم)

اعراضة ان العربية بتبقى بترعش على السلانسية و فيها تعتيلة كدة

[mando_07]

اتاكد عشان لو فية حاجة ممكن يضربلك ال مباين الاربعة بتوع العربية (الواحدة ب 600 جم)

اعراضة ان العربية بتبقى بترعش على السلانسية و فيها تعتيلة كدة

لأ هيا مش بترعش ألا و أنا طالع و في الزحمة لما العربية تسخن على العموم أنا حاروح برده أتأكد وهطمنك