شوية حاجات للمازدا لزوم المنجهة

[EMADZOO]

بالنسبة لفلتر البنزين انا بستعملة بقالى اكتر من سنة دلواتى و غيرتة اكتر من 4 مرات و شغال احسن من بتاعها
بالنسبة لفلتر الزيت اى فلتر ينفع لانسر لانوس كيا تويوتا كلو شغال

شكرا يا باشا لذوقك ولمعلوماتك الدسمة

[ENG\AHMED]

بسم الله الرحمن الرحيم

1- المساعدين : بتوع الفورد فعلا يركبو عادى للمازدا و تمن الاصلى 1430 جم الاتنين بس مشكلتة انة انشف من بتاع المازدا + بيخلى العربية تعوم جامد
الاصلى تمنة 2100 و طبعا قلة ادب فمجبتوش
فى نوع اسبانى الناس كلها بتشكر فية تمنة 1050 جم بعد الفصال 950 جم هركبة و اجربة و اقولكم اية نظامو

2- بلى العجل الامامى: نصيحة لاى حد عربيتة abs يشترى البلى الاصلى ... لية بقى .. عشان الاصلى الوحيد الى بيبقى فية magnetic area الى بتبقى compatible مع سنسور ال abs و تمن البلية الواحدة 425 بعد الفصال اما لو ركبت بلى مش اصلى فدة هيعمل حاجة من الاتنين يا اما لمبة ال abs هتنور معاك يا اما مش هتنور بس الفرامل هتهيس جامد (دة كلام مهندس فى التوكيل معرفة)

اما لو حد عربيتة مش abs ممكن يجيب اى نوع عادى مش هتفرق معاة اوى

3- زيت الفتيس جبت الشل بناء على نصيحتكم الكيلو بيعمل 35 جم و هى بتاخد 4 كيلو

4- فلتر زيت الفتيس ب 365 جم

5- البوجيهات ب 140 جم مازدا اصلى (تصنيع دنسو)

6- فلتر الهواء فى نوع صينى كدة نازل ب 70 جم بس الشيخ عمرو الى فى العالمية قعد يقولى قصايد شعر فية و انة ميفرقش حاجة عن الاصلى - مع انو عندو الاصلى ... فخدتة منو ب 50 جم (الاصلى ب 160 جم)

7- تيل الفرامل بتاع الفورد الالمانى الاصلى رخص و بقى ب 250 جم

8- النافيجيتور بتاع المازدا تمنة 2000 حم (شامل gps و شغال فى مصر (عشان كان حد بيسال علية)

ملحوظة:
العالمية فعلا حاجتهم نضيفة و فاهمين كويس بس لو عايز تفاصل متتعبش نفسك فى الحاجات الاصلى عشان مش هينزلك حاجة بس هينزلك جامد فى الحاجات ال copy

ملحوظة تانى:
بالنسبة لصوابع الميزان العالمية جايبين نوع يابانى كدة بس بردو اعد يتغزلى فية و يقولى مش بيبوظ زى الاصلى و احسن منو و كدة الامامى عندو ب 250 جم (الاتنين) و الخلفى ب 360 جم (الاتنين بردو)

:b4_611:

اشمعنى مساعدين الفورد على المازدا تخليها تعوم طالما نفس المساعد
وفين تيل الفورد الاصلى ب 250

[Thebutcherr]

علشان انشف من المساعدين الاصلى فهيكون فى فرق بين در جة نشوفية اللى ورا و اللى قدام بعد التركيب

[pioneerahmed]

بالظيط يا شادى هما فعلا انشف و كمان المجرى بتاعهم اطول من بتوع المازدا فبيعلوها شوية

[ENG\AHMED]

بالظيط يا شادى هما فعلا انشف و كمان المجرى بتاعهم اطول من بتوع المازدا فبيعلوها شوية

انا فعلا بلاخظ ان الفوكاس اعلى من المازدا
بس معنى كدة ان اللى عايز ثبات اعلى يركب طقم كامل فوكاس بسعر اقل
واللى عايز يغلى العربية نفس الوضع
واللى عايز يوطى الفوكاس وتبقى انعم شوية يركب مازدا بس هتبقى اغلى

انا عندى هاجس واحساس ان الاتنين عفشة واحدة تماما وان كان فى ناس نفت الموضوع قبل كدة بس لو كدة يبقى مصلحة بالنسبالكم لأن اسعار الفوكاس احسن

[pioneerahmed]

لا يا باشا مش بالظبط لان نظام التعليق مختلف

بص يا باشا هقولك على حاجة جميلة

المازدا 3 و الفورد الفوكاس و الفولفو اس 40 نفس الموتور (تصميم بس لكن التصنيع مختلف) - نفس الشاسية (كلو تصنيع شركة واحدة) - نفس الفتيس (تصميم واحد بس من شركة متسوبيشى لكن التصنيع مختلف بس بتاع المازدا تصنيع متسوبيشى بالكامل هو و الكنترول يونيت بتاع العربية)

[ENG\AHMED]

لا يا باشا مش بالظبط لان نظام التعليق مختلف

بص يا باشا هقولك على حاجة جميلة

المازدا 3 و الفورد الفوكاس و الفولفو اس 40 نفس الموتور (تصميم بس لكن التصنيع مختلف) - نفس الشاسية (كلو تصنيع شركة واحدة) - نفس الفتيس (تصميم واحد بس من شركة متسوبيشى لكن التصنيع مختلف بس بتاع المازدا تصنيع متسوبيشى بالكامل هو و الكنترول يونيت بتاع العربية)

تمام , انا اعرف ان التلاتة نفس الشاسية
الموتور بصراحة مش عارف
بالنسبة للعفشة عندك فكرة عن الاختلافات ؟؟
الموضوع دة هيبقى مفيد بالنسبالكم

[pioneerahmed]

الفرق ان عفشة المازدا مالتى لينك و مزودة بنظام مانع الانقلاب
(نقلا عن الاستاذ ahmedsadek82 فى مشاركة لية فى موضوع)

[ENG\AHMED]

ياباشا عفشة الفوكاس مالتى لينك
بص على عفشة فوكاس ومازدا من ورا وهما ماشيين , لااتنين واحد

[ENG\AHMED]

شوف كدة ياباشا

المازدا 3


الفوكاس