مازدا 3 الفتيس بتاعها 5 سرعات مش اربعة

[Mohamady]

حد لاحظ قبل كدة فى المازدة انها خمس سرعات مش اربعة على الرغم من انها بتكتب 4 على التابلوه بس انا لاحظت انها بتنزل بعد الرابع فى الار بى ام تانى بعد شوية و تنقل نقلة كمان هى العربية معاية من زمان بس بتاعة مراتى فا ماكنتش با اركبها كتير انا علشان معاية كورولا فا واخد على الخمس سرعات فلما اخدتها شوية لاحظت حاجتين ان الرقم اللى بيتكتب فى الطبلوه ساعات بيكت قبل النقلة يمكن بثانية او جزء فا ده اللى خلاتنى اتابعه على السرعة العالية العربية بعد التسعين او المية بتنزل الار بى ام تانى من 3500 لغاية 3000 فا استغربت ليه ما بتكتبش خمسة

على العموم انا صورت الموضوع ده بالفيديو و ها احاول ارفعه على النت علشان تشوفوه

بالمناسبة ده اول موضوع ليه فى المنتدى و اللى حلانى كتبت انى كل ما اقابل حد من صحابى معاه العربية و احكي له على الموضوع يضخك و يقولى ده بيتهايالك فا صورتها فيديوا علشان اثبت ليهم
يا ريت لو حد لاحظ الموضوع ده يقوللى

و شكرا ليكم

[Mohamady]

انا عملت استطلاع علشاناشوف الناس اللى جربت على فكرة انا باتكلم عن مازدة 2008

[SonaSteel]

متااااااااااابع جدا

[romar]

بناءا على اللي مكتوب هنا - http://en.wikipedia.org/wiki/Mazda3 - كل الـ 1600 بينزل أربع نقلات بس

[Mohamady]

بناءا على اللي مكتوب هنا - Mazda3 - Wikipedia, the free encyclopedia - كل الـ 1600 بينزل أربع نقلات بس

معظم المواقع بتقول ان الفتيس خمس نقلات و المانيوال برضو خمسة بس مافيش حد بيتكلم عن 1600 عاملة ايه و على فكرة ويكيبيديا اللى بيكتبوا فيه ناس زيى و زيك مش شرط يكون الكلام صحيح مية ف المية

[Hossam_Zaky]

الله أعلم بس عربية صديقي الأنتيم 2008 و هوه فعلا كان قالي الملاحظة دي و أنا قلتله أكيد فيه نقلة خامسة أو زي أوفر درايف يريح الموتور علي السرعات العالية و الطوالي عشان متستهلكش بنزين و كمان تاخد سرعة أعلي و ده أحد أسباب أداء العربية مازدا 3 المميز
قريب جدا حبيع النيسان صني 2009 بتاعتي و ححاول أجيب مازدا 3 2008 ( أتمني ذلك )

[romar]

معظم المواقع بتقول ان الفتيس خمس نقلات و المانيوال برضو خمسة بس مافيش حد بيتكلم عن 1600 عاملة ايه و على فكرة ويكيبيديا اللى بيكتبوا فيه ناس زيى و زيك مش شرط يكون الكلام صحيح مية ف المية

دا عشان انت بتبص على مواقع أمريكية.... الأوروبي كله حتلاقيه 1600 وبالتالي حتلاقيهم بيتكلموا عن أربع نقلات بس.

بص مثلا هنا (موقع مازدا الرسمي في بريطانيا)، حتلاقي إن الـ 1600 الأوتوماتيك 4 نقلات بس....

Mazda3 specifications

بالنسبة لـ ويكيبيديا، كلام حضرتك مظبوط نظريا، اللي بيكتبوا ناس زيي وزيك، لكن لو أخدنا خمس دقائق بس نقيم فيها جودة مقالة المازدا 3 ككل على ويكيبيديا، لتأكدنا أن من كتب هذه المقالة غالبا يعرف عن السيارة وتاريخها أكثر مني ومنك، وبالتالي يكون احتمال خطأه غير مساو لاحتمال خطأي أو خطأك إذا حاولنا كتابة نفس المقالة، وإن كنت لا أنفي احتمالية الخطأ بالطبع

[medo_msmsa]

انا عن نفسي مش قادر احدد لان في بعض الاوقات لو عايز اجمع بلاقي العربية مثلا بتطلع من نقلة لنقلة من ار بي ام 3 غلى ار بي ام 2.5 ولما ببقي ماشي بالراحة بتنقل مثلا من 3 إلى 2 على اي حال ميهمنيش كتير انا عندي بتبقي على ار بي ام 3 وهي على سرعة 115 وده مريح بالنسبة ليه

[levelpower]

متابع
وانا هجرب عربيتى و اقول رائ

[Mohamady]

انا عن نفسي مش قادر احدد لان في بعض الاوقات لو عايز اجمع بلاقي العربية مثلا بتطلع من نقلة لنقلة من ار بي ام 3 غلى ار بي ام 2.5 ولما ببقي ماشي بالراحة بتنقل مثلا من 3 إلى 2 على اي حال ميهمنيش كتير انا عندي بتبقي على ار بي ام 3 وهي على سرعة 115 وده مريح بالنسبة ليه

جرب بقى و انت ماشى على السرعة دى تشيل رجلك من البنزين و تحطها تانى بس من غير ما تعمل كيك دون ها يفضل العداد على الرابع بس ها تلاقى ار بى ام بقى 3500 و بعد شوية بسيطة ها ينزل ل 3000 تانى كل ده و العربية سرعتها ثابتة و كاتبة 4

[medo_msmsa]

جرب بقى و انت ماشى على السرعة دى تشيل رجلك من البنزين و تحطها تانى بس من غير ما تعمل كيك دون ها يفضل العداد على الرابع بس ها تلاقى ار بى ام بقى 3500 و بعد شوية بسيطة ها ينزل ل 3000 تانى كل ده و العربية سرعتها ثابتة و كاتبة 4

انا معاك بتلاقي في ترييحة 5. ارم بي ام .. بس السؤال هل ده معناه ان كده في نقلة خامسة ولا ايه؟؟؟؟؟
اللي انا متاكد منه ان حتى لو مفيش خامس انا اساسا من سواقتي لعربيات كتير مانوال منها الافيو على سبيل المثال بتلاقيتها على 120 ار بي ام 3 على الخامس نفس الكلام تقريبا في المازدا 3 عشان كده انا شايف ان موضوع 4 او 5 نقلات مش هتفرق كتير اهم حاجة ان الموضوع مرضي صوت الماتور كويس وناعم جداااااا

[tameraast]

ممكن تكون نقطه انخفاض عزم سعات بتحصل معايا

[Mohamady]

انا معاك بتلاقي في ترييحة 5. ارم بي ام .. بس السؤال هل ده معناه ان كده في نقلة خامسة ولا ايه؟؟؟؟؟
اللي انا متاكد منه ان حتى لو مفيش خامس انا اساسا من سواقتي لعربيات كتير مانوال منها الافيو على سبيل المثال بتلاقيتها على 120 ار بي ام 3 على الخامس نفس الكلام تقريبا في المازدا 3 عشان كده انا شايف ان موضوع 4 او 5 نقلات مش هتفرق كتير اهم حاجة ان الموضوع مرضي صوت الماتور كويس وناعم جداااااا

النقطة انه لو كان خمس نقلات طب ليه بتكتب لغاية اربعة بس

[mmazhar]

حد لاحظ قبل كدة فى المازدة انها خمس سرعات مش اربعة على الرغم من انها بتكتب 4 على التابلوه بس انا لاحظت انها بتنزل بعد الرابع فى الار بى ام تانى بعد شوية و تنقل نقلة كمان هى العربية معاية من زمان بس بتاعة مراتى فا ماكنتش با اركبها كتير انا علشان معاية كورولا فا واخد على الخمس سرعات فلما اخدتها شوية لاحظت حاجتين ان الرقم اللى بيتكتب فى الطبلوه ساعات بيكت قبل النقلة يمكن بثانية او جزء فا ده اللى خلاتنى اتابعه على السرعة العالية العربية بعد التسعين او المية بتنزل الار بى ام تانى من 3500 لغاية 3000 فا استغربت ليه ما بتكتبش خمسة

على العموم انا صورت الموضوع ده بالفيديو و ها احاول ارفعه على النت علشان تشوفوه

بالمناسبة ده اول موضوع ليه فى المنتدى و اللى حلانى كتبت انى كل ما اقابل حد من صحابى معاه العربية و احكي له على الموضوع يضخك و يقولى ده بيتهايالك فا صورتها فيديوا علشان اثبت ليهم
يا ريت لو حد لاحظ الموضوع ده يقوللى

و شكرا ليكم

بص يا باشا انا معايا العربية من سنة 2005 وفعلا الاحساس اللى انت حسيت بية دة صح بس هى مش خمس نقلات هى اربعة بس و اعتقد ان دة بيكون نتيجة تحكم معين من كمبيوتر السيارة علشان يقلل من استهلاك الوقود .

[SonaSteel]

هو اصلا الخامس في الياباني النفروض انه الغيار الاقتصادي.... او اللي العربيه بترتاح عليه