موضوع للنقاش عن مزايا وعيوب مازدا 3

[mmazhar]

انا حبيت افتح موضوع عن مزايا وعيوب المازدا 3 سواء الشكل القديم او الجديد لانهم مشتركين فى كتير من الحاجات الميكانيكل بالذات فانا قولت نفتح الموضوع دة علشان نتناقش فى المزايا و العيوب و نشوف تجربة كل واحد و بكدة يبقى كلنا استفدنا من بعض .. يعنى مثلا انا شايف ان فية عيب فى الطنابير الامامية لانة بعد فترة من الشغل بلاقى ان دركسيون العربية بيهتز جامد عند الفرملة فى السرعات العالية ودة نتيجة ان الطنابير بتبوظ بعد فترة انا عن نفسى غيرتها مرتين فى خلال 4 سنين مش عارف هل دة معقول ولا كتير؟ طبعا العيب المعروف فى المازدا وهو صوابع الميزان وان كنت شايف ان دة مش عيب فى العربية على قد ما هو عيب فى شوارعنا.. بالنسبة للمزايا فانا كدة عايز يومين كتابة علشان اتكلم عليها بس كفاية اقولكم انى عربيتى موديل 2005 وعامل بيها رقم رهيييييييييب 210000 الف كيلو والعربية واللة كانها زيرو و على فكرة هى عربية يعتمد عليها بجد.
كفايا انك ممكن تفضل ماشى على سرعة 190 لمدة ساعة و نصف متواصل وعادى جدا دة مش حتلاقية فى عربيات تانية كتير حتى لو كانت بتجيب نفس السرعة او حتى سرعة اكبر.

[romar]

بارك الله لنا في عربياتنا المازدا...... الصراحة أنا فعلا مبسوط آخر انبساط من العربية.

بمناسبة المزايا والعيوب.... لازم تشوفوا الموضوع ده اللي كتبه زميلنا د/عمرو..... الحقيقة هو موضوع فيه ذكر لمعظم إيجابيات وسلبيات العربية، ومحطوط على شكل مقارنة مع الإلانترا الجديدة... الموضوع رائع جدا.....

http://www.nilemotors.net/Nile/244088-3.html

[himaz]

انا حبيت افتح موضوع عن مزايا وعيوب المازدا 3 سواء الشكل القديم او الجديد لانهم مشتركين فى كتير من الحاجات الميكانيكل بالذات فانا قولت نفتح الموضوع دة علشان نتناقش فى المزايا و العيوب و نشوف تجربة كل واحد و بكدة يبقى كلنا استفدنا من بعض .. يعنى مثلا انا شايف ان فية عيب فى الطنابير الامامية لانة بعد فترة من الشغل بلاقى ان دركسيون العربية بيهتز جامد عند الفرملة فى السرعات العالية ودة نتيجة ان الطنابير بتبوظ بعد فترة انا عن نفسى غيرتها مرتين فى خلال 4 سنين مش عارف هل دة معقول ولا كتير؟ طبعا العيب المعروف فى المازدا وهو صوابع الميزان وان كنت شايف ان دة مش عيب فى العربية على قد ما هو عيب فى شوارعنا.. بالنسبة للمزايا فانا كدة عايز يومين كتابة علشان اتكلم عليها بس كفاية اقولكم انى عربيتى موديل 2005 وعامل بيها رقم رهيييييييييب 210000 الف كيلو والعربية والله كانها زيرو و على فكرة هى عربية يعتمد عليها بجد.
كفايا انك ممكن تفضل ماشى على سرعة 190 لمدة ساعة و نصف متواصل وعادى جدا دة مش حتلاقية فى عربيات تانية كتير حتى لو كانت بتجيب نفس السرعة او حتى سرعة اكبر.

باشا موضوع جميل واحييك عليه

بالنسبة للطنابير فمعلشى اى حد بغير طنابير فده عيب استخدام واهتمام بالعربية و مواعيد صيانتها ومتابعة التيل بالاخص

لان ببساطة وكل منطق لو انت مش بتسيب التيل ياكل فى الطنابير عمرهم ما هيحصلهم حاجةالا بعد فترة كبيرة قوى

طبعا انا مقصدشى اغلط فى حد بس انا قصدى ان ده مش عيب عربية

يعنى مثلا التيل بتاع المازدا ناس كتير بتشتكى منه
انا شايفه عادى واحسن من العادى كمان
الناس بس اللى معلقة رجليها على الفرامل من غير داعى هو ده اللى بياكل التيل بسرعة مش اكتر

وفى الاول والاخر دى وجهات نظر
ولا ايه يا مازداوية يا جامدين ؟

[mmazhar]

باشا موضوع جميل واحييك عليه

بالنسبة للطنابير فمعلشى اى حد بغير طنابير فده عيب استخدام واهتمام بالعربية و مواعيد صيانتها ومتابعة التيل بالاخص

لان ببساطة وكل منطق لو انت مش بتسيب التيل ياكل فى الطنابير عمرهم ما هيحصلهم حاجةالا بعد فترة كبيرة قوى

طبعا انا مقصدشى اغلط فى حد بس انا قصدى ان ده مش عيب عربية

يعنى مثلا التيل بتاع المازدا ناس كتير بتشتكى منه
انا شايفه عادى واحسن من العادى كمان
الناس بس اللى معلقة رجليها على الفرامل من غير داعى هو ده اللى بياكل التيل بسرعة مش اكتر

وفى الاول والاخر دى وجهات نظر
ولا ايه يا مازداوية يا جامدين ؟

بص يا باشا هو زى ما انت قلت هى فعلا طريقة قيادة و لكن انا مثلا معايا عربية تانية و المازدا مش هى اول عربية اتوماتيك اركبها انا راكب قبليها عربيات اتوماتيك كتير لفترات طويلة و بالتالى انا بقارن موضوع الطنابير دة فى المازدا بالنسبة لعربيات تانية كتير بنفس طريقة الاستعمال وفى نفس الفترة اول سنتين مثلا.. و بردو ارجو الافادة من تجارب المازداوية...

[mando_07]

المازدا 3 أكتر عربية بستمتع بسواقتها وماشاء الله عليها في الغرز بجد سافلة ربنا يباركلنا فيها بس هي واطية شوية للاسف وأنا مهندس مدني فبمشي في حتت وحشة كتير وقلبي بيتقطع وأنا ماشي على المطبات دي

[mmazhar]

المازدا 3 أكتر عربية بستمتع بسواقتها وماشاء الله عليها في الغرز بجد سافلة ربنا يباركلنا فيها بس هي واطية شوية للاسف وأنا مهندس مدني فبمشي في حتت وحشة كتير وقلبي بيتقطع وأنا ماشي على المطبات دي

انا شايف ان طبعا دى مشكلة فى الطرق المصرية و لكن هل يوجد حل للمشكلة دى لان فعلا فى ناس كتير معاها العربية و بتعانى من نفس المشكلة.. يعنى مثلا هل ينفع نعلى العربية من الخلف شوية بسيطة ولبكن بجلب تعلية مثلا؟ وهل دة ممكن يأثر غلى ثبات العربية؟

[himaz]

انا شايف ان طبعا دى مشكلة فى الطرق المصرية و لكن هل يوجد حل للمشكلة دى لان فعلا فى ناس كتير معاها العربية و بتعانى من نفس المشكلة.. يعنى مثلا هل ينفع نعلى العربية من الخلف شوية بسيطة ولبكن بجلب تعلية مثلا؟ وهل دة ممكن يأثر غلى ثبات العربية؟

ممكن تكون الطنابير حساسة عن غيرها من العربيات
بس فى الاخر لو انت حافظت عليها عربية تمام ومش بتعمل حركات نص كم


بخصوص التعلية فه ده عيب طرق مش عريبية
واعتقد لو عليتها اكيد الثبات هيقل مش عايزة كلام
بس لو انت مش بتجيب سرعات عالية خلاص ظبطها وخلاص

[omarkhaled55]

ممكن تكون الطنابير حساسة عن غيرها من العربيات
بس فى الاخر لو انت حافظت عليها عربية تمام ومش بتعمل حركات نص كم


بخصوص التعلية فه ده عيب طرق مش عريبية
واعتقد لو عليتها اكيد الثبات هيقل مش عايزة كلام
بس لو انت مش بتجيب سرعات عالية خلاص ظبطها وخلاص

سرعات عالية الى هيا كام يا باشا ؟؟؟؟
يعنى فوق الكام العربية مش هتبقى ثابتة
وهل مش هتبقى ثابتة فى الملفات ولا فى المشى العادى ؟؟؟؟

[mando_07]

انا شايف ان طبعا دى مشكلة فى الطرق المصرية و لكن هل يوجد حل للمشكلة دى لان فعلا فى ناس كتير معاها العربية و بتعانى من نفس المشكلة.. يعنى مثلا هل ينفع نعلى العربية من الخلف شوية بسيطة ولبكن بجلب تعلية مثلا؟ وهل دة ممكن يأثر غلى ثبات العربية؟

أخاف أعليها أبوظ ثباتها اللي هو أحلى حاجة فيها خصوصاً أن لو أنت ماشي بسرعة على شارع مكسر أو على مفصلات كوبري بحس أنها بتتنطط سنة بسيطة من ورا ودة برضه عيب في الشوارع مش في العربية وغالباً في معظم العربيات

[himaz]

سرعات عالية الى هيا كام يا باشا ؟؟؟؟
يعنى فوق الكام العربية مش هتبقى ثابتة
وهل مش هتبقى ثابتة فى الملفات ولا فى المشى العادى ؟؟؟؟

كلمة الثبات فى حد ذاتها معناها ثبات العربية فى المنحنيات والمنورات بالغرز الجامدة او لو اخدت مطب هواء جامد
متعومشى منك بسهولة تحت الظروف دى


سرعة عالية ممكن فوق ال100 مثلا


عربيات كتير بتجيب سرعات عالية واعلى من المازدا كمان بس مش دى النقطة المهم تحت الظروف الصعبة العربية هترقص بيك ولا هتبقى عاملة ايه ؟



عندك فيه عربيات تجيب على العدل 180 و 200 و 210 كمان بس زى مقولتك ايه بقى الموقف لو فوجئت بحاجة
غرزة على الطاير
كدة يعنى


وربنا يسترها معانا جميعا ان شاء الله

[mmazhar]

أخاف أعليها أبوظ ثباتها اللي هو أحلى حاجة فيها خصوصاً أن لو أنت ماشي بسرعة على شارع مكسر أو على مفصلات كوبري بحس أنها بتتنطط سنة بسيطة من ورا ودة برضه عيب في الشوارع مش في العربية وغالباً في معظم العربيات

بصراحة هى فعلا ثباتها ماشاء اللة علية مشفتوش فى عربيات كتير فى نفس الفئة واعتقد ان الشكل الجديد اعلى سنة او يمكن انا اللى بحس بكدة لما بشوفها

[medo_msmsa]

انا حبيت افتح موضوع عن مزايا وعيوب المازدا 3 سواء الشكل القديم او الجديد لانهم مشتركين فى كتير من الحاجات الميكانيكل بالذات فانا قولت نفتح الموضوع دة علشان نتناقش فى المزايا و العيوب و نشوف تجربة كل واحد و بكدة يبقى كلنا استفدنا من بعض .. يعنى مثلا انا شايف ان فية عيب فى الطنابير الامامية لانة بعد فترة من الشغل بلاقى ان دركسيون العربية بيهتز جامد عند الفرملة فى السرعات العالية ودة نتيجة ان الطنابير بتبوظ بعد فترة انا عن نفسى غيرتها مرتين فى خلال 4 سنين مش عارف هل دة معقول ولا كتير؟ طبعا العيب المعروف فى المازدا وهو صوابع الميزان وان كنت شايف ان دة مش عيب فى العربية على قد ما هو عيب فى شوارعنا.. بالنسبة للمزايا فانا كدة عايز يومين كتابة علشان اتكلم عليها بس كفاية اقولكم انى عربيتى موديل 2005 وعامل بيها رقم رهيييييييييب 210000 الف كيلو والعربية والله كانها زيرو و على فكرة هى عربية يعتمد عليها بجد.
كفايا انك ممكن تفضل ماشى على سرعة 190 لمدة ساعة و نصف متواصل وعادى جدا دة مش حتلاقية فى عربيات تانية كتير حتى لو كانت بتجيب نفس السرعة او حتى سرعة اكبر.

سؤالي بقي لما بتكون على سرعة 190 الار بي ام بيبقي كام وهل موضوع ال4 غيارات بس ده مش بيتعب الماتور ولا الفتيس على السرعات العالية دي؟

[TOOLA]

موضوع مشوق

[mmazhar]

سؤالي بقي لما بتكون على سرعة 190 الار بي ام بيبقي كام وهل موضوع ال4 غيارات بس ده مش بيتعب الماتور ولا الفتيس على السرعات العالية دي؟

الار بى ام يا باشا بيبقى عند حوالى 5000 والسرعات العالية طبعا تتعب الموتور لما تعقد فترة طويلة بالذات لو كانت العربية 4 غيارات فقط لاكن فى المازدا بتحس وانت ماشى على الغيار الرابع ان العربية بتجيب غيار خامس بس من غير ما يبان على الشاشة لدرجة ان فى عضو معانا هنا عمل موضوع عن العربية اذا كانت اربع غيارات ولا خمسة و طبعا هى اربعة بس و هو دة اللى احنا بنقولة ان المازدا 3 عربية محترمة جدا لانك لو تاخد بالك من كلامى تلاقينى بقول انك ممكن تمشى على سرعات عالية لفترة طويلة ودة بيبقى صعب جدا فى عربيات تانية كتير من نفس الفئة . و فعلا زى ما انت قلت السرعات العالية لفترة طويلة مع عربية 4 غيار فقط بيتعب الموتور و لكن نسبة و تناسب عشان كدة تلاقى المازدا 3 بتدى نفس اداء العربية الستة غيار على نفس السرعة.

[medo_msmsa]

الار بى ام يا باشا بيبقى عند حوالى 5000 والسرعات العالية طبعا تتعب الموتور لما تعقد فترة طويلة بالذات لو كانت العربية 4 غيارات فقط لاكن فى المازدا بتحس وانت ماشى على الغيار الرابع ان العربية بتجيب غيار خامس بس من غير ما يبان على الشاشة لدرجة ان فى عضو معانا هنا عمل موضوع عن العربية اذا كانت اربع غيارات ولا خمسة و طبعا هى اربعة بس و هو دة اللى احنا بنقولة ان المازدا 3 عربية محترمة جدا لانك لو تاخد بالك من كلامى تلاقينى بقول انك ممكن تمشى على سرعات عالية لفترة طويلة ودة بيبقى صعب جدا فى عربيات تانية كتير من نفس الفئة . و فعلا زى ما انت قلت السرعات العالية لفترة طويلة مع عربية 4 غيار فقط بيتعب الموتور و لكن نسبة و تناسب عشان كدة تلاقى المازدا 3 بتدى نفس اداء العربية الستة غيار على نفس السرعة.

معاك يا باشا وانا حسيت برضة بموضوع الغيار الخامس ده بس في المحصلة ان على سرعة 115 هتلاقي الار بي ام على 3 بالظبط انا بس كنت بسال عشان انا كل استخدامي جوة المدينة واقصى سرعة جبتها كانت 160 وكان الار بي ام على 4 -4.5 مش فاكر بالظبط... على فكرة معتقدش ان الار بي ام هيكون زي الـ 6 غيار هو مرضي بس مش لدرجة زي ال 6