قواعد موتور mazda 3

[kogey911]

السلام عليكم
حد يا شباب غير قاعده موتور للمازدا 3 الشكل القديم قبل كده ؟ اصل انا عربيتي شكلها محتاجه قعده موتور(يمين علي ما اعتقد) فلو حد يعرف بكام او يكون غيرها قبل كده يقولي وهل بتاخد وقت لما تتغير ولا الموضوع سهل ؟؟

[pioneerahmed]

اتاكد الاول انها قاعدة موتور عشان دى غالية اوى و حوار كبييير عشان تغيرها
و كمان هى مش بتبوظ بسهولة دى بتعد فوق ال 150 الف كيلو

[kogey911]

انا مش متاكد انها قاعده موتور بس العربيه فيها هزه ناحيه اليمين لما بتبقه بارده ولما بطلع بيها .. وسئلت ميكانيكي قالي دي قاعده موتور ... انا سئلت عليها في العالميه لقيتها الاصلي ب 950 و التيلاندي ب 450 يعني مش غاليه قوي علي ما اعتقد .. هيا الهزه دي ممكن تكون حاجه غير قاعده موتور؟

[pioneerahmed]

طبعا فى حاجات كتير ممكن تكون كهرباء العربية مش مظبوطة و ممكن يكون الانجكشن فية حاجة
هل فى اختلاف فى اداء العربية؟ يعنى سحبها قل ولا زاد

[topstar]

انا غيرتها مرتين وعلي فكره الموضوع سهل بس هي تيواني بــ 250 مش بــ 400 ...

تاني حاجه قاعده الماتور بتبان بيكون صوت الماتور عالي معاك اوي .. وبتحس شويه في المطباط لان القاعده جواها جلد كده زي الكاوتش ولما بيروح بيبقي حديد بيغبط في حديد فده بيعمل صوت

[pioneerahmed]

لا يا باشا الى سعادتك بتكلم عنها دى اسمها السنادة مش القاعدة القاعدة دى عشان تتغير حوار كبير و تسقيط موتور
و اصلا القاعدة الاستيراد تمنها فوق ال 1200 جم و عادة بيكون الكاوتش بتاعها ناشف و مشقق

[kogey911]

انا غيرتها مرتين وعلي فكره الموضوع سهل بس هي تيواني بــ 250 مش بــ 400 ...

تاني حاجه قاعده الماتور بتبان بيكون صوت الماتور عالي معاك اوي .. وبتحس شويه في المطباط لان القاعده جواها جلد كده زي الكاوتش ولما بيروح بيبقي حديد بيغبط في حديد فده بيعمل صوت

هو صوت الموتور بحس انه عالي علشان الهزه الي في العربيه .. لاكن الموتور نفسه لما بفتح الكابوت مبيبقاش صوتوه عالي.. يعني المشكله الي عندي ان في هزه في العربيه سواء وانا واقف او وانا ماشي بسرعه قليله

طيب يا باشا ربنا يكرمك انت جبت التايواني منيين الي بـ 250 ؟ وهل فرقت معاك بعد مغيرتها ؟ وكنت فعلا بتحس بهزه في صالون العربييه زيي؟ معلش اصل ما صدقت لاقيت حد عنده نفس المشكله

[kogey911]

طبعا فى حاجات كتير ممكن تكون كهرباء العربية مش مظبوطة و ممكن يكون الانجكشن فية حاجة
هل فى اختلاف فى اداء العربية؟ يعنى سحبها قل ولا زاد

لا يا باشا سحبها زي ما هو ومظنش انو الانجكشن ... بس في هزه في العربيه اوي وانا علي p ولما ببقه طالع بلعربيه من الوقفه

[topstar]

??????????????

[topstar]

بس يا باشا احنا ممكن نتقابل وبأذن الله امرها سهل انا ساكن في العباسيه لو في مكان قريب منك ممكن نتقابل وان شاء الله خير ومتخفش انا طلع عيني في عربيتي ففي حاجات كتير هقدر اسعدك فيها ان شاء الله ده رقمي عامه كلمني في اي وقت
01112828247

[kogey911]

بس يا باشا احنا ممكن نتقابل وبأذن الله امرها سهل انا ساكن في العباسيه لو في مكان قريب منك ممكن نتقابل وان شاء الله خير ومتخفش انا طلع عيني في عربيتي ففي حاجات كتير هقدر اسعدك فيها ان شاء الله ده رقمي عامه كلمني في اي وقت
01112828247

يا باشا ربنا يخليك .. انا هكلمك ان شاء الله علشان اعرف منك الموضوع كله

[omarkhaled55]

يا باشا ربنا يخليك .. انا هكلمك ان شاء الله علشان اعرف منك الموضوع كله

معلش انا كان ليا استفسار صغير طالما حضرتك مفحوت مع المازدا
هو سعر الاكصدام الايرو الامامى والخلفى استيراد 2009 بكام ؟؟

[kogey911]

معلش انا كان ليا استفسار صغير طالما حضرتك مفحوت مع المازدا
هو سعر الاكصدام الايرو الامامى والخلفى استيراد 2009 بكام ؟؟

هو المفحوت مش انا .. انا لسه شاري عربيتي اصلا فمعنديش معلومات كتير عن قطع الغيار .. بس انزل شارع دمشق او الحرفيين هتلاقي كل حاجه انت عايزهه

[omarkhaled55]

شكرا يا باشا على ردك انا كنت بسال topstar على الكلام دة

[topstar]

واحد صحبي جابه من فتره كان عامل 800 جنيه ده الامامي مش عارف الخلفي بكام والله.......وغيره وجاب اكصدام جديد بقاله فتره لو عايزه ممكن اظبطلك سعره معاه وهو مفهوش اي حاجه كله سليم بس عيبه ان الفوجات بتاعته مش موجوده ولما حاول يدور عليها كان سعر الفوج الواحد 750 جنيه يعني الاتنين بـ 1500 جنيه وصيني وده كتير علي فوجات بصراحه
..........السعر بيختلف علي حسب حاله الاكصدام عامه