حبايب المازدا ,وحشتونى و ساعدونى فى الكبالن الداخلية :((

[WalidAdel]

ياباشا ربنا يخاليك
الغربله في الركسيون و مافيش حاجه تحت رجلي حاجه بصراجه
انا فعلا هاعمل كده هأجل موضوع الكاوتش ده شويه الفرده ب 870 جنيه ليسه سأل عليها انهارده في بردجستون ياباني
روحت عندهم انهارده قولت اكشف علي العجل الاول ... لاقيته بيقولي الجنوط معوجه اللي قدام قولتله اكشف علي اللي ورا كمان لاقاهم نفس القصه جيبت اللي قدام ورا و ؤصصت كمان علشان في دوشه ورا و قالي الفردتين اللي ورا نص النقشه متاكل فقال يمكن الصوت منهم و هاجرب كده و نشوف الصوت لو بقي قدام يبقي كاوتش ور تعبان و كده كده هاجيب اتنين ان شاء الله و هاشوف الرعشه هاتخف ولا ايه بردوا
و ان شاء الله لو الرفه دي خفت شويه عن الاول هايبقي خير و كده العفشه مافيهاش حاجه تقلق فليسه علي تجربه ان شاء الله
بالنسبه للجنوط بقي الراجل قالي عند اشرفكوا اللي في المطريه فكلمت واحد صحبي ساكن قدامه نزل سأل بكام الاستعدال قاله من 80 وانت طالع علي حسب العوجه المشكله بالنسبالي مش في الفلوس بصراحه ... المشكله هاتبقي في الوقت (4-5 ساعات) و ده في حد ذاته كتيييييييييييير وقفه عنده
بس و البقيه تأتي ان شاء الله ... انا كده كده بفضل ورا العيب لحد ماعرف منين بالظبط علشان مش بحب اصرف فلوس و مافيش نتيجه
الراجل اللي حضرتك بتقولي عليه ده كان المعرض اللي اخدت منه العربيه بيقولي روحله وانا اقوله لأ علشان معرفتك و بتاع عموما انا اخدت الرقم و ان شاء الله اكلمه و اروحله بكره بعد الصلاه
متشكر ياباشا

[WalidAdel]

تم تجربة العربيه بعد الترصيص ياعم شاااااااااااادي
للاسف الغربله جايه من تحت رجلي
المهم كلمت المهندس احمد و روحلته انهارده بعد الصلاه زي ماقولتلي .. الراجل ماشاء الله محترم و شكله فاهم ساق العربيه و كانت الصدمه - العربيه فيها كوبلن يمين و شمال -
المهم بعد ماجرب و بتاع دخلنا العربيه علي المجري و مافيهاش حاجه اوي يعني
كاوتش ميزان - بارات دركسيون - اويلسيل كوبلن
و ان شاء الله اتفقت معاه اروح اعمل عنده صيانة ال 100 الف في الرقيب علشان ابقي خلصت من السيرفيس و نشوف هانعمل ايه في الكبالن دي
احتمال اروحله بكره ان شاء الله

[S O P H O S]

استاذ شادى شكرا على ردك وربنا يكون فى العون.انا اشتريت الاتى
2 فانوس امامى تايوانى 800جم
فلتر بنزين 80جم
فلتر تكييف 90جم (بعد ماغيرته التكييف فرق بصورة غير طبيعيه)
طقم بوجيهات60 جم
سير المجموعه 130جم
صوابع ميزان خلفى المانى 300
الاسعار دى بعد الفصال
تحياتى ليك والسلام عليكم

اسعار معقولة الي حدا ما

[WalidAdel]

اسعار ليسه طازه من عند العالميه اللي في شارع دمشق (كله اصلي)
كوبلن اوريجينال 3480 (ليسه بفكر احيبه)
فلتر زيت فتيس (اوريجينال) 375
فلتر هوا (اوريجينال) 160
فلتر زيت موتور (اوريجينال) 55
فلتر زيت بنزين (اوريجينال) 320
سير مجموعه (اوريجينال) 330
ايريال (اوريجينال) 210
فلتر تكييف (اوريجينال) 325
بوجيهات تويوتا (شمعه واحده) 90 ، بويجها مازدا (شمعتين) 160

[Thebutcherr]

استاد مجدى لسة عامل الصيانة عند بشمهنس احمد و كلمنى امبارح و الحمد لله كان مبسوط
يا وليد مفيش حد بيجيب كبالن جديدة كاملة زى مقلتلك شوف العيب اية بالتفصيل
خارجى :هاتهم جديد بحوالى 450 الفردة (الجنب)
داخلى: هتجيب كبلن كامل استيراد
لو استيراد كلمنى و انا هضبطلك حاجة ان شاء الله

[WalidAdel]

ان شاء الله ياباشا
عموما انت مصمم من امبارح ان اسمي مجدي علي فكره

انا كلمت المهندس احمد و قالي انا بتكلم علي الخارجي مش الداخلي (نحكم الخارجي الاول و بعدين نشوف) و بعدين قالي ماتنساش ان عندك الجنوط معوجه

فربنا يكرم كده و نشوف الدنيا فيها ايه
احتمال اروحله بكره ان شاء الله اغيرهم و اعمل الجنوط كمان بالمره .... ربنا يسهل

[topstar]

نفس مشكلتي رجه رخمه بحس بيها وكل اللي يركب معايا يحسها..........ياريت لو وصلت لحل تقولي جبت منين الداخلي وبكام,,,, وكنت عايز اسأل كواتش ميزان ..ولا صبعان ميزان اللي بيتغيروا لان استاذ وليد قال كاوتش ميزان... ؟؟

[Thebutcherr]

يا ريس وليد انا قصدى صديق تانى لينا هنا اسمه استاد مجدى كان امباى مطبات الرح عند احمد و عمل صيانة,
شوف يا معلم لو عندك جنوط معووجة فعلا يبقى دى اول حاجة تعملها ,ما تفتحش فى اى حاجة الا لما تعملها

الزميل توب ستار ,كاوتش الميزان فى العفشة الامامى و الصوابع فى الخلفى
الصوابع هى اللى بتبوظ على طول و بتلاقى ساعات هبد فى المطبات و تعويم فى مطبات الهواء على سرعة
للاسف بالنسبة لكاوتش الميزان الامامى مش موجود فى السوق خالص

[Magdyahassan]

استاذ شادى السلام عليكم
كنت عايز اسالك عن صوابع الميزان ياترى ممكن اى حد يغيرهم ولا ايه؟
وتقبل تحياتى

[WalidAdel]

نفس مشكلتي رجه رخمه بحس بيها وكل اللي يركب معايا يحسها..........ياريت لو وصلت لحل تقولي جبت منين الداخلي وبكام,,,, وكنت عايز اسأل كواتش ميزان ..ولا صبعان ميزان اللي بيتغيروا لان استاذ وليد قال كاوتش ميزان... ؟؟

انا عندي بالكشف لاقيت ان كاوتش الميزان تعبان و عايز يتغير ... فهو بالكشف هاتبان
و بعدين الكوبلن الداخلي ده مش بيتباع لوحده لازم تجيب كوبلن كامل استيراد او لو عندك المقدره يبقي اوريجينال 3480 جنيه

[WalidAdel]

كوبلن مازدا شمال ياشباب ب 1200 جنيه استيراد من الحرفيين

[Thebutcherr]

طب طمننا يا وليد بيك عملت اية؟؟

[WalidAdel]

طب طمننا يا وليد بيك عملت اية؟؟

زي الفل ياباشا ... الحمد لله
العربيه ظبطة تمام و مافيش رفه ولا اي حاجه
الكوبلن الشمال كان مبهدل الدنيا و الرفه كانت رخمه اوي
بس الحمد لله ظبطة لما اتغير و بقيت ناعمه في السحب
الكوبلن واخده ب 1200 زي ماقولت و المصنعيه 150 تقريبا (لاني مركب فلتر التكييف و دافع 175)
فمش عارف ده كام و ده كام الصراحه

[topstar]

انا سألت من اسوعبين عند سيد حماد في الحرافين قالي الاتنين يمين وشمال الكبالن عاملين 1700

[Roufa]

العالمية في الحرفيين و دمشق محترمين برده