معلومه عن طنابير المايلي و فرامل المازدا 3 عموما

[WalidAdel]

من اول ماشتريت العربيه وانا بشتكي من الفرامل غربله في الدركسيون و الفرامل نفسها مش كويسه و بتاع
فدخلت هنا علي المنتدي و وجهني استاذ شادي الجزار اللي ليسه لحد دلوقتي ماشوفتوووووووووووش لطنابير و تيل مايلي ... فروحت جيبتهم و كلي امل ان الفرامل تظبط
انما للأسف الدنيا ماظبطتش بردوا هيا بتقفش و كل حاجه بس الفرامل طريه كده تحت رجلي و البدال مش مظبط و لما بدوس فجأه ساعات ينزل علي الفاضي و جو كده غريب و لما اجري مصلا و اقرص علي الفرامل تجمع و تبقي كويسه
فضلت ماشي بيها فتره و اسأل هنا و كده لحد مالميكانيكي بتاعي (اللي تحت البيت) قالي معلومه مهمه و دي اللي جاي اقولها انهارده اذ ربما حد يستفاد بيها
قالي الماستر بيبقي علي بليه كده و بيفتح لما بتدور العربيه ممكن يكون البليه دي مش بتفتح كويس بسبب الزيت مابقاش كويس و ده اللي بيخالي الفرامل معاك طريه و مش بتمسك كويس
طيب و الحل ايه ياعم الحاج ناخد هوا مثلا للدوره ... قالي لأ العربيات دي مش بيتاخدلها هوا من التيل و كده علشان دي بحضر نفسها بنفسها
قولتله ازاي يعني ... قالي بص او ماتفتح الكونتاكت و اللمض بتاعة التابلوه تنور دوسه فرامل جامد لحد مالبدال يقف تحت رجلك و ماينزلش تاني و بعدين دور العربيه هتلاقي البدال نزل حبه بعد مادورت و هتلاقي الفرامل بقيت كويسه معاك و كرر الموضوع ده كل فتره كده علشان تبقي الفرامل كوبسه
جربتها و ماشاء الله الفرامل ظبطة اوووووووووي و بقيت بتقفش و اللي كان بيحصل زمان ده بطل يحصل و اخيرا عرفت يعني ايه فرامل مازدا 3 و أي بي أس
ياريت بقي الناس اللي بتشتكي من موضوع الفرامل ده تجرب و تقولي كده النتيجه ايه
بالنسبه بقي للطنابير المايلي ... هيا حلوه و كل حاجه بس ماتنفعش واحد زي حالاتي بيجري و بيسافر و محتاج فرامل علي سرعات عاليه لان التيل بيسخن فبيتزحلق فتلاقيك سامع صوت الطنابير و التيل و هما بيرقعوا في بعض و العربيه مش بتقف و ده علي سرعه عاليه (140-160)
لكن اللي مش بيجري و مشيه علي اده لا هاتظبط معاه الدنيا و ارخص من الاصلي
معلش طولة عليكوا

[Kareem Fawzy]

الله عليك يا حج وليد
الله ينور اساحبى

[S O P H O S]

الحمد الله انها اتحلت ..

[toty_305]

الحركه اللي بتقول عليها دي موجوده في أي عربيه فيها Servo
-ده اختراع قديم جدا و لو في مشكله عمرها م تتحل كده
-بلاش ناخد الكلام ثقه قوي

[WalidAdel]

الحركه اللي بتقول عليها دي موجوده في أي عربيه فيها servo
-ده اختراع قديم جدا و لو في مشكله عمرها م تتحل كده
-بلاش ناخد الكلام ثقه قوي

هيا مش مسألة كلم ثقه علي أد ماهي مسألة مشكله و حل و الحل ده جاب نتيجه بس المعلومه دي بالنسبالي ليسه جديده ممكن تكون بالنسبه لحضرتك قديمه زي مابتقول بس معلومه قولت اقولها لانها جابت معايا نتيجه كويسه علي اساس اني مكنتش عارفها اصلا

[medokassem]

من اول ماشتريت العربيه وانا بشتكي من الفرامل غربله في الدركسيون و الفرامل نفسها مش كويسه و بتاع
فدخلت هنا علي المنتدي و وجهني استاذ شادي الجزار اللي ليسه لحد دلوقتي ماشوفتوووووووووووش لطنابير و تيل مايلي ... فروحت جيبتهم و كلي امل ان الفرامل تظبط
انما للأسف الدنيا ماظبطتش بردوا هيا بتقفش و كل حاجه بس الفرامل طريه كده تحت رجلي و البدال مش مظبط و لما بدوس فجأه ساعات ينزل علي الفاضي و جو كده غريب و لما اجري مصلا و اقرص علي الفرامل تجمع و تبقي كويسه :u_thin1[1]:
فضلت ماشي بيها فتره و اسأل هنا و كده لحد مالميكانيكي بتاعي (اللي تحت البيت) قالي معلومه مهمه و دي اللي جاي اقولها انهارده اذ ربما حد يستفاد بيها
قالي الماستر بيبقي علي بليه كده و بيفتح لما بتدور العربيه ممكن يكون البليه دي مش بتفتح كويس بسبب الزيت مابقاش كويس و ده اللي بيخالي الفرامل معاك طريه و مش بتمسك كويس
طيب و الحل ايه ياعم الحاج ناخد هوا مثلا للدوره ... قالي لأ العربيات دي مش بيتاخدلها هوا من التيل و كده علشان دي بحضر نفسها بنفسها
قولتله ازاي يعني ... قالي بص او ماتفتح الكونتاكت و اللمض بتاعة التابلوه تنور دوسه فرامل جامد لحد مالبدال يقف تحت رجلك و ماينزلش تاني و بعدين دور العربيه هتلاقي البدال نزل حبه بعد مادورت و هتلاقي الفرامل بقيت كويسه معاك و كرر الموضوع ده كل فتره كده علشان تبقي الفرامل كوبسه
جربتها و ماشاء الله الفرامل ظبطة اوووووووووي و بقيت بتقفش و اللي كان بيحصل زمان ده بطل يحصل و اخيرا عرفت يعني ايه فرامل مازدا 3 و أي بي أس
ياريت بقي الناس اللي بتشتكي من موضوع الفرامل ده تجرب و تقولي كده النتيجه ايه
بالنسبه بقي للطنابير المايلي ... هيا حلوه و كل حاجه بس ماتنفعش واحد زي حالاتي بيجري و بيسافر و محتاج فرامل علي سرعات عاليه لان التيل بيسخن فبيتزحلق فتلاقيك سامع صوت الطنابير و التيل و هما بيرقعوا في بعض و العربيه مش بتقف و ده علي سرعه عاليه (140-160)
لكن اللي مش بيجري و مشيه علي اده لا هاتظبط معاه الدنيا و ارخص من الاصلي
معلش طولة عليكوا

يراجل انتا تهظر ده انا رحت توب جير غيرت زيت فرامل وشيلنا هوا طب ازاي شيلنا هوا والعربية مبتخدش هوا اصلا ان تهت كده حد يفهمني انا عملت ايه بقي عشان تهت ^_^

[WalidAdel]

يراجل انتا تهظر ده انا رحت توب جير غيرت زيت فرامل وشيلنا هوا طب ازاي شيلنا هوا والعربية مبتخدش هوا اصلا ان تهت كده حد يفهمني انا عملت ايه بقي عشان تهت ^_^

ماهو ياباشا اي عربيه ليها مسمار 8 ورا الفرده و طبيعي ان لما حاجه غلط تحصل و تحتاج تصلحها فبعد ماتخلص شغل تاخلدها هو ا من عند الفرده و طبيعي انك تغير زيت و تاخد هوا
بس اللي مش طبيعي انك لما الفرامل تبقي تحت رجلك مش كويسه تاخدلها هوا فاتبقي كويس ده المقصود او بمعني اخر تحضر للفرامل تتدوس مرتين تلاته كده علي تقفش معاك كويس
الفكره كلها ان طالما دورة الزيت كلها سليمه و مافيش حاجه حصلت ولا فيه تسريب زيت في اي خرطوم و رغم كل ده الفرامل مش قويه ماينفعش بقي تاخدلها هوا مش زي ال 128 لما كنا بنغير تيل بناخد هوا من الفردتين اللي قدام و نزود زيت الفرامل
لكن العربيات الجديده مختلفه ... دي الفكره كلها

ياريت تشرحلي غيروا زيت الفرامل في توب جير ازاي

[Frozen_Pain]

انا هطلق عليك لقب مبدع المازدا
10/10 يا ليدو باشا

وبالنسبة لموضوع انك تقابل شادى الجزار
أحب أطمنك انك مش هتشوفه :)
لان شادى ساكن جنبى فى اكتوبر ولحد دلوقتى مشفتهوش ولا مرة
هى مرة واحدة بس اللى اتقابلنا فيها وقت مقابلة غبور

[Thebutcherr]

انا واضح ان سمعتى بقت ظى الجنية الورق الدايب المكرمش
يا جدعان انا مش قلت ظبطوا مقابلة و انا معاكوا!!!
موضوع الفرامل بقى :
طالما بتعملها صيانة (تغيير تيل فى معاده ورا و قدام, غيار زيت باكم كل 20 الف كيلو ,رجلاش فرامل وراء)
تبقى فى السليم

[WalidAdel]

وبالنسبة لموضوع انك تقابل شادى الجزار
أحب أطمنك انك مش هتشوفه :)
لان شادى ساكن جنبى فى اكتوبر ولحد دلوقتى مشفتهوش ولا مرة
هى مرة واحدة بس اللى اتقابلنا فيها وقت مقابلة غبور

انا واضح ان سمعتى بقت ظى الجنية الورق الدايب المكرمش
يا جدعان انا مش قلت ظبطوا مقابلة و انا معاكوا!!!

شكلك وحححححححححححححححححش ... تصدق بقي
انا ماسمعتكش قولت كده علي فكره

موضوع الفرامل بقى :
طالما بتعملها صيانة (تغيير تيل فى معاده ورا و قدام, غيار زيت باكم كل 20 الف كيلو ,رجلاش فرامل وراء)
تبقى فى السليم

ماهو انا بقي ياعم شادي ماعرفش حد يغير زيت فرامل و يكون كويس
انا لفيت كتير و كل واحد براي و اللي يحسسك انه بيفتي و يقولك هانفتح الطبه قوم ايه الزيت هاينزل من العلبه قوم بقي احنا نحط الزيت و بكده يقي اتغير و كلام كده
انا كنت غيرته مره في عربيه نيسان صني و توكيل اوتو ايجيبت بصراحه غيروه حلاوه بجهاز كده سحب من عند الفرده الزيت و حاجه تمام ماشاء الله
ياريت بقي اي حد يكون ليه تجربة تغيير زيت يقولي حصلت ازاي (طريقة التغيير) و فين

[Frozen_Pain]

شكلك وحححححححححححححححححش ... تصدق بقي:pointiy2[2]:
انا ماسمعتكش قولت كده علي فكره



ماهو انا بقي ياعم شادي ماعرفش حد يغير زيت فرامل و يكون كويس
انا لفيت كتير و كل واحد براي و اللي يحسسك انه بيفتي و يقولك هانفتح الطبه قوم ايه الزيت هاينزل من العلبه قوم بقي احنا نحط الزيت و بكده يقي اتغير و كلام كده
انا كنت غيرته مره في عربيه نيسان صني و توكيل اوتو ايجيبت بصراحه غيروه حلاوه بجهاز كده سحب من عند الفرده الزيت و حاجه تمام ماشاء الله
ياريت بقي اي حد يكون ليه تجربة تغيير زيت يقولي حصلت ازاي (طريقة التغيير) و فين

ما تكلم المهندس محمد فضالى صاحب مركز توب جير وهو هيقولك تعمل ايه
هو عنده ممكن انك تغير جميع الزيوت اللى فى العربية

[Thebutcherr]

انا بعمل كل شغلى عند المركز اللى فى جسر السويس

[Youssef.Awad]

الف مبروك على تغيير الطنابير والتيل وظبط الفرامل
بصراحة ركوب الزيرو برقبة اى عربية مستعملة ..

ماهو انا بقي ياعم شادي ماعرفش حد يغير زيت فرامل و يكون كويس
انا لفيت كتير و كل واحد براي و اللي يحسسك انه بيفتي و يقولك هانفتح الطبه قوم ايه الزيت هاينزل من العلبه قوم بقي احنا نحط الزيت و بكده يقي اتغير و كلام كده
انا كنت غيرته مره في عربيه نيسان صني و توكيل اوتو ايجيبت بصراحه غيروه حلاوه بجهاز كده سحب من عند الفرده الزيت و حاجه تمام ماشاء الله
ياريت بقي اي حد يكون ليه تجربة تغيير زيت يقولي حصلت ازاي (طريقة التغيير) و فين

فين فى اوتوايجيبت ده ؟!!!
انا لسه مغير زيت فرامل وزيت باور عندهم من شهر وغيرولى الجزء اللى فى الخزنة فقط لا غير من غير ما ييجوا ناحية الخراطيم او العجلات تحت ..

[medokassem]

ماهو ياباشا اي عربيه ليها مسمار 8 ورا الفرده و طبيعي ان لما حاجه غلط تحصل و تحتاج تصلحها فبعد ماتخلص شغل تاخلدها هو ا من عند الفرده و طبيعي انك تغير زيت و تاخد هوا
بس اللي مش طبيعي انك لما الفرامل تبقي تحت رجلك مش كويسه تاخدلها هوا فاتبقي كويس ده المقصود او بمعني اخر تحضر للفرامل تتدوس مرتين تلاته كده علي تقفش معاك كويس
الفكره كلها ان طالما دورة الزيت كلها سليمه و مافيش حاجه حصلت ولا فيه تسريب زيت في اي خرطوم و رغم كل ده الفرامل مش قويه ماينفعش بقي تاخدلها هوا مش زي ال 128 لما كنا بنغير تيل بناخد هوا من الفردتين اللي قدام و نزود زيت الفرامل
لكن العربيات الجديده مختلفه ... دي الفكره كلها

ياريت تشرحلي غيروا زيت الفرامل في توب جير ازاي

شوف يا باشل نصيحة اخوية متغيرلهاش زيت الفرامل زوده بش انا رحت عملته في توب جير واول ماخرجت قولتله الفرمل مشوارها زاد قالي ازاي قلتله يعني بقت توصل لحد الارضية راح مدخلني تاني وخد شوية هوا ظبطت بس حاسس اني قبل ماغيرلها زيت كانت احسن ومشوارها كان اقل وهولك ليه انا لما رحت هناك مكنش الصنايعي موجود فقعدني في الربية ورفعها وقعد يقولي كارك بعدين يقولي دوس لحد ما حسيت اني بدوس علي هوا لانه تقريبا فك خرطوم الزيت بتاع العجلة اللي علي الشمال بعدين ربطه بعدين فك اللي علي اليمين بعدين ربطه وبعدين نزل العربية وحط زيت وبعدين رفعها تاني وبعدين فك اللي ورا بعدين ربطه بعدين الفردة الاخيرة اللي ورا بعدين ربط خرطوم الفرامل بعدين نزلها وزودها زيت حوار يعني مش جايب همه وصدقني مش هتحس بفرق وهتندم انك لعبت في حاجة الفبريكة لو الفرامل مش بتقفش معاك عشان بتحب الجري زي حلاتي اتأكد الاول ان منسوب زيت الفرامل مدبوط ولو كده عايز الخلاصة للناس اللي بتجري هات تيل وطنابير بريمبو هي معموله علشان حالتنا وللناس الي مبتمشيش عادي. ولو في اي حاجة انا تحت امرك

[محمد فضالي]

شوف يا باشل نصيحة اخوية متغيرلهاش زيت الفرامل زوده بش انا رحت عملته في توب جير واول ماخرجت قولتله الفرمل مشوارها زاد قالي ازاي قلتله يعني بقت توصل لحد الارضية راح مدخلني تاني وخد شوية هوا ظبطت بس حاسس اني قبل ماغيرلها زيت كانت احسن ومشوارها كان اقل وهولك ليه انا لما رحت هناك مكنش الصنايعي موجود فقعدني في الربية ورفعها وقعد يقولي كارك بعدين يقولي دوس لحد ما حسيت اني بدوس علي هوا لانه تقريبا فك خرطوم الزيت بتاع العجلة اللي علي الشمال بعدين ربطه بعدين فك اللي علي اليمين بعدين ربطه وبعدين نزل العربية وحط زيت وبعدين رفعها تاني وبعدين فك اللي ورا بعدين ربطه بعدين الفردة الاخيرة اللي ورا بعدين ربط خرطوم الفرامل بعدين نزلها وزودها زيت حوار يعني مش جايب همه وصدقني مش هتحس بفرق وهتندم انك لعبت في حاجة الفبريكة لو الفرامل مش بتقفش معاك عشان بتحب الجري زي حلاتي اتأكد الاول ان منسوب زيت الفرامل مدبوط ولو كده عايز الخلاصة للناس اللي بتجري هات تيل وطنابير بريمبو هي معموله علشان حالتنا وللناس الي مبتمشيش عادي. ولو في اي حاجة انا تحت امرك

السلام عليكم ورحمة الله وبركاته
ازاي حضرتك يا استاذ محمد .. عامل ايه ؟
أن طبعا فاكر العربية بتاعت حضرتك
بالنسبة لتغيير زيت الفرامل احنا دايما بندي النصيحة للعميل لتغيير زيت الفرامل وبنترك له حرية الاختيار وده طبعا بعد شرح سبب التغيير وهو ان زيت الفرامل بطبيعته شره لامتصاص الرطوبة من الجو الخارجي فبتتحول جزيئاته لمياة ولما الزيت بيغلي ويوصل لدرجة غليان 100 درجة مئوية تبتدي المياة بعمل فقاعات هوا داخل الدورة نتيجة الغليان ده بجانب ان المياة أصلا داخل الدورة تساعد على تكوين صدأ علشان كده بيفضل تغييره كل 40000 كيلو أو سنتين أيهما أقرب وده اللي عملناه مع عدد كبير جدا من العملاء والحمد لله كله حس بفرق مع التغيير
وده رابط لموضوع كان عامله الدكتور المناهري عن أهمية وفوائد تغيير زيت الفرامل
http://www.nilemotors.net/Nile/254101-a.html
والبحث ده يؤكد ان موضوع تغيير زيت الفرامل مش حوار ولا حاجة
أما بالنسبة اني خليت حضرتك اللي تساعدني في أخذ هوا لزيت الفرامل فده بسبب اني مش بخلي أي فني عندي يدخل العربية لضمان عدم اتساخها من الداخل فدايما اما أنا أو العميل اللي بنتعامل مع العربية
ولما كنت بقول لحضرتك كارك ودوس ده علشان أغير الزيت اللي موجود في المواسير وبعد التغيير يتم أخذ الهوا من الزيت بعد التغيير وكنت بنزل العربية علشان أعيد ملئ خزان الزيت لأنه بيفضى من تغيير الزيت لأنه طبعا المكان الوحيد اللي متصل بمواسير الزيت وكمان على فكرة أنا مابفكش أي خرطوم زيت في العربية ... أنا بغير من اللاكور اللي وراء كل عجلة وأنا وقتها قلت لحضرتك هل دواسة الفرامل بقت كويسة وفضلت معاك لحد ما حضرتك قولتلي انها بقت كويسة
وكمان أنا قلت لحضرتك انك معاك اسبوع متابعة حضرتك ممكن تجيلي فيه لو في أي مشكلة في العربية
وعموما لو في أي مشكلة أنا تحت أمرك وأمر الجميع
تقبل تحياتي