معلومه عن طنابير المايلي و فرامل المازدا 3 عموما

[WalidAdel]

الف مبروك على تغيير الطنابير والتيل وظبط الفرامل
بصراحة ركوب الزيرو برقبة اى عربية مستعملة ..

ياعم زيرو ايه و بتاع ايه ياعم يوسف بس .... ماتخالينا ساكتين بقي
دانت اكتر واحد عارف اللي فيها يعني

فين فى اوتوايجيبت ده ؟!!!
انا لسه مغير زيت فرامل وزيت باور عندهم من شهر وغيرولى الجزء اللى فى الخزنة فقط لا غير من غير ما ييجوا ناحية الخراطيم او العجلات تحت ..

لا ياباشا انا لما غيرت كنت واقف قدام العربيه و هيا بتغير الزيت و كان بيسحب من العجل الاول
من كل فرده و يزود من العلبه و يسحب و يزود من العلبه و قالي مش هاينفع افضي العلبه لان ممكن جلد الماستر بتاع الفرامل يضرب لو شم هوا او الزيت فضي منه
عندهم جهاز كده بيسحبوا بيه من غير ماتدوس علي الفرامل و الكلام ده و بصراحه مش لاقي الجهاز ده في اي حته لحد دلوقتي
اوتو ايجيبت اول مافتحت و بعد كده شكرا ياعم يوسف

[Thebutcherr]

نشكر مهندس محمد فضالى على المشاركة و التوضيح العلمى
شايفين لازمة العلام ياد منك له :)

[Frozen_Pain]

نشكر مهندس محمد فضالى على المشاركة و التوضيح العلمى
شايفين لازمة العلام ياد منك له :)

هههههههههههههههههههههههههه انت مالك قلبت على مخبرين اقسام الشرطة يا صاحبى

[medokassem]

السلام عليكم ورحمة الله وبركاته
ازاي حضرتك يا استاذ محمد .. عامل ايه ؟
أن طبعا فاكر العربية بتاعت حضرتك
بالنسبة لتغيير زيت الفرامل احنا دايما بندي النصيحة للعميل لتغيير زيت الفرامل وبنترك له حرية الاختيار وده طبعا بعد شرح سبب التغيير وهو ان زيت الفرامل بطبيعته شره لامتصاص الرطوبة من الجو الخارجي فبتتحول جزيئاته لمياة ولما الزيت بيغلي ويوصل لدرجة غليان 100 درجة مئوية تبتدي المياة بعمل فقاعات هوا داخل الدورة نتيجة الغليان ده بجانب ان المياة أصلا داخل الدورة تساعد على تكوين صدأ علشان كده بيفضل تغييره كل 40000 كيلو أو سنتين أيهما أقرب وده اللي عملناه مع عدد كبير جدا من العملاء والحمد لله كله حس بفرق مع التغيير
وده رابط لموضوع كان عامله الدكتور المناهري عن أهمية وفوائد تغيير زيت الفرامل
http://www.nilemotors.net/nile/254101-a.html
والبحث ده يؤكد ان موضوع تغيير زيت الفرامل مش حوار ولا حاجة
أما بالنسبة اني خليت حضرتك اللي تساعدني في أخذ هوا لزيت الفرامل فده بسبب اني مش بخلي أي فني عندي يدخل العربية لضمان عدم اتساخها من الداخل فدايما اما أنا أو العميل اللي بنتعامل مع العربية
ولما كنت بقول لحضرتك كارك ودوس ده علشان أغير الزيت اللي موجود في المواسير وبعد التغيير يتم أخذ الهوا من الزيت بعد التغيير وكنت بنزل العربية علشان أعيد ملئ خزان الزيت لأنه بيفضى من تغيير الزيت لأنه طبعا المكان الوحيد اللي متصل بمواسير الزيت وكمان على فكرة أنا مابفكش أي خرطوم زيت في العربية ... أنا بغير من اللاكور اللي وراء كل عجلة وأنا وقتها قلت لحضرتك هل دواسة الفرامل بقت كويسة وفضلت معاك لحد ما حضرتك قولتلي انها بقت كويسة
وكمان أنا قلت لحضرتك انك معاك اسبوع متابعة حضرتك ممكن تجيلي فيه لو في أي مشكلة في العربية
وعموما لو في أي مشكلة أنا تحت أمرك وأمر الجميع
تقبل تحياتي

وعليكم السلام ورحمة الله ازيك استاذ محمد؟
تسلم يا باشا علي الرد الواضح ده بس مدام انا شفتك هنا يبقي اسألك سؤال محيرني ^_*
هو طبعا الفراما دي حرية شخصية للي عايز. يغير او لا زي محضرتك قلت وانا الصراحة مش حاسس بفرق او بما يرضي الله جايز الفرامل عندي كانت كويسة حتي قبل ماجي وخلوص الدواسة كان ااقل حتي حضرتك فاكر لما خرجت بره المركز بعد ماغيرنا زيت وقلت لحضرتك ان الدواسة بقت توصل للارضية بعدين رفت العربية تاني وخت هوا تاني طب ده كان من ايه ؟؟
معلش سؤال تاني واستحملني متقل عليك
بالنسبة لزيت الفتيس هو الفتيس طبعا بقي انعم وتمام الحمد لله بس حاجة واحدة مش عارف افهمها ان كل العربيات المازدا اللي غيرت زيت فتيس خدت ٣ لتر اشمعنا انا اتنين. هل عشان الانبوبة دي اللي بتخلي الفتيس انعم حجمها كبير فحطيناها بدل اللتر الناقص ؟
اه وحاجة كمان العربية لما تكون باردة بحب اشيك علي كل حاجة فيها قبل مسافر ففي منسوب زيت الفتيس متقسم جزئين جزئ لما تكون العلامة متقسمة وشين وش وابعربية باردة بتبقي عند التلت ده لو مظبوط وهي سخنة +٦٥ درجة ده اللي مكتوب عليه بتبق تقريبا عند اخر العلامه ليه بقي عندي العربة وهي سخنة ووهي باردة العلامة عند الاخر وللعلم القياس بمسحه كذا مره وادخله كذا مره لاني مش باخد من اول قراية؟؟؟؟