إيه الكلام في مازدا 3 يا مزداوية O_o :D

[TOOLA]

ازيك اخى الفاضل تصدق بالله انا قربت اتجنن خلاص عايز اغير عربيتى ومعايا حوالى 100 الف جنيه فكرت فى الفلوانس قالوا التكييف تعبان والفتيس فيه نتشه والعفشة غير مناسبة برده للطرق بتاعتنا وثبات العربية برده مش اد كده والعربية بتلعب من ورا فى السرعات العالية فكرت فى اوبل فكترا 2008 ايزى ترونيك وده وحش طبعا قالوا الفتيس مش عملى وقطع الغيار نار قولت طيب نتوكل على الله ونزكز فى المازاد افضل قالوا العربية واطية وقطع الغيار نار ماهو الواحد يا جدعان علشان يركب عربية محترمة لازم يدفع الضريبة طب ساعدونى الله يبارك فيكوا انا عايز عربية اعتمادية وتكون قليلة الاعطال وتكون ثابتة وده اهم حاجة وتكون قطع غيارها متوفرة ومش مهم بقى غالية رخيصة بصراحة النقطة ده مش مهمة قوى بالنسبة لى اهم حاجة تكون موجودة بس وجزاكم الله كل خير

بص انا فى حيرتك ديه و هقولك ملخص الوصلتلو.

مازدا 3: عربية ثابتة, شيك و برستيج, صالون فخم, ماتور كويس, مشاكلها مش كتيرة, قطع غيار معمرة, قطع غير حراقة الى حد كبير, بتاكول كبالن و طنابير, اعادة البيع ليها زبونها بس ثقيلو شوية, ضيقة الى حد كبير شنطة و كنبة, صرفت نظر عنها.

سيفيك: تتميز بموتور سم سحب و سرعات عالية, ثابتة, صالون و تابلوه لطيف, عافشتها مكيفتيش اوى, و عزلها معجبنيش بردو, اسوء حاجة وطيها من الأرض, و قطع غيار حراقة شوية بردو بس موجودة. احد الاختيارات المتاحة بس مش اولوية.

جيتا و جولف 5 او اوكتافيا 5: الجولف احلاهم, يتميزو بالثبات الشديد و قوة الفرامل و عوامل الامان, قطع غيار غالية بس منتشرة, و عربيات بتتطلب تصليح, مشكلتين اساستين فيهم كومبريسور التكييف و عقل الفتيس (و دول حوار كبير عاوزين رغى بس هو الأكيد ان كتير عانوا من العيبين دول). الجولف 5 زى الجوهرة و الحالات الحلوة يا غالية يا مش موجود يعيبها انها واطية هيا و الجيتا, و ال الأوكتافيا 5 عالية بس اخشن منهم. بردو احد الاختيارات المتاحة اعتمادا على السعر و الحالة (الحالات الجيدة بيعلوا السعر)

فورد فوكس:كانت بعيدة عن حساباتى جدا, و بعدين قبلت اكثر من صديق و ركزت معاهم (و كمان وقفت 2 فى الشارع دردشت معاهم), كلهم شكروا فى العربية, ثبات قوى جدا, امان و فرامل قوية, موتور كويس بس العربية ثقيلة و شبهت بالأوكتافيا فى الثقل او افضل قليلا , اعطال قليلة, توكيل كويس, اوبشنز متعددة , و قطع غيار باسعار مناسبة جدا (الأرخص من كل الفات), شيك من بره و من جوه. مفيش عيوب صناعة حد قالهالى, يعيبها ثقل بيعها بس بردو ليها زبونها , و الميزة ان ال100,000 ج تركب موديل حديث و فئة عالية و حالة جيدة جدا. و حتى الأن فى رأيى هيا احسن ثفقة فى الكل الفات, بس ليه مستقرتش على رأى.

[gym1974]

الف شكر لكل الاخوة اللى ردوا عليا على الرغم من ان الموضوع مش موضوعى بس ما فيش فرق بينا يبقى نتوصل لحاجة مهمة كلنا الكمال لله وحده ومافيش حاجة هتلبيى كل احتياجاتنا يبقى كل واحد يوازن ما بين العيوب والمميزات ويشوف ايه اللى يناسب ظروفه ورغباته بس احساس الواحد انه راكب عربية محترمة واعتمادية واوبشن وثبات وتكييف و لا يمكن تعطل بيه فى طريق سفر مهم جدا وانا شايف من وجهه نظرى القصيرة انا المازاد تلبيى كل هذة الاحتياجات وكل عام وانتم بخير

[ser3a_0]

mazda is the best

[pop13]

لانسسسسسر ولو عاوز رفهية لانسرشارك