تقرير كامل عن مازدا 3 - 2015

[M!SHO]

مش مشكلة ماتور خالص ، شخصياً مبتفرقش معايا

لكن المشكلة الحقيقة خدمة مابعد البيع ، قطع الغيار

مثال فانوس الهاي لاين ب ٦٠٠٠ جنيه ، عارف انه فيه زينون وبيقول بابا وماما ، و هنفرض انه مش غالي بالنسبة لفئة العربيه

المشكله ان مفيش بديل ، انا لو عندي امكانيه اغير الفانوس ب ٦٠٠٠ مش هفكر في المازدا

[Omar Sarray]

عارف انا سيراتو لغايه دلوقتى الحمدلله ماشاءالله عليها ولا قاتلى لا لامطبات ولا حوارات ولا بلالين ولا اى من الكلام ده ولمه اجى اركب مازدا 3 ساعات ولله اندم معرفش ليه كده وشكلى حبيعها ولله واجيب بورش بس بورش غالى عاوزه بنزين 99 مش 95

[hmotors]

عربيه جميلة بس للأسف زي ما يكون غبور قاصد يموت الماركه دي في مصر

ربنا يباركلك فيها

شكراُ، وربنا يبارك فى حضرتك.

اتمنى ان غبور يحافظ على خدمة مابعد البيع للعربية، وقطع الغيار تكون متوفرة بسعر مقبول.


تحياتى،

[احمد فهمى]

كنت مستني التفرير ده فعلآ ممتاز

[hmotors]

كنت مستني التفرير ده فعلآ ممتاز

شكرًا ، وسعيد ان الموضع عجب حضرتك

يارب يفيد الجميع ان شاء الله

تحياتي،

[Omar Sarray]

اخبار العربيه ايه معاك طمنى

[hmotors]

اخبار العربيه ايه معاك طمنى

العربية ممتازة مشاء الله عامل بيها ٢١٠٠ كم وكل يوم تحس انك بتكتشف حاجة جديدة ، مازدا تطورت بشكل كبير

هعمل تقرير اول مكمل ٥٠٠٠ كم

شكرًا لاهتمام حضرتك،

[ahmed_doudi]

تقرير رائع ...انا معايا الهاي لاين و لسة ماكملتش ال 1000 كيلو الاولانية
بس كلام حضرتك صح جدا جدا في كل حاجة تقريبا نفس الاحساس بتاعي بالضبط
ربنا يباركلك فيها و يديك خيرها

[warfighter2114]

الف الف مبروك ربنا يكفيك شرها
تقرير رائع جدا

[Omar Sarray]

يارب ديما وديما يارب وامبارح وانا بجربها تات مره على طريق اسكندريه الصحراوى غلبت بى ام الفئه 3 على ما اعتقد شكل الجديد وهيونادى النترا على 160 كيلو وهديت شويه عشان مش عاوز اموت الموتور من اولها يعنى والحمدلله على كل حال

[hmotors]

تقرير رائع ...انا معايا الهاي لاين و لسة ماكملتش ال 1000 كيلو الاولانية
بس كلام حضرتك صح جدا جدا في كل حاجة تقريبا نفس الاحساس بتاعي بالضبط
ربنا يباركلك فيها و يديك خيرها

الله يخليك، ومبسوط ان التقرير عجب حضرتك

والف مبروك على العربية وربنا يديك خيرها ان شاء الله

[hmotors]

الف الف مبروك ربنا يكفيك شرها
تقرير رائع جدا

الف شكر ،

و تحياتى لحضرتك

[hmotors]

-

كنت فى زيارة عمل ومن الأفكار الجميلة لقيت عاملين تقييم للعربيات فى السعودية من حيث الأقتصادية، للتوعية قبل الشراء تكون عارف استهلاك العربية والكفاءة

وطبعاً حبيت اشوف المازدا نفس المتور بالظبط وانقل ليكم التقييم الخاص بالعربية

[Omar Sarray]

تمام يارب يكون العربيه كويسه معاك

[mohamedmajed]

----

حبيت انقل تجربتى مع شراء مازدا 3 2015 اعلى فئة بعد مقارنة مع العربيات الى ممكن تكون متقاربة فى السعر وسبب القرار على شراء مازدا 3 بعد بحث طويل.

التقييم (يوضح وجهة نظرى الخاصة) وطبعاً هقول التفاصيل فى التقرير:

- متور + جيربوكس وإستجابة عامة 6.5/10
- الفرامل والأتزان والثبات 9/10
- التصفيح السفلى و تقفيل العفشة والأرتفاع عن الأرض 10/10
- العزل و النعومة والإحساس بالطريق 8/10
- الخامات الداخلية و التقفيل 9/10
- التكييف 8/10
- إستيعاب الصالون والشنطة 7.5/10
- إستهلاك البنزين 7.5/10
- الأوبشن 8.5/10
- الشكل الخارجى 9/10
- الإضاءة الليلية 9.5/10

العربية يابانى 100% و تقييم العربية بالنسبة للقوة والسلامة واخد افضل تقييم فى فئتها
Vehicle details
Euro NCAP | Mazda 3

مواصفات المازدا هاى لين فى مصر:
- 105 حصان متور 1600
- جيربوكس اتومتك 4 سرعات مع ستبترونك
- جنوط 16 رياضية بس الأستبن مش جنط
- سمارت كى
- عدادات رياضية وديجيتل
- فرام ABS و EBD و Brake Assist
- الفوانيس ليد امامى وخلفى
- فوانيس امامى زينون وخاصية الضبط التلقائى (Auto Focus) مع رشارشات للتنظيف + فوانيس شبورة
- سينسور بارك وكاميرا خلفية
- سينسور إضاءة ومطر، وماريا ذاتية التعتيم و لمبة لمياه المساحات اذا نقصت
- ماريات ضم
- عجلة القايدة ملتى فنكشن ومثبت سرعة
- كرسي السواق كهرباء
- بروجيكتور أمامى يظهر السرعة للتركيز فى الطريق (يمكن التحكم فى الأرتفاعات وشدة اضاءة الأرقام)
- 6 ايرباج
- نظام اى دريف و الشاشة باللمس 7" (تحكم فى انظمة السيارة، الموبيل بلوتوث، اتصال بالأنترنت، الرديو والسي دى، الخرائط غير مفعلة)
- كراسى جلد
- فنحت سقف
- سبويلر صغير خلفى
- زجاج خلفى وجانبى خلفى ملون غامق
- 2 USB و SD Card و CD Mp3
- نظام مانع السرقة وإنذار

التفاصيل

** متور + جيربوكس وإستجابة عامة 6.5/10 **

صوت المتور مميز اول مدوس استارت انجين متحسش انه 1600 - الصوت ناعم مع المشى و إستجابة العربية مقبولة بس مش مبهرة

يعنى اول متطلع هتحس بالوزن بتاع العربية والصوت يعلى بعد كده المتور الإستجابة افضل واسرع والنقلات الأربعة مرنين مفيش نتش بينهم،

بس اذا كنت على نقلة اقل وعايز تزيد السرعة لازم تبذل مجهود يعنى رجلك على البنزين لازم تكون بتركيز وتدوس زيادة عن الطبيعى

(كيك دون مثلاُ يعنى الدواسة على الأخر) علشان الإستجابة تكون فورية والتكييف مش مؤثر بالدرجة على سحب العربية، بطارية العربية مش جافة ومستغرب جدا حتى بتنزل كده بره مصر وكمان فى المتور

ال 1600 العادى (مش ال SkyActive) فى عدم تركيز على الشكل العام و بدون غطاء

** الفرامل والأتزان والثبات 9/10 **
الفرامل والثبات عن تجربة ممتازين و إستجابة سريعة جدا على السرعات و فى المنحنيات الحادة ومع المطبات تحس بثقة كبيرة وردة فعل الدركسيون فى كل موقف متزنة جدا،

مثال مع وجود جانب رمل وجانب اسفلت من الطريق وتدوس فرامل فى ملف توزيع القوى ملموس و فى هدوء تام

** التصفيح السفلى و تقفيل العفشة والأرتفاع عن الأرض 10/10 **
حبيت القى نظرة على العربية من تحت علشان اعرف مستوى التقفيل وكان الموضوع مشاء الله ممتاز

قمة فى النظام والدقة حتى فى العربية و من تحت المتور ومنتصف العربية وكمان الأرتافع عن الأرض مناسب جدا للشوارع 16.5 cm

** العزل و النعومة والإحساس بالطريق 8/10 **
كويس جدا ونعومة العربية ممتازة ومرونة فى المطبات والحفر ، بس احتكاك العجل بالطريق مسموع حطيت نيتروجين و مفيش تغيير فى صوت الأحتكاك

الملاحظة دى عامة حتى بره مصر و فى معظم العربيات ولازم التعايش معها وكمان مش مشكلة كبيرة واعتقد بسبب العجل

النوع كويس Toyo NanoEnergy R38 (205/60/R16 - 92V) بس اكيد طبعاٌ فى افضل

** الخامات الداخلية و التقفيل 9/10 **

العربية الخامات الداخلية يظهر فيها الجودة و الإهتمام وبأدق التفاصيل نوعية الجلد والكاربون فيبر والألمنيوم فى التبلو وفتحات التكييف والزجاج الملون

** التكييف 8/10 **

تبريد متوازن بس مش سريع فى الأول، صوت المراوح الداخلى مقبول ومش عالى فى سرعات المروحة المنخفضة،

اصوات الكومبرسور مسموع فى معظم الأحيان والعربية فى حالة الثبات تسمع صوت تكة الفصل واعداة التبريد بس مش وانت ماشى بالعربية ،

** إستيعاب الصالون والشنطة 7.5/10 **
حجم المساحة فى الصالون مقبول الكراسى قدام مريحة جدا وكمان الكراسى الخلفية المساحة اوسع من الموديلات السابقة ،

والشنطة 414 لتر يعتبر مقبول بس مش كبيرة فى العمق وضع افقى وممكن تفتح الكراسى

** إستهلاك البنزين 7.5/10 **
جيدجداً ويعتمد بشكل كبير على طريقة القيادة والطريق والمتوسط العام داخل المدينة والزحام 8 لتر لكل 100 كم

وفى عدم وجود زحام 6.7 لتر بدون تكييف ومع العربية دى التكييف ليه تأثير ملحوظ على الإستهلاك داخل المدينة وعلى الطرق السريعة ممتاز

ومع كده احسن من عربيات فى نفس الفئة، التنك 51 لتر

** الأوبشن 8.5/10 **

المميزات الى موجودة فى الهاى لين فى مصر ممتازة ونازل معها حجات كتير بس كان ممكن يخلى الباقى زى:
1- التكييف التتش دول زون ، هوه محطش اقل حاجة بس كان هيوكن افضل كتير
2- السنترلوك يقفل بعد تحرك العربية
3- سنسور امامى
4- قياس ضغط العجل
5- تحديد مسار الطريق و نظام تجنب الأصطدام

** الشكل الخارجى 9/10 **

انسيابى مميز وتصميم كودو يساعد فى توفير إستهلاك البنزين ، الشكل الخاريجى الأمامى هجومى ويدى احساس العربية رياضية مع الخطوط الجانبية

والشكل الخلفى متوازن بس واجهة العربية مميزة اكتر

** الإضاءة الليلية 9.5/10 **

ممتازة وكمان الوضوح ملحوظ جدا مع نظام مع الزينون ونظام AFS لكشف الزوايا العمياء فى المنحنيات

وخصوصاً الطرق المظلمة واليد الأمامى مميز عن معظم العربيات ونظام النور العالى وميض زينون قوى

اتمنى ان يكون الموضوع مفيد للجميع

مبروك عليك يا ريس بس سؤال يعني علشان انا عجباني العربيه وناوي عليها يا اماالاوكتافيا بس انا ميال للمازدا الهاي لاين هاتشباك بس سؤالي العربيه انت شايفها تستحتق الشراء على الناس الي بيتقول سعرها غالي على متورها 1600 مش تربو و105 و4 سرعات وفي عربيات تانيه 6 سرعات وان مافيهاش نظام الثبات الالكتروني (esp) ولا الحاجات دي مش فارقه قوي بالذات حوار esp واي لون اشتريته , وشكرا