إعـــــــلان

Collapse

.

,
See more
See less

عايز اعرف عيوب مازدا بكل امانة في 2008 و 2009 و 2010

Collapse
X
 
  • Filter
  • الوقت
  • Show
Clear All
new posts

  • عايز اعرف عيوب مازدا بكل امانة في 2008 و 2009 و 2010

    السلام عليكم
    سؤال للسادة اللي راكبين مازدا 3 وداسوا فيها كام سنة وهرسوها
    الوقتي بداية الصراحة كنت عايز اجيب هوندا وبعد مادخلت دماغي اوي حكاية وطوها عالارض وحكها في المطبات حتي لو بتعديه علي زيرو خلتني اتراجع عنها وبعدين عيني راحت عالاوكتافيا بس عشان عفشتها الخشنة وانا عندي مشاكل في الضهر واصلا تلت اربع مشاويري سفر فصرفت نظر عنها ،،
    والناس قالتلي احسن حاجة ليك تكون التويوتا، بس مش عارف ليه مش قادر احبها
    بالصدفة وانا بدور جت مازدا 3 في سكتي واستريحتلها بس طبعا بعد الراحة فيه حاجات لازم ابصلها مهمة
    عرفت انها هيا كمان واطية عالارض فهل واطية لدرجة الهوندا وبرضه لازم تحك ولا معقولة وهل لو ركبتلها جنط 17 مثلا حتعلي معايا من غير مااثر علي اتزان العربية في طرق السفر ،،
    كمان عايز اعرف عيوبها بكل امانة ،، في مازدا 2008 و 2009 و 2010
    انا سفري بيبقي في طرق بورسعيد السويس - الغردقة د راس سدر - ابو صوير - الاسكندرية
    وانا اصلا من بورسعيد
    كل دماغي اني نفسي في عربية اتزانها حلو ومش واطية اوي لدرجة الحك خصوصا اني سواقتي علي ادي وفي نفس الوقت عفشتها مريحة للضهر في المسافات الطويلة
    ف هل المازدا 3 ممكن تحققلي ده، بس ياريت الاراء بأمانه انا عارف لما واحد بيحب عربيته صعب يقنع نفسه ب عيوبها
    واسف في الاطالة اخر حاجة اخبار قطع الغيار واسعارها ايه ولو حد من بورسعيد معاه المازدا فيه ميكانيكية عندنا شغالين فيها ولا لازم اطلع علي مصر وبس
    كمان فيه حاجة عرفت ان الكنبة ورا ضيقة ، وناس قالولي انها ضيقة جدا لدرجة اللي بيركب ورا بيفضل تاني ركبته ولازقة في الكرسي اللي ادامه ف هل ده صح يعني متنفعش عربية عيلة ؟






    تم تعديل العنوان ليتناسب مع المحتوى
    م.ع 7

  • #2
    باشا روح هات الهوندا و حطلها جنط و العربية هتعلى معاك
    عفشة الهوندا و متور الهوندا و متعة الهوندا المازدا جنبها لا شيء
    إسأل مجرب .. لو ركبت الاتنين هتحس بفرق السما من الأرض

    Comment


    • #3
      المشاركة الأصلية كتبت بواسطة melouk1 مشاهدة المشاركة
      باشا روح هات الهوندا و حطلها جنط و العربية هتعلى معاك
      عفشة الهوندا و متور الهوندا و متعة الهوندا المازدا جنبها لا شيء
      إسأل مجرب .. لو ركبت الاتنين هتحس بفرق السما من الأرض
      يعني فعلا الجنط حيقدر يعليها وميخلهاش تحك في المطبات لو مركب ناس ورا ؟؟
      الموضوع ده هو اللي مخليني متردد عشان كتير بيبقي مع ناس في الكنبة اللي ورا
      اركب جنط كام مثلا يخليها تعلي ؟؟
      ولو حجيب السيفيك عنيا علي ال 2008، تعمل كام لو حالتها كويسة وصيانات توكيل
      وبالنسبة لان الناس بتقول عربية مستهلكة، يعني حضرتك مثلا بتغيرلها حاجات كل كام شهر وايه اشهر حاجة لازم تتغير باستمرار
      خلي بالك انا من بورسعيد، يعين تخيل كل لما اجي اغير حاجة لازم انزل القاهرة ف مينفعش كل شوية انزل يعني

      Comment


      • #4
        المشاركة الأصلية كتبت بواسطة Hani Hegazi مشاهدة المشاركة
        يعني فعلا الجنط حيقدر يعليها وميخلهاش تحك في المطبات لو مركب ناس ورا ؟؟
        الموضوع ده هو اللي مخليني متردد عشان كتير بيبقي مع ناس في الكنبة اللي ورا
        اركب جنط كام مثلا يخليها تعلي ؟؟
        ولو حجيب السيفيك عنيا علي ال 2008، تعمل كام لو حالتها كويسة وصيانات توكيل
        وبالنسبة لان الناس بتقول عربية مستهلكة، يعني حضرتك مثلا بتغيرلها حاجات كل كام شهر وايه اشهر حاجة لازم تتغير باستمرار
        خلي بالك انا من بورسعيد، يعين تخيل كل لما اجي اغير حاجة لازم انزل القاهرة ف مينفعش كل شوية انزل يعني
        انا عربيتي الاساسية المرسيدس
        والتانيه يوم مفكرت جبت الهوندا
        و ركبت كل الياباني
        مفيش اي وجه مقارنه على الاطلاق ابدا
        الهوندا معمرة جدااا و ممتعة جدا في فئتها طبعاً
        الجنط ١٧ هتركبه على كاوتش achles 215/45,50
        وانسى اي حاجه ولا هتحك بس طبعاى لو محمله قوي ناس وشنطه خد المطب بالعرض لانك مش راكب شيفروليه الدبابه زيك زي اي عربيه
        اللي بيقولك بتغيرلها حاجات ده يا فندم سمع عنها مركبهاش
        العربيه دي ميه و زيت بس ماشاء الله لا قوة الا بالله

        بس عربيه روعه
        الفابريكا منها و كيلو متر قليل تعمل من ١١٥ بس صدقني مش هتندم ابداااا

        Comment


        • #5
          المشاركة الأصلية كتبت بواسطة melouk1 مشاهدة المشاركة
          و ركبت كل الياباني
          مفيش اي وجه مقارنه على الاطلاق ابدا
          الهوندا معمرة جدااا و ممتعة جدا في فئتها طبعاً
          ا
          انا مش عارف ارد اقول اية .. انا معايا المازدا من 2008 و لغاية دلوقتي 170 الف كم .. مافيش فيها غلطة .. واذا كانت الهوندا معمرة جدااا ... تبقي الماذدا معمرة جدااا جدااا
          [CENTER][SIGPIC][/SIGPIC] [/CENTER]

          Comment


          • #6
            المشاركة الأصلية كتبت بواسطة janjon1978 مشاهدة المشاركة
            انا مش عارف ارد اقول اية .. انا معايا المازدا من 2008 و لغاية دلوقتي 170 الف كم .. مافيش فيها غلطة .. واذا كانت الهوندا معمرة جدااا ... تبقي الماذدا معمرة جدااا جدااا
            مظبوط الاتنين معمرين بس حضرتك نسيت حاجتين مهمين
            إن عفشة الهوندا معمرة جدا جدا عن المازدا اللي صحابي كل فترة بيغيروا حاجات فيها
            ثانيا موتور الهوندا ال ١٢٥ حصان ال i-vtec بناقل الحركة الذكي بالنسبة لموتور المازدا ال ١٠٥ حصان بأربع نقلات
            زي الفارق بين الفهد و السلحفاة بالظبط !!!!
            الفرق في العربيتين الهاي لاين ٥٠ -٦٠ الف جنيه في المستعمل !!

            Comment


            • #7
              المشاركة الأصلية كتبت بواسطة melouk1 مشاهدة المشاركة
              مظبوط الاتنين معمرين بس حضرتك نسيت حاجتين مهمين
              إن عفشة الهوندا معمرة جدا جدا عن المازدا اللي صحابي كل فترة بيغيروا حاجات فيها
              ثانيا موتور الهوندا ال ١٢٥ حصان ال i-vtec بناقل الحركة الذكي بالنسبة لموتور المازدا ال ١٠٥ حصان بأربع نقلات
              زي الفارق بين الفهد و السلحفاة بالظبط !!!!
              الفرق في العربيتين الهاي لاين ٥٠ -٦٠ الف جنيه في المستعمل !!
              طب اي رايك صحابي معاه السيفيك 2008 بردة و جيبها معايا من الزيرو برده ...
              هو عامل 125 الف كم و انا عامل 170 الف كم
              هو غير علبة الدريكسيون و البطاحات و المساعدين الاربعة و قاعدة الموتور تقريبا و حاجات تانية بسيطة زي اتياش الميزان تقريبا ... طب انا غيرت اية بقي يا سيدي 2 مساعد امامي و تيش الميزان و شكرا علي كدة

              طيب خد عندك كمان ال handling و ممتعة القيادة اشد في الماذدا
              اما الموتور السلحفاة ابو 105 حصان ... بيجري مع الفهد ابو 125 حصان من 0 الي 180 كم الاتنين زي بعض تمام اماكنش اسرع شوية في الاول .. الفرق الوحيد بعد 180 لان ده فرق الهورس بور

              وبعدين نظام ال vtec الذكي مالوش علاقة بالفتيس ... دة حاجة و دة حاجة .. دة نظام تغيير فتح الصمامات متغير و دة موجود في موتور السلحفاة و اسمة SVT او sequential valve timing
              الفتيس اه 5 نقلات هنا و 4 هناك ... طيب تعال شوف الكوري كلة الوقتي 6 نقلات ... اخس علي الفهد اخس 5 نقلات بس !!!!!!!!!!!!!

              يمكن تكون سقت المازدا بس واضح انها كان طالع عينها ... و يمكن ماكنتش عندك .. انت اعلم
              بس اللي احبك اوضحهولك من واحد راكب المازدا اكتر من 7 سنين .. mazda is one of best durable fun cars
              [CENTER][SIGPIC][/SIGPIC] [/CENTER]

              Comment


              • #8
                كلامك و رأيك يحترم
                لكن انا معرفش حضرتك مستغرب ليه هو مغيرش اكيد بمزاجه غيرها مواعيد صيانه
                حضرتك مشيت ١٧٠ الف مغيرتش حاجه في العفشة دي حاجه ترجعلك مش بتعملها صيانة منتظمة لكن متقنعش نفسك إن المساعدين بتقعد لحد ٢٠٠ الف عشان تغيرها مفيش الكلام ده والله .. !! انا في المرسيدس عندي بغيرها في مواعيد الصيانة مش بمشي على مزاجي وافترض ان عربيتي جميله كده !
                كمان إسأل اي حد او اركب انت السفيك و هتشوف يعني ايه handling بالعفشة ال multilink من واحد بينزل من c بيركب السيفيك اكيد مستوى ثبات و هاندليج تاني هالص وده اللي خلاني احكم على السيفيك ،، حضرتك قارنت المازدا بايه مش عارف !
                و مستوى الهوندا كأداء وسعر لا يقارن إلا بالألماني بس من فضلك ملوش علاقة بالمازدا خالص
                كمان انا مقولتش خالص ان ال vtec ليه علاقة بالفتيس الذكي !
                ومعلومة لحضرتك متعرفهاش ان الفتيس ال cvt اللي في الكوري ال ٦ سرعات ميجيش حاجه اصلاً و مينفعش نقارنه لانه مخترع اساساً لتوفير البنزين و لا ليه قيمة ولا يقارن في تسارع فتيس الهوندا هو مش عشان ٦ بقى وااو مش بتتحسب كده
                ده الناس بتتريق على البطة موديل ٢٠١٦ المازدا الجديدة و حضرتك بتشكر في تسارع اللي معاك ،، معتقدش حد سمع كده خالص
                و حضرتك بتطلع مع السيفيك مع بعض لحد ١٨٠ .....!!!!
                ردي على حضرتك هو :سبحان الله و ماشاء الله ربنا يباركلك فيها و يحفظهالك بس كده !!!!!!!!! :))
                تحياتي

                Comment


                • #9
                  المشاركة الأصلية كتبت بواسطة janjon1978 مشاهدة المشاركة
                  طب اي رايك صحابي معاه السيفيك 2008 بردة و جيبها معايا من الزيرو برده ...
                  هو عامل 125 الف كم و انا عامل 170 الف كم
                  هو غير علبة الدريكسيون و البطاحات و المساعدين الاربعة و قاعدة الموتور تقريبا و حاجات تانية بسيطة زي اتياش الميزان تقريبا ... طب انا غيرت اية بقي يا سيدي 2 مساعد امامي و تيش الميزان و شكرا علي كدة

                  طيب خد عندك كمان ال handling و ممتعة القيادة اشد في الماذدا
                  اما الموتور السلحفاة ابو 105 حصان ... بيجري مع الفهد ابو 125 حصان من 0 الي 180 كم الاتنين زي بعض تمام اماكنش اسرع شوية في الاول .. الفرق الوحيد بعد 180 لان ده فرق الهورس بور

                  وبعدين نظام ال vtec الذكي مالوش علاقة بالفتيس ... دة حاجة و دة حاجة .. دة نظام تغيير فتح الصمامات متغير و دة موجود في موتور السلحفاة و اسمة svt او sequential valve timing
                  الفتيس اه 5 نقلات هنا و 4 هناك ... طيب تعال شوف الكوري كلة الوقتي 6 نقلات ... اخس علي الفهد اخس 5 نقلات بس !!!!!!!!!!!!!

                  يمكن تكون سقت المازدا بس واضح انها كان طالع عينها ... و يمكن ماكنتش عندك .. انت اعلم
                  بس اللي احبك اوضحهولك من واحد راكب المازدا اكتر من 7 سنين .. Mazda is one of best durable fun cars
                  أنا كان معايا مازدا3 و دلوقتى معايا سيفيك و الاتنين عربيات جميلة و ممتعين فى السواقة، يمكن الحاجة اللى عندك حق فيها ان المازدا امتع شوية فى المناورات لو الطريق ناعم لكن غير كده مع احترامى حضرتك بتبالغ موتور ايه اللى زى بعض لحد ال ١٨٠؟ و اعتمادية ايه اللى اكتر فى المازدا؟ ده انا بعتها عشان مصاريفها و مشاكلها مع انى كنت بحبها جدا.
                  و نصيحتى لصاحب الموضوع سيفيك او فانتازيا
                  [SIGPIC][/SIGPIC]

                  Comment


                  • #10
                    كل عربية ليها و عليها

                    Comment


                    • #11
                      انا معايا الاتنين
                      الثبات هوندا
                      هاندلينج مازدا
                      موتور هوندا
                      عفشة مازدا
                      وسع داخلي هوندا
                      علو عن الارض هوندا
                      اوبشنز هوندا
                      شكل هي ازواق بس رايي هوندا
                      اعتمادية الاتنين كويسين و ان كانت المازدا افضل
                      قطع غيار هوندا متوفرة اكتر و ان كانت اغلي
                      سهولة صيانة هوندا
                      المجمل لو هتجيب عربية موديل 2009 و هتقارن بينهم هتلاقي هوندا vti ب 140 الف تقريبا و مازدا ايرو ب 90 الف تقريبا
                      الفرق بينهم تمن عربية لو عايز رايي هي الهوندا افضل من المازدا في كزا حاجة بس بس الفرق دة ميساويش ابدا 50 الف جنية
                      وفر فلوسك و خليك في مازدا
                      [justify]
                      [SIZE=4]سبحان الله و بحمدة, سبحان الله العظيم[/SIZE]
                      [/justify]

                      Comment

                      Working...
                      X