إعـــــــلان

Collapse

.

,
See more
See less

صيانة ال 30000 للألتو !!!

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    صيانة ال 30000 للألتو !!!

    السلام عليكم و رحمة الله و بركاته
    اعزائي اعضاء المنتدي الكرام

    رحت اول امبارح عملت صيانة ال 30000 للألتو... طبعا 3000 في 11 شهر ده رقم جبار ما سمعتش بيه قبل كده في وسط صحابي اللي عندهم عربيات

    المهم
    ادي المشكلات اللي كانت موجودة
    1- انا مفوت صيانة ال25000
    2- دفتر الصيانة بتاعي اتسرق في شنطة اللاب توب لما كسرولي ازاز العربية من شهريت تقريبا... و الحمد لله
    3- العربية محتاجه تغيير زيت
    4- صوت العربية عالي شوية -و ده اعقد انه بسبب الزيت-
    5- لما باشغل التكييف باسمع صوت صفارة في الاول-تقريبا سير التكييف فيه مشكلة-
    6- حاسس ان العفشة مش متظبطة.. الله يكون في عون العربية علي النقر و المطبات و المدقات اللي باهريها فيها
    7- الغريب ان الفرامل عندي بتصفر علي اقل حاجه "مع العلم اني مغير تيل الفرامل في صيانة ال 15000"

    رحت التوكيل الاربع سألت علي مشكلة الدفتر دي و تفويت الصيانة اللي فاتت قالولي مافيش مشكلة بس اروحلهم تاني يوم لأني وصل الدقي الساعة 4 تقريبا

    يوم الخميس 9 صباحا كنت هناك. بلغتهم بالاعطال وسيبت العربية و مشيت

    ما تم
    1- تغيير زيت موبيل 1
    2- تربيط العفشة
    3- شد سير التكييف
    4- مراجعة زيت الفتيس و الباور و المياه الخضراء

    ده الطبيعي
    اللي مستجد علي الصيانة
    5- تغيير طقم البوجيهات
    6- تغيير فلر الهوا
    7- قالولي تيل الفرامل الامامي عايز يتغير "ده اللي انا مغيره في 15000" ... انا قلتلهم ما غيرهوش لما اجيلكم

    و لما روحت باقوله المشكلة كده في ايه ؟؟؟ انا لسه مغير التيل قالي مغيره في ال15000 و دلوقتي 30000 يعني معدل تآكل التيل عندك ثابت و ده بيرجع للاستخدام
    طبعا انا ما اقتنعتش نهائي
    خصوصا ان التيل اللي فات كان ناحيه بس اللي متاكله و التانية سليمة

    قلتله انا مش هاغير التيل

    المهم الجزء الاهم في التقرير
    تكلفة الصيانة 630 جنيه

    الفلتر 110 جنيه
    البوجيهات 90 جنيه
    زيت موبيل ون 210 جنيه
    المصنعيات 150 جنيه

    والباقي ضرايب

    هي بصراحة العربية طالعة من عندهم كأنها زيرو
    بس حراااااااااام لما كل شهرين اروح ادفع 600 جنيه .

    في انتظار أرائكم

    أسف طولت عليكم

    تحياتي للجميع
    [CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
    [CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]

    [CENTER]د.حسام الزلباني:smartass:[/CENTER]
    الكلمات الدلالية (Tags): 1500, 20, 2008, 40, 50, font, استلمت, استهلاك البنزين, اعطال, الاول, البنزين, التو, التوكيل, التي, الجزء, الصيانة, الضمان, اللي, المنتدي, الي, ام, انا, بدون, بروتون, بس, بصراحة, بيع, بيكانتو, تغيير, تغيير الزيت, تقييم, تكييف, توكيل, تيل, حل, خدمة, دايو, زيت, زيت الفتيس, زيرو, سعر, سير, شنطة, صوت, صيانة, عايز, عربية, عز العرب, عفشة, عن, فئة, فتيس, فرامل, فرق, فلتر, في, قطع, قطع الغيار, كشف, كل, كيا, كيا بيكانتو, للألتو, مرتب, مشكلة, مع, من, هنا, هي, وكيل, يا
  • #2
    فعلا معاك حق 600 جنيه كتير على عربيه المفروض انها اقتصاديه فى مصاريف تشغلها استهبال فعلا

    بس ممكن تقيم عام عن العربيه كده بعد الفتره اللى استخدمتها فيه علشان الكل يستفاد
    [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

    Comment

    • #3
      اه فعلا يا باشا كتير 600 جنيه لان العربية دي المفروض بتستهدف فئة الشباب والناس اللي محتاجة عربية اقتصادية في مصريف تشغيلها في المقام الاول

      انا بتهيئلي العيب مش من العربية وان السبب في ده التوكيل اللي فعلا في كذا حد اشتكى من ان خدمته سيئة واسعاره مبالغ فيها

      ممكن يا باشا اعرف رايك في كفاءة التكييف خصوصا في فترة الظهر وهل التكييف ليه تأثير جامد على سحب العربية لما بتكون مشغله وايه اخبار استهلاك البنزين معاك ؟؟

      Comment

      • #4
        دى التو 1100 ولا 800

        Comment

        • #5
          الف مبروك ياباشا على الثلاثين الف كيلو وعقبال المليون وانت لسة بصحتك وعافيتك وفي عربيات أحلى كتير


          مع العلم أنا لسة مكملتش 20000 كيلو وده بيثبت فعلا إنك عملت رقم كبير لإني بمشي بالعربية من أول القاهرة لآخرها وتقريبا كل يوم في الأغلب الأعم


          على فكرة انا معملتش صيانة الـ 15000 في التوكيل بسبب المغالاة في الأسعار دي ... حسيت إن ده النصب بعينه لما ياخد مصنعية بس على تربيط العفشة والكشف على الموتور بدون مايعمل أي حاجة تانية حوالى 200 جنيه
          [CENTER][U][FONT=Courier New]D . a . \ A Y M A N[/FONT][/U][/CENTER]
          [CENTER][U][FONT=Courier New]A . S . Y[/FONT][/U][/CENTER]

          N.Y.S.M.A سابقاً

          Comment

          • #6
            شكرا يا باشا ربنا يخليك

            انا فعلا حسيت اني باعمل مشاوير مكوكية.. بس اعمل ايه والله مشواري بعيد جدا

            انا شكلي كده فعلا برضو هابطل الصيانات الدورية

            بس قلبي مش جايبني بصراحة


            بالنسبة ل طلب MRBEBO و استاذ محمد العربي mahamedaraby

            اوعدكم ان شاء الله يبقي فيه تقييم كامل عن داء العربية بعد 30000 من مميزات و عيوب
            ادوني بس يوم كده علشان انا ورايا كمية شغل مهوووووووووووولة
            دعواتكم
            و تحياتي
            [CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
            [CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]

            [CENTER]د.حسام الزلباني:smartass:[/CENTER]

            Comment

            • #7
              يا جماعة طبعا سعر المصنعية غالى بس للاسف مينفعش يقللوه ليه لان فيه حاجة اسمها Man hour cost ودى تكلفة التشغيل للمهندس والفنى وهكذا والراجل اللى بيشتغل فى الماروتى هوا هوا اللى بيشتغل فى المورانو الاتنين بياخدوا مرتب واحد فلازم الراجل اللى تكلفته مثلا 40جنيه فى الساعة يجيب ربحية زى اللى بيشتغل فى الفيتارا او النيسان والا ياخد الفنيين كلهم من السيارات الصغيرة ويشغلهم فى السيارات الكبيرة الموضوع بيبقى محسوب بزمن تشغيل الفنى والمهندس فى الخدمة. العربيات الكبيرة بتفرق فى المعدات اللى بتختبرها زى الكمبيوتر او اى جهاز اضافى للكشف عن السيارة واكسسوارتها فاصحاب السيارات الكبيرة برده بيدفعوا صيانة اكتر بس علشان استخدام اجهزة واستثمارات اكبر. علشان كده يفضل فى العربيات الصغيرة وخصوصا كمان لو كانت كاربوراتور انك تعمل الصيانات الخارجية البسيطة خارج التوكيل وتروح التوكيل مرة كل 10000 او 15000 او حتى 20000 للاطمئنان على حالة العربية.
              [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

              Comment

              • #8
                بس برضه همة بيغالوا مغالاة غير طبيعية .... الناس دي بالشكل ده مكسبها الأساسي مش من بيع العربيات بس ده كمان الصيانات الدورية اللي همة بيشترطوها لإستمرارية الضمان بتمثل نسبة كبيرة جدا من مكسبهم
                [CENTER][U][FONT=Courier New]D . a . \ A Y M A N[/FONT][/U][/CENTER]
                [CENTER][U][FONT=Courier New]A . S . Y[/FONT][/U][/CENTER]

                N.Y.S.M.A سابقاً

                Comment

                • #9
                  في انتظار التقييم
                  عشان بفكر في الالتو 800 بالتكييف
                  [CENTER]لا إله إلا الله محمد رسول الله[/CENTER]

                  Comment

                  • #10
                    وانا كمان

                    وانا كمان بطلت اروح الصيانة من بعد ال5000 (ماروتى 2008)
                    على فكرة انا عملت 24000 فى 12 شهر بالظبط الفرق مش كبير قوى يعنى
                    فعلا همه مغاليين قوى فى اسعارهم وبعدين برده الفترة الى بتقعد معاهم العربية فيها
                    انا كنت باروح فرع ابورواش واقعد 3 ساعات مستنية يغيروا زيت
                    وادفع حوالى 300 ج واروح وكل مرة يقولوا لى المغسلة قفلت وبالتالى العربية مش بتتغسل اروح اغسل بره فى وطنية واقعد ساعة تانية مستنية
                    زهقت وحسيت انى بادفع كتير من غير فايدة والحمد لله اهى ماشية
                    على العموم ربنا يباركلك فيها ويكفيك شرها وعقبال ال500000 ان شاء الله

                    Comment

                    • #11
                      يا جماعة صيانة التوكيل مش تغيير زيت بس !!!!!!!!!!!
                      أي صيانة دورية لأي عربية في الدنيا بيتم تغيير الزيت و معاه
                      كشف شامل على العربية من الألف للياء
                      يعني كشف على التكييف و العفشة و المحرك و الكهرباء و الشاسيه .....كله كله .

                      الصيانة مش تغيير زيت و فلتر بس !!!!!!
                      [img2]http://i59.tinypic.com/2vxpukz.jpg[/img2]

                      Comment

                      • #12
                        المشاركة الأصلية كتبت بواسطة tutankhamoun مشاهدة المشاركة
                        يا جماعة صيانة التوكيل مش تغيير زيت بس !!!!!!!!!!!
                        أي صيانة دورية لأي عربية في الدنيا بيتم تغيير الزيت و معاه
                        كشف شامل على العربية من الألف للياء
                        يعني كشف على التكييف و العفشة و المحرك و الكهرباء و الشاسيه .....كله كله .

                        الصيانة مش تغيير زيت و فلتر بس !!!!!!

                        ماشي أنا معاك لكن بالرغم من ده كله هل يصح إنه ياخد ما يقرب من 200 جنيه فقط لمجرد الكشف ... مجرد الكشف فقط ...

                        ده حتى مابغيرش زيت عندهم لأني باخد الفلتر وأغير زيت برة

                        يعني هوة بالضبط اللى بيعمله تربيط العفشة والكشف على العربية والحساب 200 جنيه وشوية غير الضرايب أنا شايف إن دي مغالاة لا يستحقها وهامش ربحها كبير جدا بالنسبة له


                        الكلام ده كله أنا عملته برة عند ميكانيكي من اللى شغالين في توكيل ما برده وخذ 50 جنيه فقط وكنت مستكترهم عليه كمان بينزل يربطله صامولتين تلاتة في العفشة ويبص هنا ويبص هناك ويقوللى كله تمام 50 جنيه في نص ساعة يابلاش

                        والتوكيل 200 جنيه في ساعتين بس سبب تأخير التوكيل لمدة ساعتين إنه بيدلع بس مش أكتر
                        [CENTER][U][FONT=Courier New]D . a . \ A Y M A N[/FONT][/U][/CENTER]
                        [CENTER][U][FONT=Courier New]A . S . Y[/FONT][/U][/CENTER]

                        N.Y.S.M.A سابقاً

                        Comment

                        • #13
                          المشاركة الأصلية كتبت بواسطة nysma مشاهدة المشاركة
                          ماشي أنا معاك لكن بالرغم من ده كله هل يصح إنه ياخد ما يقرب من 200 جنيه فقط لمجرد الكشف ... مجرد الكشف فقط ...

                          ده حتى مابغيرش زيت عندهم لأني باخد الفلتر وأغير زيت برة

                          يعني هوة بالضبط اللى بيعمله تربيط العفشة والكشف على العربية والحساب 200 جنيه وشوية غير الضرايب أنا شايف إن دي مغالاة لا يستحقها وهامش ربحها كبير جدا بالنسبة له


                          الكلام ده كله أنا عملته برة عند ميكانيكي من اللى شغالين في توكيل ما برده وخذ 50 جنيه فقط وكنت مستكترهم عليه كمان بينزل يربطله صامولتين تلاتة في العفشة ويبص هنا ويبص هناك ويقوللى كله تمام 50 جنيه في نص ساعة يابلاش

                          والتوكيل 200 جنيه في ساعتين بس سبب تأخير التوكيل لمدة ساعتين إنه بيدلع بس مش أكتر

                          لا يا باشا التوكيل مش زي الميكانيكي خالص .
                          التوكيل بيحط عربيتك على جهاز المسح ( السكان ) و بيكشف على كل أجزاء العربية .
                          الموضوع مش تربيط عفشة بس أو صامولتين .

                          ال 200 جنيه اللي حضرتك بتدفعهم ..... دول ثمن تطويل عمر المحرك و العربية عموما .
                          التوكيل بيدفع أجور عمالة و أجور مهندسين و كهرباء و تكييفات شغالة للعملاء و الموظفين و عنده الحساب بساعة العمل .
                          أنا معرفش توكيل سوزوكي بيحساب الساعة بكام ؟؟؟
                          إنما أغلب التوكيلات بتحساب الساعة من 40 إلى 80 جنيه حسب ماركة العربية .
                          يعني في عز العرب ... الساعة بتاعة الجين 2 ( بروتون يعني ) بتعمل تقريبا 40 جنيه ...... في حين العنبر اللي جنبه بتاع البي أم دبليو بيعمل 80 جنيه .....

                          أنا عايز أوضح نقطة كمان .
                          اقتصادية التشغيل يعني كذا حاجة منها
                          صغر حجم المحرك و بالتالي توفير مصاريف الطاقة .
                          صغر حجم المحرك و بالتالي توفير في كمية الزيت المستهلكة لأن المحرك صغير و مش بيحرق زي المحرك الكبير و بالتالي بيأخد كمية أقل و في نفس الوقت الكمية الأقل هاتقعد عندك أكتر من المحرك الكبير .

                          بعد كدا تيجي مصاريف الصيانة ....
                          مصاريف الصيانة = عُمر أطول للمحرك = راحة بال و ثقة في عربيتك و أنت في أي حتة
                          على عكس موضوع الميكانيكي .......
                          الميكانيكي بينزل تحت العربية زي ما حضرتك قلت يربط صامولتين و يبص بصتين هنا و هناك و دمتم و بيأخد 50 جنيه ....... مش كتير ؟؟؟؟؟؟؟؟

                          على عكس التوكيل
                          اللي بيشكف على العربية بالكامل ......و يشوف دورة التبريد للمحرك و دورة تبريد التكييف و الشاسيه و الكهرباء الخاصة بالعربية ..... و العفشة ...... و الزيوت ....... و الفلاتر .......... الخ .
                          يعني كشف شامل ب 200 جنيه
                          في حين أن الميكانيكي بيربط صامولتين و يبص بصتين بعينه بالمجرده ...... و يأخد 50 جنيه ...
                          يبقى أنهي الأرخص ؟؟؟؟؟؟؟؟؟؟؟؟؟؟؟؟؟؟؟؟؟

                          طبعا لو أي حد بيعمل عدد كيلومترات كبير و عايز يوفر في مصاريف الصيانة شوية بدون بهدلة العربية ممكن يعمل الآتي :
                          صيانة كل 10000 كيلومتر في التوكيل أو كل 15 ألف كيومتر .
                          و تبقى تغير زيت برة كع فلتر كل 5 ألاف كيلومتر .
                          أو صيانة برة التوكيل ....... و صيانة جوه التوكيل على حسب المردود اللي أنت شايفه على عربيتك .
                          و ربنا يوفق إن شاء الله و يبارلكم في عربياتكم .
                          [img2]http://i59.tinypic.com/2vxpukz.jpg[/img2]

                          Comment

                          • #14
                            اية يا دكتور حسام دة
                            الف مبروك على الصيانة و على كسر الرقم القياسى دة بس انت استلمت العربية بعدى بشهر تقريبا و 30 الف كيلو رقم كبير فعلا
                            ربنا يبارك لك فيها و عقبال ال 100 الف و ال 200 الف ان شاء الله
                            ياسر عمران
                            [CENTER][SIZE=4][COLOR=navy]مهندس/ ياسر عمران :victory:[/COLOR][/SIZE][/CENTER]
                            [CENTER] [/CENTER]

                            Comment

                            • #15
                              يا توت باشا ما ياريت اللي انت بتقوله ده بيحصل موضوع الاسكان الكامل اللي بيتم على العربية المشكلة ان اغلب التوكيلات دلوقتي ناس نصبين بياخدوا فلوس من غير وجه حق ومش بيدولك خدمة توازي الفلوس اللي بيخدوها ( وحضرتك ممكن تلاحظ ده من شكاوي ناس كتير في المنتدي ) فعلشان كده الواحد بيستحرم لان المصاريف عالية وانت مش ملاحظ فرق كبير عن الصنيعي اللي برة يعني من الاخر السوق المصري بقي معظمه فهلوية ونصابين وفي احيان كتير مش بتفرق ما بين عم مرزوق الميكانيكي والتوكيل الشيك بتاع العربية !!!

                              Comment

                              السابق 1 2 template التالي
                              Working...
                              X