صيانة ال 30000 للألتو !!!

[tutankhamoun]

يا توت باشا ما ياريت اللي انت بتقوله ده بيحصل موضوع الاسكان الكامل اللي بيتم على العربية المشكلة ان اغلب التوكيلات دلوقتي ناس نصبين بياخدوا فلوس من غير وجه حق ومش بيدولك خدمة توازي الفلوس اللي بيخدوها ( وحضرتك ممكن تلاحظ ده من شكاوي ناس كتير في المنتدي ) فعلشان كده الواحد بيستحرم لان المصاريف عالية وانت مش ملاحظ فرق كبير عن الصنيعي اللي برة يعني من الاخر السوق المصري بقي معظمه فهلوية ونصابين وفي احيان كتير مش بتفرق ما بين عم مرزوق الميكانيكي والتوكيل الشيك بتاع العربية !!!

ممكن فعلا ........ و ليه لاءة ......... بس برضه مش كل التوكيلات و أنا بصراحة معرفش حاجة عن توكيل سوزوكي .
بس أنا قلت اللي بيحصل عموما أو اللي مفروض يحصل و اللي فعلا بيحصل معايا في توكيل عز العرب مع الجين 2 .


أستدراك هام جدا .
أنا قلت الساعة في بروتون عند عز العرب ب 40 جنيه ......... أنا آسف هي مش 40 و لكن 70 جنيه .
و قلت برضه أن بي أم دبليو عند عز العرب ب 80 جنيه و لكن هي ...... 110 جنيه تقريبا .

و ربنا يباركلكوا يا جماعة في عربياتكم و يطول عمرها و يحفظكم من شرور الطريق إن شاء الله تعالى .

[zalpany2000]

استاذ توت "اسف لاستخدام اسم الظهور لكن انا مش عارف اسم حضرتك"
استاذ ايمن
بشمهندس يااااااااااااااااسر ... بجد واحشني جدا
و استاذ بيبيو

الف شكر علي مشاركاتكم الغالية وعلي نقاشكم المفييييييد

انا بس عايز اقول رأيي برضو

الصيانة الدورية بتريح البال و بتححسك نسبيا بالامان
بس فعلا فعلا حرام يعني يا استاذ توت يرضيك مثلا اني اغير تيل الفرامل مرتين بينهم شهر ونص ؟!!!!
و السبب ان فيه تيل واحد بيتاكل"اكيييييييييييد ده مش عيب استخدام يعني انا مش هندي علشان اقتنع بكلامهم""
و هو الحل الابسط بالنسبة للباشا بتاع التوكيل انه يقولي انت بتستخدم التيل وبتهلكه ... وده طبيعي

و يا ريت حلولي المشكلة.... رحت بعدها بيومين اركب التيل ... قالولي التيل خلصان و مش موجود .. ممكن اروح اركبه بره .. ويومها كان عندي عزا ودفنة في مقابر اكتوبر اللي علي طريق الفيوم ... و مش عارف اتصرف...


مش هاعلقلهم المشنقة يعني ولا هاقول انه توكيل وحش لا مش وحش بس الصيانة بتاعته مبالغ في سعرها ... وكمان قطع الغيار بتاعتهم مبالغ في سعرها

مثلا فلتر الهوا اللي غيروه ب 110 جنيه سعره "الاصلي" 60 جنيه
مثلا البوجيهات 3 بوجيه سعرهم عندهم 90 جنيه بره ... نفس النوع 45 جنيه

فحاجات تخلي الواحد يفكر و يعيد النظر.. مش كده ولا ايه ؟؟؟

عموما انا شاكر لمشاركتك .... و عايز اقولك ان رأيي من رأيك بس لو فكرت باقتصادية يبقي الصيانة الدورية في التوكيل كل 5000 الاف ... مش اقتصادية بالمرة... ده رأي مبدأي... و انا طارحه للنقاش و للافاده .

تقبل مني كل الود و الاحترام

[D . a .\ AYMAN]

على عكس التوكيل
اللي بيشكف على العربية بالكامل ......و يشوف دورة التبريد للمحرك و دورة تبريد التكييف و الشاسيه و الكهرباء الخاصة بالعربية ..... و العفشة ...... و الزيوت ....... و الفلاتر .......... الخ .

ما هو ده تقريبا اللى الميكانيكي عمله برضه بس في السريع يعني من غير ما يهدر وقت أنا محتاجه بعكس التوكيل اللى محتاج أفضيله نفسي طول النهار وماروحش الشغل على حس إني رايح التوكيل

خللى بالك زي ما قولت هو أحد الناس اللى شغالين في توكيل دايو وهيونداي

بس لي سؤال السكانر اللى إنت قصدك عليه ده هو الوحدة اللى بتقرا الكونترول يونيت بتاعة العربية وتشوف البيانات بتاعتها ؟؟

لو كده ما أعتقدش إن التوكيل أي توكيل بيستخدمها إلا لما يكون فيه حاجة معينه بيبص عليها ... يعني ما بيستخدموهاش بصورة دورية في الصيانة ... أعتقد

[kimoboy]

Where is this mechanic[

الكلام ده كله أنا عملته برة عند ميكانيكي من اللى شغالين في توكيل ما برده وخذ 50 جنيه فقط وكنت مستكترهم عليه كمان بينزل يربطله صامولتين تلاتة في العفشة ويبص هنا ويبص هناك ويقوللى كله تمام 50 جنيه في نص ساعة يابلاش

والتوكيل 200 جنيه في ساعتين بس سبب تأخير التوكيل لمدة ساعتين إنه بيدلع بس مش أكتر

[/QUOTE]

[youssefmustang]

طب كويس انها جت على فرق 70 جنيه مصنعيات
على سبيل المثال : كيا بيكانتو لحاجات اللى هتغيرها 200 جنيه مصنعيات 120 جنيه

[D . a .\ AYMAN]

where is this mechanic[

الكلام ده كله أنا عملته برة عند ميكانيكي من اللى شغالين في توكيل ما برده وخذ 50 جنيه فقط وكنت مستكترهم عليه كمان بينزل يربطله صامولتين تلاتة في العفشة ويبص هنا ويبص هناك ويقوللى كله تمام 50 جنيه في نص ساعة يابلاش

والتوكيل 200 جنيه في ساعتين بس سبب تأخير التوكيل لمدة ساعتين إنه بيدلع بس مش أكتر

[/quote]

محمد عبده

في صفط اللبن

أنا جايب عنوانه من منتدى دايو ... هاتلاقي الأستاذ الكبير محمد ممدوح شارح عنوانه بالتفصيل وحاططله صورة من على جوجل

من خلال تعاملي معاه هوة راجل محترم وكويس جدا وعلة فكرة هوة عارف المنتدى وبيخدم كل اللى بيروحله من هنا ومن طرف الأستاذ محمد ممدوح كأنه أخوه .. وشغال في توكيل الكويت والبلاد العربية عشان كده لو هاتروحله تروحله بالليل لأنه بيبقى في التوكيل بالنهار


دكتور حسام أخبارك إيه ... وإيه آخر أخبار العربية يارب تكون رجعت بالسلامة زي الأول وأحسن يارب

بـ أدعيلك والله