كل ما يخص مازدا 323 موديل 82 (اعطال.قطع غيار.كماليات)

[alsad]

بقالي حوالي 3 اسابيع محتاج بلف غطا تاكيهات حسب نصيحة فني الكاربراتير ( وكان شكله بايظ فعلا )
البلف ده مختفي من السوق تماما
حتى في التوفيقية مالقيتوش الا عند واحد بس اسمه سيد حامد
بس طلع اغلى بكثير مما اتصور ( يا اما الراجل عارف ان محدش غيره عنده البلف ده )

ولاني محتاجه فعلا اشتريت

البلف تايواني 35 جنيه
البلف ياباني 65 جنيه
وسألته كمان على الاجزاء المنكله اللي تحت الفوانيس الامامية قالي الاتنين ب 60 جنيه
والفوانيس الخلفية بالاطار الاسود الاثنين ب 90 جنيه .

بس بصراحة استغليتهم ومارضيتش اشتري علشان ماكنتش مستعجل .

والقاعدة الكاوتش اللي بتركب في غطا التاكيهات تحت البلف من عند واحد اسمه اولاد زكي سليمان ب 10 جنيه مع ان شكلها مايجبش 75 قرش !!!

يا ريت يا جماعة حصر باسماء المحلات في التوفيقية اللي بتبيع حاجة مازدا 323 علشان لما الواحد يروح يبقى عارف محل اتنين ثلاثة ومايفضلشي يلف كثير

ولو في نصيحة مين اسعاره كويسه يبقى تمام قوي

[mado83]

اتصل بالمحل ده اسعاره من الاخر اسمه عصام فرج لليابانى فى ميدان ابن الحكم الزتون
26331940

[mazagngi2010]

لامؤاخذه ياجدعان على الغياب مشغول اليومين دول جامد
المهم
كان عندى مشكله فى الفرامل وهى ان اليمين بتمسك والشمال لا وعلى الاولانى اليمين بتامرك والشمال لا وطبعا كان الجنط اليمين بيسخن عن الشمال والزيت بيقل كل شويه
كنت قلت لقشطه على القصه دى فى التليفون وقلتله تعرف فرملجى نضيف وقاللى على واحد بس مفضيتش اروحله وكمان كنت نسيت عنوانه
فرحت لقشطه فى الاخر وقلتله انت اللى هتظبطها بلا فرملجى بلا عفشجى
المهم المعلم لف حواليها لفه وقاللى
- الفرده الشمال اللى ورا عايزه ماستر علشان كان فيه شويه زيت على الجنط من جوه (معرفش لمحهم ازاى)!!
-ياعم انت اتجننت انا بحكى فى الفرامل قدام
- قاللى اسكت انت دلوقتى
-حاضر ياعم احمد افتى براحتك
المهم اتصرف فى ماستر ورا وخد هوا وفك الشمال قدام وغير الماستر بتاعها هو كمان لانه مكنش طالع وغير تيل الفرامل قدام
اطلع جرب
الموضوع اتحسن عن الاول بس كانت اليمين برضه سابقه سنه صغيره
بينا على الورشه
خد هوا من اليمين ورا وفك الشمال تانى وعمل تعديل على حاجه فيها وخد هوا من اللى قدام تانى وزود زيت تانى
- اطلع جرب ومش هترجع عن ثقه
- ماشي يابرنس
10 /10 بصراحه والسخونيه هديت خالص وبقت متعادله بين الفردتين وال 2 بيمسكوا مع بعض
التكلفه
-80 ماستر خلفى وتيل جديد امامى ماليزى
-80 مصنعيه وماستر امامى استيراد وتيل خلفى استيراد
--------------------
هعمله عضويه على المنتدى علشان يبقى يدخل يرد علينا

[Android]

.

حمد لله على سلامتك يا مزجانجي

النهارده روحت لقشطه الصبح عشان كنت زهقت فعلا بعد ما قلت اتعايش مع الصوت بس مفيش فايده
المهم روحتله الصبح بدري قلتله من الاخر انا مش عارف اغير ايه تاني عشان ارتاح من الصوت مساعدين وغيرتها وسوست وغيرتها مقصات وسليمة والشدادات لدرجه اني غيرت مساعدين قدام كمان وكبالن كانو على قدهم قلت اغير يمكن هما الى بيسمعو ورا بس للاسف
احكلكو الصوت بيحصل امتي لما بكون بجري بيها وبسحب بالعربية سحبه حلوة والعربية تسخن كده معايا اجي اشيل رجلي من على النزين بعد السحبه الحلوة اسمع صوت حاجه بتخبط ورا من الناحيه بتاعه الكمان ومدام صحيت الصوت ده مش بينام الا لما العربية تريح شويه ده باختصار قلت لقشطه الكلمتين دول بس على على المساعد الى ناحيه الشكمان فكه كانت السوست العفشجي مركبها من غير علاية يعني من غير اي كاوتش يا دوب لففها بخرطوم قالي ممكن يكون دي السبب حط علاية صغيرة ونجرب حط قالي جرب انت المهم طلعت صلاح سالم وجريت والعربية سخنت معايا وسحبت الصوت بدء تاني روحت راج وقلتله مفيش فايده بس على الشكمان كان بعيد خالص عن جسم العربية ومتثبت كويس بالتثبيته بتاعه المصنع يعني زي ما بيقول الكتاب يخبط فيه يشوف هيخبط في حاجه برده مفيش حتى بتاع الشكمان الى جنبه بص عليه قالي مفهوش حاجه المهم بصراحه مليت وقشطه نفسه احتار معايا وقالي دي مزكرنهاش قبل كده وبصراحه زهقت تجارب حتى قبل كده شكيت في البلي بتاع العجل انه بيمحر او فيه رفه فغيرته بس برده زي ما هي المهم مشيت من عنده وقلت اروح اصلح العداد كان بيعمل صوت لما بيوصل ل 100 ومش بيبقي ثابت كنت فاصله وشايل السلك بتاعه المهم السلك ضاع روحت لبتاع العدادات الى في العباسيه قالي هاتلك واحد استيراد اتحنقت زياده ورحت مروح وركنت العربية وطلعت اكل بلا وجع دماغ
اسف على الاطاله يلا عايزين كام فتوة بقي عشان تكمل مهو مبقاش ورانا الا التجارب في المازدا ودايما الحاجات دي بتتحل بالصدفه
يكونش العربية بتتمدد بالحرارة وتنكمش بالبروده

[mazagngi2010]

حمد لله على سلامتك يا مزجانجي

النهارده روحت لقشطه الصبح عشان كنت زهقت فعلا بعد ما قلت اتعايش مع الصوت بس مفيش فايده
المهم روحتله الصبح بدري قلتله من الاخر انا مش عارف اغير ايه تاني عشان ارتاح من الصوت مساعدين وغيرتها وسوست وغيرتها مقصات وسليمة والشدادات لدرجه اني غيرت مساعدين قدام كمان وكبالن كانو على قدهم قلت اغير يمكن هما الى بيسمعو ورا بس للاسف
احكلكو الصوت بيحصل امتي لما بكون بجري بيها وبسحب بالعربية سحبه حلوة والعربية تسخن كده معايا اجي اشيل رجلي من على النزين بعد السحبه الحلوة اسمع صوت حاجه بتخبط ورا من الناحيه بتاعه الكمان ومدام صحيت الصوت ده مش بينام الا لما العربية تريح شويه ده باختصار قلت لقشطه الكلمتين دول بس على على المساعد الى ناحيه الشكمان فكه كانت السوست العفشجي مركبها من غير علاية يعني من غير اي كاوتش يا دوب لففها بخرطوم قالي ممكن يكون دي السبب حط علاية صغيرة ونجرب حط قالي جرب انت المهم طلعت صلاح سالم وجريت والعربية سخنت معايا وسحبت الصوت بدء تاني روحت راج وقلتله مفيش فايده بس على الشكمان كان بعيد خالص عن جسم العربية ومتثبت كويس بالتثبيته بتاعه المصنع يعني زي ما بيقول الكتاب يخبط فيه يشوف هيخبط في حاجه برده مفيش حتى بتاع الشكمان الى جنبه بص عليه قالي مفهوش حاجه المهم بصراحه مليت وقشطه نفسه احتار معايا وقالي دي مزكرنهاش قبل كده وبصراحه زهقت تجارب حتى قبل كده شكيت في البلي بتاع العجل انه بيمحر او فيه رفه فغيرته بس برده زي ما هي المهم مشيت من عنده وقلت اروح اصلح العداد كان بيعمل صوت لما بيوصل ل 100 ومش بيبقي ثابت كنت فاصله وشايل السلك بتاعه المهم السلك ضاع روحت لبتاع العدادات الى في العباسيه قالي هاتلك واحد استيراد اتحنقت زياده ورحت مروح وركنت العربية وطلعت اكل بلا وجع دماغ
اسف على الاطاله يلا عايزين كام فتوة بقي عشان تكمل مهو مبقاش ورانا الا التجارب في المازدا ودايما الحاجات دي بتتحل بالصدفه
يكونش العربية بتتمدد بالحرارة وتنكمش بالبروده :copy of rfds:

نمسكها واحده وحده
العربيه لما تخبط بيكون فيه اهتزازات او حاجه؟
الجنوط عامله ايه؟
ايه اخبار المسامير اللى ماسكه العجل
التنك كويس
مشكله غريبه بجد
ياريت تستفسر عنها فى ورشه المنتدى
كنت تقول لقشطه على سلك العداد كان ممكن تصرفلك فى واحد

[Android]

نمسكها واحده وحده
العربيه لما تخبط بيكون فيه اهتزازات او حاجه؟
الجنوط عامله ايه؟
ايه اخبار المسامير اللى ماسكه العجل
التنك كويس
مشكله غريبه بجد
ياريت تستفسر عنها فى ورشه المنتدى
كنت تقول لقشطه على سلك العداد كان ممكن تصرفلك فى واحد

لما بتخبط مش بيبقي فيه اهتزاز بس من كام يوم كنت رايح اكتوبر ومركب اربع في العربية وجريت بيها شويه الخبط صوته كان عالي ورخم اوي لما بطلع طريق او نازل منه لدرجه اني حسيت بالخبط في دواسة البنزين وكل الى معايا كانو مضايقين من الصوت

بالنسبه للعجل والمسامير مفهمش حاجه هي مفهاش جنط عجلها العادي
والتنك اعتقد سليم حتى قشه حط العربية على المجري ونزل بص عليها بنفسه من تحت وقرط على العفشه وكل حاجه والعربية مقفله من تحت زي ما بتنزل ومفهاش لا لحمات ولا حاجه معوجه ولا الكلام ده وانا احترت فعلا والمشكله اني نفسي اتسددت لاني مش بخرج بيها واعمل مشاوير الا يوم او يومين ولما بخرج بمشي في الطرق السريعه لاني مبحبش امشي في الزحمه فلازم الصوت هيصاحبني
وبالنسبه للسلك العداد معرفش الراجل بتاع العداد مبصش حتى عليه قالي هو بيعمل صوت وبيروحو ويجي قلتله اه قاله انزل هات واحد من الوكاله وخلاص

[mado83]

حمد لله على سلامتك يا مزجانجي

النهارده روحت لقشطه الصبح عشان كنت زهقت فعلا بعد ما قلت اتعايش مع الصوت بس مفيش فايده
المهم روحتله الصبح بدري قلتله من الاخر انا مش عارف اغير ايه تاني عشان ارتاح من الصوت مساعدين وغيرتها وسوست وغيرتها مقصات وسليمة والشدادات لدرجه اني غيرت مساعدين قدام كمان وكبالن كانو على قدهم قلت اغير يمكن هما الى بيسمعو ورا بس للاسف
احكلكو الصوت بيحصل امتي لما بكون بجري بيها وبسحب بالعربية سحبه حلوة والعربية تسخن كده معايا اجي اشيل رجلي من على النزين بعد السحبه الحلوة اسمع صوت حاجه بتخبط ورا من الناحيه بتاعه الكمان ومدام صحيت الصوت ده مش بينام الا لما العربية تريح شويه ده باختصار قلت لقشطه الكلمتين دول بس على على المساعد الى ناحيه الشكمان فكه كانت السوست العفشجي مركبها من غير علاية يعني من غير اي كاوتش يا دوب لففها بخرطوم قالي ممكن يكون دي السبب حط علاية صغيرة ونجرب حط قالي جرب انت المهم طلعت صلاح سالم وجريت والعربية سخنت معايا وسحبت الصوت بدء تاني روحت راج وقلتله مفيش فايده بس على الشكمان كان بعيد خالص عن جسم العربية ومتثبت كويس بالتثبيته بتاعه المصنع يعني زي ما بيقول الكتاب يخبط فيه يشوف هيخبط في حاجه برده مفيش حتى بتاع الشكمان الى جنبه بص عليه قالي مفهوش حاجه المهم بصراحه مليت وقشطه نفسه احتار معايا وقالي دي مزكرنهاش قبل كده وبصراحه زهقت تجارب حتى قبل كده شكيت في البلي بتاع العجل انه بيمحر او فيه رفه فغيرته بس برده زي ما هي المهم مشيت من عنده وقلت اروح اصلح العداد كان بيعمل صوت لما بيوصل ل 100 ومش بيبقي ثابت كنت فاصله وشايل السلك بتاعه المهم السلك ضاع روحت لبتاع العدادات الى في العباسيه قالي هاتلك واحد استيراد اتحنقت زياده ورحت مروح وركنت العربية وطلعت اكل بلا وجع دماغ
اسف على الاطاله يلا عايزين كام فتوة بقي عشان تكمل مهو مبقاش ورانا الا التجارب في المازدا ودايما الحاجات دي بتتحل بالصدفه
يكونش العربية بتتمدد بالحرارة وتنكمش بالبروده :copy of rfds:

قولى انت غيرت الكبالن جديد ولا استيراد وبكام
وبالنسبه لموضوع الخبطه ده لازم تتاكد ان الصوت جاى من ورا فعلا ولو فعلا جاى من ورا لازم تحدد جاى من اى اتجاه ورا يمين ولا شمال ومنجوه العربيه باب مش مريح مثلا
ولا من الشنطه يكون فيها حاجه عايزه لحام
ولو من تحت العربيه شوف المقصات بيبقى فيها جلد كده ممكن يكون انته شايفه بس هو فى الاصل دايب والحديد بيحك فى بعضه

[bishr_nba]

عايزين نعمل جدول لاحدث اسعار قطع الغيار جديد ومستعمل لسيارتنا الحلوه 323 مو 82

[Android]

قولى انت غيرت الكبالن جديد ولا استيراد وبكام
وبالنسبه لموضوع الخبطه ده لازم تتاكد ان الصوت جاى من ورا فعلا ولو فعلا جاى من ورا لازم تحدد جاى من اى اتجاه ورا يمين ولا شمال ومنجوه العربيه باب مش مريح مثلا
ولا من الشنطه يكون فيها حاجه عايزه لحام
ولو من تحت العربيه شوف المقصات بيبقى فيها جلد كده ممكن يكون انته شايفه بس هو فى الاصل دايب والحديد بيحك فى بعضه

الكبالن غيرتها جديد جبتهم ب 180 جنيه الاتنين من زيدان الى في الدقي تايواني وانا قلت في كلامي الصوت جي منين بالظبط وكل الاحتمالات الى قلتها انتي عملتها من زمان سواء مقصات او بيبان او الشنطه كل حاجه كانت مش اد كده غيرتها بس برده لسه الصوت موجود وبيحصل في الظروف الى شرحتها بس غير كده العربية تمام حتى كلام قشطه بنفسه قالي عربيتك كشغل عفشه او ميكانيكا بسم الله ما شاء الله مش محتاجه جنيه تاني وكحاله العربية كلها انا بقدرها 95 % لان كل حاجه فيها شغاله كويس وحاجتها بتاعتها الاصليه.

[mado83]

كنت عايز اعرف تكلفه الميكانيكى لو هينزل التانك وينظفه ويركبه تانى

[bishr_nba]

عندي الاشاره والانتظار بتعلق تنور وتطفي شويه وبعدين تفضل منوره علطول حد يعرف العيب ده من ايه ؟

[alsad]

عايزين نعمل جدول لاحدث اسعار قطع الغيار جديد ومستعمل لسيارتنا الحلوه 323 مو 82

انا لسه شاري طقم تيل فرامل امامي ياباني ( في علبه ) كلام الراجل 85 انا اشتريته 75 جنيه
وكان في طقم تاني ياباني بس برادة النحاس باينة فيه وفي كارت مش في علبه كلام الراجل 75

وكان في طقم تايواني 45 قبل الفصال .

طبعا الاسعار دي من محل مش مشهور في حلوان واحتمال غالي شويه بس بصراحة حاجته اصليه .

وكنت شاري اويل سيل كرانك امامي قبل كده ب5 جنيه بس طلع مش مظبوط . رحت جبت واحد في علبه كرتون مكتوب عليه ميسوبيشي ب 13 جنيه

ونصيحة لما تشتري اويل سيل اشتري بالرقم ( x* y * z ) مش بموديل العربية

[mado83]

موضوع الاسعار مش هينفع يبقى هنا لاننا هنتوه فعملت موضوع مستقل بره ياريت كلنا نشارك فيه
واى تفاصيل نبقى نقولها هنا
انما هناك هيبقى للاسعار فقط

[emad6610]

عاوز اربط التابلوه لاني حاسس انه سايب عالاخر و عاملي صدااااااااااااع
ياتري مين اللي يربطه كهربائي, سروجي و لا مين و هل حد عنده نفس المشكلة و تنصحوني بمين لان الموضوع دة عاوز حد فاهم العربية و عارفها مسمار مسمار

[mado83]

عاوز اربط التابلوه لاني حاسس انه سايب عالاخر و عاملي صدااااااااااااع
ياتري مين اللي يربطه كهربائي, سروجي و لا مين و هل حد عنده نفس المشكلة و تنصحوني بمين لان الموضوع دة عاوز حد فاهم العربية و عارفها مسمار مسمار

كهربائى
وبعدين حاول انته معاه كده
هتلاقى فى مسامير جوه درج التابلوه ومسامير تحته وفوق
بس لو الهزه جامده يبقى مكان المسامير مبوش