كل ما يخص مازدا 323 موديل 82 (اعطال.قطع غيار.كماليات)

[mado83]

السلام عليكم

انا سعيد بانضمامي ليكم واتمنى تقبلوني

انا عندي مشكلة وهي :
ان العربية بتنتش معايا وتترج وانا ماشي ع الثالث والرابع وخصوصا الرابع
وبقت بتسخن جامد والسحب قل كتير عن الاول

هل ده بسبب الكاربيراتير وبيك السالانسيه ؟؟ وللا الاسبراتير؟؟ مع العلم انه اليكتروني

وللا سبب تاني ؟؟

وشكرا مقدما

اولا مرحبا بيك فى وسط اخواتك المازداويه
موضوع التنتيش ممكن يكون كربراتير عاوز يتنظف ولكن اعمل تشيك على سلوك البوجيهات الاول ضرورى جدا
الرجرجه ظبط اسبراتير
السخونيه برضو من ظبط الاسبراتير والكهربا والهوا المسمارين
ضعف السحب برضو ظبط اسبراتير
بس الاهم تكشف على سلوك البوجيهات لان غالبا كده عربيتك فصله بوجيه
ولو السلوك كويسه غير بوجيهات واظبط اسبراتير ونظف كربراتير

[genius3060]

اولا مرحبا بيك فى وسط اخواتك المازداويه
موضوع التنتيش ممكن يكون كربراتير عاوز يتنظف ولكن اعمل تشيك على سلوك البوجيهات الاول ضرورى جدا
الرجرجه ظبط اسبراتير
السخونيه برضو من ظبط الاسبراتير والكهربا والهوا المسمارين
ضعف السحب برضو ظبط اسبراتير
بس الاهم تكشف على سلوك البوجيهات لان غالبا كده عربيتك فصله بوجيه
ولو السلوك كويسه غير بوجيهات واظبط اسبراتير ونظف كربراتير

شكرا لاهتمامك

روحت للميكانيكي النهارده
بس قبل ما ادور العربية تممت على سلوك البوجيهات فكيتها ونفضت التراب من عليها
الرجه والتقطيع تقريبا اختفى بس لسه بتسخن جامد

ولما روحت للميكانيكي قال دي مشكلة اسبراتير قولتله بص على سلوك البوجيهات قالي تمام والبوجيهات كان مغيرها قريب والكاربيراتير تمام

وقالي هات اسبراتير عادي ويكون جديد وسعره في حدود 250 ج عشان اللاسبراتير اللي عندي اليكتروني مينفعش يتصلح

فلو سمحت
عايز اعرف ايهما أفضل العادي وللا الاليكتروني ؟
وسعره لو حضرتك تعرف ؟

معلش تعبتك معايا

[mazagngi2010]

شكرا لاهتمامك

روحت للميكانيكي النهارده
بس قبل ما ادور العربية تممت على سلوك البوجيهات فكيتها ونفضت التراب من عليها
الرجه والتقطيع تقريبا اختفى بس لسه بتسخن جامد

ولما روحت للميكانيكي قال دي مشكلة اسبراتير قولتله بص على سلوك البوجيهات قالي تمام والبوجيهات كان مغيرها قريب والكاربيراتير تمام

وقالي هات اسبراتير عادي ويكون جديد وسعره في حدود 250 ج عشان اللاسبراتير اللي عندي اليكتروني مينفعش يتصلح

فلو سمحت
عايز اعرف ايهما أفضل العادي وللا الاليكتروني ؟
وسعره لو حضرتك تعرف ؟

معلش تعبتك معايا

انا شايف ان الميكانيكى فتاى فى حوار الاسبراتير
عموما الالكترونى افضل طبعا
والالكترونى اللى عندك لو المشط باظ يتغير عادى
بس ازاى الميكانيكى بيقولك بايظ والعربيه ماشيه

[mazagngi2010]

شكرا لاهتمامك

روحت للميكانيكي النهارده
بس قبل ما ادور العربية تممت على سلوك البوجيهات فكيتها ونفضت التراب من عليها
الرجه والتقطيع تقريبا اختفى بس لسه بتسخن جامد

ولما روحت للميكانيكي قال دي مشكلة اسبراتير قولتله بص على سلوك البوجيهات قالي تمام والبوجيهات كان مغيرها قريب والكاربيراتير تمام

وقالي هات اسبراتير عادي ويكون جديد وسعره في حدود 250 ج عشان اللاسبراتير اللي عندي اليكتروني مينفعش يتصلح

فلو سمحت
عايز اعرف ايهما أفضل العادي وللا الاليكتروني ؟
وسعره لو حضرتك تعرف ؟

معلش تعبتك معايا

انا شايف ان الميكانيكى فتاى فى حوار الاسبراتير
عموما الالكترونى افضل طبعا
والالكترونى اللى عندك لو المشط باظ يتغير عادى
بس ازاى الميكانيكى بيقولك بايظ والعربيه ماشيه

[mado83]

بص يا معلم الاسبراتير الالكترونى لو باظ العربيه ماتتعتعش من مكانها يعنى مش هتدور واللى بيبوظ فيه هو المشط زى مازاجانجى ماقالك
الالكترونى افضل طبعا كنت مركبه عندى قبل ماغيره علشان ماكنتش لاقى المشط وكنت مزنوق
انته مش محتاج تغير الاسبراتير انته محتاج تغير الميكانيكى
الاسبراتير العاده ب150ج استيراد وهتجيب لنفسك وجع الدماغ فى حوار الابلاتين والكوندنسر

[genius3060]

شكرااااااا جزيلا لكم
انا فعلا مش مقتنع بكلام الميكانيكي وحضراتكم اكدتم ده
ان شاء الله هروح لميكانيكي تاني وابلغكم باللي هيحصل عشان الكل يستفيد

[emad6610]

العربية عندي كانت بتفصل لوحدها بس مش كهربا يعني الفوانيس شغالة و التابلوة لكن مبتدرش رحت لقشطة و شكينا في الاسبراتير او الموبينه او طرمبة البنزين ..
خلع الاسبراتير الاليكتروني اللي كان راكب و ركبت واحد عادي و قلنا نجرب يومين تلاتة و الحمد لله لحد النهاردة ماشي الموضوع

[basslover]

العربيه بقالها معايا فتره مخنوقه جدا و كنت منضف كربراتير و غيرت بوجيهات و ابلاتين و كوندنسر و برضه مخنوقه و الجديد انها بقت تنتش جامد كل فتره
و غيرت مساعد استيراد امامى ب 100 جنيه مع انى لقيت الصينى زى ما مزاجنجى قال بس قولت مش مستاهله فجيبته و خصوصا ان الراجل ده انا ضامنه و بتعامل معاه على طول وركبلى بطاحه عشان اللى عندى كانت اتدمرت و حطلى واحده ببلاش عشان مش استيراد و مكانش عنده و اخد مصنعيه 20 جنيه
جربت مرايات الشاهين عليها روحت لواحد قولتله عايز مرايات شاهين قديمه فجابهالى لقيتها اللى قعدتها صغيره اليمين ركبت مرتاحه بس الشمال داخله لجوا ف عليتها ب كرتونه مؤقت كده لغايه ما اعليها بحاجه تانيه

[mazagngi2010]

للافاده
الاضاءه عندى قدام مبقتش زى الاول خالص
اشتريت لمبتين 130/90 ب 40 جنيه بدل الاوسرام اللى كانو راكبين
الصدمه ان وانا بفك اللند كانوا غرقانين تراب ومن وجهه نظرى كان ده السبب :(((( فخدوا بالكوا ونضفوا كشافتكوا كل شويه
فكيت الفوانيس ونضفتها وغسلتهم وركبت اللند الجديده وهجربها النهارده بالليل

[mado83]

للافاده
الاضاءه عندى قدام مبقتش زى الاول خالص
اشتريت لمبتين 130/90 ب 40 جنيه بدل الاوسرام اللى كانو راكبين
الصدمه ان وانا بفك اللند كانوا غرقانين تراب ومن وجهه نظرى كان ده السبب :(((( فخدوا بالكوا ونضفوا كشافتكوا كل شويه
فكيت الفوانيس ونضفتها وغسلتهم وركبت اللند الجديده وهجربها النهارده بالليل

مشكله المازدا مع التراب جوه وبره حاجه تييييييييييييييت
انا بقه عندى متعتى مع العربيه وانا راجع من الغسله وبس خلاص تانى يوم بتكون زى قبل الغسيل بدقايق

[basslover]

فعلا العربيه مبتقعدش ساعه نضيفه دا العربيه من المغسله بتلمع تانى يوم كانك معملتش حاجه

محدش طيب عنده فكره العربيه مخنوقه ليه؟

[mado83]

فعلا العربيه مبتقعدش ساعه نضيفه دا العربيه من المغسله بتلمع تانى يوم كانك معملتش حاجه

محدش طيب عنده فكره العربيه مخنوقه ليه؟

اظبط كهربا وغير فلتر البنزين

[Android]

هي فعلا المازدا بيدخل جواها تراب كتير تراب ناعم اوي
يا اما الكاوتش الى حوالين الباب مش كويس ومش حاكم الغلق كويس وبيدخل تراب او سايبين فتحات التهويه مفتوحه الى في التابلوه ومن عند الدواسات برده ممكن متكونش مقفوله كويس وفيه ورا من على الجنبين فتحتين تهويه في القايم لازم كل ده يتسد عشان ميدخلهاش تراب لما تركنها

انا حاليا بدأت اشد العربية وودتها للسمكرى وبعد العيد دوكو وفرن
اها بالمناسبه مرايات السوزوكى ماروتى بتركب عليها من غير اى تعديل سوى توسيع خرم او اتنين في الباب وبتركب زي الفل انا بصراحه جربت بتاعه الريجاتا وكرهت نفسي
وان شاء الله واحد صحبي هو ليه في الحاجات دي هنحاول نعمل تعديل للمرايات بتاعتها الى هي سوسته بس ونخليها تفتح وتقفل لان فعلا مهما ركبنا مفيش مرايات هتناسبها سواء في الشكل او في مستوى الرؤية الا بتاعتها وده عن تجربه فربنا يسهل وتفلح التجربه
انا بقي نفسي اجبلها حاجيتن اولا الدلايات بتعتها مش موجوده خالص ومحطوطه جدول عند التجار والمستوردين بقالها 6 شهور تقريبا
وثانيا الفبرة البلاستيك الى تجت الديكسون مرة سالت عليها عن واحد اسمه سيد حامد في التوفيقيه وده الوحيد الى لقتها عنده جديده بكام يا سيدي ب 100 ج قلت مش مشكله والحلاوة انه سالني عايز لونها ايه وقالي فيه منها بني واسود وكحلي اللوان التابلوه كلها الى نزلت بيه اديته الفلوس بعت يجبها من المخزن رجع قالي للاسف خلصت كمان اسبوع ممكن تيجي

[basslover]

اظبط كهربا وغير فلتر البنزين

مغير فلتر بنزين و ابلاتين و كوندنسر و بوجيهات بس برضه و اللى زاد كمان انها بقت تنتش جامد و كمان الاسبراتير على اخره و تحسها برضه مخنوقه مش عارف برضه ممكن ده يكون من ايه

[mado83]

مغير فلتر بنزين و ابلاتين و كوندنسر و بوجيهات بس برضه و اللى زاد كمان انها بقت تنتش جامد و كمان الاسبراتير على اخره و تحسها برضه مخنوقه مش عارف برضه ممكن ده يكون من ايه

التنتيش ده من الكهربا يا اما سلوك بوجيهات يا اما موبينه مالهمش تالت