كل ما يخص مازدا 323 موديل 82 (اعطال.قطع غيار.كماليات)

[mazda3231984]

الف الف الف مليون شكر يا باشمهندس احمد

ربنا يكرمك ويقدرنا علي رد جمايلك

انا اكتر حاجة مزعلاني انك بعت المازدا وسبتنا ، شكلنا كده هنلوص من بعدك


يله بقه لينا ربنا

[mazda3231984]

بسكلتة مظبوطة أفضل من بورش تعباك
المازدا كانت عزيزة علي قوي وخاصة إنها كانت مظبوطة جداً وبعتها بعد العمرة بخمس شهور ( مع العلم إن العمرة كانت ناجحة )

انا عيز استشيرك في موضوع لو تكرمت

انا بصراحة المازدا معايا مريحاني ومقضية احتياجاتي بس انا عايز اغيرها واشتري حاجة احدث شوية في حدود 35 الي 40 الف

ايه رايك ابيعها ولا اخليها معايا طالما هيه ماشيه كويس

ولو حبيت ابيعها تعمل كام في الاقات ديه

شكرا

[mazagngi2010]

انا عيز استشيرك في موضوع لو تكرمت

انا بصراحة المازدا معايا مريحاني ومقضية احتياجاتي بس انا عايز اغيرها واشتري حاجة احدث شوية في حدود 35 الي 40 الف

ايه رايك ابيعها ولا اخليها معايا طالما هيه ماشيه كويس

ولو حبيت ابيعها تعمل كام في الاقات ديه

شكرا

نفس التفكير المشكله الكبيره ان مفيهاش تكييف

[agwaa]

الف الف الف مليون شكر يا باشمهندس احمد

ربنا يكرمك ويقدرنا علي رد جمايلك

انا اكتر حاجة مزعلاني انك بعت المازدا وسبتنا ، شكلنا كده هنلوص من بعدك


يله بقه لينا ربنا

حبيبي بعد ربنا طبعاً إللي مع الكل ...
أنا إن شاء الله معاكم حتى لو ركبت بي إم

[mazagngi2010]

حبيبي بعد ربنا طبعاً إللي مع الكل ...
أنا إن شاء الله معاكم حتى لو ركبت بي إم

الخبرا اللى زيك قليلين
بصراحه كنت بفكر نعمل مقابله يارجاله ال 323

[agwaa]

انا عيز استشيرك في موضوع لو تكرمت

انا بصراحة المازدا معايا مريحاني ومقضية احتياجاتي بس انا عايز اغيرها واشتري حاجة احدث شوية في حدود 35 الي 40 الف

ايه رايك ابيعها ولا اخليها معايا طالما هيه ماشيه كويس

ولو حبيت ابيعها تعمل كام في الاقات ديه

شكرا

نصيحة لو المازدا مريحاك ومقضية إحتياجاتك زي ما بتقول يبقى ما فيش داعي من المغامرة ( تأكد إن إللي هتشتريه مهما كانت حالته هتصرف عليه لأن محدش في مصر بيبيع حاجة وهى 100/100 إلا من رحم ربي ) _ طبعاً لأنك أكيد في مصر _ دة غير وش ومصاريف التسجيل ونقل الملكية ....
أما لو معاك فلوس ومحيراك بقى يبقى المبلغ إللي معاك ( 35 -40 ألف ) يركبك إما أكسنت أول الألفين أو تمبرا نهاية التسعينات ..
وخلى بالك موش لازم تغامر بكل جنيه معاك في شراء العربية لأنك محتاج مبلغ للترخيص والتسجيل والصرف على العربية لأنها 100% حتحتاج مصاريف ....

[agwaa]

الخبرا اللى زيك قليلين

الله يكرمك أنا يعني على قدي

[agwaa]

بصراحه كنت بفكر نعمل مقابله يارجاله ال 323

أنا تحت أمرك حدد الميعاد والمكان
أنا كدة أول واحد معاك

[mazda3231984]

سؤال تاني لو سمتحم
انا عارف اني تقلت عليكم بس معلش استحملوني

انا عندي دواسة البنزين بحس انها علي مرحلتين يعني بدوس عادي لغايه ما حس انه بقت تقيله وبعدين تنزل تاني سالت الميكانيكي عن الموضوع ده قالي لان الكاربيراتير له بابين الباب الاول لما يفتح علي الاخر ويبتدي الباب التاني يفتح بتحس بكده في دواسة البنزين

سؤالي 1- هل فعلا الكلام ده مظبوط
2- الباب التاني للكاربيراتير بيبتدي عندي بعد سرعة 110 تقريبا فكده كويس ولا الموتور تعبان
3- في مشكلة لو مشيت بالعربية ودست بنزين علي الاخر بحيس يكون بابين الكاربيراتير مفتوحين علي الاخر ولا الافضل اخليني علي الباب الاول فقط

[agwaa]

سؤال تاني لو سمتحم
انا عارف اني تقلت عليكم بس معلش استحملوني

انا عندي دواسة البنزين بحس انها علي مرحلتين يعني بدوس عادي لغايه ما حس انه بقت تقيله وبعدين تنزل تاني سالت الميكانيكي عن الموضوع ده قالي لان الكاربيراتير له بابين الباب الاول لما يفتح علي الاخر ويبتدي الباب التاني يفتح بتحس بكده في دواسة البنزين

سؤالي 1- هل فعلا الكلام ده مظبوط
2- الباب التاني للكاربيراتير بيبتدي عندي بعد سرعة 110 تقريبا فكده كويس ولا الموتور تعبان
3- في مشكلة لو مشيت بالعربية ودست بنزين علي الاخر بحيس يكون بابين الكاربيراتير مفتوحين علي الاخر ولا الافضل اخليني علي الباب الاول فقط

لأ طبعاً الكلام دة موش مظبوط ...
هو فعلاً الكربراتير له بابين والباب التاني بيفتح بعد سرعة 100 لكن موش معنى كدة أنك تحس بفتحة الباب التاني او حتى بفتحة الباب الأول
أما إللي بتحصل عندك في دواسة البنزين دي إسمها ( عضة ) في الدواسة
والعضة دي كانت بتحصل عندي ( في المازدا طبعاً ) في دواسة الدبرياج وظبطها لي العفشجي
أما دواسة البنزين دي بيظبطها ميكانيكي علشان ليها mechanic system ...
( بالبلدي كدة مجموعة ميكانيكية وحشو وكلام كن دة .. )
بس إنت شوف لك ميكانيكي بيفهم موش ميكانيكي على ما تفرج ..

[mazagngi2010]

http://www.nilemotors.net/Nile/256102-323.html

[mado83]

ادخل وقول رايك

عايز اعرف سعر شبكه اماميه بالفوانيس
لموديل 82
وفوانيس خلفيه
عدد 2 مساع امامى وياريت نوعهم
اسكاترا
2 زجاج كهربا امامى وانزار وسنتر ووحده رفع
يارب حد يقدر يفيدنى

[singary]

انا عايز اشكر كل شباب المازدا الي ادولي امل في العربية دي بعد ما كنت احبطت وده بسبب
اني اشتريت العربية اول امبارح
1- امبارح اتقطم الاسبراتير و احتجت اغيره لانه اتلحم و بعدين باظ تاني
2- العربية لسه معمولها عمرة و الميكانيكي الي معايا بياكدلي ان العربية موتورها كويسه
3- هي العربية للامانه عفشتها كويسة و فراملها كويسه بس المشكلة في موضوع الموتور الي لسه متعمر ده و انا مش قادر ازود عن 80 طبعا العربية خرجت من العمرة قبل ماشتريها بيوم و الميكانيكي ظبطتلي التاكيهات و الموتور بس انا المشكلة خايف اتحرك بيها تقل معايا تاني لان اول مرة بيتها في الشارع و كان معايا العيله و شكلي كان زباله
انا خايف انزل و عايز نصحيتكم اتعامل مع العربية في الوضع الحالي ازاي و مين ميكانيكي او كهربائي كويس في حلوان او المعادي
اسف على الاطاله و يارب تقدروا تفيدوني
لاني مبتدأ و محتاج مسعدتكم

[mazagngi2010]

ان و عايز نصحيتكم اتعامل مع العربية في الوضع الحالي ازاي و مين ميكانيكي او كهربائي كويس في حلوان او المعادي
اسف على الاطاله و يارب تقدروا تفيدوني
لاني مبتدأ و محتاج مسعدتكم

لو عايز ميكانيكى 323 شاطر
شوف احمد قشطه اللى فى الاباجيه -يعتبر جنبك فى المعادى-شاب شاطر وتمام وامين 01222701606

[agwaa]

عايز اعرف سعر شبكه اماميه بالفوانيس
لموديل 82
وفوانيس خلفيه
عدد 2 مساع امامى وياريت نوعهم
اسكاترا
2 زجاج كهربا امامى وانزار وسنتر ووحده رفع
يارب حد يقدر يفيدنى

يا مازداوية ساعدوا أخوكم