كل ما يخص مازدا 323 موديل 82 (اعطال.قطع غيار.كماليات)

[mazagngi2010]

شغال يا مادو مفيش مشكله منا فاهم انه هو رد بس عاوز تفصيل اكتر واعرف لو حبيت اصلاح العيب ده هيكلفنى قد ايه ومتضحكش اوى كده ههههههههههههههه

كبر دماغك وعدى على قشطه تلاقيها حاجه هبله
===================
غيرت النهارده بلى لعجله خلفيه :((
بالمره غيرت زيت قشطه قاللى على ضمانتى وهيعجبك وبتاع وبيقعد 3 الاف كيلو (ناوى اغيره على 2000 كم)

حطيته كاسترول gtx هاى مايلز 20w50 الجركن 4 لتر ب 68 جنيه (فى محطات طاقه ارخص طبعا)
زى الصوره دى بس بالعربى

بعد ماضربت بيه 150 كم
شايف انه زيت ممتاز والمكنه صوتها هدى عن الاول
الحراره عموما عندى مظبوطه الحمد لله بس كانت المروحه بتشتغل فى الزحمه
بالزيت ده اشتغلت بسيط قوى
انصحكم تجربوه

[eng.mostafa323]

بالنسبه للدلايات
عشان اللى بيسال
الطقم كله على بعضه ب 20 او 25 فى التوفقيه

--------------------------------------------

عندى استفسار يا رجاله بخصوص درجة الحراره
العربيه اللى معايا الترموستات اللى كان فيها كان شغال علطول
وجبت واحد جديد
ولاقيت ان المروحه بتخش تقريبا عند النص او اقل حاجه بسيطه
وبتفصل عند فوق الشرطه التانيه
زى الصوره دى



Uploaded with ImageShack.us

ياريت حد يقولى ده كده كويس ولا ايه
ونفسى حد يكون عارف الموتور بتاعنا المفروض درجة الحراره المناسبه كام بالظبط

[eng.mostafa323]

الصوره تانى اهى



Uploaded with ImageShack.us

دى الصورة بتاعة المروحه ساعة ما فصلت

[mazagngi2010]

الترموستات اللى ركبته عالى ولا واطى؟؟
انا مركب واطى 68/82 والدنيا تمام

[bluemagic11]

السلام عليكم

احب ابشركم ان الحمد لله المشكله اللى كانت عندى طلعت فى المارش واتصلحت الحمد لله رب العالمين .

عندى بقى مشكله تانيه .. لما ببقى ماشى بالعربيه على سرعه 80 بيبقى فى رجه فى العربيه وصوت عامل اكنه صوت طياره هليكوبتر جيه من بعيد الصوت ده بيبقى عندى فى الكابينه وعندى رجه فى الدركسيون والكراسى والكنبه بتتهز هما كمان !!!! انا بحس ان الرجه جيه من العجله اللى قدام يمين فده ممكن يكون ايه ؟

علما ان فى فى عفشجى مره قالى ان عندى الجنب اليمين اوطى او اعلى مش فاكر والله من الجنب التانى فهل ده ممكن يكون سبب المشكله ؟

[V!PER]

السلام عليكم

احب ابشركم ان الحمد لله المشكله اللى كانت عندى طلعت فى المارش واتصلحت الحمد لله رب العالمين .

عندى بقى مشكله تانيه .. لما ببقى ماشى بالعربيه على سرعه 80 بيبقى فى رجه فى العربيه وصوت عامل اكنه صوت طياره هليكوبتر جيه من بعيد الصوت ده بيبقى عندى فى الكابينه وعندى رجه فى الدركسيون والكراسى والكنبه بتتهز هما كمان !!!! انا بحس ان الرجه جيه من العجله اللى قدام يمين فده ممكن يكون ايه ؟

علما ان فى فى عفشجى مره قالى ان عندى الجنب اليمين اوطى او اعلى مش فاكر والله من الجنب التانى فهل ده ممكن يكون سبب المشكله ؟

بالنسبة لصوت الرجرجة دي حصلت معايا بس في العجلة الخلفية و غيرت بليتين و الأكس axe بتاع العجلة لأنو كان متاَكل و العجلة كانت هتفك بس ربنا ستر

[mazagngi2010]

السلام عليكم

احب ابشركم ان الحمد لله المشكله اللى كانت عندى طلعت فى المارش واتصلحت الحمد لله رب العالمين .

عندى بقى مشكله تانيه .. لما ببقى ماشى بالعربيه على سرعه 80 بيبقى فى رجه فى العربيه وصوت عامل اكنه صوت طياره هليكوبتر جيه من بعيد الصوت ده بيبقى عندى فى الكابينه وعندى رجه فى الدركسيون والكراسى والكنبه بتتهز هما كمان !!!! انا بحس ان الرجه جيه من العجله اللى قدام يمين فده ممكن يكون ايه ؟

علما ان فى فى عفشجى مره قالى ان عندى الجنب اليمين اوطى او اعلى مش فاكر والله من الجنب التانى فهل ده ممكن يكون سبب المشكله ؟

شوف الزوايا واكشف عن البلى

[eng.mostafa323]

الترموستات اللى ركبته عالى ولا واطى؟؟
انا مركب واطى 68/82 والدنيا تمام

هو نفس الترموستات بتاعها
ومش مكتوب عليه حاجه
جبته من التوفقيه ومفيش منه انواع
اللى انت بتقول عليه ده اكيد بتاع ال 28
صح كده
------------------------
وسؤال
هو كده انا عندى مشكله يعنى كده الحراره تبقى عاليا

[mazagngi2010]

هو نفس الترموستات بتاعها
ومش مكتوب عليه حاجه
جبته من التوفقيه ومفيش منه انواع
اللى انت بتقول عليه ده اكيد بتاع ال 28
صح كده
------------------------
وسؤال
هو كده انا عندى مشكله يعنى كده الحراره تبقى عاليا

اه بتاع 28 ومحطوط فى علبه الراديتير اللى تحت وبيتغير كل 6 شهور ب 22 جنيه
الحراره عندى فى الزحمه ولما العربيه بقول عليها سخنت والمروحه تشتغل بتكون زى الصوره وتفضل شغاله لحد ماتبردها و توصل للشرطه او اوطى من صورتك سنه بسيطه لكن فى الطوالى بتنزل خالص طبعا

[eng.mostafa323]

اه بتاع 28 ومحطوط فى علبه الراديتير اللى تحت وبيتغير كل 6 شهور ب 22 جنيه
الحراره عندى فى الزحمه ولما العربيه بقول عليها سخنت والمروحه تشتغل بتكون زى الصوره وتفضل شغاله لحد ماتبردها و توصل للشرطه او اوطى من صورتك سنه بسيطه لكن فى الطوالى بتنزل خالص طبعا

شكرا يا برنس
يعنى كده تعتبر عندى عاليه
ولا ايه

وهبقى اجرب موضوع ال 28

[mado83]

وممكن كمان تعمل عند خراط وصله للترموستات هتاخد الترموستات الجديد بتاع ال128
وتاخد القديم بتاع المازدا وهو هيعملهولك انا كنت عامله فى مازدتى الله يصبحها بالخير

[eng.mostafa323]

وممكن كمان تعمل عند خراط وصله للترموستات هتاخد الترموستات الجديد بتاع ال128
وتاخد القديم بتاع المازدا وهو هيعملهولك انا كنت عامله فى مازدتى الله يصبحها بالخير

تمام يا مادو
هبقى اشوف الموضوع ده
هيبقى احسن اكييد
وربنا يعطرك فى حاجه احسن
مع ان الواحد زهق
الواحد لسه بيقول يا هادى فى السواقه والعربيات واتخنق من كتر الاعطال
وكمان ما بقاش فى صنايعيه
يلا الحمد لله

[Aeraky]

ياجماعة هى المازدا الهاتش باك موديل 79 ملهاش نصيب فى المنتدى الجميل ده ؟

[vip_ame]

السلام عليكم
انا اخوكم احمد من الاسماعيلية
اشتريت مازدا 323 من اسبوع حالتها ممتازة وصورتها اهى


سعرها 20 الف
ليا كام سؤال
الاول هل السعر مناسب؟
الثانى العربية بتتهز جامد اول ما ادور وهى باردة وبتبطل لو دست بنزين بس وهى سخنه مافيش حاجه من الكلام ده
ده سببه ايه؟
الثالث لما بالف فى الاول الدريكسيون بيكون تقيل بس لو كسرت العجل جامد بحس انه خفيف اوى فى اخر لفة ده فيه ؟

[abdo7000]

السلام عليكم
انا اخوكم احمد من الاسماعيلية
اشتريت مازدا 323 من اسبوع حالتها ممتازة وصورتها اهى


سعرها 20 الف
ليا كام سؤال
الاول هل السعر مناسب؟
الثانى العربية بتتهز جامد اول ما ادور وهى باردة وبتبطل لو دست بنزين بس وهى سخنه مافيش حاجه من الكلام ده
ده سببه ايه؟
الثالث لما بالف فى الاول الدريكسيون بيكون تقيل بس لو كسرت العجل جامد بحس انه خفيف اوى فى اخر لفة ده فيه ؟

السعر حلو جدااااااااااااااااا
في القاهرة الاسعار اغلي بتوصل 22 الف وخمسة وعشرين الف علي حسب الحالة

المشاكل اللي عندك بسيطة
انت محتاج ضبط الكهرباء والاسبراتير والكهرباء
ومحتاج ضبط العفشة من حيث علبة الدريكسيون
وبالتوفيق والف مبروك ليك