كل ما يخص مازدا 323 موديل 82 (اعطال.قطع غيار.كماليات)

[eng.mostafa323]

اشكرك اخى الكريم المهندس / مصطفى
قمت بفك البوجيهات لاقيت اثنان لونهم اسود والاثنان لون رصاصى فاتح قمت بتغير البوجيهات الاربعة صوت الموتور اصبح هادى جدا والتنتيشة واطية جدا ولكن المشكلة موجود وهى العربية بتبطل وهى واقفة حاولت اعلى الموتور بردة نفس النتيجة هل فعلا ممكن يكون الاسبراتير الالكترونى مشطة تعبان

تمام كده
ادام فى بوجيهات لونها اسود (يعنى مهببه )
يبقى كده الحرق فى حاجه غلط
بصراحه ما اقدرش افيدك فى الموضووع الاسبراتير الالكترونى
لانى معنديش خلفيه عنه
طيب جرب تقلل البنزين اللى داخل او لو تعرف تعلى الهواء شويه
والبوجيهات القديمه دى عادى ممكن تشتغل تانى ممكن تنظفها بشوية بنزين وتشتغل
هيا الفكره ان البوجيه لم بيهبب بيبقى الحرق بتاعه مش تمام مره يطلع ومرتين لا
وده اللى بيخلى العربيه تبطل
لازم تعرف سبب ان البوجيه يهبب
عايزه ميكانيكى شاطر وهو هيعرف السبب

[magdywadeh]

تمام كده
ادام فى بوجيهات لونها اسود (يعنى مهببه )
يبقى كده الحرق فى حاجه غلط
بصراحه ما اقدرش افيدك فى الموضووع الاسبراتير الالكترونى
لانى معنديش خلفيه عنه
طيب جرب تقلل البنزين اللى داخل او لو تعرف تعلى الهواء شويه
والبوجيهات القديمه دى عادى ممكن تشتغل تانى ممكن تنظفها بشوية بنزين وتشتغل
هيا الفكره ان البوجيه لم بيهبب بيبقى الحرق بتاعه مش تمام مره يطلع ومرتين لا
وده اللى بيخلى العربيه تبطل
لازم تعرف سبب ان البوجيه يهبب
عايزه ميكانيكى شاطر وهو هيعرف السبب
يا ريت لو تعرف ميكانيكى شاطر اروحلة انا من منطقة عبود شبرا مصر

[V!PER]

اشكرك اخى الكريم المهندس / مصطفى
قمت بفك البوجيهات لاقيت اثنان لونهم اسود والاثنان لون رصاصى فاتح قمت بتغير البوجيهات الاربعة صوت الموتور اصبح هادى جدا والتنتيشة واطية جدا ولكن المشكلة موجود وهى العربية بتبطل وهى واقفة حاولت اعلى الموتور بردة نفس النتيجة هل فعلا ممكن يكون الاسبراتير الالكترونى مشطة تعبان

ممكن اوي يكون مشط الاسبراتير لان عندي كانت بتبطل على السلانسية برضة , فكيت بوجيهات و نضفت كربراتير و بصيت على طلمبة البنزين و غيرت البوبينة و غيرت بيك السلانسية و في الاخر طلع العيب من الاسبراتير (كان الكتروني)

[mado83]

ممكن اوي يكون مشط الاسبراتير لان عندي كانت بتبطل على السلانسية برضة , فكيت بوجيهات و نضفت كربراتير و بصيت على طلمبة البنزين و غيرت البوبينة و غيرت بيك السلانسية و في الاخر طلع العيب من الاسبراتير (كان الكتروني)

العيب من الاسبراتير كله وليس المشط
لان المشط لو باظ العربيه ماتدورش مش تقطع بقه

[mado83]

اعمل ايه بس يا مادو
اصل انا بسال ورنج الاسعار وصل ل 400
وانا هجيب الاربعه مره واحده
فهتبقى قطمة وسط

يا درش ماكلمتنيش ليه طيب
ابعتك لواحد يقسطلك الاربع فرد على اربع شهور وتدفع مقدم تمن فرده واحده
يعنى كل شهر تدفع تمن فرده

[eng.mostafa323]

يا درش ماكلمتنيش ليه طيب
ابعتك لواحد يقسطلك الاربع فرد على اربع شهور وتدفع مقدم تمن فرده واحده
يعنى كل شهر تدفع تمن فرده

انا لسه ما اشترتش
هو فين الراجل ده
ولو فى تليفون اساله على الاسعار
لانى عايز اركب حاجه تكون 185 / 70 / 13

[eng.mostafa323]

العيب من الاسبراتير كله وليس المشط
لان المشط لو باظ العربيه ماتدورش مش تقطع بقه

الله ينور عليك

[eng.mostafa323]

بالنسبه للميكانيكى اللى بتعامل معاه
فى اكتوبر
بس هو غالى شويه
اكيد عندكم فى شبرا كتيير
وممكن تروح لقشطه بيشكروا فيه
او مادو يقولك على حد كويس

[eng.mostafa323]

العيب من الاسبراتير كله وليس المشط
لان المشط لو باظ العربيه ماتدورش مش تقطع بقه

لو تعرف ميكانيكى كويس عندكم فى شبرا
ياريت تقول عشان اللى عنده المشكله دى بيسال

[mado83]

لو تعرف ميكانيكى كويس عندكم فى شبرا
ياريت تقول عشان اللى عنده المشكله دى بيسال

فى ميكانيكى كويس عند منزل كوبرى ابو وافيه ولكنى اميل انه يروح لقشطه علشان لو قشطه هياخد 20ج
اى ميكانيكى تانى هياخد 100 وهيعمل فتحه ونصبه
وموضوعه مش مستاهل
وبالنسبه لموضوع الكاوتش الراجل ده عنده محل صغير بس بيقسط وبياخد حوالى 35ج زياده على الفرده عن سعرها بره (ربا فاحش يعنى) بس الواحد متضطر

[mado83]

انته فين يامزاجانجى من ساعت ماعملت العمليه وانته مابتقعدش قدام الكمبيوتر
لابس النظاره الشمس وعمال تلف فى البلد عندكو ولا ايه

[mazenatef]

انا لسة عامل حادثة ومحتاج شوية حاجات ياريت حد يفيدني في اسعارها واماكن بيعها فانا محتاج (2 اكصدام امامي وخلفي +رفرف+كشاف امامي +رادتير+مقصامامي)ياريت حد يفدني بالاسعار واماكن البيع وربنا يجزيكم خير علي اللي الافادة اللي انا باستفادة منكم

[mado83]

انا لسة عامل حادثة ومحتاج شوية حاجات ياريت حد يفيدني في اسعارها واماكن بيعها فانا محتاج (2 اكصدام امامي وخلفي +رفرف+كشاف امامي +رادتير+مقصامامي)ياريت حد يفدني بالاسعار واماكن البيع وربنا يجزيكم خير علي اللي الافادة اللي انا باستفادة منكم

اولا فى داهيه الفلوس وتغور طالما حضرتك سليم وبألف صحه
والحاجات اللى حضرتك طالبها هتلاقى الرداتير جديد بحوالى 450 او خلى مزاجانجى يجيبهولك ب380 او350 مش فاكر من الزقازيق
الاكصدام هاته استيراد بحوالى 200ج
رفرف بحوالى 150ج وانشالله تلاقيه
الكشاف هاته استيراد او لو الوش بس اللى مكسور غير الوش بس
المقص جديد او استيراد مش هتفرق
وفى حاجه طالما الموضوع وصل للريداتير يبقى الشنب كمان لازم يتغير
يبقى الاحسن تجيبلك ربع امامى عباره عن اكصدام بالريداتير بالشنب بالفانوسين ب1000ج وانته وشطارتك وممكن تجيب كمان الفانوس الواحد
واخيرا بسيطه الحمد لله

[eng.mostafa323]

فى ميكانيكى كويس عند منزل كوبرى ابو وافيه ولكنى اميل انه يروح لقشطه علشان لو قشطه هياخد 20ج
اى ميكانيكى تانى هياخد 100 وهيعمل فتحه ونصبه
وموضوعه مش مستاهل
وبالنسبه لموضوع الكاوتش الراجل ده عنده محل صغير بس بيقسط وبياخد حوالى 35ج زياده على الفرده عن سعرها بره (ربا فاحش يعنى) بس الواحد متضطر

تمام
معاك حق كده
هو يروح لقشطه افضل

وبالنسبه للكاوتش
هو مكانه فين بالظبط ولو فى رقم تليفون عشان اساله على الاسعار وكده

[eng.mostafa323]

انته فين يامزاجانجى من ساعت ماعملت العمليه وانته مابتقعدش قدام الكمبيوتر
لابس النظاره الشمس وعمال تلف فى البلد عندكو ولا ايه

عملية ايه
خير يا على

عموما الف سلامه