كل ما يخص مازدا 323 موديل 82 (اعطال.قطع غيار.كماليات)

[وليد مسلم]

بالنيابه عن مزاجانجى هرد انا
حضرتك هتبقى جاى من صلاح سالم من العباسيه مثلا فى اتجاه الدراسه تفضل ماشى لحد كوبرى السيده عائشه وتدخل من تحته يمين يعنى ماتطلعش الكوبرى
وبعدين تنزل من تحت الكوبرى شمال واكنك راجع تانى وتدخل اول يمين وتمشى شويه لحد ماتلاقى موقف على ايدك اليمين ده موقف الاباجيه بتاع المينى باص تدخل يمين بردو اول فتحه يمين هتلاقى مغسله وقدامها عربيات مازدا كتييييييييير واقفه او مش هتلاقى على حسب ظروفك هتلاقى قشطه فى وش المغسله ودى ارقام تليفوناته 01112734503
01222701606
لو الطريق مش واضح قول

يا عمونا والله انت راجل محترم
والله يبارك لك على العنوان بجد
وانا سعيد بمعرفتك

[mazagngi2010]

اللى يشوفك ويشوف عربيتك وحركاتك فيها ومايشوفش مشاركاتك
بتقوله يمكن يتلم ويتصلح نفسى اشوفك انته بقه بتلم حاجه وماتفتحش فى مصاريفها يابتاع كراسى النوبيرا
مش هتدينى لفه بقه بالالفا

رفقا بصحاب العربيه دى ياعم حرام يتصرف عليها فلوس اكتر من اللازم طالما ممكن تتلم انا اللى كنت بكبر دماغى
عموما الالفا معلمانى الادب وبتخلينى ابوس فى تراب المازدا
لو عايز تاخد لفه هبقى ابلغك وانا رايح او جاى من الزقازيق

[وليد مسلم]

يا جماعه الخير
السلام عليكم ورحمة الله
الحمد لله بعد ما طلع روحى فى رخصة العربيه والجرى فى الورق
لانى اشتريتها رخصتها منتهيه وفيها موتور لسه راكب غير مثبت على الرخصه
والموتور مش بأسمى والراجل سافر اللى اشتريتها منه وبعدين جه ووووووووو...
المهم طلع عينى ولسه مطلع الرخصه اول امبارح
وبعدين كان عندى مشكله ان العربيه بتحدف منى وانا ماشى
ولما بجرى بيها بتعوم منى جداااا ..المهم الميكانيكى كنت عنده لانه كان بيركب لى طقم شمبر
لان العربيه كانت بتدخن وبتاكل زيت ..وبعد ما خلص الميكانيكى قاللى انت لازم تروح لواحد بتاع عفشه
علشان يبوص لك على العربيه ويشوف الحدفه
روحت لواحد بتاع ظبط زوايا وعفشه وقلت له عايز اظبط زوايا علشان العربيه بتحدف منى وبتعوم على الطريق

نزل الباشا تحتها وقاللى ان الشاسيه مشروخ من الجنب الشمال من الامام ولازم تروح تلحمه الاول عند سمكرى وبعدين تييجى لى تانى

انا ما استريحتش لكلامه روحت لواحد تانى كان الميكانيكى دلنى عليه وقاللى كويس
قلت له الموضوع ...نزل تحتها وقاللى طبعا لازم تحدف وتعوم منك لانها عايزه ظبط زوايا من ورا ومن الامام وبعد ما ظبط الزوايا قال لى انها كان فيها فرق 27 درجه
وقال لى ان عدم ظبط الزوايا اتلف فردتين كاوتش ولازم يتغيروا
وقالى ان المساعدين الخلفى عايزين يتغيروا والمقصات الخلفى كذلك

وقولت له على موضوع الشاسيه المشروخ اللى العفشجى الاول قاللى عليه
قال لى ان ما فيش كسر ولا شرخ وان المازدا ال 323 فيها مكان محدد فى الامام شمال ده دائما بيكون مشروخ لانه اضعف مكان فى الشاسيه لكن عندى ما فيش حاجه

المهم ايه رأيكم يا رجاله فى الموضوع ده

[mado83]

انته شارى العربيه دى بكام يا وليد

[وليد مسلم]

انته شارى العربيه دى بكام يا وليد

بوص انا شاريها ب 18000
واول وا اشتريتها ركبت لها بطاريه جديده
وفوانيسيها كانت معدومه العافيه اشتريت من شارع بور سعيد فانوسين امامى كاملين وفانوس خلفى وماكينه مارشدين و زراع اشاره ومساحات كامل زموتور مساحات لان الموتور كان محروق
وبعدين غيرت ضفيرة العربيه كامله وجبت الضفيره من الوكاله والموضوع ده كلفنى بالمصنعيه 1000 الف جنيه
وبعدين غيرت شمبر
والموضوع ده كلفنى عند الميكانيكى بالمصنعيه 950 جنيه

[mado83]

بوص انا شاريها ب 18000
واول وا اشتريتها ركبت لها بطاريه جديده
وفوانيسيها كانت معدومه العافيه اشتريت من شارع بور سعيد فانوسين امامى كاملين وفانوس خلفى وماكينه مارشدين و زراع اشاره ومساحات كامل زموتور مساحات لان الموتور كان محروق
وبعدين غيرت ضفيرة العربيه كامله وجبت الضفيره من الوكاله والموضوع ده كلفنى بالمصنعيه 1000 الف جنيه
وبعدين غيرت شمبر
والموضوع ده كلفنى عند الميكانيكى بالمصنعيه 950 جنيه

قدر الله ماشاء فعل
ساكن فين بقه قولى لو قريب من شبرا تعالى نتقابل ونلف لفه مع بعض علشان نشوف الموضوع هيستاهل المصاريف اللى جايه ولا لا

[وليد مسلم]

قدر الله ماشاء فعل
ساكن فين بقه قولى لو قريب من شبرا تعالى نتقابل ونلف لفه مع بعض علشان نشوف الموضوع هيستاهل المصاريف اللى جايه ولا لا

انا يا مادو ساكن فى اكتوبر
لكن احاول نتواصل مع بعض
لكن المهم قوللى
انت ايه رأيك فى كول اللى انا ذكرته
من ناحيه العفشه وظبط الزوايا
الى موضوع السعر واللى انا صرفته عليها
لانى انا اول مره اشترى عربيه..ومن الاخر ما عنديش خلفيه واتعلمت فيها السواقه كمان

[ahmed legend]

روحت لقشطة وغيرلى الكربراتير والحمد لله دلوقتى العربية كويسة وكان فى مساعد يمين عندى خفيف برضة وغيرتة ب 150 جنيه والحمد لله ظبطلى العربية والمكنة صوتها هادى وكانت بتنتش فغيرلى سلك البوجيهات ببلاش من عندة وان شاء الله هروح لقشطة علطول قشطة انسان محترم ومؤدب جدا

[mado83]

انا يا مادو ساكن فى اكتوبر
لكن احاول نتواصل مع بعض
لكن المهم قوللى
انت ايه رأيك فى كول اللى انا ذكرته
من ناحيه العفشه وظبط الزوايا
الى موضوع السعر واللى انا صرفته عليها
لانى انا اول مره اشترى عربيه..ومن الاخر ما عنديش خلفيه واتعلمت فيها السواقه كمان

سيبك من الاسعار علشان ماتضايقكش
ولكن اهم حاجه فى العربيه عندك ان الاساسيات تكون سليمه
ونصيحتى ليك كالاتى
اظبط زوايا عند مكان محترم وخليه يكشفلك على العفشه
والمساعدين لو هتغيرها هات ال kybامامى والصينى خلفى
والكاوتش هاتلك فردتين مستعملين نضاف بحوالى 200ج
واستهدى بالله على العمايل لانك لو فتحتلها مش هتلاحق عليها وكده انته لحد دلوقتى واقفه عليك بأكتر من 21500
ولسه عاوزه تانى فماتصرفش كتير واتعلم فيها وسربها بدرى بدرى لما تتعلم وتدقدق كده عليها وهاتلك حاجه تانيه تكون نظيفه شويه

[وليد مسلم]

سيبك من الاسعار علشان ماتضايقكش
ولكن اهم حاجه فى العربيه عندك ان الاساسيات تكون سليمه
ونصيحتى ليك كالاتى
اظبط زوايا عند مكان محترم وخليه يكشفلك على العفشه
والمساعدين لو هتغيرها هات ال kybامامى والصينى خلفى
والكاوتش هاتلك فردتين مستعملين نضاف بحوالى 200ج
واستهدى بالله على العمايل لانك لو فتحتلها مش هتلاحق عليها وكده انته لحد دلوقتى واقفه عليك بأكتر من 21500
ولسه عاوزه تانى فماتصرفش كتير واتعلم فيها وسربها بدرى بدرى لما تتعلم وتدقدق كده عليها وهاتلك حاجه تانيه تكون نظيفه شويه

والله يا اخى عندك حق
طيب المساعدين اجيب جديد ولا استيراد
والكاوتش انا اول مره اعرف ان فيه مستعمل
ولو مستعمل نضيف زى ما انت بتقول يبقى منين

دى حاجه
الحاجه التانيه .. ممكن اصبر على المساعدين والمقصات فى تركيبهم من غير ما يحصل مشكله
وعموما انا استخدامى ليها لحد دلوقتى خفيف جدااا

انا عايزك تنصحنى وتوسع صدرك معايا يا اخى الله يبارك لك
يعنى من الاخر اتبنانى

[mado83]

والله يا اخى عندك حق
طيب المساعدين اجيب جديد ولا استيراد
والكاوتش انا اول مره اعرف ان فيه مستعمل
ولو مستعمل نضيف زى ما انت بتقول يبقى منين

دى حاجه
الحاجه التانيه .. ممكن اصبر على المساعدين والمقصات فى تركيبهم من غير ما يحصل مشكله
وعموما انا استخدامى ليها لحد دلوقتى خفيف جدااا

انا عايزك تنصحنى وتوسع صدرك معايا يا اخى الله يبارك لك
يعنى من الاخر اتبنانى :f_eyeb1[1]:

بلاش موضوع التبنى ده
كد تليفونى اهو 01066656574 لو فى اى حاجه كلمنى وماتقولش انك ممكن تضايقنى دى تانى يارب بس نقدر نفيد بعض
المساعدين الصينى دى جديده
وممكن تستنى على المقصات والمساعدين مش هيجرى حاجه
والكاوتش فى ناس متخصصه بتيع كاوتش مستعمل نضيف

[وليد مسلم]

بلاش موضوع التبنى ده
كد تليفونى اهو 01066656574 لو فى اى حاجه كلمنى وماتقولش انك ممكن تضايقنى دى تانى يارب بس نقدر نفيد بعض
المساعدين الصينى دى جديده
وممكن تستنى على المقصات والمساعدين مش هيجرى حاجه
والكاوتش فى ناس متخصصه بتيع كاوتش مستعمل نضيف

الله يبارك لك يا حبيب قلبى
انت فتحت نفسى
انا النهارده ان شاء الله رايح الوكاله اشترى عداد بدل العداد البايظ اللى عندى
مش عايز من هناك حاجه ؟؟؟

[mado83]

الله يبارك لك يا حبيب قلبى
انت فتحت نفسى
انا النهارده ان شاء الله رايح الوكاله اشترى عداد بدل العداد البايظ اللى عندى
مش عايز من هناك حاجه ؟؟؟

ربنا يخليك

[mazenatef]

قبا عرفنا ثمن العداد كام يا نجم علاشان انا عايز واحد

[mazenatef]

هو سعر الضفير ة كام