كل ما يخص مازدا 323 موديل 82 (اعطال.قطع غيار.كماليات)

[eng.mostafa323]

الحاجات دى معروضه للبيع واغلبها حاجات للمازدا

http://www.nilemotors.net/Nile/394032-3232.html

http://www.nilemotors.net/Nile/393998-spy-5000m.html#post3875323141

[maheralsisi]

هو ليه كده ؟

ليه كده ؟
طبعا انا عضو جديد و المفروض اول مشاركة ماتبقاش كئيبة كده بس انعدام الضمير يخنق فعلا
لسة امبارح جايب من السوق مازدا 323 و كان معايا واحد المفروض انه بيفهم فى العربيات
و نزلنا و قعدنا نلف و تتفرج لحد ما اقنعنى بالعربية دى جبتها ب 22 الف
و قالى انى مش هاصرف جنيه . طبعا ده سعر عربية و اقفة جدا بالنسبة لسنة الموديل
و انا راجع لقيت العربية بتعوم قلت مش مهم ضبط زوايا
شوية لقيت العربية قطعت كهربا و مش راضية تدور انزل على الكإربائى فى شبرا . موبينة و مارش قاطعين و لازم يتغيروا عشان فيه حاجة مش عارف اسمها فى قلب المارش اتاكلت و مش بتوصل
نصحنى اركب بتاع الشاهين عشان القلب ده فى الشاهين بيتغير لكن فى المازدا لا
صممت انى اجيبه بتاع العربية الاصلى جبته استيراد ب 250 جنيه
الانوار بتعلق ظبطها
الموبينة قاطعة غيرها خلصنا
اطلع النهاردة على بتاع ظبط تلزوايا عشان العومان
المقصات هاتتغير بالجلب
الكوبلن الداخلى القصير هايتغير بس بيقولى ان الاتنين بييجوا مع بعض
علبة الدريكسيون يا تتغير يا تتظبط
طبعا الكلام ده عادى فى اى عربية بس ع الاقل ما كنتش جبتها بالسعر ده
و انا دلوقتى قاعد مش عارف اعمل ايه و لا اجيب الحاجة دى منين و لا سعرها كام
و باسأل نفسي هو ضمير الناس راح فين ؟

[maheralsisi]

سؤال لمالكى 323

هى الكاتينة جنزير فعلا ؟
و عاوز اعرف عناوين و ارقام محلات قطع الغيار
و ميكانيكى شاطر و يا ريت فى الوراق او قريب منها امبابة شبرا مصر ماشى
اكون شاكر ليكم جدا

[eng.mostafa323]

اتفضل يا باشا
خش هنا

https://www.facebook.com/groups/253128024771572/

[elsheikhawy]

يا اخ ماهر انا معايا مازدا 323 بقالها 5 سنين وكنت بزهق منها زيك كده بس انت واضح انه اضحك عليك فيها بس مش مهم الحمد لله على كل شيئ انا اعرف واحد ميكانيكى وعفشجى بتاع مازدا بس وشيخ الصنايعية فى مازدا323 وباسعار خياليه وبامانه هيحببك فى المازدا اسمه بلبل مازدا فى السيده عائشه او بالظبط فى القلعه بجوار دار المحفوظات انت انزل السيده عيشه وقول عايز بلبل مازدا هو راجل كبير بس صنايعى جدا وعنده ضمير ونادر دلوقتى لما تلاقى حد عنده ضمير بس طالب من حضرتك خدمه ماتعرفش حد عنده قطع غيار الاقى عنده شنب كبوت بتاع العربية موديل 82

[elsheikhawy]

ارجوكم يا جماعه حد يساعدنى انا بقالى شهر بشد العربيه مازدا 323 موديل 82 وبدور على الشنب الصاج بتاع الكبوت اللى هو فوق الفوانيس ومش لاقيه جديد ولا مستعمل يا ريت لو حد عنده وعايز يبيعه او يدلنى الاقيه عند اى حد انا جبت كل حاجه وواقف على الشنب ده وده رقمى 01129098374

[ahmad elhenaw]

ياااااااه موديل 82 ؟!!!

[momsam]

يا حماعة عندى مشكلة فى تركيب كاسيت دابل فى مازدا 323
لينك الموضوع هنا يا ريت الاقى حل عندكم

http://www.nilemotors.net/Nile/398255-dpx-u5130.html

[yaaly2005]

السلام عليكم .. أنا عاوز اسأل ايه الموتور اللى ينفع اسقطه فى عربيه مازدا 323 موديل 80 علما انى أعرف ان مازدا 323 نزل منها موديلات لغاية عام 2003 بس بانجيكشن طبعا و تكييف و باور فهل ممكن الاقى موتور زى ده و لو لاقيته هل قواعد موديل 80 حتبقى زى 2003 و لو مش هى ايه احدث موتور ممكن ينفع مع العربيه دى و سعره حيبقى فى حدود كام؟ .. علما ان السعه مش مهم يعنى ممكن 1300 زى الموتور الحالى او 1500 او حتى 1600 و شكرا جزيلا لكم

[مستر العوضى]

عاوز قربة مية اجيبهة منين؟

[mahmo0d]

بالله عليكم بالله عليكم جميعا انا عندى مشكله فى المازاد الخرطوم اللى جى من الكاربرتير ريح على وش التاكيهات جنب الغطاء بيجيب زيت كتير واقسم بالله اقسم بالله دورت عليه فى 17 محل فى حلوان مش لقيه ولاعند ابراهيم نصار ارجوكم اتوسل اليكم اجيب الخرطوم منين او الكوتشه بتعت الخرطوم بالله عليكم الرد باسرع وقت بالله عليكم

[elsheikhawy]

هتلاقى الخرطوم عند واحد ميكانيكى بتاع مازدا اسمه بلبل مازدا فى السيده عائشه بجوار القلع ودار المحفوظات وده لينك بتاع صفحه للمازدا 323 على الفيس عشان لو احتاجت حاجه تانية https://www.facebook.com/groups/253128024771572/

[مستر العوضى]

عاوز كبالن للعربية الكبلن الشمال بيتقطق فى الملفات

اجيبها منين

واية الافضل الاستعمال ولا الجديد واية الاسعار

وكمان عندى مشكلة (عند المطبات بسمع صوت رنة زى الطبلة على اليمين فوق الكوتش الخلفى)

وعاوز قربة مية

انا من كفر صقر شرقية

ارجو الافادة من اهل الخبرة

[وليد مسلم]

عاوز كبالن للعربية الكبلن الشمال بيتقطق فى الملفات

اجيبها منين

واية الافضل الاستعمال ولا الجديد واية الاسعار

وكمان عندى مشكلة (عند المطبات بسمع صوت رنة زى الطبلة على اليمين فوق الكوتش الخلفى)

وعاوز قربة مية

انا من كفر صقر شرقية

ارجو الافادة من اهل الخبرة

لا طبعا تجيب كوبلن جديد
عموما
انا لسه شارى من اسبوعين جوز كوبلن للعربيه ب 220 جنيه
يعنى الفرد ب 110
وده تايوانى
وكويس

[jazzar]

أنا الحمد لله جبت ٣٢٣ موديل ٨٢