كل ما يخص مازدا 323 موديل 82 (اعطال.قطع غيار.كماليات)

[jazzar]

ظبط الفرامل وركبت طقم جلد ب٤٥ جنيه , وطقم جلد للعجل الخلفى ب ٢٠ جنيه , وعلبة زيت ب ١٥ جنية
,40 مصنعية + وروحت أنضف الكربراتير عند الشيخ سعد والشيخ خالد فى شارع التروللى خلف جامع خامس الخلفاء الراشدين وده رقمه٠١٠٠٨٩٣٧٨٩٢ عمل شغل بضمير وغير الابرة وظبطه ظبطه تمام من الاخر وأخد ١٢٠ جنيه بس يستاهل
ثم روحت للكهربائى لانى إشتريت لمبة ستوب بسرية من التوفيقية وشريط ليدات للشنطه وسرينه للكلكس وأخد مصنعية ٣٠ جنية , بس عايز أسأل ؟ العربيه بترجرج لما باجى أدور ومش بتدور عالطول مش عارف من إيه ?

[أبو ياسمين]

السلام عليكم ورحمة الله وبركاته :عربيتي مازدا 323 موديل 83
عندي سؤال يا مزداوية دراع النور بايظ عندي وسألت وعرفت ان التيواني منه ب165 جنيه وبيبوظ بسرعة حسب ما قرأت في النت المهم هل يوجد بديل للدراع بمعنى هل يمكن تركيب دراع نور لموديل تاني ونركبه في المازدا يعني بتاع فيات أو أي موديل تااااااااني ؟??????اعتقد ان فكرة شراء دراع استيراد مش سليمة يعني هاتشتري دراع استيراد بقاله 32 سنة شغال وانت وحظك ممكن يكون شغال وبعد شهر ترجع المشكلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا ابحث عن توفيق او تعديل لدراع نور لموديل حديث الانتاج يعني تشتريه وانت مطمئن انه حديث الانتاج وتركبه وتنسااااااااااااااه في انتظار خبراتكم وأراءكم حول البحث عن تعديل أو بديل لدراع النور من الموديلات الحديثة

[أبو ياسمين]

السلام عليكم يا مزداوية أخباركم ايه ؟
مفيش حد عنده خبرة او تجربة لتركيب دراع نور تاني أو تعديله ؟ أنا اعتقدت انى ألاقي الرد اسرع أحسن انا قربت أبيع العربية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[mazagngi2010]

دراع تايوانى جديد

[أبو ياسمين]

السلام عليكم شكرا يا استاذ مزاجنجى لاهتماممك وآسف للتأخير بس في الحقيقة أنا مش مقتنع بالدراع التيواني وخصوصا بعد لما قرأت عنه في المنتدي انه بيبوظ بعد فترة قصيرة أنا عاوز أشوف دراع لأي موديل تاني وينفع يتوفق أو يتعدل مع عربيتنا العزيزة وأجيبه أصلي يعني ياباني أو كوري أو أي ماركة اصلية تاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أبو ياسمين]

صباح الخير يامزداوية
لسة في انتظاااااااااااااااااااااااااااااااااااااااااااااا اااااااااااااااااااااااار الردود

[وليد مسلم]

صباح الخير يامزداوية
لسة في انتظاااااااااااااااااااااااااااااااااااااااااااااا اااااااااااااااااااااااار الردود

حبيبى ابو ياسمين
السلام عليكم
شوف
انا هاقولك على تجربتى
كان عندى فى عربيتى زراع المساحات مكسور
فطبعا كان لازم اشترى زراع كامل ..يعنى مساحات ونور
وبالفعل اشتريت زراع كامل تايوانى من شارع بور سعيد
وخليت الكهربائى يشيل القديم ويركب الجديد
اول ما ركبه واخدت العربيه ومشيت بيها حوالى 200 متر تقريبا لقيت فيه دخان خارج من ورا الدركسيون
انا ساعتها اتلبخت جدااا ولبست فى عربيه كانت راكنه على جنب
عموما انا صلحتها لصاحبها على حسابى لانى انا الغلطان
روحت للكهربائى وفك الزراع الجديد ولقاه سايح من جوه ( يعنى القلب البلاستيك لقاه سايح )
انا كنت مندهش جداااا لاننا لسه مركبينه
الكهربائى قاللى لان الحاجات دى تعبانه جدااااااااااااااا

وراح الكهربائى عمل لى حاجه حلوه
شال قلب الزراع القديم الاصلى بتاعى وركبه فى الجديد التايوانى
واتحلت المشكله

يا ريت تنزل على الوكاله وتجيب لك زراع استيراد احسن بكتيييييييييييير

[ناصر مازدا]

ظبط الفرامل وركبت طقم جلد ب٤٥ جنيه , وطقم جلد للعجل الخلفى ب ٢٠ جنيه , وعلبة زيت ب ١٥ جنية
,40 مصنعية + وروحت أنضف الكربراتير عند الشيخ سعد والشيخ خالد فى شارع التروللى خلف جامع خامس الخلفاء الراشدين وده رقمه٠١٠٠٨٩٣٧٨٩٢ عمل شغل بضمير وغير الابرة وظبطه ظبطه تمام من الاخر وأخد ١٢٠ جنيه بس يستاهل
ثم روحت للكهربائى لانى إشتريت لمبة ستوب بسرية من التوفيقية وشريط ليدات للشنطه وسرينه للكلكس وأخد مصنعية ٣٠ جنية , بس عايز أسأل ؟ العربيه بترجرج لما باجى أدور ومش بتدور عالطول مش عارف من إيه ?

لو بترجرج و انت ماشي او واقف طول الوقت يبقى تبص على البوجيهات اما لو الرجرجة مؤقته و بتخف بعد كده يبقى بسرعة بص على الاسبراتير عند اي ميكانيكي و احتمال يكون مأخر كهرباء و الدوارة ممكن تتكون لنفس السبب او الابلاتين يكون مفتوح

[أبو ياسمين]

السلام عليكم
شكرا جزيلا يا أستاذ وليد لاهتمامك بالرد ونقل تجربتك وما حدث لك هو ما قلته وقرأته كثيرا عن ذراع النور التيواني ولذلك كنت أسأل عن إمكانية توليف أو تعديل لأي دراع نور لموديل آخر حتى يتم التغلب على هذه المشكلة الموجودة في عربيتنا العزيزة
أما شراء ذراع استيراد فكما قلت هذا الحل قد يكون حلا مؤقتا لأنك ستشتري ذراع منتج من ثلالثين سنة وسوف تجده نادرا وبحالة متوسطة وبدون أي ضمان من البائع
وهذا ما سأفعله مؤقتا
ولكني سأظل أبحث عن أي تعديل مقنع وسهل التنفيذ
في انتظااااااااااااااااار خبراتكم ومناقشاتكم المفيدة يا مزداااااااااااااااااااااااااااااااااااااااااااوية
شكرا

[أبو ياسمين]

صبااااااااااااااااااااااااااااح الخييييييييييييييييييييييييييييييييييير يا مزداوية
أخبرني أحد الأصدقاء بأنه يمكن تركيب دراع نور بتاع كيا برايد بديلا لدراع نور مازدا
ما هو رأي خبراء المازدا

[أبو ياسمين]

السلام عليكم
ايييييييييييييييييييييييه يا شباب
الظاهر اني اشتركت في النتدي بعد لما شطب والنااااااااااااااااااااس روحت ولا ايه ؟؟؟؟؟؟؟؟؟؟؟؟؟؟؟؟؟؟
ولا يمكن بيتقابلوا في مكااااااااااااااان تااااااااااااااااني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صباااااااااااااااااااااااااااااااااااااااااااح الفل على الكل

[وليد حامد]

السلام عليكم جميعا
انا لسه جايب مازدا323 وبصراحة انا ارتحت جدا ليها بس فيها شوية شغل بوية وسمكرة بس عملت العفشة بس انا حبيت العربية دى وناوى ان شاء الله اخليها مش هفرت فيها وسعيد جدا بكل المعلومات دى ودعواتى بالتوفيق للجميع

[ابوسلمى]

السلام عليكم ورحمة الله وبركاته

بصراحة الموضوع عجبني جدآ وكل الشكر والتقدير للمنتدى الممتاز ولاعضائه المحترمين

في الحقيقه بعد مراجعتي للصفحة

http://www.nilemotors.net/Nile/93075-323-82-a-108.html

بخصوص موضوع التبريد لفت انتباهي شيء وخايف يكون فيه مشكله ,,

انا اشتريت عربية مازدا 323 موديل 82
ماتور 1300 سي سي

ولسه بقالها معايا يوم بظبط
لقيت جزء ملغي فيها ووضحتو في الصوره التاليه :


هل دهل يأثر معايا في الصيف حراره تعلى او شيء من هذا القبيل ؟

وهل له تأثير على عمر الماتور

ارجو الافاده وجزاكم الله كل خير

[احمد جمال عبده]

السلام عليكم

انا عندى مازدا 323 مو 82 ياباشا وادىاللينك بتاعها لو عايز تتفرج على الصور

أتفضل هنا

[احمد جمال عبده]

يا جماعة سعر اسكترا استيراد مازدا 323 بكام ومنين