If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
كل ما يخص مازدا 323 موديل 82 (اعطال.قطع غيار.كماليات)
مختلف معاك يامادو فى شويه حاجات
انا من النوع اللى بيحب يغير زيت على طول ومسيبوش فى العربيه كتير علشان ظروف الحر والجو الغريب بتاعنا غير طبعا ان العربيه بتقضى ربع الوقت واقفه فى الزحمه والاشارات لو عربيه جديد اسيب الزيت براحته 10 الاف كيلو
انا بحط كالتكس رخيص وبغيره كل 1000 كم
كميه الزيت انت مزودها شويه
بالنسبه لى
بالفلتر 3 لتر ونص ومن غيره 3لتر
المهم انك لما تعمل حاجه فى العربيه تقولنا عليها علشان ممكن احنا كمان نتعلم منك ونعمل زيك
لو حاجه بسيطه بالنسبالك ممكن تكون حاجه كبيره بالنسبه لواحد تانى
المهم انك لما تعمل حاجه فى العربيه تقولنا عليها علشان ممكن احنا كمان نتعلم منك ونعمل زيك
لو حاجه بسيطه بالنسبالك ممكن تكون حاجه كبيره بالنسبه لواحد تانى
ان شاء الله اى حاجة هعملها فى العربية هحكيها ليكم باذن الله
حتى تعم الفائدة
1- اعرف منين فلتر الهواء -- الزيت -- البنزين محتاج يغير ؟؟ فلتر الهوا لو فكيت العمه الزرقا اللى فوق الكربراتير هتلاقى فلت الهوا بص عليه لو لقيته متوسخ جامد وضايع يبقى يتغير ب20ج فلتر الزيت والزيت لازم تغيرهم لو لسه شارى العربيه علشان اللى قبلك مستحيل يكون كان لسه مغيرهم وهتلاقى الزيت لونه اسود داكن وخفيف لو مسكته بأيدك عامل زى الميه فلتر البزين نفس القصه هتلاقيه مسود كده من كتر الوساخه اللى فيه ب5ج
2- فية حاجة من دول ممكن اغيرة بنفسى و ازاى ؟؟ فلتر الهوا وفلتر البنزين
3- اعرف منين الكربداتير محتاج ينظف ؟؟ من مشى العربيه لو لقيتها بتقطع
4- ازاى انظفة بنفسى (( يا سلام بقة لو فية صور :) )) مش هتعرف لازم ميكانيكى
5- سنتر لوك تركيبو بيكلف كام ؟؟ مش اكتر من 50ج اعرف كهربائى ممتاز لو حابب وماعتقدش انه ممكن ياخد ال30ج حته
6- وش نظافة بتكلف كام ؟؟ من 300ج الى 1200ج بدون سمكره
7- نور العربية العالى ضعيف ,, دة العادى و لا فية مشكلة ؟؟ خلى الكهرابئى يشوفلك اللمبات ممكن تكون هيا اللى ضعيفه او الكتاوت بتودع
بس كدة :)
بس كده لو لسه شارى العربيه جديد يبقى لازم تغير فلتر (هوا وزيت وبنزين) بوجيهات وسير دينامو وابلاتين وكوندنسر تغيير ويت وتشيك على زيت الفيتيس مهم جدا وظبط زوايا
بص يا مادو المشكله دى مالهاش دعوه بغطا الماتور انت هتغير جوان بتاع التاكيهات وتغير جوان تانى بس مش فاكر اسمه الميكانيكى ال هيظبط ده ده لو قصدك على غطا الموتور الى بنحط منه الزيت وبالنسبه لمزجانجى لو عاوز الحليه النيكل الى على الازاز الى قدام فى واحد صاحبى عنده طقم زياده كامل الاربعه ممكن يبيعه بسعر رخيص وكل عام وانتم بخير
ايون انا اقصد الغطا الاسود اللى بنحط منه الزيت
اما جوان غطا التاكيهات جديد ومحطوطله سليكون وقشطه اللى قالى على غطا الزيت هو اللى محتاج يتغير وكمان الزيت جاى من ناحيته فوق مش من عند جوان التاكيهات
فلو حد يعرف اشتريه من اين ياريت يقولى
طيب يا مادوا فلتر البنزين فين ؟
و زيت الفتيس دة لية مقياس زى زيت الموتور و فين ؟؟
فلتر البنزين اول ماتفتح الكبود هتلاقيه فى وشك جنب الاسبراتير حاجه بلاستيك كده صغيره واصل بين خرطوم جاى من تحت العربيه من التانك وموصل لطلمبه البنزين فك المسمارين اللى حوالين الخرطوم وركب الجديد وقرط على المسامير تانى سهله زيت الفتيس مالوش مقياس لازم تروح محطه او عند بتاع زيوت وقولى اكشفلى عليه او زوده هو بيتزود لحد الاخر من اين بقه يتزود البيبه بتاعته هتلاقيها واخده من سلك السرعه الى جسم العربيه هيفك الصاموله الصغيره ويرفعها ويزود ويركب تانى
Comment