لأى استفسار عن المازدا 2010و2009(اسعار،مواصفات،قطع غيار)

[mazdamazda]

فى البداية كل سنة وانتم طيب رغم انها جت متأخر شوية بمناسبة شهر رمضان.

المرة دى موضوعنا عن المازدا بصفة عامة :

انا دخلت على اكتر من موقع للسيارات وعملت استفتاء عن انطباعات الجمهور عن سيارة المازدا لقيت ناس كتير

جداً عاجباها العربية و لقيت ناس كتير برده خايفة تشتريها .

الناس اللى عاجباها العربية قالت:ان احلى ما فى المازدا الموتور والشكل اللى بيميزها عن باقى السيارات.
أما الناس اللى خايفة تشتريها فقالت:ان المازدا مالهاش وكيل فى مصر وبالتالى فبالصعب اننا نشتريها.

وهو ده فعلا انطباع 99% من الناس عن السيارة دى.

بــــــــــــــــــــــــس الكلام ده اختلف تماماً وده بعد وجود اكثرمن مستورد للسيارة واشهرهم طبعاً كلنا عارفين سونستا موتورز اللى عند شارع الطيران اللى فى مدينة نصر .ده بفضل الضمان اللى هى بتديه للسيارة وهو 3 سنوات او 120000كم وده تقريبا صعب انك تلاقه ومش كده وبس دول ليهم اكتر من 3 مراكز صاينة فى مناطق معروفة جدا.

انا شغال فى المعرض ده و على فكرة انا مش بعمل اعلان لينا لأن طبعا اى واحد دلوقتى عارف ان سونستا هى المستورد الرئيسى ليها .
انا بعمل التوبيك ده علشان اقول للناس اللى هى خايفة تشترى العربية دى لأ ماتخافوش مازدا مابقيتش زى الأول فى قطع غيارها.بالعكس جميع قطع غيارها دلوقتى متوفرة.
وأى حد ليه أى استفسار عن العربية دى أو عن قطع الغيار مش هاديلكم لا رقم تليفون المعرض ولا رقم تليفونى انا هاكلمكم من على الموقع ده لأن ادارة الموقع منبهة على كده وطبعاً لازم احترم رغبتهم.

وانتظروا كماليات واسعار المازدا 3 2009و 2010الشكل الجديد.
مـــصــــطـــــفى سرور

[bedo13]

مشكور جدا يا استاذ مصطفى بس اسعار قطع الغيار بتكون لكل الناس بنفس السعر حتى لو مش عندكو؟
وممكن عناوين مراكز الصيانة و لو عربيتي مواصفات اوروبي ممكن ادخلها عندكو ولا لأ و هتبقى أغلى؟
ورمضان كريم

[mazdamazda]

2009 (mazda3 s manual)
_____________________

الكماليات: سنتر ، باور ، تكييف ، زجاج كهرباء، مرايات كهرباء،كاسيت،cd mp3 , ايرباج2 ،فراملabs،فراملebd.
السعر:حاليا بـ121000 جنيه وده بعد زيادة اسعار السيارات اليابنية وازدياد قيمة الجمرك.
الضمان:3 سنوات أو 120000 كم.
__________________________________________________ _____________________________________________

mazda3 s automatic) 2009)
_______________________
الكماليات:سنتر ، باور ، تكييف ، زجاج كهرباء، مرايات كهرباء،كاسيت،cd mp3 , ايرباج2 ،فراملabs،فراملebd،فتيس تيترونك.
السعر:133000 جنيه.
الضمان:3 سنوات أو 120000 كم.
__________________________________________________ _____________________________________________
2009 (mazda3 v.sport)
____________________
الكماليات:سنتر ، باور ، تكييف تاتش ، زجاج كهرباء، مرايات كهرباء،كاسيت،cd mp3 , ايرباج2 ،فراملabs،فراملebd،فتيس تيترونك،فتحة سقف،فوانيش شبورة،فوانيش زينون،حساسات نور،حساسات مطر،مفتاح بصمة،سبويلر،جنوط سبور ً16 ،طارة مالتى فانكشن،عتب نيكل،طارة وفتيس جلد، فرش اسود أو بيج،نور فى الشماسات.
السعر:145000جنيه.
الضمان:3سنوات أو 120000كم.
__________________________________________________ _____________________________________________
__________________________________________________ _____________________________________________


_______________________________________mazda3 2010________________________________

( mazda3 s 2010)
________________
الكماليات: سنتر ، باور ، تكييف ، زجاج كهرباء، مرايات كهرباء،cd mp3 , ايرباج2 ،فتيس تبترونيك،فرش اسود أو بيج.
السعر:155000جنيه.
الضمان:3سنوات أو 120000كم.
__________________________________________________ _____________________________________________
الكماليات:سنتر ،باور،تكييف،زجاج كهرباء،مرايات كهرباء،cd mp3، ايرباج2،فتيس تبترونيك،فراملabs،فراملebd،فتحة سقف،جنوط سبور16ً، فوانيس زينون،حساس نور ، حساس مطر،فوانيس شبورة،مالتى فانكشن،مثبت سرعة ،سبويلر ،عتب نيكل،طارة وفتيس جلد،شاشتين،وصلةaux.
السعر:170000جنيه.
الضمان:3سنوات أو 120000كم.
__________________________________________________ _______________________________

[mazdamazda]

هو للاسف يا استاذ bedoالمازدا المواصفة الاوروبى مالهاش اى قطع غيار لان العربية دى غير مناسبة لمصر لو حضرتك حابب تستفسر على اى قطعة غيار خليجى انا تحت امرك،ثانياً:الضمان ومراكز الصيانة بتبقى مقتصرة على عملاء المعرض والكلام ده مش فى سونستا بس ده فى كل حتة.

[Eng.Sameh]

هو للاسف يا استاذ bedoالمازدا المواصفة الاوروبى مالهاش اى قطع غيار لان العربية دى غير مناسبة لمصر لو حضرتك حابب تستفسر على اى قطعة غيار خليجى انا تحت امرك،ثانياً:الضمان ومراكز الصيانة بتبقى مقتصرة على عملاء المعرض والكلام ده مش فى سونستا بس ده فى كل حتة.

بالمناسبة .. المازدا المواصفات الأوروبي دي هي اللي كانت نازلة من فترة بسعر قليل عن الطبيعي ولما خلصت العربية رجعت لسعرها الطبيعي ، وسعرها كان نازل كده عشان هي غير ملائمة لمصر اصلا ، الكلام ده مظبوط ولا لأ ؟؟؟ لأنه اتثالي من اكتر من معرض وانا بشتري ، وعشان كده جبت الخليجي اغلى ؟؟

وبردو متهيألي مهما كان الأختلاف ، مش هيكون لدرجة ان ميكونش ليها اي قطع غيار لأن اكيد معظم القطع مشتركة ولا أيه ؟؟؟

[mazdamazda]

كلامك تمام جدا يا justs لأن كفاية اسمها "مازدا3 اوروبى" هل الجو بتاع اوروبا وشوارعها زى شوارعنا؟! اكيد لأ طبعاً
هو آه فى قطع غيار مشتركة بس فى قطع تانية مش مشتركة زى قواعد الموتور والعربية كمان نازلة ب8ايرباج يعنى حرام اوى انه يغرم مبلغ كبير فيها وكمان العربية مابتنفعش هنا فى الجو ده .كلامك صح.


يللا يا جماعة فين الاسئلة؟؟؟؟؟

[mazdamazda]

وعلى فكرة يا جماعة معظم المستوردين اللى بيضمنوا العربية دىمش بيدخلوا اى عربية او يبيعو اى قطعة غيار لعربية غير عربيتهم.

[Eng.Sameh]

كلامك تمام جدا يا justs لأن كفاية اسمها "مازدا3 اوروبى" هل الجو بتاع اوروبا وشوارعها زى شوارعنا؟! اكيد لأ طبعاً
هو آه فى قطع غيار مشتركة بس فى قطع تانية مش مشتركة زى قواعد الموتور والعربية كمان نازلة ب8ايرباج يعنى حرام اوى انه يغرم مبلغ كبير فيها وكمان العربية مابتنفعش هنا فى الجو ده .كلامك صح.


يللا يا جماعة فين الاسئلة؟؟؟؟؟

يعني افهم من كلامك ان الأختلاف في ايه ؟؟

في العفشة مثلا عشان اختلاف الطرق ؟
ام في نظام التبريد عشان اختلاف الحراره ؟؟

وايه حكاية قواعد الموتور ؟ يعني ايه الأختلاف فيها ؟؟

وهل فيه اي اختلاف في الموتور ؟؟

يا ريت تقولي الأختلافات الفنية في ايه ؟؟ ويا ريت يكون كلام خالي من الدعاية أو التحيز للخليجي ، لأني بسألك كعضو معانا المفروض انه فاهم قوي في المازدا ، مش بسألك بصفتك عضو في سونستا ، متهيألي فاهمني

[mazdamazda]

فى البداية انا احب اوجه نظرك لنقطة معينة وهى انى لو اقصد دعاية كنت سيبت رقم تليفونليا او ايميل ليا بس انا عامل التوبيك ده علشان ارد على استفسارات اى حد شخص بما فيهم حضرتك.
ثانياً:بالنسبة لنظام التكييف هو فعلاً بيختلف لأن استحال درجة الحرارة فى اوروبا هاتكون زى مصر ده بديهى ومش محتاج حد فاهم زى مابتقول.
ثالثا بالنسبة للموتور وقواعده: الموتور مش بيختلف بس فى نوع من القواعد غير القواعد بتاعة الخليجى.
ورابعاً : وده الاهم انا مش بنزل من قيمة الاوروبى هى عربية جميلة جدا بس فى غير مصر لكن فى مصر ماظنش انها هاتبقى بنفس كفائتها فى اوروبا واعتقد ان حضرتك فاهم كده كويس ومتشكرين على اسلوبك الجميل.


مــــصــــــــــطـــــــــفــــــــى ســــــــرور

[Eng.Sameh]

فى البداية انا احب اوجه نظرك لنقطة معينة وهى انى لو اقصد دعاية كنت سيبت رقم تليفونليا او ايميل ليا بس انا عامل التوبيك ده علشان ارد على استفسارات اى حد شخص بما فيهم حضرتك.
ثانياً:بالنسبة لنظام التكييف هو فعلاً بيختلف لأن استحال درجة الحرارة فى اوروبا هاتكون زى مصر ده بديهى ومش محتاج حد فاهم زى مابتقول.
ثالثا بالنسبة للموتور وقواعده: الموتور مش بيختلف بس فى نوع من القواعد غير القواعد بتاعة الخليجى.
ورابعاً : وده الاهم انا مش بنزل من قيمة الاوروبى هى عربية جميلة جدا بس فى غير مصر لكن فى مصر ماظنش انها هاتبقى بنفس كفائتها فى اوروبا واعتقد ان حضرتك فاهم كده كويس ومتشكرين على اسلوبك الجميل.


مــــصــــــــــطـــــــــفــــــــى ســــــــرور

مش عارف أنا حاسس انك زعلت من كلامي مع انه مفيهوش حاجة تزعل ،

بس أنا فعلا كنت عاوز افهم من حد زي حضرتك متخصص ، لأن اللي كان بيقولي على الأوروبي كان بيحذرني منها وكأني هرمي فلوسي في الأرض وان العربية هتكون حاجة تانية خالص غير الخليجي ، ورغم اني ما كنتش فاهم السبب التفصيلي الفني بس اشتريت الخليجي أضمن رغم انها اغلى ، اينعم فارقة في ان فيها بصمة واسبويلر ودول مش قليلين بس بردو التانية فيها ايرباجز اكتر وكمان وحدة رفع ؟؟؟

يا ريت يكون قصدي واضح لحضرتك !!

وليه عند حضرتك سؤال ، هل يمكن تركيب وحدة رفع اوريجينال ، وتكلفتها كام ؟

[blazer]

اسعار العربيه موديل 2010 غاليه جدا جدا جدا

[mazdamazda]

انا بجد اللى آسف لو كنت حضرتك فهمت كلامى غلط بس انا قصدى انى اوضح مش اكتر .

أما بالنسبة لوحدة الرفع فللأسف فى مش موجود منها الاصلى لانها مابتنزلش اصلاً فى مصر لكن فى ناس بتركب الححاجت دى وبتبقى مضمونة حبتين فلو حضرتك حابب تعرف مين اللى بيركبه قوللى وانا تحت امر حضرتك.

اما بالنسبة للايرباج انا واثق ان 2 ايرباج بيحققلك الامان والتوفير الكافى يعنى لا قدر الله لو حصل اى حاجة والايرباج اتفتح منه هايحميك ومنه مش هيكلفك كتير زى ما اكتر من اتنين يفتحو صح ولا ايه؟

مـــــــصــــــــطــــــــــفـــــــــى ســـــــرور

[mazdamazda]

هو الغلو فى السعر ده بسبب زيادة فى بعض الكماليات فى (v.sport)والشكل طبعاً والعربية من جوه مختلفة تماما.

مــــــــــصـــــــــــطــــــــــــــــفـــــــــ ــــى ســــــــــــــــــرور

[blazer]

انا بجد اللى آسف لو كنت حضرتك فهمت كلامى غلط بس انا قصدى انى اوضح مش اكتر .

أما بالنسبة لوحدة الرفع فللأسف فى مش موجود منها الاصلى لانها مابتنزلش اصلاً فى مصر لكن فى ناس بتركب الححاجت دى وبتبقى مضمونة حبتين فلو حضرتك حابب تعرف مين اللى بيركبه قوللى وانا تحت امر حضرتك.

اما بالنسبة للايرباج انا واثق ان 2 ايرباج بيحققلك الامان والتوفير الكافى يعنى لا قدر الله لو حصل اى حاجة والايرباج اتفتح منه هايحميك ومنه مش هيكلفك كتير زى ما اكتر من اتنين يفتحو صح ولا ايه؟

مـــــــصــــــــطــــــــــفـــــــــى ســـــــرور

اعترض معاك
هو الواحد هيحسب انه لو حصلت حادثه لا قدر الله والأيرباج اتفتح هيكلفنى كام!

[mazdamazda]

هو انتا ما سمعتش عن واحد وهو ماشى فى الشارع بكل بساطة العربية خبطت فى غطاء بلاعه الاتنين ايرباج اتفتحو من غير مايعمل اى حاجة وغيرنالو الاتنين ايرباج كل ده بسبب غطاء بلاعة،طب تخيل كده لو كانوا اكتر من اتنين فتحو بسبب نفس المشكلة كان اكيد كان هايندم انه جابها اكتر من اتنين ايرباج .وعلى فكرة الاتنين ايرباج دول رقم ماحدش يستهون بيه لأنهم بيوفرو الحماية الكافية .