لأى استفسار عن المازدا 2010و2009(اسعار،مواصفات،قطع غيار)

[himaz]

وعلى فكرة يا جماعة معظم المستوردين اللى بيضمنوا العربية دىمش بيدخلوا اى عربية او يبيعو اى قطعة غيار لعربية غير عربيتهم.

انا بختلف معاك فى الكلام ده يا مصطفى , المستورد الوحيد اللى اعرفه بيمنع دخول عربية غير عربياته هو سونستا

المستورد الاخر ( Smart car ) بيسمح بكدة عادى و انا شايف ان دى ميزة بيقدمها المستورد ده سواء ليهم كمركز صيانة او لملاك المازدا 3 بصفة عامة

[mazdamazda]

تمام بس انا ماظنش ان مركز سمارت مع احترامى ليهم بنفس كفاءة مراكز سونستا .د

وسبب منع دخول عملاء غير عملاء سونستا هو للحفاظ على حق العميل المشترى من سونستا يعنى مثلا لو فى المركز اللى تبع سونستا موتور قطعة معينة واحدة ومافيش غيرها حالياً وفى اتنين عايزنها منهم واحد شارى العربية من سونستا والتانى شارى العربية من حتة تانية اكيد عميل سونستا هايكون اولى انه ياخد القطعة دى.
وبعدين سمارت كار بياخدو 2000 جنية كمجرد اشتراك مش اكتر واى قطعة تانية انتا اللى بتدفع تمنها .
لكن الوضع بيخيلف فى سونستا العميل لوالقطعة اللى باظت منه بتبقى من ضمن عيوب الصناعة بيستبدلها فورا وبدون اى رسوم وهى دى الميزة اللى بتقدمها سونستا موتورز لعملاءها.

[blazer]

ممكن نفس العربيه تدخل فيها عربيه من الجمب برده وعدم وجود الايرباج الجانبيه هيأذى جامد

[Eng.Sameh]

تمام بس انا ماظنش ان مركز سمارت مع احترامى ليهم بنفس كفاءة مراكز سونستا .

انا بصراحة روحت سمارت وهما ممتازين ، واصلا معظم التوكيلات الرسمية للعربيات التانية بتدخل العربيات الخليجي عادي لأن هما كده برضوا مستفيدين من المصنعية وقطع الغيار ، ولو سونستا عملت كده هية اللي هتكون مستفيدة وبالعكس كمان ده المفروض ان المراكز تتنافس بتقديم خدمة افضل عشان يجذبوا العربيات تعمل عندهم الصيانة لأنهم كده بيستفيدوا منها ، ولا عشان سونستا ملهاش مركز خاص وعربياتها بتعمل صيانة عند يس ؟؟؟

[mazdamazda]

سونستا متعاقدة مع 3 مراكز صيانة وال3مراكز دول سونستا مديالهم التعليمات انهم مايدخلوش اى عربية غير عربتهم

[Eng.Sameh]

سونستا متعاقدة مع 3 مراكز صيانة وال3مراكز دول سونستا مديالهم التعليمات انهم مايدخلوش اى عربية غير عربتهم

بصرف النظر .. بس انت شايف مين اللي خسران .. ماهو الناس هتعمل بره عادي !!!

[bedo13]

هو انتا ما سمعتش عن واحد وهو ماشى فى الشارع بكل بساطة العربية خبطت فى غطاء بلاعه الاتنين ايرباج اتفتحو من غير مايعمل اى حاجة وغيرنالو الاتنين ايرباج كل ده بسبب غطاء بلاعة،طب تخيل كده لو كانوا اكتر من اتنين فتحو بسبب نفس المشكلة كان اكيد كان هايندم انه جابها اكتر من اتنين ايرباج .وعلى فكرة الاتنين ايرباج دول رقم ماحدش يستهون بيه لأنهم بيوفرو الحماية الكافية .

معلش يا أ.مصطفى بس السنسور بتاع الايرباج الي في الجنب بيبقى في الباب مش مع التاني؛ و 8 ايرباج اكتر امان من 2 مثلا لاقدر الله لو العربية اتقلبت الاتنين الي قدام مش هايفتحوا ولو فتحوا مالهومش لازمة صح ولا اية؟
وبعدين العربية معايا ليها 4 شهور(فترة الصيف يعني) ولا سخنت ولا حاجة والتكيف تلاجة وكمان فيها اوبشن زيادة عن الايرو زي مثلا dsc ودة مهم جدا

[bedo13]

كمان الاوروبي فيها ميزة جامدة جدا ان الايرباج بتاع الراكب الامامي ليها سنسور يعني لو دخلت في غطا بلاعة هيفتح واحد بس مش اتنين يعني اوفر وكمان ممكن تقفلو خالص(لو راكب جنبك واحد ما تعرفوش مثلا_
كمان فيها وحدة رفع وخفض و4 زجاج اوتو مش السواق بس و CD Changer و ابانوس اسود في الباب و فرش داخلي احلى(اسود منقط احمر) و 2 ريموت و 3 مسند رأس خلفي والحزام الي في النص ورا من نوع الكتف(3نقاط تثبيت)وممكن تفكه لو مضايقك و كرسي السواق بيتحرك في 8 اتجاهات وفتحات تكيف للأرجل في الخلف و نور في الشماسات و AUX ومخرج 12 فولت ونور ضباب خلفي دة غير DSC وTCS و كل دة و مافيش فرق في الاداء ولا التكيف ولا السخونة ودة عن تجربة مش اي كلام بس هيا ناقصة السبويلر و البصمة و ب
133000
ها إقتنعت يا أ.مصطفى ولا لسة؟
طب قولي حضرتك اجيب دي ولا الي عندكو وكانت ايامها 138000؟
كمان عندي سؤال عندكوا في بضمان و من غير ضمان والفرق 2000ج اية معناها؟

[ahmed4000]

من غير جدال الايرباجز الاكتر اكيد افيد مع احترامى للاخ الفاضل
والا مكنتش تويوتا ورينو وغيرهم عاملين 7 و8 ايرباج فى العربية
وفى حد كان بيحكى هنا ربنا يعافينا لما عمل حادثة وازاى الايرباج الجانبية حمته

سؤالى عن المازدا الجديدة هى بتبدا من 155 الف؟ اومال اللى بشوفها ب 146 الف دى ايه؟ ولا من غير ضمان؟

سؤالى تانى بس مش للاخ الفاضل
هو ليه غبور مطنش العربية الرهيبة دى؟ يعنى العربية ملهاش توكيل ومنتشرة والناس بتشتريها طيب ليه مفكرش يشتغل فيها
ومعتقدش ان ف منافسة بينها وبين الهيونداى لانها فى فئة تانية خالص

[tarans2000]

2ana baheb 2el car deh gedan bas i think 2enaha watya ya3ni bethok fe 2el metbaaaat w 2asma3 2en ket3 3'eyarha
so sexpensive
fa3lan 2el kalam dah sa7????

[mazdamazda]

رد على اسئلة الاخوة الكرام

السلام عليكم.

اولا انا بشكر كل اللى اهتم بالتوبيك ده و سئل.

اما بالنسبة للاخ اللى بيقول ان العربية اللى هى بالمواصفات الاوروبية ماشتكاش منها خالص وانا متفق معاه لحد دلوقتى بس فى نقطة بسيطة انا حابب اوضحها:مش غريبة حبتين ان يكون فى عربية اقل من سعر السوق بكتير وفيها كماليات اكتر؟؟؟؟؟.اكيد الموضوع ده فيه حاجه ده نمرة واحد .تانى نقطة طيب المستورد اللى باع العربية ليه مادالكش ضمان حتى فى اى حتة ؟؟؟؟ صدقنى انا مش بقلقك من العربية بس انتا دلوقتى لو قدامك اى مركز صيانة محترم هايقبلها ارجوك روحله فوراً واتعاقد معاه لأن ممكن مشاكلها تظهر على المدى البعيد او القريب.وشكراً.


اما بالنسبة للأخ الكريم اللى بيقول ان العربية دى واطية على الارض هو الصراحة فى ناس كتير اتكلمت فى موضوع الوطو بتاعها لكن لحد دلوقتى انا مالقيتش غير عدد محدود من الناس هو اللى اشتكى انها بتحك فى المطبات وعلى فكرة العربية دى ارتفاعها عن الارض ~14.5سم همال السيفيك بقة تبقى عاملة ايه على الارض؟؟؟؟؟


وبالنسبة للأخ اللى بيسأل عن الفرق 2000 بتوع الضمان معناها ان العميل اللى بيشترى العربية دى من عندنا لو حابب انه ياخدها بضمان هانبيعهاله ولو مش حابب ياخدها بضمان هاننزله فيها 2000جنيه.انا مش هاقدر اجبر العميل انه ياخد حاجة مش حاببها.


اما بالنسبه للفرق اللى فى السعر دهبيكون علشان الضمان وكمان فى حاجة تانية اختلاف البلد اللى بنشترى منها العربية بيفرق فى السعر.

[makavelimorsy]

أستاذ مصطفى أنا كنت جايب من عندكم العربية شهر ٢ الي فات خلجي كنت ب-١٢٦ ٠٠٠ والتأمين كنت دفع عندكم كمان معقول تغلى كدا..... الحمد لله اني لحقت نفسي ..... وفين حاجات المازدا ٦ ؟؟؟؟؟ كلمنا عنها يا ريت .. علشان أنا إنشاء الله ٥ سنن كدا وأجي عندكم أخلص فيها d:

[makavelimorsy]

كمان سؤالين معلش ... بالنسبة لل-aux اه الحل ال من الأخر ووجهة نظر حضرتك علشان يتركب ؟؟؟؟وبالنسبة للتكيف لو حبيت أخليه زي الفل اوبشن touch يعني هل لها حل ؟؟؟ وبالنسبة ل موضوع كمان الجنط ال-١٦ بكم دلوقتي عندكم؟؟؟ وال-١٧ بتاعها أو ١٧ على نفس المقاس بتاع الكتلوج هل حيضر بالعفشة؟؟؟؟ معلش طاولت عليك أنا عارف

[bedo13]

السلام عليكم.


اما بالنسبة للاخ اللى بيقول ان العربية اللى هى بالمواصفات الاوروبية ماشتكاش منها خالص وانا متفق معاه لحد دلوقتى بس فى نقطة بسيطة انا حابب اوضحها:مش غريبة حبتين ان يكون فى عربية اقل من سعر السوق بكتير وفيها كماليات اكتر؟؟؟؟؟.اكيد الموضوع ده فيه حاجه ده نمرة واحد .تانى نقطة طيب المستورد اللى باع العربية ليه مادالكش ضمان حتى فى اى حتة ؟؟؟؟ صدقنى انا مش بقلقك من العربية بس انتا دلوقتى لو قدامك اى مركز صيانة محترم هايقبلها ارجوك روحله فوراً واتعاقد معاه لأن ممكن مشاكلها تظهر على المدى البعيد او القريب.وشكراً.


.

شكرا يا أ.مصطفى وان انشاء الله هاتغاقد مع مركز صيانةز
ممكن تقولنا اسعار قطع الغيار كام؟ تيل الفرمل, فلتر زيت , والحاجات اللي بتتغير كتير
و ياريت تقولنا ممكن الي عربيته مش من عندكو يشتري قطع غيار عادي؟ و هيكون في فرق في السعر ولا ايه؟

[bedo13]

كمان سؤالين لو سمحت:
1-ازاي في فرق في قواعد الموتور مع انه نفس الموتور ونفس احوض بالظبط(في الكاتالوج)؟
2-ممكن اركب مثبت السرعةفي الشكل القديم؟ (الاوبل بيركب عادي في التوكيل)