اشترى المكواة و الا الكريستاله

[r_m81]

السلام عليكم يا اجمد منتدى
انا كنت عاوز اشترى عربية جديدة و محتار بين لانسر المكواة و الكريستالة
فياريت خبراء المنتدى يعملوا لى مقارنة بين الاثنين
من حيث توافر قطع الغيار و خاصة فى المنصورة و استهلاكها فى البنزين و الثبات على الطريق و كام حصان و اقصى سرعة ليها و متوسط السعر
و ياريت الرد بسرعة

[Mostafa Taher]

الكريستالة يا شقيق

اركب الكريستالة

[zoro007]

بس الكرستاله والمكواه مش جديد ؟
موديلات من 98 لحد 2003 تقصد هتشترى مستعمل ؟

بالنسبه للنصيحه فالمكواه افضل لكن بالنسبه لك حسب امكانياتك يعنى معاك فلوس اد ايه

لان المكواه اغلى من الكرستاله بفرق سعر يعتبر عالى

لو مش فارق معاك الامور الماديه فتوكل على الله وهات مكواه بالتأكيد

حيث مميزات المكواه عن الكرستاله افضل فى الشكل داخل العربيه وخارجها ومعاصرة العربيات الحديثه وسحبها اسرع

وعلى كل الاحوال العربيتين لاغبار عليهم ممتازين فى كل شىء

لكن المشكله انك تلاقى مكواه مستعمله اساسا لان العربيه دى قليله جدا انك تلاقيها فى واحد صديقى بقاله شهرين بيدور على مكواه مستعمله ومش لاقى حد بيبيع ويوم ميلاقى حد بيبيع بيكون ضارب سعر عالى فوق ال 64 الف ومش بيرضى ينزل

انا اعرف ان بتوع المنصوره بيحبوا العربيه دى جدا ومش بيفرطوا فيها بسهوله :)

[د.محمود صلاح]

كل محافظة تلاقى فيها نوع منتشر عن التالى وده راجع لعدة عوامل

[twincam]

كريستالة وش
نتا في اي بس
عالم تاني

[temokemo]

يا باشا العربيتن عشرة علي عشرة بس كل عربية لها مميزات وعيواب وفي فرق كبير بين العربيتن في حاجات كتير وعلي فكرة الكرستالة كانت مع واحد قريبي وانا كنت علي طول باركب العربية دي وكنت عايز اجيب كرستالة بس اشتريت مكواة اهم مميزات كل عربية
اولا الكرستالة عربية شكلها كويس سحبها معفول مساحته من جوة معقولة ثابتها ممتاز قطع غيارها متوفرة وسعرها كويس بس يعيبها انها واطية جدا ودي اكتر عيب فيها لكن في مجملها عربية ممتازة جدا بس اهم حاجة الحالة وسعرها دلوقتي معقول جدا
اما المكواة فالعربية مختلفة في الشكل عن الكرستالة خالص اولا الشكل الخارخي اشيك الصالون الداخلي اوسع هوهو البومة التابلوة اسيك من الكرستالة العربية اعلي بكتير من الكرستالة بس يعيبها الثابت وقطع غياره متوفرة بس غالية شوية وسعر العربية غالي شوية
شوف امكانات حضرتك واختار وربنا يكرامك بحاجة كويسة ولو حضرتك عايز تسال عن اي حاجة عن المكواة انا تحت امرك

[A7MED_PHARMA]

المكوه هايله هايله
[IMG][/IMG]

دي عربيتي المكوه..

بس لو احتجت قطع غيار ..يمكن تلف عليها شويه ..عموما هيا قطع غيارها تقريبا نفس قطع غيار البومه

[zoro007]

بس لو احتجت قطع غيار ..يمكن تلف عليها شويه ..عموما هيا قطع غيارها تقريبا نفس قطع غيار البومه

اهلا ابو حميد احترم وجهة نظرك بالتأكيد لكن انا شايف عكسها فى المنصوره والقاهره

المنصوره فيها قطع غيار متوافره وليها ناس متخصصين كتير
والقاهره برضه ليها قطع غيار فى كل مكان عن تجربه مسبقه بالتأكيد فى المنصوره والقاهره واسعار قطع غيارها بالنسبه للكرستاله مش عاليه كتير فرق بسيط مش مستاهل

[ali.mahmoud]

المكوه طبعا

[sherif4004]

يا جماعه يعنى متوسط سعر الكرستاله كام والمكوه كام

[A7MED_PHARMA]

يا جماعه يعنى متوسط سعر الكرستاله كام والمكوه كام

للحالات النضيفه...
الكريستاله بين 45 - 50
المكوه بين 58 - 65
انا شفت مره مكوه اتباعت قدامي 2003
فتحه سقف وفل اوبشن
صاحبها كان ماسك ع الـ 65 الف منزلش مليم واحد
بس كانت جامده كحت

[sherif4004]

للحالات النضيفه...
الكريستاله بين 45 - 50
المكوه بين 58 - 65
انا شفت مره مكوه اتباعت قدامي 2003
فتحه سقف وفل اوبشن
صاحبها كان ماسك ع الـ 65 الف منزلش مليم واحد
بس كانت جامده كحت

شكرا للافاده ياباشا

[masterzmind]

هى الكريستالة الواحد عارف المواتير الى بتسقط فيها طاب المكوة انا معرفش عنها اوى حاجة خالص ولة حتى بشوفها متظبطا خالص اما الكريستالة مش عاوز اقولك كيف الشباب

[ahmed-moga]

هى الكريستالة الواحد عارف المواتير الى بتسقط فيها طاب المكوة انا معرفش عنها اوى حاجة خالص ولة حتى بشوفها متظبطا خالص اما الكريستالة مش عاوز اقولك كيف الشباب

طب والبومة 1300 الأتوماتك ياباشا ينفع اسقط فيها ماتور 1600 بفتيس ستربتونك ولا هايبقي فيها مشاكل معها والمرور هايرضي يرخصلي وياتري الموضوع دة لو ينفع يتكلف كام

[zoro007]

هى الكريستالة الواحد عارف المواتير الى بتسقط فيها طاب المكوة انا معرفش عنها اوى حاجة خالص ولة حتى بشوفها متظبطا خالص اما الكريستالة مش عاوز اقولك كيف الشباب

سبب قلة انك تشوف المكواه متظبطه كالتالى :
العربيه تعتبر سعرها عالى فصعب تلاقى شاب يشترى عربيه ب 60 الف ويظبط فيها من ناحية تقطيع فى الرفارف او الكبوت لان كل دا بيقلل تمنها اما الكرستاله فمش فارقه العربيه تجبها حاله عاديه ب 40 الف وقطع براحتك
المكواه معطم اللى مظبطنها بيكون عتب وزوايد اكصدام وجنوط وممكن اسبويلر وعلى كدا

ودى صور المكواه متظبطه على خفيف







العربيه زى مذكرت سعرها يعتبر عالى يوم متصرف عليها تظبيط من اللى فى دماغك مش هيقل عن 10000 جنيه يبقى العربيه وقفت على 70 الف وأكتر :)