اشترى المكواة و الا الكريستاله

[zoro007]

والله ياباشا دي امزجة
العربيات زي المزيكا وكل واحد ودماغو
بس عايز اقولكانابويامعاه بوما اما بسوقها بحس انانا مش مبسوططول الطريق ومش مرتاح
كريستالة في رايي سبورتلي اكتر بكتير جدا وايحاجة بسيطة فيها مش عجباك ممكن بشوية فلوس قليلة تظبطها تبقى راكب حاجة تحفة
انا مثلا مسقط موتور 1500 2 كامة وجايب عفشة كي واي بي كل ده ب5 بواكي
عايز اقولك ان انا بطلع على الطريق غرز 180 190 ولا اي حاجة وتجميع جبار وسحب جباروستايل قعدة جبار مبعرفش بعديه اركب اي عربية تانية وخصوصا لو عالية زي المكواة او البوما

بحترم وجهة نظرك أكيد مفيش مشكله

وانا مش ضد الكرستاله للعلم انا بفضل الكرستاله عن البوما وبحبها اكتر منها

لكن انته بتقول بشويه فلوس هتظبط وتعمل حركات فى العربيه ... المقارنه دايما بتبقى خاليه من العربيات المتظبطه

فانته مسقط ليها ماتور ومظبطها دى حاجه تانيه لما تحب تقارنها اكيد هتقارن بمكواه مثلا متظبطه برضه ومتعدله ووقتها هتلاقى المكواه بتفوها فى التقدير

دايما هتلاقى الكرستاله عربيه بتتظبط كتير عن المكواه لان المكواه فعلا سعرها غالى صعب حد يشتريها ويصرف عليها تظبيط وخصوصا لو هيبقى تظبيط يقلل تمن العربيه زى تغيير رفارف او تقطيع الكبوت وعمل فتحات تهويه وخلافه
فممكن ب 38 الف جنيه تجيب كرستاله حاله ليست جيده وتقطع فيها براحتك وتظبط اللى هتظبطه مش هتصرف كتير ويبقى انتا حاسس ان كدا كدا العربيه كانت تعبانه فمش فارق فيها تبويظ :)

وفى الاول والاخر الناس ازواق اكيد وكل واحد لازم يحترم زوق التانى

[mmffor]

انا مش بيعجبني شكل المكوة بصراحة من اسوأ الموديلات اللي عملتها ميتسوبيشي في الشكل اما الاداء نعروف ان المكوه اداءها اعلى و صالونها افخم و أوسع و مريحة اكتر. الخلاصة المكوة عائلية و للاستعمال الراقي انما الكريستاله للشباب. بس المشكلة ان اللي معاه كريستاله بيستهبل في سعرها. انا فاكر 1999 كانت بتتباع فل اوبشن زيرو ب 58 الف و اوتوماتيك كمان. والله شاهد و اللي فاكر ساعتها عارف كده دلوقتي اللي بيبيع بيطلب 55 الف!!!!!!!!!!!!:b4_611:

[zoro007]

انا مش بيعجبني شكل المكوة بصراحة من اسوأ الموديلات اللي عملتها ميتسوبيشي في الشكل

لولا تعدد الازواق لبارت السلع :)

[mmffor]

هي فعلا ازواق في الاول و الاخر و لكن المحصلة الجوده متقاربة بس الاحدث يكسب

[mahmoud_tito]

يا جماعه انا كنت عايز اشترى لانسر كريستال موديل 99 او 2000 متزدش عن 50 الف لو فى حد قدامه حاجه كويسه ويعرف صاحبها ياريت يبقى يقول

[man_hero]

انا كمان يا شباب عاوز اشتري كريستالة 99 او 2000 كاملة اتوماتيك
حالتها كويسة - وياريت تكون 1500cc عشان سحب الاتوماتيك
اللي يعرف حد عنده عربية بالمواصفات دي يا ريت يكلمني علي موبيلي 0106256566

[dr-mohamed]

يعني ايه كاملة ؟؟؟؟
تقصد بيها ايه ؟؟؟؟؟

[man_hero]

يعني تكييف - باور - زجاج كهرباء - مرايات كهرباء - سنتر - ريموت
لو فيه كماليات تانية يبقي كويس

[mr_vampire]

انا انصح بالمكواة طبعاااااااااااااااا مع احترام راي الشباب اللي بيقول الكرستالة لانها فعلا اختلاف ازواق بس بالعقل كدة ادفع فلوس في عربية تكون الا حد ما معاصرة وقريبة من العربيات الجديدة في الشكل والكماليات والصالون. وانا هنصح صاحب الموضوع بحاجة واحدة بسسسسسسسسسسس وبعدها هو اللي هيقرر ( بعد مايشوف حالته المادية هتسمح ولا ايه ) حاول روح لاي معرض عربيات مستعمل واركب جوا المكواة والكرستاة ولو عرفت تطلع تجرب العربيتين هتحس بفرق شاااااااااااااااااااااااسع في الراحة والركوبة نفسها جوا العربية وبعدها هتقرر بنفسك ( اعتقد بشدة انك هتختار المكوة ) لما تجرب تبقي تعرفني عملت ايه واختارت ايه وربنا يوفقك باللي تفرحك بيها.

[FunnyMickey]

انا بحب الكريستاله عن المكواه والشارك والايفو واي حاجه
ولو بعت الكريستاله مش حركب لانسر
حشوف حاجه تانيه
بجد والله مش مجامله
وده لو بعت الكريستاله اصلا
وانا شاري بتاعتي ب50

بس بردو دي اذواق

[seadaelbeda]

طيب بيقولوا ان الكريستاله بتاخد بنزين 80 وتمام قوى
انما انا سمعت برده ان المكواه بتاخد بنزين 80 وبتبقى معقوله ولا ايه رايكوا؟؟؟؟؟؟؟؟؟؟؟

[Medo.Malek]

طيب بيقولوا ان الكريستاله بتاخد بنزين 80 وتمام قوى
انما انا سمعت برده ان المكواه بتاخد بنزين 80 وبتبقى معقوله ولا ايه رايكوا؟؟؟؟؟؟؟؟؟؟؟

بص هيا هاتاخد مش هاتقول لا(المكوة) بس هاتقرفك فى الصيانة بتاعتها و كل شوية فلتر و تنضيف رشاشات و وجع دماغ انت فى غنا عنه لكن الكرستاله صحبى معاه العربية و ما بيحطش غير بنزين 80 و العربية سحبها كويس ومشتكتش لحد دلوقتى (بقالها حوالى سنتين ماشية على ال 80 ) و كمان بيجيب على الغيار التانى 100!! و بتبقى عايزة تجيب اكتر !!

[mr_vampire]

انا بس عايز اصحح حاجة بسيطة ان المكوة كاربراتير يعني مفيش فيها رشاشات او بخاخات زي مابيقولو عليها لان ده في الانجكشن بسسسسسسسس. وللعلم لو فتحت موتور مكوة جنب موتور كرستالة هتلاقيهم زي بعض بالظبطططططططط الا في حاجات بسيطة جدا لا تذكر. وعلي فكرة برده المكوة بيتحطلها 80 وبتقولش لاء بس ممن تلاقيها ترعش معاك شوية فالسواق الصح ميغريش كتير غير عند الضرورة يعني يشبع الغيار لحد اخره ( عند 3 او 3.5 علي ال rpm ) هتحس ان الموتور علي شوية فتغير. فممكن يكون الصيانة بس في الفلتر بتاع البنزين وده ب ( 30 جنيه ) ومتهيالي ده بسيطة اوي بالنسبة للتوفير اللي هتوفره في البنزين والله اعلي واعلم ولوة فيه حد من الشباب عنده خبرةاو تجربة في حوار 80 للمكوة ياريت يفيدنا.

[Medo.Malek]

انا بس عايز اصحح حاجة بسيطة ان المكوة كاربراتير يعني مفيش فيها رشاشات او بخاخات زي مابيقولو عليها لان ده في الانجكشن بسسسسسسسس. وللعلم لو فتحت موتور مكوة جنب موتور كرستالة هتلاقيهم زي بعض بالظبطططططططط الا في حاجات بسيطة جدا لا تذكر. وعلي فكرة برده المكوة بيتحطلها 80 وبتقولش لاء بس ممن تلاقيها ترعش معاك شوية فالسواق الصح ميغريش كتير غير عند الضرورة يعني يشبع الغيار لحد اخره ( عند 3 او 3.5 علي ال rpm ) هتحس ان الموتور علي شوية فتغير. فممكن يكون الصيانة بس في الفلتر بتاع البنزين وده ب ( 30 جنيه ) ومتهيالي ده بسيطة اوي بالنسبة للتوفير اللي هتوفره في البنزين والله اعلي واعلم ولوة فيه حد من الشباب عنده خبرةاو تجربة في حوار 80 للمكوة ياريت يفيدنا.

شكرا على التصحيح

[Haitham10]

المكواة ركوبتها اعلي بكتير من الكريستاله بصراحه
صالونها واسع اوي عنها ومريح في كراسيه
الباور افضل بكتير اوي
العربيه عاليه عن الارض زي البومة
العربيه فمجملها اعلي من الكريستاله من مجرد ماتركبها هتحسها بومة وبس
فالمقارنة صعبه يعني انما شكل وشها من قدام مش اد كدة بصراحه بالشبكة الي مبوذه دى