عاوز فوانيس بومة فامية اجيبهم منين ؟؟؟؟؟

[solycar]

حد يعرف الفوانيس الامامية الفاميه بتتباع فين و بكام؟؟؟

[أبو إياد]

موجود منها الديبو ب 200ج للفانوس فى التوفيقيه

[solycar]

موجود منها الديبو ب 200ج للفانوس فى التوفيقيه

اولا الف شكر على الرد السريع


بس يعنى ايه ديبو و صناعتهم ايه ؟؟؟

[أبو إياد]

ديبو ده نوع الفانوس
مفترض انه كورى بس هتلاقيه تايوانى

[solycar]

ديبو ده نوع الفانوس
مفترض انه كورى بس هتلاقيه تايوانى

معلش هتقل عليك


احنا هنجيب 2 فهل هيبقى فى فرق بينهم او اللون هيغيير و يبقى شكله وحش او مش مطبعيين مع الكصدام و الشبكة

[ahmed_gouda]

ياباشا بدل ما تشتري فانوسين جداد و تركن الاصلي روح لا ي محل كماليات وقوله عايز افيم الفانوسين فاميه زبده وشوف الدرجه اللي انتي عايزها و حاتلاقيهم الاتنين حوالي 60 جنيه و ممكن تعمل اللي ورا كمان

[bmya]

معلش بس يا أحمد يعني ايه فاميه زبده اصل انا عايز اعمل الفوانيس عندي كده بس خايف تضعف الاضاءه قوي
فممكن تقولي يعني ايه فاميه زبده ؟؟
وهل ده يفرق عن فاميه الزجاج وبيأثر على النور ولا ايه مع العلم انا مركب زينون
لان الفانوس الاسموك اصلا مش بيبقى مغطي العاكس بتاع اللمبه وبالتالي مش بيأثر على النور على عكس الفاميه اللي هيغطي الفانوس كله من بره

[solycar]

ياباشا بدل ما تشتري فانوسين جداد و تركن الاصلي روح لا ي محل كماليات وقوله عايز افيم الفانوسين فاميه زبده وشوف الدرجه اللي انتي عايزها و حاتلاقيهم الاتنين حوالي 60 جنيه و ممكن تعمل اللي ورا كمان

مين ممكن يفيم الفوانيس ؟؟

[أبو إياد]

تمام بس المرور بيضايق فى الموضوع ده وانا مجربه
ثانيا الشكل والاضاءه هايكونوا مختلفين
ثالثا والاهم ياسلام لو الفوانيس بتاعتك اصليه هاتشيلهم وتحافظ عليهم

[M.Nasr]

طيب الفانوس الديبو ده تقفيله كويس وزى ما الاخ solycar بيسأل هل مطبع كويس على الشبكة والاكصدام ولا بيكون فيه فروقات زى الفانوس الصينى؟
انا اضطريت اركب فانوس صينى بس طبعا اى كلام والنور بتاعو ضارب لفوق ومسمار الرجلاش مفوت وتقفيل سىء جدا ومحتاج اغيره

[أبو إياد]

لما كان معايا البى ام ماكنتش بجيب غيره واكتر من واحد من اصحابى جابوه فى اللانسر وزيه زى الاصلى مافيش اى فروقات انما مع مرور الزمن بيغمق لونه ده بالنسبه للابيض

[M.Nasr]

لما كان معايا البى ام ماكنتش بجيب غيره واكتر من واحد من اصحابى جابوه فى اللانسر وزيه زى الاصلى مافيش اى فروقات انما مع مرور الزمن بيغمق لونه ده بالنسبه للابيض

يعنى اتوكل على الله واجيب الديبو ؟
مانا كده كده عايز اجيب الغامق منه اللى بيكون نازل فى السوبر اكشن
بس كده هاغير الاتنين الامامى ان شاء الله عشان يبقو زى بعض

[أبو إياد]

يعنى اتوكل على الله واجيب الديبو ؟
مانا كده كده عايز اجيب الغامق منه اللى بيكون نازل فى السوبر اكشن
بس كده هاغير الاتنين الامامى ان شاء الله عشان يبقو زى بعض

هى عربيتك لونها ايه ؟

[M.Nasr]

هى عربيتك لونها ايه ؟

لونها كحلى

[bmya]

يعنى اتوكل على الله واجيب الديبو ؟
مانا كده كده عايز اجيب الغامق منه اللى بيكون نازل فى السوبر اكشن
بس كده هاغير الاتنين الامامى ان شاء الله عشان يبقو زى بعض

على فكره السوبر اكشن بتبقى الفاونيس ابيض عادي
والفوانيس الخلفيه كمان مش بتكون عدسات لا بتكون عاديه
اللانسر الاسبورت الخليجي (مش السوبر اكشن) هي اللي بتكون فوانيسها سوده من قدام وعدسات من وره
ومع صحبي كده