عاوز فوانيس بومة فامية اجيبهم منين ؟؟؟؟؟

[M.Nasr]

على فكره السوبر اكشن بتبقى الفاونيس ابيض عادي
والفوانيس الخلفيه كمان مش بتكون عدسات لا بتكون عاديه
اللانسر الاسبورت الخليجي (مش السوبر اكشن) هي اللي بتكون فوانيسها سوده من قدام وعدسات من وره
ومع صحبي كده

يعنى مش هنختلف هى فعلا مش كل السوبر اكشن بتنزل فوانيس امامية غامقة
بس سؤالى كان على نوع الفوانيس الديبو كويس ولا لا

[bmya]

بص عموما الديبو دي موجوده من ايام ما كان معايا الكريستاله وهو تقريبا اشهر نوع موجود في السوق وهيعمل بفلوسه
بس اكيد خامته مش زي الاصلي بس معقوله على قد فلوسه

[M.Nasr]

الف شكرا يا باشا على الرد انا بردو هشوف سعر الاستيراد او خلع تأمين هيعمل كام ولو لاقيت الفرق مش كبير يبقى اولى من الديبو لأنه هيكون اصلى (المفروض يعنى )

[M.Nasr]

انا كنت عملت فيميه على الفوانيس من فترة وكان شكلها كويس بس عمليا النور كان ضعيف جدا لأنى مش مركب زينون وكمان مع الوقت الفيميه قشر من الحرف وبقى شكله وحش ودى صورة للفانوس لما اتفيم

[bmya]

انا بفكر اعمل الفاميه الخفيف ده عندي بس برده خايف من حوار ضعف النور ده
هو كلفك قد ايه الفاميه بتاع الفانوسين ده وياترى دي اخف درجه ولا في اخف من كده

[M.Nasr]

انا كنت عملت الفاميه قدام وورا من حوالى 3 سنين ب 60 جنيه فى شارع دمشق وكان شكله تحفة وفضل شكله كويس سنة تقريبا وبعد كده ابتدى يقشر ف شيلتو بس مشكلتو معايا كانت ضعف النور لانى مش مركب زينون ماعرفش بقا مع الزينون هيبقى كويس ولا هيضعف قوى بردو بالنسبة للدرجة اه فى اخف من كده درجة تقريبا

[ahmed_gouda]

معلش بس يا أحمد يعني ايه فاميه زبده اصل انا عايز اعمل الفوانيس عندي كده بس خايف تضعف الاضاءه قوي
فممكن تقولي يعني ايه فاميه زبده ؟؟
وهل ده يفرق عن فاميه الزجاج وبيأثر على النور ولا ايه مع العلم انا مركب زينون
لان الفانوس الاسموك اصلا مش بيبقى مغطي العاكس بتاع اللمبه وبالتالي مش بيأثر على النور على عكس الفاميه اللي هيغطي الفانوس كله من بره

ده فاميه بيتلزق زي الفاميه العادي بتاع الازاز كدا بس من بره مش من جوه و بيكون نوع تاني عشان مايتأثرش بالمياه وطبعا بيكون اغلي شويه و علي فكره قوه فيه منهم درجات شوف الدرجه اللي انت عايزها و خليه يركبهالك و بعدين انت قلقان من ايه مش انت مركب زينون؟؟ انا لو مكانك حاعمل كدا و فعلا هما بيقعدوا من سنه لسنه و نص و علي حسب الاستعمال و حاتكون اوفرلك

تمام بس المرور بيضايق فى الموضوع ده وانا مجربه
ثانيا الشكل والاضاءه هايكونوا مختلفين
ثالثا والاهم ياسلام لو الفوانيس بتاعتك اصليه هاتشيلهم وتحافظ عليهم

يعني المرور حايسيب الزينون و يتكلم علي الفاميه انا بصراحه محدش اتكلم معايا عليهم قبل كدا